| ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠲᠤ ᠬᠤᠰᠢᠭᠤᠨ ᠤ ᠡᠷᠳᠡᠨᠢ ᠤᠪᠣᠭᠠ ᠰᠣᠮᠤᠨ ᠤ ᠬᠠᠰᠢᠶᠠᠲᠤ | ᠭᠠᠴᠠᠭᠠ ᠠᠴᠠ ᠵᠡᠭᠦᠨ ᠡᠮᠦᠨᠡ ᠵᠦᠭ ᠲᠤ᠂ ᠡᠷᠲᠡᠨ ᠤ ᠠᠯᠲᠠᠨ ᠤᠯᠣᠰ ᠤᠨ ᠬᠢᠯᠢ ᠶᠢᠨ ᠭᠤᠣ ᠪᠠᠶᠢᠳᠠᠭ ᠪᠠ | ᠲᠡᠭᠦᠨ ᠤ ᠡᠮᠦᠨᠡ ᠪᠠᠶᠢᠬᠤ ᠮᠤᠬᠤᠷ ᠰᠣᠪᠤᠷᠭᠠ ᠭᠡᠳᠡᠭ ᠣᠷᠤᠢ ᠨᠢ ᠳᠡᠭᠰᠢᠬᠡᠨ ᠠᠭᠤᠯᠠ ᠶᠢᠨ ᠵᠡᠭᠦᠨ ᠡᠮᠦᠨᠡ᠂ | ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠶᠢᠨ ᠨᠢᠭᠡᠨ ᠡᠷᠲᠡᠨ ᠤ ᠬᠤᠲᠠ ᠶᠢᠨ ᠪᠠᠭᠤᠷᠢ ᠪᠠᠶᠢᠳᠠᠭ ᠶᠤᠮ᠃ ᠡᠭᠦᠨ ᠢ ᠨᠣᠲᠤᠭ ᠤᠨ | ᠮᠠᠯᠴᠢᠳ ᠮᠤᠬᠤᠷ ᠰᠤᠪᠣᠷᠭᠠ ᠭᠡᠳᠡᠭ ᠠᠭᠤᠯᠠ ᠶᠢᠨ ᠨᠡᠷᠡ ᠪᠠᠷ ︽ᠮᠤᠬᠤᠷ ᠰᠣᠪᠤᠷᠭᠠ ᠶᠢᠨ ᠬᠤᠲᠠ︾ ᠭᠡᠵᠤ | ᠨᠡᠷᠡᠯᠡᠪᠡ᠃ | ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠵᠡᠬᠦᠨ ᠬᠤᠶᠠᠷ ᠲᠠᠯᠠ ᠪᠠᠷ ᠣᠷᠣᠰᠴᠣ ᠪᠠᠶᠢᠬᠤ ᠭᠤᠣᠯ ᠬᠤᠲᠠ ᠶᠢᠨ ᠵᠡᠭᠦᠨ | ᠬᠤᠶᠢᠲᠠᠢ ᠨᠡᠶᠢᠯᠡᠳᠡᠭ᠃ | ᠬᠤᠲᠠ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠭᠤᠯᠠ ᠶᠢᠨ ᠠᠷᠤ ᠪᠠᠷᠢᠵᠤ᠂ ᠡᠮᠦᠨᠡᠰᠢ ᠬᠠᠨᠳᠣᠭᠰᠠᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ | ᠬᠡᠯᠪᠡᠷᠢᠳᠠᠢ᠂ ᠲᠠᠯᠠ ᠪᠦᠷᠢ ᠶᠢᠨ ᠤᠷᠲᠤ ᠨᠢ 500 ᠮᠧᠳ᠋ᠷ ᠣᠷᠴᠢᠮ᠂ ᠲᠥᠷᠪᠡᠨ ᠲᠠᠯᠠ ᠶᠢᠨ ᠬᠡᠷᠡᠮ ᠤᠨ ᠦᠨᠳᠦᠷ | ᠪᠣᠭᠤᠨᠢ ᠨᠢ ᠠᠳᠠᠯᠢ ᠦᠭᠡᠢ᠃ ᠬᠡᠷᠡᠮ ᠤᠨ ᠬᠠᠮᠤᠭ ᠥᠨᠳᠦᠷ ᠨᠢ 6 ᠮᠧᠳ᠋ᠷ᠂ ᠰᠠᠭᠤᠷᠢ ᠶᠢᠨ ᠥᠷᠭᠡᠨ ᠨᠢ 10 | ᠭᠠᠷᠣᠢ ᠮᠧᠳ᠋ᠷ ᠪᠠᠶᠢᠨᠠ᠃ ᠬᠤᠲᠠ ᠶᠢᠨ ᠬᠡᠷᠡᠮ ᠤᠨ ᠳᠥᠷᠪᠡᠨ ᠥᠨᠴᠦᠭ ᠨᠢ ᠪᠦᠷ ᠰᠢᠷᠤᠢ ᠶᠢᠨ ᠤᠪᠣᠭᠠ ᠲᠠᠢ᠂ | ᠤᠭ ᠲᠠᠭᠠᠨ ᠥᠨᠴᠦᠭ ᠤᠨ ᠠᠰᠠᠷ ᠪᠠᠶᠢᠭᠰᠠᠨ ᠪᠣᠯᠣᠯᠲᠠᠢ᠃ ᠬᠤᠲᠠ ᠶᠢᠨ ᠡᠭᠦᠳᠡ ᠶᠢᠨ ᠣᠷᠣ ᠨᠢ ᠳᠡᠮᠡᠢ ᠮᠡᠳᠡᠭᠳᠡᠬᠦ | ᠦᠭᠡᠢ ᠪᠣᠯᠵᠠᠢ᠂ ᠡᠮᠦᠨᠡ ᠬᠡᠷᠡᠮ ᠳᠤᠨᠢ ᠨᠢᠭᠡ ᠡᠭᠦᠳᠡ ᠪᠠᠶᠢᠭᠰᠠᠨ ᠪᠣᠯᠣᠯᠲᠠᠢ ᠰᠡᠲᠡᠷᠬᠡᠢ ᠲᠠᠢ᠃ ᠡᠭᠦᠳᠡᠨ ᠤ ᠪᠠᠨ | ᠭᠠᠳᠠᠨᠠ ᠨᠢ ᠪᠠᠰᠠ ᠬᠠᠯᠠᠬᠠᠪᠴᠢ ᠬᠡᠷᠡᠮ ᠪᠠᠶᠢᠭᠰᠠᠨ ᠮᠠᠶ᠋ᠢᠭᠲᠠᠢ ᠪᠠᠶᠢᠨᠠ᠃ ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠲᠤ | ᠬᠡᠷᠡᠮ ᠤᠨ ᠥᠨᠴᠦᠭ ᠨᠢ ᠣᠰᠤᠨ ᠳᠤ ᠣᠷᠤᠰᠬᠠᠭᠳᠠᠨ ᠪᠠᠯᠠᠷᠠᠵᠠᠢ᠃ ᠬᠤᠲᠠ ᠶᠢᠨ ᠲᠣᠳᠣᠷᠠᠬᠢ ᠪᠠᠷᠢᠯᠭᠠ ᠶᠢᠨ | ᠲᠤᠷᠤ ᠨᠢ ᠠᠳᠠ ᠲᠡᠨᠳᠡ ᠦᠭᠡᠢ ᠦᠵᠡᠭᠳᠡᠨᠡ᠃ ᠭᠤᠣᠯ ᠪᠣᠯᠬᠤ ᠶᠡᠭᠡ ᠪᠠᠷᠢᠯᠭᠠ ᠨᠤᠭᠤᠳ ᠨᠢ ᠡᠮᠦᠨᠡ ᠠᠴᠠ | ᠬᠤᠶᠢᠰᠢ ᠪᠠᠨ ᠬᠤᠲᠠ ᠶᠢᠨ ᠭᠤᠣᠯ ᠲᠡᠩᠬᠡᠯᠢᠭ ᠳᠡᠭᠡᠷᠡ ᠪᠠᠨ ᠲᠥᠪᠯᠡᠷᠡᠵᠤ᠂ ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠨᠢᠭᠡ | ᠲᠣᠮᠣ ᠪᠠᠷᠢᠯᠭᠠ ᠶᠢᠨ ᠲᠤᠷᠣ ᠬᠠᠷᠠᠭᠳᠠᠨᠠ᠃ ᠲᠠᠯᠠ ᠪᠦᠷᠢ ᠶᠢᠨ ᠤᠷᠲᠤ ᠨᠢ 30 ᠢᠯᠡᠭᠦᠣ ᠮᠧᠳ᠋ᠷ᠃ ᠲᠤᠷᠤ ᠶᠢᠨ | ᠥᠨᠳᠦᠷ ᠨᠢ 5 ᠠᠴᠠ 6 ᠮᠧᠳ᠋ᠷ ᠰᠢᠷᠦᠢ ᠶᠢᠨ ᠤᠪᠣᠭᠠᠨ ᠳᠡᠭᠡᠷᠡ ᠬᠤᠶᠠᠷ ᠵᠠᠰᠠᠭᠰᠠᠨ ᠴᠢᠯᠠᠭᠤ ᠪᠠᠶᠢᠬᠤ ᠪᠥᠭᠡᠳ | ᠳᠡᠭᠡᠷᠡ ᠨᠢ ᠲᠣᠭᠤᠨᠤᠯᠵᠢᠨ ᠵᠢᠷᠤᠭ ᠲᠠᠢ᠂ ᠪᠠᠰᠠ ᠸᠠᠭᠠᠷ ᠲᠣᠭᠤᠰᠬᠠ ᠶᠢᠨ ᠬᠡᠮᠬᠡᠷᠬᠡᠢ᠂ ᠸᠠᠭᠠᠷ ᠤᠨ ᠬᠠᠯᠬᠠᠪᠴᠢ | ᠵᠡᠷᠭᠡ ᠶᠠᠭᠤᠮᠠᠰ ᠬᠠᠷᠠᠭᠳᠠᠳᠠᠭ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠤᠲᠠ ᠳᠣᠲᠤᠷᠠ ᠪᠠᠰᠠ ᠴᠢᠯᠠᠭᠤᠨ ᠲᠡᠭᠡᠷᠮᠡ᠂ ᠴᠢᠯᠠᠭᠤᠨ ᠤᠭᠤᠷ ᠪᠣᠢ᠃ | ᠬᠤᠲᠠ ᠠᠴᠠ ᠭᠠᠳᠠᠨᠠᠬᠢ ᠪᠠᠷᠢᠯᠭᠠ ᠶᠢᠨ ᠣᠷᠣ ᠮᠥᠷ ᠭᠡᠪᠡᠯ᠂ ᠡᠮᠦᠨᠡᠰᠢ 500 ᠮᠧᠳ᠋ᠷ ᠤᠨ ᠬᠡᠪᠴᠢᠶᠡᠨ ᠳᠤ | ᠴᠢᠯᠠᠭᠤᠨ ᠤᠭᠤᠷ᠂ ᠴᠢᠯᠠᠭᠤᠨ ᠲᠡᠭᠡᠷᠮᠡ᠂ ᠴᠢᠯᠠᠭᠤᠨ ᠪᠣᠯᠤ᠂ ᠣᠷᠲᠣ ᠣᠬᠤᠷ ᠬᠠᠪᠲᠠᠭᠠᠢ ᠴᠢᠯᠠᠭᠤ᠂ ᠴᠢᠯᠠᠭᠤᠨ | ᠲᠤᠯᠭᠠᠭᠤᠷᠢ ᠶᠢᠨ ᠰᠠᠭᠤᠷᠢ᠂ ᠸᠠᠭᠠᠷ ᠱᠠᠭᠠᠵᠠᠩ ᠤᠨ ᠬᠡᠮᠬᠡᠷᠭᠡᠢ ᠠᠷᠪᠢᠨ ᠦᠵᠡᠭᠳᠡᠵᠦ ᠪᠠᠶᠢᠨᠠ᠃ ᠬᠤᠲᠠ ᠶᠢᠨ | ᠵᠡᠭᠦᠨ ᠬᠤᠶᠢᠲᠤ ᠦᠨᠳᠦᠷᠯᠢᠭ ᠳᠡᠭᠡᠷᠡ ᠨᠢᠭᠡ ᠪᠥᠯᠦᠭ ᠡᠷᠲᠡᠨ ᠤ ᠭᠡᠬᠦᠷ ᠣᠩᠭᠤᠨ ᠪᠤᠢ᠃ ᠣᠯᠠᠩᠬᠢ ᠬᠡᠭᠦᠷ | ᠣᠩᠭᠤᠨ ᠳᠡᠭᠡᠷᠡ ᠨᠢ ᠡᠷᠭᠡᠭᠦᠨ ᠱᠠᠰᠢᠨᠲᠠᠨ ᠤ ᠭᠡᠬᠦᠷ ᠳᠡᠭᠡᠷᠡ ᠪᠣᠰᠬᠠᠳᠠᠭ ᠲᠣᠭᠤᠨᠣᠯᠵᠢᠨ ᠪᠣᠶᠣ ᠪᠠᠳᠮᠠ | ᠬᠤᠸᠠᠷᠲᠠᠢ ᠬᠦᠰᠢᠶᠡ ᠴᠢᠯᠠᠭᠤ ᠲᠠᠢ ᠪᠢᠯᠡ᠃ ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠠᠭᠤᠯᠠ ᠶᠢᠨ ᠬᠤᠶᠢᠲᠤ | ᠬᠤᠷᠮᠣᠢ ᠳᠤ ᠪᠠᠰᠠ ᠠᠷᠪᠢᠨ ᠬᠡᠭᠦᠷ ᠣᠩᠭᠤᠨ ᠪᠠᠶᠢᠪᠠ᠃ ᠡᠨᠡ ᠬᠦ ᠬᠤᠲᠠ ᠠᠯᠲᠠᠨ ᠣᠯᠤᠰ ᠤᠨ ᠬᠢᠯᠢ ᠶᠢᠨ | ᠭᠤᠤ ᠶᠢᠨ ᠡᠮᠦᠨᠡ ᠣᠶᠢᠷᠠᠬᠠᠨ ᠪᠠᠶᠢᠬᠤ ᠲᠤᠯᠠ ᠤᠭ ᠲᠠᠭᠠᠨ ᠠᠯᠲᠠᠨ ᠣᠯᠤᠰ ᠤᠨ ᠬᠢᠯᠢ ᠶᠢᠨ ᠭᠤᠤ ᠶᠢ ᠰᠠᠬᠢᠨ | ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠢᠯᠢ ᠶᠢᠨ ᠬᠤᠲᠠ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠶᠣᠸᠠᠨ ᠣᠯᠤᠰ ᠤᠨ ᠦᠶᠡ ᠶᠢᠨ | ᠣᠩᠭᠤᠳ ᠠᠶᠢᠮᠠᠭ ᠤᠨ ᠬᠠᠷᠢᠶᠠᠨ ᠤ ᠬᠤᠲᠠ ᠤᠳ ᠤᠨ ᠨᠢᠭᠡ ᠨᠢ ᠪᠣᠯᠬᠤᠷ ᠨᠢ ᠲᠣᠳᠣᠷᠬᠠᠢ ᠪᠠᠶᠢᠨᠠ᠃ |