| ᠬᠤᠪᠢᠯᠠᠢ ᠬᠠᠭᠠᠨ ᠴᠠᠭᠠᠰᠤᠨ ᠮᠥᠩᠭᠦ ᠶᠢ ᠡᠷᠭᠢᠯᠲᠡ ᠳᠤ ᠣᠷᠣᠭᠤᠯᠤᠭᠰᠠᠨ ᠨᠢ ᠬᠦᠮᠦᠨ | ᠲᠥᠷᠦᠯᠬᠢᠲᠡᠨ ᠤ ᠲᠡᠦᠬᠡᠨ ᠳᠤ ᠠᠩᠬᠠᠨ ᠤ ᠬᠢ ᠪᠠᠶᠢᠭᠰᠠᠨ ᠲᠡᠳᠦᠢ ᠦᠭᠡᠢ ᠮᠥᠩᠭᠦᠨ ᠤ ᠪᠣᠳᠣᠯᠭᠠ ᠶᠢ ᠴᠣ᠋ | ᠰᠢᠨᠡ ᠪᠠᠷ ᠬᠡᠷᠡᠭᠵᠢᠭᠦᠯᠬᠦ ᠪᠣᠯᠤᠮᠵᠢ ᠶᠢ ᠨᠡᠭᠡᠭᠡᠭᠰᠡᠨ ᠦᠢᠯᠡ ᠶᠠᠪᠤᠳᠠᠯ ᠪᠠᠶᠢᠯᠠ᠃ ᠡᠭᠦᠨ ᠤ ᠳ᠋ᠦᠩ ᠳᠤ ᠦᠨᠡ | ᠬᠠᠩᠰᠢ ᠨᠢ ᠪᠠᠭᠤᠷᠠᠳᠠᠭ ᠦᠭᠡᠢ ᠠᠯᠲᠠ᠂ ᠮᠥᠩᠭᠦ᠂ ᠰᠤᠪᠤᠳ᠂ ᠦᠨᠡᠲᠦ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠶᠢ ᠴᠠᠭᠠᠰᠤᠨ | ᠮᠥᠩᠭᠦ ᠪᠠᠷ ᠬᠤᠳᠠᠯᠳᠤᠨ ᠠᠪᠬᠤ ᠨᠥᠬᠦᠴᠡᠯ ᠪᠣᠯᠤᠯᠴᠠᠭᠠ ᠶᠢ ᠪᠤᠢ ᠪᠣᠯᠭᠠᠭᠰᠠᠨ ᠶᠤᠮ᠃ ᠴᠢᠩᠭᠢᠰ ᠮᠣᠩᠭᠤᠯ ᠤᠨ | ᠨᠢᠭᠡᠳᠦᠭᠰᠡᠨ ᠲᠤᠯᠭᠤᠷ ᠲᠥᠷᠥ ᠶᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠵᠤ ᠠᠯᠲᠠ᠂ ᠮᠥᠩᠭᠦᠨ ᠵᠣᠭᠤᠰ ᠴᠢᠳᠬᠤᠭᠤᠯᠤᠭᠰᠠᠨ ᠠᠴᠠ | ᠭᠠᠳᠠᠨᠠ 1227 ᠣᠨ ᠳᠤ ᠳᠡᠯᠡᠬᠡᠢ ᠳᠤ ᠠᠩᠬᠠ ᠤᠳᠠᠭᠠ ᠴᠠᠭᠠᠰᠤᠨ ᠲᠡᠮᠳᠡᠭᠲᠦ ᠬᠡᠪᠯᠡᠭᠦᠯᠵᠦ ᠭᠦᠢᠯᠭᠡᠭᠡᠨ ᠳᠤ | ᠬᠡᠷᠡᠭᠯᠡᠭᠰᠡᠨ ᠭᠡᠵᠦ ᠵᠠᠷᠢᠮ ᠰᠤᠳᠤᠯᠤᠭᠠᠴᠢ ᠦᠵᠡᠳᠡᠭ᠃ | ᠡᠨᠡ ᠨᠢ ᠴᠢᠩᠭᠢᠰ ᠬᠠᠭᠠᠨ ᠮᠣᠩᠭᠤᠯ ᠤᠨ ᠨᠢᠭᠡᠳᠦᠭᠰᠡᠨ ᠡᠵᠡᠨᠲᠦ ᠭᠦᠷᠦᠨ ᠢ ᠤᠯᠤᠰ ᠲᠥᠷᠥ᠂ ᠡᠳ᠋ ᠤᠨ | ᠵᠠᠰᠠᠭ᠂ ᠰᠤᠶᠤᠯ ᠢ ᠵᠠᠩᠭᠢᠳᠤᠨ ᠪᠠᠷᠢᠵᠤ ᠨᠢᠭᠡᠨ ᠤᠳᠤᠷᠢᠳᠤᠯᠭᠠ ᠳᠤ ᠵᠠᠬᠢᠷᠬᠤ ᠳᠤ ᠪᠠᠨ ᠮᠥᠩᠭᠦᠨ ᠤ | ᠬᠠᠷᠢᠯᠴᠠᠭᠠ ᠶᠢ ᠤᠬᠠᠭᠠᠯᠢᠭ ᠢᠶᠠᠷ ᠠᠰᠢᠭᠯᠠᠵᠤ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠮᠣᠩᠭᠤᠯ ᠲᠤᠭᠤᠷᠭᠠᠲᠠᠨ | 1236 ᠣᠨ ᠳᠤ ᠲᠥᠷᠥᠯ ᠪᠦᠷᠢ ᠶᠢᠨ ᠬᠡᠯᠪᠡᠷᠢ᠂ ᠬᠡᠮᠵᠢᠶᠡ᠂ ᠵᠢᠩ ᠲᠠᠢ ᠵᠣᠭᠤᠰᠤᠨ ᠮᠥᠩᠭᠦ ᠶᠢ ᠨᠢᠭᠡᠳᠬᠡᠨ | ᠢᠵᠢᠯ ᠬᠡᠮᠵᠢᠶᠡ᠂ ᠵᠢᠩ ᠲᠠᠢ ᠵᠣᠭᠤᠰ ᠴᠢᠳᠬᠤᠨ ᠭᠠᠷᠭᠠᠬᠤ ᠮᠥᠩᠭᠦᠨ ᠤ ᠰᠢᠨᠡᠳᠬᠡᠯ ᠬᠢᠵᠦ ᠪᠠᠶᠢᠴᠠᠢ᠃ ᠴᠠᠭᠠᠰᠤᠨ | ᠲᠡᠮᠳᠡᠭᠲᠦ᠂ ᠵᠣᠭᠤᠰᠤᠨ ᠮᠥᠩᠭᠦ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠭᠦᠢᠯᠭᠡᠭᠡᠨ ᠳᠤ ᠭᠠᠷᠭᠠᠨ 1253 ᠣᠨ ᠳᠤ ︽ | ᠮᠥᠩᠭᠦᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠬᠡᠯᠲᠡᠰ︾ ᠨᠡᠷᠡ ᠲᠠᠢ ᠮᠥᠩᠭᠦᠨ ᠭᠦᠢᠯᠭᠡᠭᠡ ᠡᠷᠬᠢᠯᠡᠭᠰᠡᠨ ᠪᠠᠶᠢᠭᠤᠯᠤᠯᠭᠠ ᠪᠤᠶᠤ | ᠣᠳᠣ ᠶᠢᠨ ᠬᠢ ᠪᠠᠷ ᠪᠠᠩᠬᠢ ᠪᠠᠶᠢᠭᠤᠯᠤᠨ ᠠᠵᠢᠯᠯᠠᠭᠤᠯᠵᠤ ᠪᠠᠶᠢᠯᠠ᠃ | ᠲᠡᠷᠡ ᠦᠶᠡ ᠶᠢᠨ ᠵᠣᠭᠤᠰᠤᠨ ᠮᠥᠩᠭᠦ ᠨᠢ ᠡᠬᠢᠨᠦᠶᠡ ᠳᠤ ᠪᠠᠨ ᠲᠣᠳᠣᠷᠬᠠᠢ ᠲᠤᠭᠠ ᠬᠡᠮᠵᠢᠶᠡ ᠵᠢᠭᠠᠭᠠ | ᠦᠭᠡᠢ᠂ ᠲᠡᠳᠦᠲᠦ ᠶᠢᠨ ᠳᠡᠪᠢᠰᠬᠡᠷᠲᠦ ᠭᠡᠵᠦ ᠢᠯᠭᠠᠳᠠᠭ ᠦᠭᠡᠢ ᠪᠠᠶᠢᠭᠰᠠᠨ ᠠᠵᠢ᠃ ᠬᠤᠪᠢᠯᠠᠢ ᠬᠠᠭᠠᠨ ᠤ | ᠦᠶᠡ ᠳᠤ 1260 ᠣᠨ ᠳᠤ ᠮᠣᠩᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠤ ᠨᠡᠶᠢᠰᠯᠡᠯ ᠬᠠᠷᠠᠬᠤᠷᠢᠨ ᠳᠤ ︽ᠮᠥᠩᠭᠦ | ᠲᠤᠰᠢᠶᠠᠬᠤ ᠶᠠᠮᠤᠨ︾ ᠪᠠᠶᠢᠭᠤᠯᠵᠤ᠂ ᠤᠯᠠᠮ ᠢᠶᠠᠷ ᠮᠥᠩᠭᠦᠨ ᠲᠡᠮᠳᠡᠭᠲᠦ ᠶᠢ ᠭᠦᠢᠯᠭᠡᠭᠡᠨ ᠳᠤ ᠭᠠᠷᠭᠠᠵᠠᠢ᠃ | ᠮᠥᠩᠭᠦᠨ ᠤ ᠭᠦᠢᠯᠭᠡᠭᠡ ᠡᠷᠴᠢᠮᠲᠡᠢ ᠬᠥᠭᠵᠢᠵᠦ 1280 ᠭᠠᠳ ᠣᠨ ᠳᠤ ᠴᠠᠭᠠᠰᠤᠨ ᠮᠥᠩᠭᠦᠨ ᠤ ᠰᠢᠨᠡᠳᠬᠡᠯ | ᠬᠢᠵᠦ᠂ 1327 ᠣᠨ ᠳᠤ ᠬᠠᠭᠤᠴᠢᠷᠠᠭᠰᠠᠨ ᠴᠠᠭᠠᠰᠤᠨ ᠮᠥᠩᠭᠦ ᠶᠢ ᠰᠢᠲᠠᠭᠠᠵᠤ ᠤᠰᠠᠳᠬᠠᠬᠤ ᠭᠠᠵᠠᠷ ᠢ | ᠪᠡᠭᠡᠵᠢᠩ ᠳᠤ ᠪᠠᠶᠢᠭᠤᠯᠵᠠᠢ᠃ ᠤᠰᠠᠳᠬᠠᠯ ᠤᠨ ᠠᠵᠢᠯ ᠳᠤ ᠮᠤᠵᠢ ᠶᠢᠨ ᠲᠦᠰᠢᠮᠡᠯ ᠭᠡᠷᠡᠴᠢ ᠪᠠᠷ ᠣᠷᠣᠯᠴᠠᠳᠠᠭ | ᠵᠢᠷᠤᠮ ᠲᠣᠭᠲᠠᠭᠠᠭᠰᠠᠨ ᠭᠡᠳᠡᠭ᠃ ᠮᠣᠩᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠤ ᠦᠶᠡ ᠳᠤ 100 ᠭᠠᠷᠤᠢ ᠤᠳᠠᠭᠠ ᠠᠯᠲᠠ | ᠮᠥᠩᠭᠦᠨ ᠪᠣᠯᠤᠨ ᠮᠧᠲ᠋ᠠᠯ ᠵᠣᠭᠤᠰ᠂ ᠴᠠᠭᠠᠰᠤᠨ ᠲᠡᠮᠳᠡᠭᠲᠦ ᠶᠢ ᠭᠦᠢᠯᠭᠡᠭᠡᠨ ᠳᠤ ᠭᠠᠷᠭᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠪᠠ᠃ | ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠤ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ 1260 ᠣᠨ ᠳᠤ ᠬᠡᠪᠯᠡᠨ ᠭᠠᠷᠭᠠᠭᠰᠠᠨ ︽ᠬᠤᠪᠢᠯᠠᠢ | ᠬᠠᠭᠠᠨ ᠤ ᠮᠥᠩᠭᠦᠨ ᠳᠡᠪᠢᠰᠬᠡᠷᠲᠦ︾ ᠪᠤᠶᠤ ᠴᠣ ᠭᠦᠢᠯᠭᠡᠭᠡᠨ ᠤ ᠨᠠᠶᠢᠳᠠᠪᠤᠷᠢᠲᠠᠢ ᠬᠡᠷᠡᠭᠰᠡᠯ ᠪᠠᠶᠢᠯᠠ᠃ | ᠣᠷᠣᠰ ᠤᠨ ᠡᠷᠳᠡᠮᠲᠡᠨ ᠺᠣᠽᠣᠯᠣᠸ᠋ ᠥᠪᠥᠷ ᠮᠣᠩᠭᠤᠯ ᠤᠨ ᠡᠵᠡᠨᠡ ᠬᠤᠰᠢᠭᠤᠨ ᠤ ᠨᠤᠲᠤᠭ ᠬᠠᠷᠠ | ᠬᠤᠲᠠ ᠶᠢᠨ ᠲᠤᠭᠤᠷᠠᠢ ᠳᠤ 1907 ᠣᠨ ᠳᠤ ᠬᠢᠭᠰᠡᠨ ᠮᠠᠯᠲᠠᠯᠭᠠ ᠶᠢᠨ ᠦᠶᠡ ᠪᠠᠷ ᠶᠤᠸᠠᠨ ᠭᠦᠷᠦᠨ ᠤ ᠴᠠᠭᠠᠰᠤᠨ | ᠮᠥᠩᠭᠦᠨ ᠳᠡᠪᠢᠰᠬᠡᠷᠲᠦ ᠶᠢ ᠣᠯᠵᠠᠢ᠃ ᠤᠭ ᠮᠥᠩᠭᠦᠨ ᠲᠡᠮᠳᠡᠭᠲᠦ ᠶᠢ ᠯᠤᠤ ᠪᠣᠯᠤᠨ ᠴᠡᠴᠡᠭᠡᠨ ᠬᠡ ᠪᠠᠷ ᠴᠢᠮᠡᠵᠦ | ᠬᠦᠷᠢᠶᠡᠯᠡᠭᠰᠡᠨ ᠪᠠᠶᠢᠪᠠ᠃ ᠨᠢᠭᠤᠷ ᠤᠨ ᠲᠥᠪ ᠬᠡᠰᠡᠭ ᠲᠤ ᠡᠪᠬᠡᠮᠡᠯ ᠦᠰᠦᠭ ᠲᠠᠢ ᠲᠠᠮᠠᠭᠠ ᠳᠠᠷᠤᠵᠤ | ᠪᠠᠲᠤᠯᠠᠭᠠᠵᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠮᠥᠩᠭᠦᠨ ᠳᠡᠪᠢᠰᠬᠡᠷᠲᠦ ᠶᠢ ᠣᠷᠣᠰ ᠬᠤᠯᠪᠣᠭᠠᠨ ᠤ ᠤᠯᠤᠰ ᠤᠨ | ᠰᠠᠨᠺᠲ-ᠫᠧᠲ᠋ᠧᠷᠪᠦᠦᠭ ᠫᠧᠲ᠋ᠧᠷᠪᠦ᠋ᠷᠢᠭ ᠤᠨ ᠡᠷᠮᠢᠲ᠋ᠠᠵ ᠲᠤ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ᠠᠵᠢ᠃ ᠬᠤᠪᠢᠯᠠᠢ ᠬᠠᠭᠠᠨ ᠤ | ᠣᠷᠳᠣᠨ ᠳᠤ ᠣᠯᠠᠨ ᠵᠢᠯ ᠠᠮᠢᠳᠤᠷᠠᠭᠰᠠᠨ ᠢᠲ᠋ᠠᠯᠢ ᠶᠢᠨ ᠠᠶᠠᠯᠠᠭᠴᠢ ᠮᠠᠷᠺᠤ ᠫᠣᠯᠣ ᠴᠣ ᠮᠥᠩᠭᠦᠨ ᠤ ᠲᠠᠯᠠ ᠪᠠᠷ | ᠱᠠᠭᠰᠢᠨ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠶᠤᠸᠠᠨ ᠤᠯᠤᠰ ᠤᠨ ᠡᠷᠬᠡ ᠪᠠᠷᠢᠭᠴᠢᠳ ᠴᠠᠭᠠᠰᠤᠨ ᠮᠥᠩᠭᠦ ᠶᠢ | ᠶᠡᠭᠡ ᠪᠠᠷ ᠬᠡᠪᠯᠡᠬᠦ ᠪᠣᠯᠤᠭᠰᠠᠨ ᠢᠶᠠᠷ ᠢᠨᠹᠯᠢᠶᠠᠼ ᠢ ᠬᠢᠨᠠᠯᠲᠠ ᠠᠴᠠ ᠪᠠᠨ ᠠᠯᠠᠳᠠᠭᠰᠠᠨ ᠪᠢᠯᠡ᠃ ᠡᠨᠡ ᠬᠢᠮᠤᠷᠠᠯ | ᠮᠣᠩᠭᠤᠯᠴᠤᠳ ᠤᠨ ᠨᠣᠶᠠᠷᠬᠠᠯ ᠬᠢᠲᠠᠳ ᠲᠤ ᠨᠤᠷᠠᠨ ᠤᠨᠠᠬᠤ ᠬᠦᠷᠲᠡᠯᠡ ᠪᠤᠶᠤ 1368 ᠣᠨ ᠬᠦᠷᠲᠡᠯᠡ | ᠦᠷᠭᠦᠯᠵᠢᠯᠡᠵᠡᠢ᠃ ᠳᠠᠰᠢᠷᠠᠮ ᠳᠤ ᠦᠭᠦᠯᠡᠬᠦ ᠳᠤ᠂ ᠶᠤᠸᠠᠨ ᠭᠦᠷᠦᠨ ᠤ ᠴᠣ ᠮᠥᠩᠭᠦᠨ ᠳᠡᠪᠢᠰᠬᠡᠷᠲᠦ ᠶᠢ | ᠳᠡᠯᠡᠬᠡᠢ ᠶᠢᠨ ᠰᠠᠩᠬᠦᠦ ᠶᠢᠨ ᠮᠦᠽᠧᠢ ᠳᠤ ᠥᠩᠭᠡᠷᠡᠭᠰᠡᠨ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠳᠤ ᠪᠠᠶᠢᠷᠢᠰᠢᠭᠤᠯᠤᠭᠰᠠ ᠪᠠᠶᠢᠨᠠ᠃ | |