| ᠭᠠᠯ ᠲᠠᠬᠢᠬᠤ ᠶᠣᠰᠣᠨ ᠳᠤ ᠤᠯᠠᠨ ᠵᠦᠢᠯ ᠪᠠᠶᠢᠳᠠᠭ ᠪᠤᠯᠪᠠᠴᠦ ᠪᠢ ᠭᠤᠣᠯ ᠨᠢ ᠮᠣᠩᠭᠤᠯ ᠭᠡᠷ ᠲᠤ | ᠡᠪᠴᠢᠭᠦᠦ ᠪᠠᠷ ᠭᠠᠯ ᠲᠠᠬᠢᠬᠤ ᠶᠣᠰᠣᠨ ᠢ ᠲᠦᠬᠦᠮ ᠶᠠᠷᠢᠶᠠ᠃ ᠮᠣᠩᠭᠤᠯᠴᠤᠳ ᠭᠠᠯ ᠲᠠᠬᠢᠬᠤ ᠡᠳᠦᠷ ᠤᠨ ᠦᠳᠡᠰᠢ | ᠮᠠᠯ ᠰᠦᠷᠦᠭ ᠢᠶᠠᠨ ᠬᠤᠲᠠᠯᠠᠵᠤ ᠤᠳᠤ ᠪᠠᠶᠢᠷᠢᠯᠠᠬᠤ ᠦᠶᠡ ᠪᠠᠷ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃ ᠵᠢᠷᠤᠬᠠᠢ ᠳᠤ ︽ᠭᠠᠯ ᠤᠨ | ᠪᠤᠷᠬᠠᠨ ᠨᠢ ᠬᠤᠷᠢᠨ ᠭᠤᠷᠪᠠᠨ ᠤ ᠦᠳᠡᠰᠢ ᠬᠤᠷᠮᠤᠰᠳᠠ ᠲᠡᠭᠷᠢ ᠳᠤ ᠬᠦᠷᠴᠦ᠂ ᠬᠤᠷᠢᠨ ᠲᠦᠷᠪᠡᠨ ᠤ ᠰᠥᠨᠢ | ᠪᠠᠭᠤᠵᠤ ᠢᠷᠡᠮᠦᠢ︾ ᠭᠡᠰᠡᠨ ᠢ ᠵᠢᠷᠤᠮᠯᠠᠵᠤ᠂ ᠬᠤᠷᠢᠨ ᠭᠤᠷᠪᠠᠨ ᠪᠤᠶᠤ ᠬᠤᠷᠢᠨ ᠲᠦᠷᠪᠡᠨ ᠤ ᠦᠳᠡᠰᠢ ᠭᠠᠯ ᠢᠶᠠᠨ | ᠲᠠᠬᠢᠳᠠᠭ ᠶᠤᠮ᠃ | ᠭᠠᠯ ᠲᠠᠬᠢᠬᠤ ᠳᠤ ᠳᠤᠯᠠᠭᠠᠨ ᠳᠠᠭᠠᠨ ᠵᠡᠷᠭᠡᠯᠡᠭᠰᠡᠨ ᠬᠠᠭᠤᠷᠠᠢ ᠠᠷᠭᠠᠯ ᠲᠦᠯᠡᠭᠡ ᠶᠢ ᠨᠣᠴᠣᠭᠠᠵᠤ᠂ | ᠲᠠᠬᠢᠯᠭᠠ ᠳᠤ ᠣᠷᠤᠯᠴᠠᠬᠤ ᠬᠥᠮᠥᠰ ᠶᠡᠬᠡᠰ ᠠᠬᠠᠮᠠᠳ ᠠᠴᠠ ᠡᠬᠢᠯᠡᠨ ᠳᠣᠷᠣᠭᠰᠢ ᠲᠡᠰ ᠲᠠᠷᠠᠭᠠ ᠪᠠᠷ ᠰᠠᠭᠤᠯᠴᠠᠵᠤ᠂ | ᠡᠪᠴᠢᠭᠦᠨ ᠭᠡᠷᠰᠡᠩ᠂ ᠴᠣᠷᠣᠢ᠂ ᠬᠤᠰ᠂ ᠬᠤᠳᠣᠭᠤᠳᠤ᠂ ᠱᠠᠭᠠᠳᠤ᠂ ᠲᠦᠷᠪᠡᠨ ᠥᠨᠳᠥᠷ ᠢ ᠲᠠᠯᠠᠯᠠᠭᠠ ᠶᠢᠨ | ᠰᠠᠭᠤᠯᠭᠠᠨ ᠳᠤ ᠬᠢᠵᠦ ᠠᠬᠠᠮᠠᠳ ᠬᠥᠮᠥᠨ ᠡᠷᠭᠦᠵᠦ ᠲᠠᠯᠠᠯᠠᠭᠠ ᠠᠪᠬᠤ ᠪᠠᠷ ᠪᠡᠯᠡᠳᠬᠡᠨᠡ᠃ ᠪᠤᠰᠤᠳ ᠬᠥᠮᠥᠰ | ᠪᠦᠭᠦᠳᠡᠭᠡᠷ ᠢᠶᠠᠨ ᠫᠢᠯᠠ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ ᠪᠣᠣᠪᠤ ᠵᠡᠷᠭᠡ ᠶᠢᠨ ᠲᠠᠯᠠᠯᠠᠭᠠ ᠪᠠᠷᠢᠵᠤ ᠰᠠᠭᠤᠨᠠ᠃ ᠭᠡᠷ ᠤᠨ | ᠪᠦᠰᠡᠭᠦᠢ ᠬᠥᠮᠥᠨ ᠪᠤᠶᠤ ᠪᠡᠷᠢ ᠬᠥᠮᠥᠨ ᠭᠠᠯ ᠢᠶᠠᠨ ᠬᠥᠭᠵᠢᠭᠡᠨ ᠰᠡᠷᠵᠢᠮ ᠡᠷᠭᠦᠵᠦ ᠭᠠᠯ ᠠᠪᠤᠯᠴᠠᠬᠤ ᠳᠤ ᠭᠠᠯ ᠤᠨ | ᠰᠠᠩ ᠲᠠᠯᠪᠢᠵᠤ ᠤᠩᠰᠢᠯᠭᠠ ᠢᠷᠦᠭᠡᠯ ᠲᠠᠯᠪᠢᠨ ᠭᠡᠷ ᠤᠨ ᠡᠵᠡᠨ ᠴᠢᠮᠡᠵᠦ ᠪᠡᠯᠡᠳᠬᠡᠭᠰᠡᠨ ᠡᠪᠴᠢᠭᠦᠦ ︵ᠡᠪᠴᠢᠭᠦᠦ ᠶᠢᠨ | ᠶᠠᠰᠤ ᠪᠦᠲᠦᠨ ᠢᠶᠠᠷ ᠢᠶᠠᠨ᠂ ᠲᠠᠪᠤᠨ ᠥᠩᠭᠡ ᠶᠢᠨ ᠬᠢᠪ ᠲᠣᠷᠭᠠ᠂ ᠲᠦᠷᠸᠠ ᠡᠪᠡᠰᠦ᠂ ᠨᠣᠣᠰᠣᠨ ᠤᠲᠠᠰᠤ᠂ ᠲᠣᠷᠭᠠᠨ | ᠬᠠᠳᠠᠭ ᠪᠤᠶᠤ ᠰᠠᠮᠪᠠᠢ᠂ ᠴᠢᠪᠠᠭᠠ ᠦᠵᠦᠮ ᠢᠶᠠᠷ ᠴᠢᠮᠡᠭᠰᠡᠨ︶ ᠪᠠᠨ ᠪᠦᠳᠦᠷᠬᠡᠢ ᠶᠢ ᠨᠢ ᠲᠤᠯᠭᠠ ᠤᠷᠤᠭᠤ | ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠤ ᠭᠠᠯ ᠳᠤ ᠡᠷᠭᠦᠭᠡᠳ ᠬᠤᠷᠮᠣᠢ ᠪᠠᠨ ᠳᠡᠪᠢᠰᠴᠦ ᠭᠤᠷᠪᠠᠨᠲᠠ ᠮᠥᠷᠭᠦᠨᠡ᠃ ᠪᠡᠷᠢ ᠬᠥᠮᠥᠨ | ᠭᠠᠯ ᠳᠤ ᠰᠡᠷᠵᠢᠮ ᠡᠷᠭᠦᠵᠦ ᠭᠠᠯ ᠤᠨ ᠰᠤᠷ ᠲᠣᠭᠤᠨᠣ ᠲᠤᠯᠤᠮᠠ ᠪᠠᠳᠠᠷᠠᠨ ᠬᠥᠭᠵᠢᠬᠦ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ︽ | ᠰᠦᠮᠪᠦᠷ ᠠᠭᠤᠯᠠ ᠮᠡᠲᠦ ᠪᠠᠲᠤ᠂ ᠰᠦᠨ ᠲᠠᠯᠠᠢ ᠮᠡᠲᠦ ᠶᠡᠭᠡ᠂ ᠪᠤᠶᠠᠨ ᠬᠡᠰᠢᠭ ᠬᠠᠶᠢᠷᠠᠯᠠ᠂ ᠬᠤᠷᠤᠢ︕ ᠬᠤᠷᠤᠢ︕ | ᠬᠤᠷᠤᠢ︕︾ ᠭᠡᠵᠦ ᠲᠠᠯᠠᠯᠠᠭᠠ ᠠᠪᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠬᠥᠬᠡ ᠪᠤᠶᠤ ᠪᠣᠷᠣ ᠰᠡᠷᠡᠯ ᠢᠮᠠᠭᠠ ᠰᠡᠲᠡᠷᠯᠡᠵᠦ᠂ ᠭᠠᠯ | ᠭᠠᠯᠠᠶᠢᠬᠠᠨ ᠤ ᠬᠦᠯᠦᠭ ᠪᠤᠯᠭᠠᠵᠦ ᠲᠠᠯᠪᠢᠨᠠ᠃ ᠡᠭᠦᠨ ᠤ ᠲᠠᠷᠠᠭᠠ ᠲᠠᠯᠠᠯᠠᠭᠠ ᠶᠢᠨ ᠰᠠᠭᠤᠯᠠᠭᠠ ᠪᠠᠨ ᠲᠡᠭᠡᠭᠰᠢᠯᠡᠭᠦᠯᠵᠦ᠂ | ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠯ ᠤᠨ ᠬᠡᠰᠡᠭ᠂ ᠭᠠᠯ ᠤᠨ ᠠᠮᠤᠰᠤ ︵ᠪᠤᠳᠠᠭᠠ︶ ᠢᠳᠡᠨᠡ᠃ ᠭᠠᠯ ᠲᠠᠬᠢᠭᠰᠠᠨ ᠤ ᠲᠠᠷᠠᠭᠠ | ᠥᠷᠯᠥᠭᠡ ᠪᠤᠶᠤ ᠭᠤᠷᠪᠠᠨ ᠬᠤᠨᠤᠭ ᠤᠨ ᠲᠠᠷᠠᠭᠠ ᠰᠢᠲᠠᠭᠳᠠᠭᠰᠠᠨ ᠶᠠᠰᠤᠨ ᠤ ᠦᠨᠡᠰᠦ ᠶᠢ ᠠᠪᠴᠤ ᠳᠡᠭᠡᠷᠡ ᠭᠠᠵᠠᠷ | ᠰᠠᠴᠤᠬᠤ ᠪᠤᠶᠤ ᠦᠨᠡᠰᠦᠨ ᠳᠣᠲᠣᠷᠠ ᠠᠴᠠ ᠪᠣᠷᠪᠢ᠂ ᠲᠣᠶᠢᠭ ᠤᠨ ᠶᠠᠰᠤ ᠶᠢ ᠠᠪᠴᠤ ᠭᠡᠷ ᠤᠨ ᠲᠣᠲᠣᠭᠤ | ᠳᠡᠭᠡᠷᠡ ᠪᠠᠨ ᠲᠠᠯᠪᠢᠵᠤ ᠲᠠᠷᠠᠭᠠ ᠵᠢᠯ ᠤᠨ ᠭᠠᠯ ᠲᠠᠬᠢᠬᠤ ᠪᠤᠯᠳᠠᠯᠠ ᠲᠠᠬᠢᠵᠦ ᠬᠠᠳᠠᠭᠠᠯᠠᠨᠠ᠃ |