| ᠤᠮ ᠰᠠᠶᠢᠬᠠᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ | ᠠᠯᠳᠠᠨ ᠴᠠᠭᠠᠨ ᠬᠠᠳᠠᠭᠠᠨ ᠳᠡᠭᠡᠷᠡ ᠪᠠᠨ | ᠠᠯᠳᠠᠨ ᠶᠢᠰᠦᠨ ᠵᠣᠭᠤᠰ ᠢᠶᠠᠷ ᠴᠢᠮᠡᠵᠦ | ᠮᠥᠩᠭᠦᠨ ᠶᠢᠰᠦᠨ ᠶᠤᠸᠠᠮᠪᠤᠤ ᠲᠠᠯᠪᠢᠵᠤ | ᠭᠠᠯ ᠳᠤ ᠴᠢᠨᠢ ᠲᠣᠰᠣ ᠲᠠᠢ | ᠪᠤᠷᠬᠠᠨ ᠳᠤ ᠴᠢᠨᠢ ᠨᠢᠨᠳᠠᠷ ᠲᠠᠢ | ᠪᠤᠭᠤᠷᠤᠯ ᠳᠤ ᠴᠢᠨᠢ ᠬᠠᠳᠠᠭ ᠲᠠᠢ | ᠲᠡᠪᠡᠯ ᠤᠨ ᠲᠣᠷᠭᠠ | ᠳᠡᠪᠢᠰᠬᠡᠷ ᠤᠨ ᠬᠡᠪᠢᠰ ᠲᠠᠢ | ᠲᠡᠯᠡᠢ ᠶᠢᠨ ᠲᠠᠪᠤᠨ ᠡᠷᠳᠡᠨᠢ ᠵᠡᠷᠭᠡ ᠶᠢ ᠡᠷᠭᠦᠨ | ᠲᠦᠷᠦ ᠶᠢᠨ ᠬᠡᠯᠬᠢᠶᠡ ᠦᠷᠡ ᠶᠢᠨ ᠪᠠᠷᠢᠯᠳᠤᠯᠭᠠ ᠳᠤ | ᠲᠡᠷᠢᠭᠦᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠤᠮ ᠽᠠᠨᠳᠠᠨ ᠭᠦᠩᠭᠠᠷᠠᠪᠠ | ᠸᠴᠢᠷ ᠽᠠᠨᠳᠠᠨ ᠳᠠᠷᠤᠯᠲᠠ ᠲᠠᠢ | ᠰᠦᠢᠵᠢᠩ ᠰᠢᠯᠢᠨ ᠨᠡᠭᠡᠭᠡᠯᠬᠡᠲᠠᠢ | ᠱᠢᠷᠦ ᠰᠤᠪᠤᠳ ᠰᠡᠶᠢᠯᠦᠭᠦᠷ ᠲᠠᠢ | ᠲᠡᠭᠦᠨ ᠤ ᠳᠣᠲᠣᠷᠠ ᠳᠠᠬᠢᠭᠰᠠᠨ ᠪᠤᠷᠬᠠᠨ | ᠪᠠᠯᠳᠠᠨ ᠯᠾᠨᠮᠦ ᠪᠠᠶᠠᠨ ᠨᠠᠮᠰᠠᠷᠠᠢ | ᠵᠠᠶᠠᠭᠠᠨ ᠲᠠᠪᠤᠨ ᠲᠡᠭᠷᠢ | ᠨᠠᠰᠤᠨ ᠤ ᠭᠤᠷᠪᠠᠨ ᠪᠤᠷᠬᠠᠨ ᠸᠴᠢᠷ ᠲᠡᠷᠢᠭᠦᠲᠡᠨ | ᠵᠢᠷᠭᠠᠯᠠᠩ ᠤᠨ ᠪᠠᠶᠠᠳ ᠴᠠᠭ ᠤᠨ ᠡᠵᠡᠨ ᠱᠠᠭᠵᠠᠮᠤᠨᠢ | ᠪᠠᠭᠰᠢ ᠪᠠᠳᠮᠠᠰᠠᠮᠪᠤᠤ ᠨᠣᠮ ᠤᠨ ᠬᠠᠭᠠᠨ | ᠢᠲᠡ ᠰᠢᠳᠢᠲᠡᠨ ᠡᠵᠡᠨ ᠸᠠᠩ | ᠲᠡᠭᠷᠢ ᠶᠢᠨ ᠳᠣᠭᠰᠢᠳ ᠨᠠᠷ ᠲᠤ ᠬᠦᠷᠲᠡᠯᠡ | ᠰᠠᠩ ᠰᠤᠯᠬᠢᠶᠡ ᠰᠠᠷᠬᠤᠳ ᠨᠠᠩᠴᠢᠳ | ᠦᠨᠦᠷ ᠲᠠᠢ ᠠᠴᠠ ᠠᠷᠴᠠ | ᠬᠡᠷᠡᠯ ᠲᠠᠢ ᠠᠴᠠ ᠵᠤᠯᠠ | ᠭᠠᠯ ᠪᠤᠷᠬᠠᠨ ᠳᠤ ᠴᠢᠨᠢ | ᠽᠠᠨᠳᠠᠨ ᠱᠦᠷᠦᠪᠡ ᠤᠮ ᠠ ᠬᠤᠮ ᠭᠡᠳ | ᠬᠤᠶᠠᠷ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠣᠮ ᠽᠠᠨᠳᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠴᠢᠨᠢ | ᠰᠢᠷᠠ ᠵᠣᠭᠤᠰ ᠰᠢᠵᠢᠷ ᠠᠯᠳᠠ | ᠬᠠᠮᠪᠤ ᠲᠣᠷᠭᠠ ᠬᠠᠯᠢᠭᠤ ᠪᠤᠯᠠᠭᠠ | ᠮᠣᠯᠣᠷ ᠡᠷᠳᠡᠨᠢ ᠮᠥᠩᠭᠦ ᠶᠤᠸᠠᠮᠪᠤᠤ | ᠬᠠᠰ ᠮᠠᠨᠤ ᠱᠢᠷᠦ ᠣᠭ᠍ᠶᠤ | ᠲᠠᠭᠠᠨᠡ ᠰᠤᠪᠤᠳ ᠰᠡᠩᠰᠡᠨ ᠬᠤᠷᠠᠭᠠ | ᠪᠤᠳᠤᠩᠳᠠᠢ ᠠᠴᠠ ᠲᠣᠰᠣ | ᠲᠠᠪᠠᠭ ᠰᠡᠭᠦᠯ ᠲᠠᠢ ᠬᠤᠨᠢᠨ ᠰᠢᠭᠦᠰᠦ ᠬᠦᠷᠲᠡᠯᠡ | ᠭᠤᠷᠪᠠᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠢᠷᠪᠢᠰ ᠭᠦᠢᠴᠡᠬᠦ ᠮᠣᠷᠢ | ᠡᠷᠳᠡᠨᠢ ᠶᠢᠨ ᠬᠦᠯᠦᠭ ᠠᠭᠲᠠ | ᠡᠮᠡᠭᠡᠯ ᠬᠠᠵᠠᠭᠠᠷ ᠪᠦᠷᠢᠨ | ᠬᠤᠷᠠ ᠰᠠᠶᠢᠬᠠᠨ ᠬᠦᠴᠦᠲᠡᠢ | ᠬᠤᠷᠴᠠ ᠲᠦᠷᠪᠠᠨ ᠲᠤᠭᠤᠷᠠᠢ ᠲᠠᠢ | ᠽᠠᠨᠳᠠᠨ ᠬᠦᠷᠡᠩ ᠭᠡᠭᠦᠦ | ᠤᠨᠠᠭᠠ ᠲᠠᠢ ᠲᠠᠭᠠ ᠲᠠᠢ | ᠢᠨᠴᠠᠭᠠᠨ ᠦᠦᠷᠰᠦᠭᠰᠡᠭᠡᠷ | ᠱᠣᠩ ᠳᠡᠭᠡᠷᠡ ᠴᠢᠨᠢ ᠤᠶᠠᠭᠠ ᠲᠠᠢ ᠪᠤᠢ | ᠡᠨᠡ ᠪᠣᠯ ᠲᠦᠷᠪᠠᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠲᠡᠭᠷᠢ ᠡᠵᠡᠨ ᠤ ᠲᠠᠮᠠᠭᠠ ᠨᠢ | ᠲᠠᠰᠢᠶᠠᠨ ᠳᠡᠭᠡᠷᠡ ᠨᠢ ᠳᠤᠷᠠᠶᠢᠭᠰᠠᠨ | ᠲᠡᠪ ᠲᠡᠭᠰᠢᠬᠡᠨ ᠪᠡᠶᠡ ᠲᠠᠢ | ᠮᠢᠨᠳᠠᠰᠤᠨ ᠶᠠᠩᠭᠠᠷ ᠵᠣᠭᠳᠣᠷ ᠲᠠᠢ | ᠮᠣᠯᠣᠷ ᠡᠷᠳᠡᠨᠢ ᠶᠢᠨ ᠢᠲᠡ ᠲᠠᠢ | ᠬᠦᠴᠦᠲᠦ ᠯᠤᠤ ᠶᠢᠨ ᠬᠦᠵᠦᠭᠦᠦ ᠲᠠᠢ | ᠰᠢᠷᠡᠭᠡ ᠪᠦᠭᠡ ᠲᠠᠢ ᠲᠡᠮᠡᠭᠡ | ᠰᠢᠷᠡᠮᠦᠨ ᠲᠦᠷᠦᠭᠡ ᠲᠠᠢ | ᠰᠢᠷᠢᠮᠡᠯ ᠲᠤᠬᠤᠱᠢ ᠲᠠᠢ | ᠰᠡᠨᠵᠢᠲᠡᠢ ᠭᠠᠳᠠᠰᠤᠨ ᠳᠡᠭᠡᠷᠡ ᠴᠢᠨᠢ ᠤᠶᠠᠭᠠ ᠲᠠᠢ ᠪᠤᠢ | ᠡᠨᠡ ᠪᠣᠯ ᠲᠠᠪᠤᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠡᠵᠡᠨ ᠲᠦᠷᠦ ᠳᠡᠭᠡᠨ ᠡᠭᠡᠯᠢᠲᠡᠢ | ᠥᠨᠳᠥᠷ ᠡᠪᠡᠷ ᠲᠠᠢ ᠤᠯᠠᠭᠴᠢᠨ ᠦᠨᠢᠶᠡ | ᠥᠬᠢᠨ ᠤᠯᠠᠭᠠᠨ ᠲᠤᠭᠤᠯ ᠲᠠᠢ ᠪᠢᠷᠠᠭᠤ ᠲᠠᠢ | ᠵᠠᠯᠠᠨ ᠳᠡᠭᠡᠷᠡ ᠴᠢᠨᠢ ᠤᠶᠠᠭᠠ ᠲᠠᠢ ᠪᠤᠢ | ᠡᠨᠡ ᠪᠣᠯ ᠵᠢᠷᠭᠤᠭᠠᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠮᠢᠨᠳᠠᠰᠤᠨ ᠴᠠᠭᠠᠨ ᠨᠣᠣᠰᠣ ᠲᠠᠢ | ᠮᠠᠨᠲᠤᠭᠤᠷ ᠴᠠᠭᠠᠨ ᠬᠤᠷᠠᠭᠠ ᠲᠠᠢ | ᠬᠤᠲᠠᠨ ᠳᠤᠮᠳᠠ ᠪᠠᠨ ᠮᠠᠶᠢᠯᠠᠳᠠᠭ | ᠪᠤᠶᠠᠨ ᠬᠡᠰᠢᠭ ᠤᠨ ᠬᠦᠷᠢᠶᠡᠲᠦ | ᠮᠠᠩᠨᠠᠢ ᠬᠠᠯᠵᠠᠨ ᠬᠤᠨᠢ | ᠬᠤᠷᠣᠭᠠᠨ ᠳᠤ ᠴᠢᠨᠢ ᠬᠤᠷᠢᠵᠤ ᠪᠤᠢ | ᠡᠨᠡ ᠪᠣᠯ ᠲᠤᠯᠤᠭᠠᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠰᠢᠷᠠ ᠵᠣᠭᠤᠰ ᠰᠢᠵᠢᠷ ᠠᠯᠳᠠ ᠮᠥᠩᠭᠦᠨ ᠶᠤᠸᠠᠮᠪᠤᠤ | ᠶᠢᠰᠦᠨ ᠭᠦᠵᠡᠭᠡ ᠰᠢᠷᠠ ᠲᠣᠰᠣ | ᠶᠢᠰᠦᠨ ᠪᠤᠳᠤᠩ ᠲᠠᠢ ᠠᠶᠢᠷᠠᠭ | ᠶᠢᠰᠦᠨ ᠬᠡᠰᠡᠭ ᠬᠡᠪ ᠤᠨ ᠴᠠᠢ | ᠣᠭ᠍ᠶᠤ ᠱᠢᠷᠦ ᠲᠠᠭᠠᠨᠡ ᠰᠤᠪᠤᠳ ᠲᠠᠵᠢ ᠮᠠᠩᠨᠤᠭ | ᠬᠠᠰ ᠮᠠᠨᠤ ᠬᠠᠮᠪᠤ ᠲᠣᠷᠭᠠ | ᠬᠠᠯᠢᠭᠤ ᠪᠤᠯᠠᠭᠠ ᠰᠡᠩᠰᠡᠨ ᠬᠤᠷᠠᠭᠠ | ᠰᠢᠭᠰᠢᠮᠡᠯ ᠮᠥᠩᠭᠦᠨ ᠲᠤᠩᠭᠠᠯᠠᠭ ᠠᠯᠳᠠ ᠵᠡᠷᠭᠡ ᠪᠠᠨ ᠢᠯᠡᠭᠡᠭᠰᠡᠨ | ᠡᠨᠡ ᠪᠣᠯ ᠨᠠᠢᠮᠠᠨ ᠶᠢᠰᠦ ᠶᠢᠨ ᠪᠡᠯᠡᠭ ᠡᠨᠡ ᠰᠠᠨ ᠪᠢᠯᠡ᠃ | ᠵᠦᠢᠯ ᠪᠦᠷᠢ ᠶᠢᠨ ᠡᠷᠳᠡᠨᠢ | ᠵᠦᠰᠦᠮᠡᠯ ᠲᠣᠷᠭᠠ ᠵᠥᠭᠡᠢ ᠶᠢᠨ ᠪᠠᠯ | ᠬᠠᠮᠪᠤ ᠬᠢᠯᠢᠩ ᠵᠢᠰᠤᠷ ᠵᠠᠩᠬᠢᠪ | ᠡᠪᠬᠡᠮᠡᠯ ᠪᠠᠷᠠᠭᠠ ᠬᠡᠪ ᠤᠨ ᠴᠠᠢ | ᠬᠤᠸᠠᠷ ᠲᠠᠢ ᠬᠤᠷᠭᠤᠢ ᠬᠤᠯᠤᠰᠤᠨ ᠯᠢᠩᠪᠤ | ᠬᠤᠭᠤᠷ ᠶᠠᠲᠤᠭᠠ ᠪᠠᠷ ᠶᠠᠩᠳᠠᠷ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ | ᠡᠷᠡ ᠶᠢᠨ ᠵᠣᠳᠤᠭ ᠡᠪ ᠤᠨ ᠴᠠᠪᠠᠤ | ᠱᠠᠭᠠ ᠱᠠᠰᠲᠢᠷ ᠰᠠᠮ ᠱᠦᠭᠦᠷ | ᠰᠢᠳᠦᠨ ᠤ ᠱᠤᠸᠠᠵᠠ ᠵᠢᠰᠦᠨ ᠤ ᠲᠣᠯᠢ | ᠬᠤᠸᠠᠷ ᠲᠠᠢ ᠲᠣᠷᠭᠠ | ᠬᠤᠨᠢᠶᠠᠰᠤ ᠲᠠᠢ ᠬᠠᠪᠲᠠᠭᠠ | ᠭᠠᠩ ᠢᠯᠳᠦ ᠭᠠᠯᠲᠤ ᠬᠡᠲᠡ ᠵᠡᠷᠭᠡ ᠶᠢᠨ | ᠶᠢᠰᠦ ᠶᠢᠰᠦ ᠶᠢᠨ ᠪᠡᠯᠡᠭ ᠢ | ᠪᠦᠬᠦᠨ ᠢᠶᠠᠷ ᠨᠢ ᠲᠤᠰᠢᠶᠠᠨ ᠡᠷᠭᠦᠵᠦ | ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ︕ |