| ᠪᠦᠭᠡ ᠴᠢᠮᠪᠠᠢ ᠬᠠᠳᠤᠨ - ᠬᠤᠩᠭᠢᠷᠠᠳ ᠠᠶᠢᠮᠠᠭ ᠤᠨ ᠠᠩᠴᠢᠨ ᠨᠣᠶᠠᠨ ᠤ ᠥᠬᠢᠨ᠃ ᠠᠩᠬᠠ ᠲᠦᠷᠦᠭᠦᠨ | ᠣᠷᠳᠣᠨ ᠳᠤ ᠣᠷᠣᠬᠤ ᠦᠶᠡ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠤ ᠲᠠᠲᠠᠪᠤᠷᠢ ᠬᠠᠳᠤᠨ ᠪᠠᠶᠢᠵᠤ ᠲᠠᠷᠡ ᠬᠤᠪᠢᠯᠠᠢ ᠬᠠᠭᠠᠨ ᠤ | ᠶᠡᠭᠡ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠬᠤ ᠪᠠᠷ ᠵᠢᠱᠢᠭᠳᠡᠭᠰᠡᠨ ᠬᠤᠨᠭ᠌ ᠲᠠᠶᠢᠵᠢ ᠴᠢᠩᠭᠢᠮ᠂ ᠮᠠᠩᠭᠠᠯᠠ᠂ ᠨᠣᠮᠣᠬᠠᠨ ᠵᠡᠷᠭᠡ | ᠭᠤᠷᠪᠠᠨ ᠬᠥᠪᠡᠭᠦᠨ ᠢ ᠲᠦᠷᠦᠵᠠᠢ᠃ 1262 ᠣᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠤ ᠭᠤᠣᠯ ᠣᠷᠳᠣᠨ ᠤ ᠬᠠᠳᠤᠨ ᠪᠣᠯᠵᠤ | ᠲᠡᠭᠦᠨ ᠲᠠᠢ ᠬᠠᠮᠲᠤ ᠲᠦᠷᠦ ᠶᠢᠨ ᠬᠡᠷᠡᠭ ᠢ ᠬᠠᠮᠲᠤ ᠪᠠᠷ ᠰᠢᠳᠭᠡᠭᠦ ᠪᠣᠯᠵᠠᠢ᠃ | ᠭᠦᠭᠦᠵᠢᠨ ᠬᠠᠳᠤᠨ - ᠬᠤᠩᠭᠢᠷᠠᠳ ᠠᠶᠢᠮᠠᠭ ᠤᠨ ᠬᠥᠮᠥᠨ᠃ ᠨᠢᠭᠡᠨ ᠡᠳᠦᠷ ᠬᠤᠪᠢᠯᠠᠢ ᠬᠠᠭᠠᠨ ᠠᠪᠠ ᠳᠤ | ᠭᠠᠷᠤᠭᠠᠳ ᠶᠡᠭᠡ ᠤᠮᠳᠠᠭᠠᠰᠤᠭᠠᠳ ᠠᠶᠢᠯ ᠡᠷᠢᠵᠦ ᠪᠠᠶᠢᠲᠠᠯᠠ ᠭᠡᠭᠦᠦ ᠰᠠᠭᠠᠭᠴᠢ ᠥᠬᠢᠨ ᠲᠠᠢ ᠤᠴᠠᠷᠠᠵᠤ ᠴᠡᠭᠡ | ᠤᠤᠭᠤᠬᠤ ᠭᠡᠵᠦ ᠭᠤᠶᠤᠬᠤ ᠳᠤ᠄ ︽ᠪᠢ ᠭᠠᠭᠴᠠᠭᠠᠷ ᠪᠠᠶᠢᠨᠠ ᠠᠪᠤ ᠡᠵᠢ ᠢᠷᠡᠭᠡᠳ ᠪᠣᠯᠤᠭ︾ ᠭᠡᠪᠡ᠃ ᠬᠤᠪᠢᠯᠠᠢ | ᠬᠠᠭᠠᠨ ᠶᠠᠪᠤᠬᠤ ᠭᠡᠬᠦ ᠳᠤ ︽ᠪᠢ ᠠᠳᠡ ᠭᠠᠭᠴᠠᠭᠠᠷ ᠪᠠᠶᠢᠨᠠ᠂ ᠴᠢ ᠭᠠᠭᠴᠠᠭᠠᠷ ᠢᠷᠡᠭᠡᠳ ᠶᠠᠪᠤᠪᠠᠯ ᠬᠥᠮᠥᠨ | ᠦᠵᠡᠬᠦ ᠳᠤ ᠮᠠᠭᠤᠬᠠᠢ ᠪᠣᠯᠣᠨᠠ᠂ ᠠᠪᠤ ᠡᠵᠢ ᠤᠳᠠᠬᠤ ᠦᠭᠡᠢ ᠢᠷᠡᠨᠠ︾ ᠭᠡᠪᠡ᠃ ᠠᠪᠤ ᠡᠵᠢ ᠨᠢ ᠢᠷᠡᠭᠡᠳ ᠴᠡᠭᠡ | ᠣᠯᠵᠤ ᠤᠤᠭᠤᠪᠠ᠃ ᠰᠡᠭᠦᠯᠡᠷ ᠨᠢ ᠬᠤᠪᠢᠯᠠᠢ ᠬᠠᠭᠠᠨ ᠬᠤᠨᠭ᠌ ᠲᠠᠶᠢᠵᠢ ᠴᠢᠩᠭᠢᠮ ᠳᠤ ᠪᠠᠨ ᠬᠠᠳᠤᠨ ᠪᠣᠯᠭᠠᠨ | ᠬᠥᠳᠡᠯᠮᠦᠷᠢᠴᠢᠨ ᠠᠷᠠᠳ ᠤᠨ ᠭᠠᠷᠤᠯ ᠲᠠᠢ ᠬᠥᠮᠥᠨ ᠢᠶᠠᠷ ᠬᠦᠦ ᠪᠠᠷᠢ ᠪᠤᠯᠭᠠᠵᠤ ᠭᠦᠭᠦᠵᠢᠨ ᠬᠠᠳᠤᠨ ᠭᠡᠵᠦ | ᠳᠠᠭᠤᠳᠠᠵᠠᠢ᠃ | ᠠᠶᠠᠷᠤᠭ ᠬᠠᠳᠤᠨ - ᠭᠢᠷᠠᠳ ᠠᠶᠢᠮᠠᠭ ᠤᠨ ᠪᠣᠷᠵᠢᠭᠢᠳ ᠣᠪᠣᠭᠲᠠᠨ᠃ ᠲᠠᠷᠡ ᠪᠣᠯ ᠦᠭᠡᠳᠠᠢ ᠬᠠᠭᠠᠨ ᠤ | ᠣᠮᠪᠣᠯᠣ ᠬᠥᠪᠡᠭᠦᠨ ᠬᠠᠶᠢᠳᠤ ᠶᠢᠨ ᠥᠬᠢᠨ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷ᠂ ᠦᠵᠡᠰᠭᠦᠯᠠᠩ ᠬᠥᠮᠥᠨ ᠠᠴᠠ ᠳᠠᠪᠠᠵᠤ ᠲᠠᠶᠢᠨ | ᠪᠠᠶᠢᠯᠳᠤᠭᠠᠨ ᠳᠤ ᠶᠡᠭᠡ ᠭᠠᠪᠢᠶᠠ ᠤᠯᠠᠨ ᠪᠠᠶᠢᠭᠤᠯᠵᠠᠢ᠃ ᠲᠠᠷᠡ ᠡᠴᠢᠭᠡ ᠶᠢᠨ ᠵᠥᠪᠰᠢᠶᠡᠷᠡᠯ ᠢᠶᠠᠷ ᠬᠦᠷᠭᠡᠨ | ᠰᠣᠩᠭᠤᠬᠤ ᠳᠠᠭᠠᠨ᠄ ︽ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤᠷ ᠬᠡᠨ ᠨᠠᠳᠠᠲᠠᠢ ᠪᠠᠷᠢᠯᠳᠤᠨ ᠦᠵᠡᠯᠴᠡᠭᠡᠳ ᠬᠠᠶᠠᠵᠤ ᠲᠠᠶᠢᠯᠪᠠᠯ ᠪᠢ | ᠳᠤᠷᠠᠲᠠᠶᠠ ᠲᠡᠭᠦᠨ ᠤ ᠭᠡᠷᠭᠡᠢ ᠪᠣᠯᠣᠨᠠ᠂ ᠬᠡᠷᠪᠡ ᠳᠡᠶᠢᠯᠦᠭᠳᠡᠪᠡᠯ ᠵᠠᠭᠤᠨ ᠠᠭᠲᠠ ᠪᠠᠷ ᠲᠣᠷᠭᠠᠨᠠ︾ ᠭᠡᠵᠡᠢ᠃ | ᠢᠩᠭᠢᠭᠡᠳ ᠤᠯᠠᠨ ᠤᠯᠤᠰ ᠭᠦᠷᠤᠨ ᠠᠴᠠ ᠰᠠᠶᠢᠨ ᠰᠠᠶᠢᠨ ᠡᠷᠡᠰ ᠰᠠᠶᠢᠬᠠᠨ ᠰᠠᠶᠢᠬᠠᠨ ᠵᠠᠯᠠᠭᠤᠴᠤᠳ ᠢᠷᠡᠭᠡᠳ | ᠪᠦᠷ ᠠᠭᠲᠠ ᠪᠠᠨ ᠥᠭᠭᠦᠭᠡᠳ ᠶᠠᠪᠤᠭᠰᠠᠨ ᠭᠡᠨᠡ᠃ ᠰᠡᠭᠦᠯᠡᠷ ᠨᠢ ᠬᠠᠶᠠᠬᠤ ᠬᠥᠮᠥᠨ ᠦᠭᠡᠢ ᠲᠤᠯᠠ ᠨᠢᠭᠡᠨ ᠡᠭᠡᠯ | ᠵᠢᠷ ᠤᠨ ᠮᠣᠷᠢᠲᠤ ᠴᠡᠷᠢᠭ ᠤᠨ ᠪᠠᠶᠢᠯᠳᠤᠭᠴᠢ ᠲᠠᠢ ᠤᠷᠤᠭᠯᠠᠨ ᠰᠠᠭᠤᠭᠰᠠᠨ ᠭᠡᠨᠡ᠃ | ᠠᠭᠠᠢ ᠬᠠᠳᠤᠨ - ᠬᠢᠶᠠᠳ ᠠᠶᠢᠮᠠᠭ ᠤᠨ ᠪᠣᠷᠵᠢᠭᠢᠳ ᠣᠪᠣᠭᠲᠠᠨ᠃ ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ | ᠦᠶᠡ ᠳᠤ ᠺᠦᠨ ᠮᠢᠩ ᠢ ᠵᠠᠬᠢᠷᠴᠤ ᠪᠠᠶᠢᠭᠰᠠᠨ ᠯᠢᠶᠠᠩ ᠸᠠᠩ ᠪᠠᠴᠠᠯᠠᠸᠠᠷᠮᠢ ᠶᠢᠨ ᠥᠬᠢᠨ᠃ 1363 ᠣᠨ ᠳᠤ | ᠤᠯᠠᠭᠠᠨ ᠠᠯᠴᠢᠭᠤᠷᠲᠠᠨ ᠤ ᠪᠣᠰᠣᠯᠭᠠ ᠶᠢᠨ ᠴᠡᠷᠢᠭ ᠤᠨ ᠲᠦᠷᠦᠭᠦᠨ ᠤ ᠨᠢᠭᠡ ᠪᠤᠯᠬᠤ ᠮᠢᠩ ᠢᠦᠢ ᠵᠧᠨ ᠶᠦᠨᠨᠠᠨ ᠢ | ᠲᠠᠭᠠᠷᠢᠨ ᠳᠣᠪᠲᠣᠯᠵᠤ ᠡᠰᠡᠷᠭᠦᠴᠡᠨ ᠴᠢᠳᠠᠭᠰᠠᠨ ᠬᠥᠮᠥᠨ ᠦᠭᠡᠢ ᠲᠤᠯᠠ ᠭᠠᠵᠠᠷ ᠢᠶᠠᠨ ᠠᠯᠳᠠᠪᠠ᠃ ᠡᠨᠡ ᠦᠶᠡ ᠳᠤ | ᠳ᠋ᠠᠯᠢ ᠶᠢᠨ ᠶᠢᠰᠦᠳᠦᠭᠡᠷ ᠦᠶᠡ ᠶᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠭᠴᠢ ᠳ᠋ᠤᠸᠠᠨ ᠭᠦᠡᠭ ︿ᠪᠠᠢ ᠦᠨᠳᠦᠰᠦᠲᠡᠨ﹀ ᠶᠡᠬᠡᠳᠡ ᠢᠯᠠᠵᠤ | ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠤᠭᠰᠠᠨ ᠳᠤ ᠯᠢᠶᠠᠩ ᠸᠠᠩ ᠬᠤᠷᠢᠭᠠᠳ ᠨᠠᠰᠤᠲᠠᠢ ᠥᠬᠢᠨ ᠢᠶᠠᠨ ᠲᠡᠭᠦᠨ ᠳᠤ ᠡᠬᠡᠨᠡᠷ ᠪᠣᠯᠭᠠᠨ | ᠥᠭᠴᠡᠢ᠃ ᠰᠡᠭᠦᠯᠡᠷ ᠨᠢ ᠵᠠᠯᠢᠬᠠᠢ ᠲᠦᠰᠢᠮᠡᠳ ᠤᠨ ᠬᠤᠪᠴᠢ ᠦᠭᠡᠨ ᠳᠤ ᠣᠷᠣᠵᠤ ᠳ᠋ᠤᠸᠠᠨ ᠭᠦᠡᠭ ᠢ ᠠᠯᠠᠬᠤ ᠪᠠᠷ | ᠥᠬᠢᠨ ᠢᠶᠠᠨ ᠳᠠᠭᠤᠳᠠᠨ ᠢᠷᠡᠵᠤ᠄ ︽ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡ ᠡᠴᠢᠭᠡ ᠡᠬᠡ ᠠᠴᠠ ᠥᠭᠡᠷᠡ ᠶᠡᠭᠡ ᠰᠠᠨᠠᠯᠲᠠᠢ ᠬᠥᠮᠥᠨ | ᠦᠭᠡᠢ᠂ ᠤᠯᠤᠰ ᠭᠡᠷ ᠠᠴᠠ ᠢᠯᠡᠭᠦᠦ ᠬᠠᠶᠢᠷᠠᠲᠠᠢ ᠶᠠᠭᠤᠮᠠ ᠦᠭᠡᠢ᠃ ᠳ᠋ᠤᠸᠠᠨ ᠭᠦᠡᠭ ᠨᠠᠮᠠᠶᠢ ᠬᠤᠣᠷᠯᠠᠵᠤ ᠤᠯᠤᠰ ᠢ | ᠡᠵᠡᠯᠡᠬᠦ ᠰᠠᠨᠠᠭᠠ ᠲᠠᠢ᠂ ᠴᠢ ᠡᠨᠡ ᠬᠦ ᠳᠤᠭᠤᠰ ᠤᠨ ᠰᠥᠰᠥ ᠶᠢ ᠠᠪᠠᠴᠢᠨ ᠢᠳᠡᠭᠦᠯᠦᠭᠡᠳ᠂ ᠬᠤᠣᠷᠲᠤ ᠠᠷᠢᠬᠢ | ᠤᠤᠭᠤᠯᠭᠠᠵᠤ ᠠᠯᠠᠲᠤᠭᠠᠢ︾ ᠭᠡᠵᠦ ᠬᠠᠲᠠᠭᠤ ᠵᠠᠷᠯᠢᠭ ᠪᠠᠭᠤᠯᠭᠠᠵᠠᠢ᠃ ᠠᠭᠠᠢ ᠬᠠᠳᠤᠨ ᠭᠡᠷ ᠲᠤ ᠪᠠᠨ ᠢᠷᠡᠭᠡᠳ | ᠬᠡᠯᠡᠭᠰᠡᠨ ᠨᠢ ︽ᠪᠢᠳᠠ ᠬᠤᠶᠠᠷ ᠨᠤᠲᠤᠭ ᠲᠤ ᠪᠠᠨ ᠶᠠᠪᠤᠭᠠᠳ ᠰᠠᠶᠢᠬᠠᠨ ᠠᠮᠢᠳᠤᠷᠠᠶᠠ᠃ ᠡᠴᠢᠭᠡ ᠴᠢᠮᠠᠶᠢ ᠶᠢ ᠠᠯᠠᠬᠤ | ᠭᠡᠵᠦ ᠪᠤᠢ︾ ᠭᠡᠵᠦ ᠪᠦᠭᠦᠨ ᠢ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠳᠤ ᠢᠲᠡᠭᠡᠬᠦ ᠦᠭᠡᠢ᠃ ᠮᠠᠷᠭᠠᠰᠢ ᠨᠢ ᠳ᠋ᠤᠸᠠᠨ ᠬᠦᠩ ᠢ ᠰᠦᠮᠡ | ᠵᠦᠭ ᠶᠠᠪᠤᠬᠤ ᠳᠤ ᠪᠦᠭᠬᠦᠭᠰᠡᠨ ᠴᠡᠷᠢᠭ ᠪᠠᠷᠢᠵᠤ ᠠᠪᠤᠭᠠᠳ ᠠᠯᠠᠭᠰᠠᠨ ᠭᠡᠨᠡ᠃ ᠠᠭᠠᠢ ᠬᠠᠳᠤᠨ ᠰᠣᠨᠣᠰᠤᠭᠠᠳ | ᠲᠤᠶᠢᠯ ᠢᠶᠠᠷ ᠡᠮᠭᠡᠨᠢᠨ ᠵᠣᠪᠠᠵᠤ ᠦᠬᠦᠬᠦ ᠭᠡᠬᠦ ᠳᠤ ᠡᠴᠢᠭᠡ ᠨᠢ ᠦᠬᠦᠭᠦᠯᠬᠦ ᠦᠭᠡᠢ ᠭᠡᠨᠡ᠃ ᠬᠡᠳᠦᠨ ᠵᠢᠯ ᠤᠨ ᠲᠠᠷᠠᠭᠠ | ᠠᠭᠠᠢ ᠬᠠᠳᠤᠨ ᠳ᠋ᠤᠸᠠᠨ ᠬᠦ᠋ᠩ ᠤᠨ ᠬᠡᠭᠦᠷ ᠢ ᠨᠤᠲᠤᠭ ᠲᠤ ᠨᠢ ᠬᠦᠨᠳᠦᠳᠬᠡᠨ ᠣᠷᠣᠰᠢᠭᠤᠯᠤᠭᠠᠳ ᠲᠡᠰᠬᠦᠶᠡ ᠪᠡᠷᠬᠡ | ᠤᠢ ᠭᠠᠰᠢᠭᠤᠳᠠᠯ ᠳᠤ ᠳᠠᠷᠤᠭᠳᠠᠵᠤ ᠶᠢᠷᠲᠢᠨᠴᠦ ᠠᠴᠠ ᠠᠩᠭᠢᠵᠢᠷᠠᠬᠤ ᠰᠢᠯᠦᠭ ᠪᠢᠴᠢᠵᠦ ᠪᠡᠶᠡ ᠪᠠᠨ ᠬᠤᠣᠷᠯᠠᠭᠰᠠᠨ | ᠪᠠᠶᠢᠨᠠ᠃ ᠠᠭᠠᠢ ᠬᠠᠳᠤᠨ ᠪᠣᠯ ᠦᠨᠳᠦᠰᠦᠲᠡᠨ ᠤ ᠪᠦᠯᠬᠦᠮᠳᠡᠯ ᠢ ᠠᠬᠢᠭᠤᠯᠤᠭᠰᠠᠨ ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ | ᠦᠶᠡ ᠶᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠠᠯᠳᠠᠷᠲᠤ ᠡᠮᠡᠭᠲᠡᠢ ᠰᠢᠯᠦᠭᠴᠢ ᠪᠣᠯᠣᠨᠠ᠃ | |