| ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠳᠡᠭᠡᠳᠦ ᠨᠡᠶᠢᠰᠯᠡᠯ ᠤᠨ ᠪᠠᠭᠤᠷᠢ᠃ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ | ᠵᠠᠰᠠᠬᠤ ᠣᠷᠣᠨ ᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠲᠥᠪ ᠠᠴᠠ ᠵᠡᠭᠦᠨᠰᠢ 28 | ᠺᠢᠯᠣᠮᠧᠲᠷ ᠵᠠᠢ ᠲᠠᠢ᠂ ᠱᠠᠩᠳᠤ ᠭᠤᠣᠯ ︵ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠳᠡᠭᠡᠳᠦ ᠤᠷᠤᠰᠬᠠᠯ︶ ᠤᠨ ᠬᠤᠶᠢᠲᠤ | ᠭᠦᠪᠡᠭᠡ ᠳᠠᠬᠢ ︽5 · 1︾ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠬᠡᠪᠴᠢᠶᠡᠨ ᠳᠤ ᠪᠠᠶᠢᠳᠠᠭ᠃ ᠡᠷᠲᠡᠨ ᠤ ᠬᠤᠳᠠ ᠶᠢᠨ | ᠬᠠᠭᠤᠴᠢᠳ ᠢ ᠮᠣᠩᠭᠤᠯ ᠢᠶᠠᠷ ︽ᠵᠠᠭᠤ ᠨᠠᠢᠮᠠᠨ ᠰᠦᠮᠡ ᠲᠠᠢ︾ ᠬᠡᠳᠡᠭ᠃ | ᠶᠤᠸᠠᠨ ᠤᠯᠤᠰ ᠤᠨ ᠱᠢᠽᠣ ᠬᠠᠭᠠᠨ ᠬᠤᠪᠢᠯᠠᠢ᠂ ᠬᠠᠭᠠᠨ ᠰᠠᠭᠤᠬᠤ ᠠᠴᠠ ᠪᠠᠨ ᠡᠮᠦᠨᠡ ᠲᠣᠰ ᠬᠤᠳᠠ ᠶᠢ | ᠪᠠᠶᠢᠭᠤᠯᠵᠠᠢ᠃ ᠬᠤᠳᠠ ᠶᠢᠨ ᠬᠠᠭᠤᠴᠢᠳ ᠤᠨ ᠲᠠᠯᠠᠪᠠᠢ ᠨᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ᠂ ᠲᠠᠯᠠ ᠨᠢᠭᠡ ᠪᠦᠷᠢ ᠨᠢ 2200 | ᠮᠧᠲᠷ ᠤᠷᠳᠣ᠃ ᠭᠠᠳᠠᠷ ᠬᠤᠳᠠ᠂ ᠳᠣᠲᠣᠷᠠ ᠬᠤᠳᠠ ᠪᠠ ᠴᠡᠴᠡᠷᠯᠢᠭ ᠬᠤᠳᠠ ᠭᠡᠵᠦ ᠭᠤᠷᠪᠠᠨ ᠳᠠᠪᠬᠤᠷ | ᠬᠤᠳᠠ ᠲᠠᠢ᠃ ᠲᠣᠮᠳᠠᠳᠣ ᠣᠷᠣᠨ ᠤ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠤᠨ ᠬᠡᠪ ᠨᠠᠮᠪᠠ ᠲᠠᠢ ᠬᠤᠳᠠ ᠪᠠᠶᠢᠪᠠ᠃ ᠳᠣᠲᠣᠷᠠ | ᠬᠤᠳᠠ ᠨᠢ ᠳᠠᠷᠤᠢ ᠬᠠᠭᠠᠨ ᠬᠤᠳᠠ ᠪᠠᠶᠢᠵᠤ᠂ ᠲᠠᠯᠠᠪᠠᠢ ᠨᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ᠃ | ᠬᠤᠳᠠ ᠶᠢᠨ ᠬᠡᠷᠡᠮ ᠢ ᠪᠤᠯᠲᠤ ᠪᠠᠷ ᠨᠢ ᠴᠥᠮ ᠲᠣᠭᠤᠰᠬᠠ ᠪᠠᠷ ᠰᠠᠭᠠᠭᠰᠠᠨ ᠪᠥᠭᠡᠳ ᠵᠡᠭᠦᠨ᠂ ᠡᠮᠦᠨᠡ᠂ | ᠪᠠᠷᠠᠭᠤᠨ ᠭᠤᠷᠪᠠᠨ ᠬᠡᠷᠡᠮ ᠤᠨ ᠲᠥᠪ ᠳᠤᠮᠳᠠ ᠨᠢ ᠲᠣᠰ ᠪᠦᠷᠢ ᠨᠢᠭᠡᠨ ᠬᠤᠳᠠ ᠶᠢᠨ ᠡᠭᠦᠳᠡ ᠲᠠᠢ᠂ ᠡᠮᠦᠨᠡ | ᠡᠭᠦᠳᠡ ᠠᠴᠠ ᠬᠤᠳᠠ ᠶᠢᠨ ᠤᠮᠠᠷᠠᠲᠤ ᠬᠡᠰᠡᠭ ᠲᠠᠬᠢ ᠲᠥᠪ ᠬᠠᠷᠰᠢ ᠭᠦᠷᠳᠠᠯᠠ ᠰᠠᠷᠠᠭᠤᠯ ᠲᠠᠷᠳᠠᠩ ᠬᠠᠭᠠᠨ ᠤ | ᠵᠠᠮ ᠤᠨ ᠤᠷᠣᠮ ᠲᠠᠢ᠃ ᠲᠥᠪ ᠬᠠᠷᠰᠢ ᠶᠢᠨ ᠪᠠᠭᠤᠷᠢ ᠨᠢ 8 ᠮᠧᠲᠷ ᠥᠨᠳᠥᠷ ᠪᠠᠶᠢᠳᠠᠭ ᠬᠠᠩᠳᠠᠭᠰᠠᠨ ᠰᠢᠷᠣᠢ | ᠲᠠᠪᠴᠠᠩ ᠶᠤᠮ᠃ ᠵᠡᠭᠦᠨ ᠠᠴᠠ ᠪᠠᠷᠠᠭᠤᠨᠰᠢ 170 ᠮᠧᠲᠷ ᠤᠷᠳᠣ᠂ ᠡᠮᠦᠨᠡ ᠠᠴᠠ ᠤᠮᠠᠷᠠᠰᠢ 55 ᠮᠧᠲᠷ ᠥᠷᠭᠡᠨ᠂ | ᠪᠦᠭᠦ ᠬᠤᠳᠠ ᠶᠢᠨ ᠬᠠᠭᠤᠴᠢᠳ ᠳᠣᠲᠣᠷᠠ ᠬᠠᠮᠤᠭ ᠠᠴᠠ ᠥᠨᠳᠥᠷ ᠲᠣᠮᠣ ᠪᠠᠷᠢᠯᠭᠠ ᠶᠢᠨ ᠤᠷᠣᠮ ᠪᠣᠯᠣᠨᠠ᠃ | ᠬᠤᠳᠠ ᠳᠣᠲᠣᠷᠠ ᠪᠤᠰᠤᠳ ᠪᠠᠷᠢᠯᠭᠠ ᠶᠢᠨ ᠬᠠᠭᠤᠴᠢᠳ ᠮᠠᠰᠢ ᠠᠷᠪᠢᠨ᠂ ᠬᠡᠪ ᠳᠦᠷᠰᠦ ᠨᠢ ᠤᠯᠠᠠ ᠵᠦᠢᠯ ᠤᠨ | ᠪᠠᠶᠢᠵᠤ᠂ ᠣᠷᠳᠣᠨ ᠬᠠᠷᠰᠢ᠂ ᠠᠰᠠᠷ ᠲᠠᠭᠲᠤ᠂ ᠰᠠᠷᠠᠪᠴᠢ ᠲᠢᠩᠬᠢᠮ ᠭᠡᠬᠦ ᠮᠡᠲᠦ᠃ ᠭᠠᠳᠠᠷ ᠬᠤᠳᠠ ᠨᠢ ᠳᠣᠲᠣᠷᠠ | ᠬᠤᠳᠠ ᠶᠢᠨ ᠭᠠᠳᠠᠭᠤᠷ ᠣᠷᠢᠶᠠᠵᠤ᠂ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠬᠡᠯᠪᠠᠷᠢ ᠲᠠᠢ᠂ ᠬᠤᠳᠠ ᠶᠢᠨ ᠬᠡᠷᠡᠮ ᠨᠢ ᠰᠢᠷᠣᠢ ᠴᠢᠯᠠᠭᠤ | ᠬᠤᠯᠢᠮᠠᠭ ᠬᠢᠴᠡ ᠲᠠᠢ᠂ ᠲᠣᠩ ᠪᠠᠲᠤ ᠪᠠᠬᠢ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯᠠ ᠳᠤ ᠲᠣᠰ ᠪᠦᠷᠢ ᠬᠤᠶᠠᠷ | ᠡᠭᠦᠳᠡ ᠲᠠᠢ᠂ ᠡᠮᠦᠨᠡ ᠤᠮᠠᠷᠠ ᠲᠠᠯᠠ ᠳᠤ ᠲᠣᠰ ᠪᠦᠷᠢ ᠨᠢᠭᠡᠨ ᠡᠭᠦᠳᠡ ᠲᠠᠢ᠃ | ᠬᠤᠲᠠᠨ ᠳᠣᠲᠣᠷᠠ ᠨᠢ ᠪᠠᠷᠢᠯᠭᠠ ᠶᠢᠨ ᠪᠠᠭᠤᠷᠢ ᠲᠣᠩ ᠠᠷᠪᠢᠨ᠂ ᠬᠤᠶᠢᠲᠤ ᠬᠡᠰᠡᠭ ᠲᠤᠨᠢ ᠶᠡᠭᠡ ᠲᠣᠮᠣ | ᠪᠠᠷᠢᠯᠭᠠ ᠶᠢᠨ ᠪᠠᠭᠤᠷᠢ ᠲᠠᠢ᠂ ᠡᠮᠦᠨᠡ ᠬᠡᠰᠡᠭ ᠲᠤᠨᠢ ᠪᠠᠭᠠ ᠬᠡᠮᠵᠢᠶᠡᠨ ᠤ ᠪᠠᠷᠢᠯᠭᠠ ᠭᠤᠣᠯᠳᠠᠵᠤ ᠪᠠᠶᠢᠪᠠ᠃ | ᠲᠡᠭᠦᠨ ᠳᠤ ᠨᠣᠶᠠᠳ ᠤᠨ ᠣᠷᠳᠣᠨ ᠬᠠᠷᠰᠢ᠂ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠬᠡᠶᠢᠳ᠂ ᠪᠣᠮᠪᠤ ᠶᠢᠨ ᠱᠠᠰᠢᠨ ᠤ ᠰᠦᠮᠡ᠂ | ᠺᠦᠩᠽᠢ ᠪᠣᠭᠳᠠ ᠶᠢᠨ ᠰᠦᠮᠡ᠂ ᠢᠰᠯᠠᠮ ᠱᠠᠰᠢᠨ ᠤ ᠬᠡᠶᠢᠳ᠂ ᠡᠯᠳᠡᠪ ᠭᠠᠷ ᠤᠷᠠᠯᠠᠯ ᠤᠨ ᠵᠦᠢᠯᠡᠰ ᠭᠡᠬᠦ ᠮᠡᠲᠦᠰ | ᠪᠠᠶᠢᠪᠠ᠃ ᠴᠡᠴᠡᠷᠯᠢᠭ ᠬᠤᠳᠠ ᠨᠢ ᠭᠠᠳᠠᠷ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠲᠠᠯᠠ ᠰᠢᠬᠠᠭᠤ ᠪᠠᠶᠢᠷᠢᠯᠠᠵᠤ᠂ ᠲᠡᠭᠰᠢ | ᠥᠨᠴᠥᠭᠲᠦ ᠬᠡᠯᠪᠠᠷᠢ ᠲᠠᠢ᠂ ᠪᠦᠷᠢᠮᠦᠰᠦᠨ ᠰᠢᠷᠣᠢ ᠪᠠᠷ ᠬᠠᠩᠳᠠᠨ ᠴᠣᠭᠴᠠᠯᠠᠭᠰᠠᠨ ᠪᠥᠭᠡᠳ ᠪᠠᠷᠠᠭᠤᠨ ᠪᠠ ᠡᠮᠦᠨᠡᠲᠦ | ᠲᠠᠯᠠ ᠳᠤᠨᠢ ᠲᠣᠰ ᠪᠦᠷᠢ ᠨᠢᠭᠡᠨ ᠡᠭᠦᠳᠡ ᠲᠠᠢ᠂ ᠬᠤᠶᠢᠲᠤ ᠲᠠᠯᠠ ᠳᠤᠨᠢ ᠬᠤᠶᠠᠷ ᠡᠭᠦᠳᠡ ᠲᠠᠢ᠃ ᠬᠤᠲᠠᠨ ᠳᠣᠲᠣᠷᠠ | ᠨᠢ ᠮᠠᠰᠢ ᠠᠷᠪᠢᠨ ᠪᠠᠷᠢᠯᠭᠠ ᠶᠢᠨ ᠤᠷᠣᠮ ᠲᠠᠢ᠂ ᠣᠯᠠᠩᠬᠢ ᠨᠢ ᠴᠡᠴᠡᠷᠯᠢᠭ᠂ ᠬᠦᠷᠢᠶᠡᠯᠡᠩ ᠪᠠᠶᠢᠵᠤ᠂ ᠲᠤᠬᠠᠢ ᠶᠢᠨ | ᠦᠶᠡ ᠳᠡᠭᠡᠨ ᠡᠯᠳᠡᠪ ᠰᠣᠨᠢᠨ ᠴᠡᠴᠡᠭ ᠮᠣᠳᠣ ᠰᠠᠭᠤᠯᠭᠠᠨ᠂ ᠰᠣᠨᠢᠨ ᠭᠠᠶᠢᠬᠠᠮᠰᠢᠭᠲᠤ ᠠᠮᠢᠳᠠᠠ ᠵᠢᠭᠦᠷᠲᠡᠨ ᠢ | ᠲᠡᠵᠢᠭᠡᠵᠦ᠂ ᠬᠠᠭᠠᠨ ᠨᠣᠶᠠᠳ ᠤᠨ ᠵᠢᠷᠭᠠᠨ ᠴᠡᠩᠭᠡᠬᠦ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠵᠤᠭᠠᠯᠠᠯ ᠤᠨ ᠣᠷᠣᠨ ᠪᠠᠶᠢᠵᠠᠢ᠃ | ᠴᠡᠴᠡᠷᠯᠢᠭ ᠬᠤᠳᠠ ᠶᠢᠨ ᠭᠠᠳᠠᠭᠤᠷ ᠲᠣᠰ ᠬᠤᠳᠠ ᠠᠴᠠ ᠬᠡᠳᠦᠨ ᠠᠷᠪᠠᠨ ᠭᠠᠵᠠᠷ ᠠᠯᠤᠰ ᠲᠠᠬᠢ ᠵᠢᠵᠢᠭ | ᠳᠣᠪᠣᠴᠠᠭ ᠤᠨ ᠣᠷᠣᠢ ᠳᠡᠭᠡᠷᠡ ᠮᠠᠰᠢ ᠠᠷᠪᠢᠨ ᠰᠢᠷᠣᠢ ᠴᠢᠯᠠᠭᠤ ᠪᠠᠷ ᠬᠤᠯᠢᠨ ᠴᠣᠭᠴᠠᠯᠠᠭᠰᠠᠨ ᠲᠠᠪᠴᠠᠩ ᠪᠠᠶᠢᠵᠤ᠂ | ᠡᠷᠲᠡᠨ ᠤ ᠬᠤᠳᠠ ᠶᠢ ᠬᠦᠷᠢᠶᠡᠯᠡᠨ ᠲᠡᠪᠡᠷᠢᠭᠰᠡᠨ ᠰᠢᠨᠵᠢ ᠲᠠᠢ᠂ ᠡᠳᠠᠬᠡᠷ ᠨᠢ ᠬᠤᠳᠠ ᠶᠢᠨ ᠭᠠᠳᠠᠭᠤᠷᠬᠢ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠴᠢᠨᠠᠷ ᠲᠠᠢ ᠪᠠᠷᠢᠯᠭᠠ ᠪᠠᠶᠢᠵᠠᠢ᠃ |