| ᠲᠠᠶᠢᠯ ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ ᠭᠡᠳᠡᠭ ᠨᠢ ᠬᠠᠪᠤᠲᠤ ᠬᠠᠰᠠᠷ ᠤᠨ ᠣᠷᠳᠣᠨ ︵ᠦᠷᠬᠦᠭᠡ︶ ᠤ | ᠲᠠᠬᠢᠯᠭᠠ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ ᠮᠠᠨ ᠤ ᠳᠡᠭᠡᠳᠦ ᠦᠶᠡ ᠶᠢᠨ ᠬᠥᠮᠥᠰ ᠬᠠᠪᠤᠲᠤ ᠬᠠᠰᠠᠷ ᠢ ᠪᠣᠭᠳᠠ ᠭᠡᠵᠦ | ᠦᠵᠡᠳᠡᠭ ᠪᠣᠯᠬᠤᠷ ᠬᠠᠪᠤᠲᠤ ᠬᠠᠰᠠᠷ ᠭᠡᠰᠡᠨ ᠨᠡᠷᠡ ᠶᠢ ᠰᠢᠭᠤᠳ ᠲᠤᠷᠠᠳᠤᠳᠠᠭ ᠦᠭᠡᠢ ᠬᠠᠷᠢᠨ ᠲᠠᠶᠢᠯ ᠪᠣᠭᠳᠠ | ᠭᠡᠵᠦ ᠨᠡᠷᠡ ᠬᠠᠯᠢᠷᠠᠭᠤᠯᠤᠨ ᠳᠠᠭᠤᠳᠠᠳᠠᠭ ᠠᠴᠠ ᠲᠠᠶᠢᠯ ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ ᠭᠡᠳᠡᠭ ᠪᠢᠯᠡ᠃ | ᠲᠠᠶᠢᠯ ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ ᠪᠣᠯ ᠪᠦᠬᠡ ᠮᠥᠷᠭᠦᠯ ᠤᠨ ᠰᠣᠶᠣᠯ ᠪᠣᠯᠣᠨ ᠨᠡᠭᠦᠳᠡᠯ ᠰᠣᠶᠣᠯ ᠤᠨ | ᠬᠥᠷᠥᠰᠥᠨ ᠳᠤ ᠤᠷᠭᠤᠭᠰᠠᠨ ᠮᠣᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠲᠠᠬᠢᠯᠭᠠ ᠶᠢᠨ ᠨᠢᠭᠡᠨ ᠵᠦᠢᠯ ᠪᠠᠶᠢᠵᠤ᠂ | ᠥᠨᠢ ᠤᠳᠠᠭᠠᠨ ᠲᠡᠦᠬᠡ ᠪᠣᠯᠣᠨ ᠥᠨᠢᠷ ᠪᠠᠶᠠᠯᠢᠭ ᠰᠣᠶᠣᠯ ᠤᠨ ᠠᠭᠤᠯᠭᠠ ᠪᠠᠷ ᠢᠶᠠᠨ ᠬᠥᠮᠥᠰ ᠤᠨ ᠰᠣᠨᠢᠷᠬᠠᠯ ᠢ | ᠲᠠᠲᠠᠭᠰᠠᠭᠠᠷ ᠢᠷᠡᠵᠠᠢ᠃ ᠬᠠᠪᠤᠲᠤ ᠬᠠᠰᠠᠷ ᠪᠣᠯ ᠬᠢᠶᠠᠳ ᠶᠠᠰᠤᠲᠤ ᠶᠢᠰᠦᠳᠦᠭᠡᠷ ᠪᠠᠭᠠᠲᠤᠷ ᠪᠣᠯᠣᠨ ᠥᠭᠡᠯᠦᠨ | ᠡᠬᠡ ᠶᠢᠨ ᠬᠤᠶᠠᠳᠤᠭᠠᠷ ᠬᠥᠪᠡᠭᠦᠨ᠂ ᠨᠢᠭᠡᠨ ᠦᠶᠡ ᠶᠢᠨ ᠲᠡᠭᠷᠯᠢᠭ ᠪᠠᠭᠠᠲᠤᠷ ᠴᠢᠩᠭᠢᠰ ᠬᠠᠭᠠᠨ ᠤ ᠲᠦᠷᠦᠭᠰᠡᠨ | ᠳᠡᠭᠦᠦ ᠪᠢᠯᠡ᠃1164 ᠣᠨ ᠳᠤ ᠮᠡᠨᠳᠡᠯᠡᠵᠦ᠂1227 ᠣᠨ ᠬᠠᠯᠢᠪᠠ᠃ ᠪᠠᠭᠠ ᠠᠴᠠ ᠪᠠᠨ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠳᠤ | ᠬᠠᠪᠤᠲᠠᠢ ᠪᠣᠯᠬᠤᠷ ᠬᠠᠪᠤᠲᠤ ᠬᠠᠰᠠᠷ ᠭᠡᠵᠦ ᠨᠡᠷᠡᠯᠡᠪᠡ᠃ ︽ᠬᠠᠰᠠᠷ︾ ᠭᠡᠭᠴᠢ ᠲᠤᠭᠰᠢᠨ ᠠᠷᠢᠶᠠᠲᠠᠨ ᠭᠡᠰᠡᠨ | ᠤᠳᠬᠠ ᠲᠠᠢ᠃ ᠲᠡᠷᠡ ᠪᠠᠭᠠ ᠠᠴᠠ ᠪᠠᠨ ᠠᠬᠠ ᠲᠡᠮᠦᠵᠢᠨ ᠢ ᠲᠠᠭᠠᠵᠦ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠦᠷᠢᠯᠳᠦᠯ | ᠪᠣᠯᠣᠨ ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢᠨ ᠡᠬᠡ ᠬᠠᠭᠤᠷᠠᠢ ᠶᠢ ᠰᠤᠨᠳᠠᠯᠠᠭᠰᠠᠨ ᠮᠣᠩᠭᠤᠯ ᠤᠨ ᠡᠵᠡᠨᠲᠦ ᠤᠯᠤᠰ ᠪᠠᠶᠢᠭᠤᠯᠬᠤ | ᠪᠠ ᠪᠠᠬᠢᠵᠢᠯ ᠬᠥᠭᠵᠢᠯ ᠳᠤ ᠦᠯᠡᠮᠵᠢ ᠭᠠᠪᠢᠶᠠ ᠪᠠᠶᠢᠭᠤᠯᠤᠨ ᠨᠢᠭᠡ ᠨᠠᠰᠤ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠶᠤᠮ᠃ ᠬᠠᠪᠤᠲᠤ | ᠬᠠᠰᠠᠷ ᠪᠣᠯ ᠬᠤᠷᠴᠢᠨᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠣᠯᠣᠨᠠ᠃ ᠮᠤᠤᠮᠢᠩᠭᠠᠨ ᠠᠶᠢᠮᠠᠭ ᠪᠣᠯ ᠲᠡᠭᠦᠨ ᠤ ᠳᠣᠲᠣᠷᠠᠬᠢ | ᠲᠤᠰᠬᠠᠶᠢᠯᠠᠨ ᠲᠠᠶᠢᠯ ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ ᠪᠠᠨ ᠡᠷᠬᠢᠯᠡᠭᠰᠡᠭᠡᠷ ᠬᠡᠳᠦᠨ ᠵᠠᠭᠤᠨ ᠣᠨ ᠪᠣᠯᠵᠤ ᠤᠳᠤ ᠶᠢᠨ ᠲᠠᠷᠬᠠᠨ | ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠡᠨ ᠳᠤ ᠪᠠᠶᠢᠬᠤ ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠣᠷᠳᠣᠨ ︵ᠲᠠᠶᠢᠯ | ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ︶ ᠤ ᠲᠠᠬᠢᠯᠭᠠ ᠶᠢᠨ ᠡᠵᠡᠳ ᠤᠨ ᠬᠤᠪᠢ ᠪᠠᠷ ᠲᠠᠬᠢᠯᠭᠠ ᠪᠠᠨ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠨᠠ᠃ | ᠲᠠᠶᠢᠯ ᠪᠣᠭᠳᠠ ᠶᠢᠨ ᠲᠠᠬᠢᠯᠭᠠ ᠶᠢ ᠭᠦᠢᠴᠡᠳᠬᠡᠬᠦ ᠶᠢᠨ ᠤᠴᠢᠷ ᠰᠢᠯᠲᠠᠭᠠᠨ ᠨᠢ ᠭᠡᠪᠡᠯ ᠲᠠᠶᠢᠯ ᠪᠣᠭᠳᠠ ᠶᠢᠨ | ᠰᠢᠲᠦᠭᠡᠨ ᠤ ᠪᠠᠨ ᠠᠭᠤᠷ ᠬᠢᠯᠢᠩ ᠢ ᠲᠠᠶᠢᠳᠬᠤᠷᠠᠭᠤᠯᠵᠤ᠂ ᠰᠠᠨᠠᠭᠠ ᠰᠡᠳᠬᠢᠯ ᠢ ᠨᠢ ᠪᠠᠶᠠᠰᠬᠠᠨ᠂ ᠥᠪᠡᠷ ᠤᠨ ᠰᠠᠶᠢᠨ | ᠰᠠᠶᠢᠬᠠᠨ ᠢᠶᠠᠨ ᠬᠦᠰᠡᠨ ᠳᠠᠭᠠᠳᠬᠠᠵᠤ᠂ ᠪᠣᠭᠳᠠ ᠠᠴᠠ ᠠᠪᠤᠷᠠᠯ ᠥᠷᠥᠰᠢᠶᠡᠯ ᠭᠤᠶᠤᠨ᠂ ᠪᠣᠳᠠᠲᠤ ᠠᠮᠢᠳᠤᠷᠠᠯ | ᠠᠬᠤᠢ ᠳᠠᠭᠠᠨ ᠤᠶᠤᠨ ᠰᠠᠨᠠᠭᠠᠨ ᠤ ᠥᠮᠥᠭ ᠲᠦᠰᠢᠭ ᠣᠯᠵᠤ᠂ ᠪᠣᠳᠠᠲᠠᠢ ᠦᠷᠡ ᠠᠰᠢᠭ ᠬᠦᠷᠳᠡᠬᠦ ᠭᠡᠰᠡᠨ ᠶᠠᠪᠤᠳᠠᠯ | ᠪᠣᠯᠣᠨᠠ᠃ ᠣᠳᠣ ᠶᠢᠨ ᠡᠨᠡ ᠴᠠᠭ ᠲᠤ ᠪᠠᠰᠠ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠢ ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠨ᠂ ᠪᠣᠳᠠᠰ ᠤᠨ | ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠬᠠᠮᠠᠭᠠᠯᠠᠯᠲᠠ ᠬᠥᠭᠵᠢᠯᠲᠡ ᠶᠢ ᠠᠬᠢᠭᠤᠯᠵᠤ᠂ ᠣᠷᠣᠨ ᠨᠤᠲᠤᠭ ᠤᠨ ᠵᠤᠭᠠᠴᠠᠯ ᠤᠨ | ᠦᠢᠯᠡᠰ ᠢ ᠠᠬᠢᠭᠤᠯᠬᠤ ᠳᠤ ᠠᠰᠢᠭᠲᠠᠢ ᠶᠤᠮ᠃ |