| ᠥᠨᠥᠳᠥᠷ ᠭᠤᠷᠪᠠ ᠶᠢᠰᠦ᠃ | ᠥᠷᠯᠥᠭᠡ ᠶᠢᠨ ᠨᠠᠷᠠ ᠤᠷᠭᠠ ᠶᠢᠨ ᠬᠢᠷᠢ ᠮᠠᠨᠳᠤᠪᠠ ᠤᠤ ᠦᠭᠡᠢ ᠦᠦ ᠰᠦᠢᠬᠡᠯᠴᠢᠬᠡᠭᠰᠡᠨ ᠪᠠᠶᠢᠪᠠ᠃ ᠠᠷᠭᠠ | ᠦᠭᠡᠢ ᠯᠠ ᠭᠤᠨᠠ ᠶᠢᠨ ᠡᠪᠡᠷ ᠢ ᠬᠠᠭᠠ ᠬᠥᠯᠳᠡᠭᠡᠮᠡᠷ ᠡᠳᠦᠷ ᠪᠣᠯᠬᠤ ᠨᠢ ᠠ᠋︕ ᠬᠤᠳᠳᠤᠭ ᠤᠨ ᠬᠦᠵᠦᠭᠦᠨ ᠠᠴᠠ | ᠵᠠᠯᠭᠠᠵᠤ ᠲᠠᠯᠪᠢᠭᠰᠠᠨ ᠤᠷᠳᠣ ᠲᠡᠮᠦᠷ ᠣᠩᠭᠤᠴᠠᠨ ᠠᠴᠠ ᠠᠭᠤᠷ ᠰᠠᠪᠰᠠᠭᠰᠠᠨ ᠬᠦᠢᠲᠡᠨ ᠤᠰᠤ ᠶᠢ ᠭᠦᠵᠡᠭᠡ ᠪᠠᠨ | ᠲᠡᠨᠡᠶᠢᠳᠡᠯᠡ ᠤᠤᠭᠤᠭᠰᠠᠨ ᠦᠬᠡᠷ ᠤᠳ ᠪᠡᠯᠴᠢᠭᠡᠷ ᠵᠦᠭ ᠢᠶᠠᠨ ᠲᠣᠯᠣᠭᠠᠢ ᠳᠠᠮᠠᠷᠤᠳᠠᠭᠤᠯᠤᠨ ᠰᠤᠪᠤᠷᠠᠬᠤ ᠳᠤ ᠵᠢᠰᠦᠮ | ᠨᠢ ᠪᠦᠷ ᠬᠤᠪᠢᠷᠠᠴᠢᠬᠠᠭᠰᠠᠨ᠂ ᠤᠤᠯ ᠤᠨ ᠬᠠᠷᠠ ᠦᠬᠡᠷ ᠨᠢ ᠪᠤᠭᠤᠷᠤᠯ ᠦᠬᠡᠷ ᠪᠣᠯᠵᠤ᠂ ᠤᠯᠠᠭᠠᠨ ᠦᠬᠡᠷ ᠤᠳ ᠨᠢ | ᠴᠠᠭᠠᠨ ᠦᠬᠡᠷ ᠪᠣᠯᠴᠢᠬᠠᠭᠰᠠᠨ ᠪᠥᠭᠡᠳ᠂ ᠠᠭᠤᠷ ᠪᠠᠭᠠᠭᠢᠭᠰᠠᠨ ᠰᠠᠶ᠋ᠢᠬᠠᠨ ᠤ ᠦᠬᠡᠷ ᠤᠨ ᠪᠠᠭᠠᠰᠤ ᠬᠠᠭᠠᠰ ᠭᠤᠳᠣᠯᠢ | ᠲᠠᠮᠠᠬᠢ ᠲᠠᠲᠠᠬᠤ ᠶᠢᠨ ᠬᠤᠭᠤᠷᠣᠨᠳᠤ᠂ ᠨᠣᠬᠠᠢ ᠴᠣᠬᠢᠪᠠᠯ ᠭᠠᠰᠠᠯᠭᠠᠮᠠᠷ ᠲᠢᠱ ᠭᠡᠰᠡᠨ ᠬᠥᠯᠳᠡᠭᠦᠰᠦ ᠪᠣᠯᠵᠤ ᠪᠠᠶᠢᠯᠠ᠃ | ᠬᠥᠬᠡ ᠬᠦᠪᠡᠭᠡ ᠲᠠᠲᠠᠭᠰᠠᠨ ᠴᠡᠪᠳᠡᠭᠡᠷ ᠲᠡᠭᠷᠢ ᠶᠢᠨ ᠠᠯᠤᠰ ᠪᠠᠷᠠᠭᠤᠨ ᠬᠤᠶᠢᠲᠠᠢ ᠤᠯᠠᠨ ᠴᠡᠩᠬᠡᠷ | ᠠᠭᠤᠯᠠᠰ ᠤᠨ ᠤᠷᠬᠢᠯ ᠢᠶᠠᠷ ᠦᠶᠡ ᠦᠶᠡ ᠴᠠᠰᠤᠨ ᠰᠢᠮᠠᠷᠭᠠ ᠬᠤᠶᠢᠰᠬᠠᠭᠠᠵᠤ᠂ ᠥᠴᠥᠭᠡᠳᠦᠷ ᠤᠨ ᠣᠷᠣᠭᠰᠠᠨ | ᠲᠦᠷᠡᠢ ᠬᠤᠳᠬᠤᠮᠠ ᠴᠠᠰᠤ᠂ ᠴᠠᠶᠢᠪᠠᠭᠠᠷ ᠴᠢᠷᠠᠶᠢᠯᠠᠭᠰᠠᠨ ᠨᠠᠷᠠᠨ ᠤ ᠰᠤᠯᠳᠠᠭᠠᠷ ᠭᠡᠷᠡᠯ ᠳᠤ ᠳᠠᠭᠠᠷᠠᠳᠠᠰᠤ ᠬᠦᠷᠭᠡᠮᠡ | ᠴᠠᠶᠢᠯᠵᠠᠨᠠ᠃ | ᠬᠡᠵᠢᠶᠡᠨᠡᠢ ᠬᠤᠨᠢ ᠭᠠᠷᠬᠤ ᠨᠠᠷᠠ ᠪᠣᠯᠴᠢᠬᠠᠭᠰᠠᠨ ᠪᠣᠯᠬᠤᠷ ᠰᠣᠶᠣᠯᠭᠡᠷᠡᠯ᠂ ᠬᠤᠨᠢᠨ ᠬᠤᠷᠣᠭᠠᠨ ᠤ ᠪᠠᠨ | ᠡᠭᠦᠳᠡ ᠶᠢ ᠨᠡᠭᠡᠭᠡᠵᠦ ᠬᠤᠨᠢᠳ ᠢᠶᠠᠨ ᠠᠯᠭᠤᠷ ᠰᠤᠪᠤᠭᠤᠯᠤᠨ᠂ ᠪᠡᠯᠴᠢᠭᠡᠷ ᠲᠤ ᠭᠠᠷᠬᠤ ᠬᠤᠨᠢᠳ ᠢᠶᠠᠨ ᠲᠣᠭᠠᠯᠠᠬᠤ | ᠭᠡᠰᠡᠨ ᠪᠤᠯᠪᠠᠴᠤ ᠰᠦᠷᠤᠭ᠌ ᠤᠨ ᠲᠦᠷᠤᠬᠦᠣ ᠰᠦᠪᠡᠭᠡ ᠠᠯᠠᠭ᠂ ᠬᠠᠮᠠᠷ ᠬᠠᠯᠵᠢᠨ᠂ ᠬᠠᠷᠠ ᠲᠦᠷᠦᠭᠦᠲᠦ ᠢᠷᠭᠡ ᠠᠴᠠ | ᠲᠡᠷᠢᠭᠦᠯᠡᠨ᠂ ᠬᠠᠭᠠᠰ ᠨᠡᠭᠡᠭᠡᠯᠲᠡᠲᠡᠢ ᠡᠭᠦᠳᠡ ᠶᠢᠨ ᠳᠡᠭᠡᠭᠦᠷ ᠬᠠᠰᠢᠬᠤ ᠶᠢᠨ ᠵᠠᠪ ᠦᠭᠡᠢ ᠬᠤᠶᠢᠨᠠ | ᠬᠤᠶᠢᠨᠠ ᠠᠴᠠ ᠪᠠᠨ ᠰᠤᠮᠤᠳᠠᠨ ᠦᠰᠦᠷᠴᠦ᠂ ᠪᠡᠯᠴᠢᠭᠡᠷ ᠵᠦᠭ ᠢᠶᠠᠨ ᠰᠠᠯᠬᠢ ᠰᠥᠷᠦᠨ ᠬᠤᠰᠢᠭᠤᠷᠠᠨ ᠴᠤᠪᠤᠯᠠ᠃ | ︽ᠡᠪᠡᠰᠦ ᠪᠣᠷᠳᠤᠭᠠ ᠦᠯᠡᠭᠦᠦ ᠨᠥᠭᠡᠴᠡᠯᠡᠵᠦ᠂ ᠬᠤᠷᠤᠭᠠ ᠰᠠᠷᠠᠪᠴᠢ ᠪᠢᠬᠢᠯᠢᠭ ᠳᠤᠯᠠᠭᠠᠨ ᠤ ᠳᠡᠭᠡᠷᠡ᠂ | ᠪᠡᠯᠴᠢᠭᠡᠷ ᠴᠤ ᠵᠤᠵᠠᠭᠠᠨ ᠰᠠᠬᠤᠯᠠᠭ ᠲᠤᠯᠠ ᠬᠤᠨᠢᠳ ᠮᠢᠨᠢ ᠢᠷᠡᠬᠦ ᠵᠢᠯ ᠤᠨ ᠨᠣᠭᠤᠭᠠᠨ ᠳᠤ ᠮᠥᠨ | ᠲᠣᠭᠯᠠᠭᠰᠠᠨ ᠢᠶᠠᠷ ᠢᠶᠠᠨ ᠣᠷᠣᠨᠠ ᠳ᠋ᠠ᠂ ᠡᠶᠢᠮᠦ ᠲᠠᠷᠭᠤ ᠰᠠᠶᠢᠲᠠᠢ ᠬᠤᠨᠢᠳ ᠶᠠᠮᠠᠷ ᠴᠤ ᠵᠤᠳ ᠢ ᠪᠣᠷᠪᠢᠨ | ᠳᠣᠣᠷᠠ ᠪᠠᠨ ᠳᠡᠪᠰᠡᠨᠡ ᠳ᠋ᠠ︾ ᠭᠡᠵᠦ ᠰᠦᠷᠤᠭ᠌ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠬᠠᠷᠠᠵᠤ ᠵᠣᠭᠰᠣᠭᠰᠠᠨ ᠰᠣᠶᠣᠯᠭᠡᠷᠡᠯ ᠤᠨ | ᠭᠡᠷᠡᠯ ᠰᠠᠴᠤᠷᠠᠭᠰᠠᠨ ᠲᠤᠩᠭᠠᠯᠠᠭ ᠪᠣᠷᠣ ᠨᠢᠳᠦ᠂ ᠭᠡᠭᠡ ᠣᠶᠢᠭᠰᠠᠨ ᠠᠯᠢᠮᠠᠨ ᠤᠯᠠᠭᠠᠨ ᠬᠠᠴᠠᠷ ᠨᠢ ᠴᠠᠭᠠᠨᠠ | ᠴᠠᠶᠢᠯᠵᠠᠬᠤ ᠬᠠᠰ ᠤᠨ ᠴᠠᠭᠠᠨ ᠴᠠᠰᠤ᠂ ᠴᠠᠩ ᠰᠠᠭᠤᠭᠰᠠᠨ ᠴᠡᠩᠬᠡᠷ ᠨᠣᠣᠰᠣᠨ ᠠᠯᠴᠢᠭᠤᠷ ᠲᠠᠢ ᠥᠩᠭᠡ ᠢᠯᠭᠠᠷᠠᠮᠠᠷ | ᠢᠯᠡᠲᠡᠢ ᠴᠣᠭᠲᠠᠢ ᠬᠠᠷᠠᠭᠳᠠᠨᠠ᠃ ︽ᠮᠠᠯᠠᠭᠠᠢ ᠶᠢᠨ ᠦᠰᠦ ᠶᠢ ᠪᠠᠷᠢᠨ ᠪᠠᠶᠢᠵᠤ ᠲᠣᠭᠠᠯᠠᠨ᠂ ᠮᠠᠯ ᠤᠨ ᠢᠶᠠᠨ ᠲᠤᠭᠠ ᠶᠢ | ᠰᠢᠷᠪᠢᠨ ᠪᠠᠶᠢᠵᠤ ᠲᠣᠭᠠᠯᠠᠳᠠᠭ︾ ᠤᠬᠠᠭᠠᠯᠢᠭ ᠰᠣᠷᠮᠣᠭᠤᠨ ᠰᠣᠶᠣᠯᠭᠡᠷᠡᠯ ᠬᠤᠨᠢ ᠪᠠᠨ ᠲᠣᠭᠠᠯᠠᠵᠤ ᠴᠢᠳᠠᠭᠰᠠᠨ | ᠦᠭᠡᠢ ᠭᠡᠵᠦ ᠲᠡᠳᠦᠢ ᠯᠠ ᠤᠴᠢᠷ ᠪᠤᠯᠭᠠᠭᠰᠠᠨ ᠦᠭᠡᠢ ᠮᠦᠬᠦᠭᠳᠣ ᠶᠢᠨ ᠡᠭᠡᠬᠡᠪᠴᠢ ᠳᠤ ᠬᠤᠨᠢ ᠪᠠᠨ | ᠲᠣᠭᠲᠠᠭᠠᠴᠢᠬᠠᠭᠠᠳ᠂ ᠮᠥᠭᠡᠷᠦᠦ ᠱᠣᠷᠣᠩ ᠤᠨ ᠣᠷᠣᠢ ᠠᠴᠠ ᠲᠣᠭᠠᠯᠠᠬᠤ ᠶᠤᠮ ᠪᠣᠯ ᠨᠡᠩ ᠬᠢᠯᠪᠠᠷ ᠭᠡᠵᠦ ᠰᠡᠳᠬᠢᠪᠡ᠃ | | ᠦᠯᠤ ᠮᠡᠳᠡᠭ ᠶᠠᠪᠠᠭᠠᠨ ᠰᠢᠭᠤᠷᠭᠠ ᠬᠠᠶᠠ ᠬᠠᠶᠠ ᠪᠣᠰᠴᠤ᠂ ᠬᠦᠢᠲᠡᠨ ᠤ ᠡᠷᠴᠢ ᠤᠯᠠᠮ ᠴᠢᠩᠭᠠᠷᠠᠬᠤ | ᠪᠠᠶᠢᠳᠠᠯ ᠲᠠᠢ᠃ ᠵᠢᠵᠢᠭ ᠲᠠᠷᠠᠺᠲ᠋ᠤᠷ ᠤᠨ ᠬᠠᠮᠠᠷ ᠳᠡᠭᠡᠷᠡ ᠵᠡᠬᠡᠵᠦ ᠵᠣᠬᠢᠶᠠᠭᠰᠠᠨ ᠵᠢᠷᠭᠤᠭᠠᠨ ᠰᠠᠯᠠᠭᠠ ᠲᠠᠢ | ᠰᠡᠷᠡᠭᠡ ᠪᠠᠷ ᠠᠭᠤᠯᠠ ᠰᠢᠭ᠋ ᠣᠪᠣᠭᠠᠯᠠᠭᠰᠠᠨ ᠡᠪᠡᠰᠦᠨ ᠠᠴᠠ᠂ ᠳᠠᠯᠠ ᠨᠠᠶᠠᠨ ᠵᠢᠩ ᠤᠨ ᠲᠣᠮᠣᠬᠠᠨ ᠪᠣᠭᠤᠯᠲᠠ ᠲᠠᠢ | ᠬᠥᠬᠡ ᠡᠪᠡᠰᠦ ᠶᠢ ᠬᠡᠳᠦᠬᠡᠨ ᠮᠢᠨᠦ᠋ᠲ ᠤᠨ ᠳᠣᠲᠣᠷᠠ ᠵᠢᠭᠳᠡ ᠰᠠᠶᠢᠬᠠᠨ ᠲᠠᠷᠬᠠᠭᠠᠭᠰᠠᠨ ᠰᠣᠶᠣᠯᠭᠡᠷᠡᠯ᠂ ᠭᠤᠷᠪᠠᠨ | ᠵᠠᠭᠤ ᠳᠠᠯᠠ ᠶᠢᠰᠦᠨ ᠲᠣᠯᠣᠭᠠᠢ ᠲᠥᠯᠯᠡᠬᠦ ᠰᠢᠬᠠᠭᠰᠠᠨ ᠬᠤᠨᠢᠳ ᠢᠶᠠᠨ ᠲᠣᠬᠢᠯᠢᠭ ᠳᠤᠯᠠᠭᠠᠨ ᠰᠠᠷᠠᠪᠴᠢᠨ ᠤ ᠡᠭᠡᠪᠦᠷ | ᠡᠩᠭᠡᠷ ᠲᠤ ᠡᠪᠡᠰᠦᠯᠡᠭᠡᠳ᠂ ᠰᠠᠷᠠ ᠶᠢᠨ ᠡᠮᠦᠨᠡ ᠰᠢᠨᠡ ᠠᠪᠤᠭᠰᠠᠨ ᠴᠠᠭᠠᠨ ᠫᠢᠺᠠ ᠪᠠᠨ ᠪᠠᠷᠢᠵᠤ ᠬᠤᠨᠢᠳ ᠤᠨ ᠢᠶᠠᠨ | ᠠᠷᠤ ᠠᠴᠠ ᠭᠠᠯᠭᠢᠭᠤᠯᠤᠯᠠ᠃ | ᠰᠣᠶᠣᠯᠭᠡᠷᠡᠯ ᠤᠨ ᠨᠥᠬᠦᠷ ᠨᠢ ᠰᠦᠷᠵᠢᠪ᠊ ᠬᠤᠯᠠᠩ ᠥᠨᠥᠳᠥᠷ ᠤᠨ ᠬᠤᠰᠢᠭᠤᠨ ᠤ ᠪᠠᠨ ᠮᠥᠩᠭᠦᠨ | ᠡᠪᠦᠯ ᠤᠨ ᠨᠠᠭᠠᠳᠤᠮ ᠳᠤ ᠪᠦᠬᠡ ᠪᠠᠷᠢᠯᠳᠤᠬᠤ ᠪᠠ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠨᠠ ᠭᠡᠵᠦ ᠥᠴᠥᠭᠡᠳᠦᠷ | ᠦᠷ ᠢᠶᠠᠷ ᠡᠷᠲᠡᠯᠡᠭᠰᠡᠨ ᠪᠣᠯᠬᠤᠷ ᠬᠤᠨᠢᠨ ᠳᠠᠭᠠᠨ ᠶᠠᠪᠤᠵᠤ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ᠃ | ᠡᠪᠦᠯᠵᠢᠶᠡᠨ ᠠᠴᠠ ᠨᠢ ᠬᠤᠶᠢᠰᠢ ᠲᠠᠪᠤᠨ ᠭᠠᠵᠠᠷ ᠤᠨ ᠪᠠᠷᠤᠭ ᠲᠤ᠋ ᠮᠦ᠋ᠬᠦᠭᠳᠣ ᠶᠢᠨ ᠡᠬᠡᠬᠡᠪᠴᠢ ᠳᠤ ᠬᠤᠨᠢᠳ | ᠨᠢ ᠰᠠᠯᠬᠢ ᠰᠥᠷᠦᠨ ᠲᠣᠭᠲᠠᠵᠤ᠂ ᠬᠡᠳᠦᠨ ᠠᠵᠢᠷᠭᠠ ᠠᠳᠤᠭᠤ᠂ ᠨᠡᠯᠢᠶᠡᠳ ᠦᠬᠡᠷ ᠤᠨ ᠪᠡᠯᠴᠢᠭᠰᠡᠨ ᠮᠥᠷ ᠢ | ᠳᠠᠭᠠᠵᠤ᠂ ᠬᠢᠯᠭᠠᠨᠠ᠂ ᠬᠢᠶᠠᠭ ᠤᠨ ᠰᠣᠷ ᠬᠢᠷᠭᠠᠵᠤ ᠲᠠᠭᠠᠲᠠᠢ ᠢᠳᠡᠰᠢᠯᠡᠨᠡ᠃ ᠮᠥᠭᠡᠷᠦᠦ ᠱᠣᠷᠣᠩ ᠤᠨ ᠬᠤᠷᠮᠣᠢ ᠳᠤ | ᠬᠦᠷᠴᠦ᠂ ᠰᠣᠶᠣᠯᠭᠡᠷᠡᠯ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠤ ᠣᠷᠣᠢ ᠥᠭᠡᠳᠡ ᠠᠯᠬᠤᠪᠠ᠃ ᠨᠣᠭᠤᠭᠠᠨ ᠲᠣᠷᠭᠠᠨ ᠭᠠᠳᠠᠷ ᠲᠠᠢ | ᠲᠡᠪᠡᠯ ᠱᠠᠪ ᠭᠡᠲᠡᠯᠡ ᠬᠡᠲᠦᠷᠴᠦ᠂ ᠨᠣᠮᠢᠨ ᠥᠩᠭᠡ ᠲᠠᠢ ᠴᠡᠩᠬᠡᠷ ᠨᠣᠣᠰᠣᠨ ᠠᠯᠴᠢᠭᠤᠷ ᠣᠷᠢᠶᠠᠭᠰᠠᠨ ᠰᠣᠶᠣᠯᠭᠡᠷᠡᠯ ᠢ | ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠴᠡᠯ ᠨᠣᠭᠤᠭᠠᠨ ᠡᠰᠢ ᠲᠠᠢ᠂ ᠴᠡᠩᠬᠡᠷ ᠬᠥᠬᠡ ᠲᠠᠯᠪᠢ ᠲᠠᠢ ᠲᠠᠯᠠ ᠶᠢᠨ ᠢᠷᠭᠤᠢ᠂ | ᠮᠥᠩᠭᠦᠨ ᠴᠠᠭᠠᠨ ᠴᠠᠰᠤᠨ ᠤ ᠳᠤᠮᠳᠠ ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠠ ᠰᠢᠭ᠋ ᠰᠣᠷᠭᠤᠭ ᠢᠳᠡᠷᠡᠭᠦᠨ ᠬᠠᠷᠠᠭᠳᠠᠬᠤ | ᠪᠥᠭᠡᠳ ᠥᠨᠳᠥᠷ ᠲᠦᠷᠡᠢ ᠲᠠᠢ ᠰᠡᠪᠬᠢᠨ ᠭᠤᠳᠤᠯ ᠢᠰᠬᠦᠯᠦᠭᠰᠡᠨ ᠬᠥᠯ ᠤᠨ ᠮᠥᠷ ᠨᠢ ᠲᠣᠭᠤᠰᠣ ᠲᠣᠷᠳᠤᠭ | ᠰᠠᠭᠤᠭᠠ ᠦᠭᠡᠢ ᠰᠢᠨᠡᠬᠡᠨ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ ᠲᠣᠪ ᠲᠣᠳᠣᠬᠠᠨ ᠳᠤᠷᠠᠶᠢᠨᠠ᠃ ᠡᠪᠦᠯ ᠤᠨ ᠭᠤᠣᠯ ᠤᠨ ᠢᠳᠡ | ᠬᠦᠢᠲᠡᠨ ᠲᠦᠮᠡ ᠮᠢᠩᠭᠠᠨ ᠵᠡᠭᠦᠦ ᠪᠠᠷ ᠢᠶᠠᠨ ᠰᠣᠶᠣᠯᠭᠡᠷᠡᠯ ᠤᠨ ᠨᠢᠭᠤᠷ ᠬᠠᠴᠠᠷ ᠢ ᠰᠢᠪᠡᠬᠦ ᠶᠢ ᠰᠠᠨᠠᠭᠰᠠᠨ ᠴᠤ ᠰᠠᠶ᠋ᠢ | ᠯᠠ ᠭᠤᠴᠢ ᠭᠠᠷᠴᠤ ᠪᠠᠶᠢᠭᠠ ᠴᠠᠬᠢᠷᠠᠭ ᠵᠠᠯᠠᠭᠤ ᠪᠦᠰᠡᠭᠦᠢ ᠶᠢᠨ ᠵᠢᠪᠬᠤᠭᠠ ᠲᠠᠢ ᠤᠯᠠᠭᠠ ᠪᠤᠳᠠᠷᠠᠭᠰᠠᠨ ᠬᠠᠴᠠᠷ ᠠᠴᠠ | ᠴᠢᠪ ᠴᠢᠮᠡᠭᠡ ᠦᠭᠡᠢ ᠬᠠᠯᠢᠷᠠᠨ ᠵᠠᠶᠢᠯᠠᠵᠤ ᠪᠠᠶᠢᠯᠠ᠃ | ︽ᠪᠦᠬᠦ ᠬᠤᠨᠢᠳ ᠤᠨ ᠲᠤᠭᠠ ᠪᠠᠷ ᠪᠤᠳᠤᠪᠠᠯ ᠪᠡᠯᠴᠢᠭᠡᠷ ᠲᠤ ᠭᠠᠷᠤᠭᠰᠠᠨ ᠨᠢ ᠲᠦᠷᠪᠡᠨ ᠵᠠᠭᠤ ᠬᠤᠷᠢᠨ | ᠲᠠᠪᠤ ᠪᠠᠶᠢᠪᠠᠯ ᠲᠠᠭᠠᠷᠠᠨᠠ︾ ᠭᠡᠳ᠂ ᠮᠥᠭᠡᠷᠦᠦ ᠱᠣᠷᠣᠩ ᠤᠨ ᠣᠷᠣᠢ ᠳᠠᠬᠢ ᠪᠦᠳᠦᠭᠦᠨ ᠬᠠᠳᠠᠨ ᠳᠡᠭᠡᠷᠡ ᠵᠣᠭᠰᠣᠵᠤ᠂ | ᠭᠤᠷᠪᠠ ᠳᠠᠬᠢᠵᠤ ᠬᠤᠨᠢ ᠪᠠᠨ ᠲᠣᠭᠠᠯᠠᠬᠤ ᠳᠤ ᠴᠢᠪ ᠭᠡᠲᠡᠯᠡ ᠲᠠᠭᠠᠷᠠᠵᠤ ᠪᠠᠶᠢᠪᠠ᠃ ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ | ᠬᠤᠶᠠᠷ ᠪᠣᠯ ᠲᠠᠭᠠᠨᠠᠲᠤ ᠶᠢᠨ ᠵᠠᠳᠠᠭᠠᠢ ᠶᠢᠨ ᠬᠤᠶᠠᠷ ᠬᠥᠪᠡᠭᠡᠨ ᠳᠤ ᠪᠠᠷᠠ ᠪᠠᠷᠠ ᠪᠠᠨ ᠠᠪᠴᠤ ᠰᠠᠭᠤᠭᠰᠠᠨ ᠬᠤᠶᠠᠷ | ᠠᠶᠢᠯ ᠤᠨ ᠬᠡᠦᠬᠡᠳ ᠪᠠᠶᠢᠵᠤ᠂ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠳᠤ ᠠᠩᠬᠠᠯᠠᠨ ᠶᠠᠪᠤᠬᠤ ᠳᠠᠭᠠᠨ ᠠᠯᠠᠭ ᠱᠠᠷ ᠬᠥᠯᠥᠭᠰᠡᠨ | ᠢᠰᠡᠭᠡᠢ ᠬᠠᠮ ᠳᠤ ᠴᠤᠭ ᠰᠠᠭᠤᠵᠤ ᠶᠠᠪᠤᠭᠰᠠᠨ ᠠᠴᠠ ᠡᠬᠢᠯᠡᠵᠦ᠂ ᠣᠷᠣᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠠᠯ ᠠᠵᠤ | ᠠᠬᠤᠢ ᠶᠢᠨ ᠬᠠᠮᠢᠶᠠᠲᠠᠢ ᠭᠤᠣᠯ ᠰᠠᠯᠪᠤᠷᠢ ᠠᠴᠠ ᠴᠤᠭ ᠲᠡᠭᠦᠰᠴᠦ᠂ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠨ ᠠᠶᠢᠯ ᠭᠡᠷ ᠪᠣᠯᠵᠤ | ᠲᠣᠭᠤᠨᠣ ᠪᠠᠨ ᠲᠤᠯᠵᠤ᠂ ᠰᠢᠨᠡ ᠬᠥᠳᠡᠭᠡ ᠳᠡᠭᠡᠨ ᠰᠢᠨᠡ ᠮᠠᠯᠴᠢᠨ ᠤ ᠬᠤᠪᠢ ᠪᠠᠷ ᠦᠢᠯᠡᠰ ᠤᠨ ᠭᠡᠭᠡᠨ ᠬᠠᠷᠭᠤᠢ ᠪᠠᠨ | ᠵᠤᠯᠪᠤᠭᠠ ᠲᠠᠢ ᠡᠯᠭᠦᠵᠦ ᠶᠠᠪᠤᠭᠠ ᠵᠠᠯᠠᠭᠤᠰ ᠶᠤᠮ᠃ | ᠣᠷᠣᠢ ᠳᠡᠭᠡᠷᠡ ᠠᠴᠠ ᠬᠠᠷᠠᠬᠤ ᠳᠤ ᠰᠣᠶᠣᠯᠭᠡᠷᠡᠯ ᠤᠨ ᠬᠤᠨᠢᠳ ᠶᠠᠭ ᠯᠠ ᠰᠠᠷᠠ ᠲᠠᠢ ᠰᠥᠨᠢ ᠶᠢᠨ | ᠣᠳᠣᠳ ᠰᠢᠭ᠋᠂ ᠴᠠᠰᠤᠲᠤ ᠠᠯᠭᠠᠢ ᠳᠤ ᠬᠥᠳᠡᠯᠦᠯ ᠦᠭᠡᠢ ᠢᠷᠠᠶᠢᠨ ᠲᠣᠭᠲᠠᠵᠤ ᠪᠠᠶᠢᠭᠠ ᠲᠤᠯᠠ ᠲᠡᠷᠡ | ᠱᠣᠷᠣᠩ ᠤᠨ ᠣᠷᠣᠢ ᠠᠴᠠ ᠪᠠᠭᠤᠵᠤ᠂ ᠲᠡᠷᠭᠡᠨ ᠪᠥᠬᠦᠭ ᠳᠡᠭᠡᠨ ᠣᠷᠣᠨ ᠳᠤᠯᠠᠭᠠᠪᠴᠢ ᠪᠠᠨ ᠨᠡᠭᠡᠭᠡᠵᠦ ᠴᠠᠭᠠᠰᠤ | ᠳᠡᠯᠭᠡᠨ ᠦᠵᠦᠭ ᠵᠢᠷᠢᠯᠵᠡᠭᠦᠯᠵᠦ ᠡᠬᠢᠯᠡᠯᠡ᠃ ᠰᠣᠶᠣᠯᠭᠡᠷᠡᠯ ᠣᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠤᠨ ᠮᠠᠯᠵᠢᠬᠤ ᠠᠵᠢᠯ ᠤᠨ | ᠪᠣᠳᠠᠲᠠᠢ ᠶᠠᠪᠤᠴᠠ ᠶᠢᠨ ᠳᠤᠮᠳᠠ ᠰᠣᠷᠣᠭᠰᠠᠨ ᠮᠡᠳᠡᠯᠭᠡ ᠪᠠᠨ ᠤᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠮᠠᠯ ᠮᠠᠯᠵᠢᠬᠤ ᠠᠷᠭᠠ | ᠪᠠᠷᠢᠯ ᠳᠤ ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠳᠤ ᠴᠢᠭᠯᠡᠭᠦᠯᠵᠦ᠂ ᠲᠡᠭᠦᠨ ᠵᠶᠠᠨ ᠦᠢᠯᠡᠳᠦᠯᠭᠡᠵᠢᠭᠦᠯᠬᠦ ᠶᠢᠨ ᠡᠭᠦᠳᠡᠨ ᠠᠴᠠ | ᠬᠡᠷᠬᠢᠨ ᠰᠦᠷᠣᠭ᠌ ᠤᠨ ᠪᠦᠲᠦᠴᠡ ᠳᠡᠭᠡᠨ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠭᠰᠡᠨ ᠲᠤᠬᠠᠢ ᠪᠠᠨ ︽ᠨᠤᠲᠤᠭ ᠤᠨ ᠡᠭᠦᠯᠳᠡᠷ ᠤᠨ | ᠬᠤᠨᠢ ᠶᠢ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠲᠤᠷᠰᠢᠯᠭᠠ︾ ᠭᠡᠬᠦ ᠤᠷᠲᠤᠬᠠᠨ ᠥᠭᠦᠯᠡᠯ ᠢᠶᠠᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠬᠠᠮᠢᠶᠠᠲᠠᠢ | ᠰᠣᠨᠢᠨ ᠰᠡᠳᠬᠦᠯ ᠳᠤ ᠥᠭᠬᠦ ᠭᠡᠳ ᠶᠠᠭᠠᠷᠠᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠲᠡᠳᠡ ᠶᠠᠭᠤᠨ ᠤ ᠡᠮᠦᠨᠡ ᠰᠦᠷᠤᠭ᠌ ᠤᠨ | ᠪᠦᠲᠦᠴᠡ ᠳᠡᠭᠡᠨ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠬᠦ ᠳᠡᠭᠡᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠵᠢᠮᠡ ᠶᠣᠰᠣ ᠶᠢ ᠠᠳᠬᠤᠵᠤ᠂ ᠣᠷᠣᠨ | ᠭᠠᠵᠠᠷ ᠤᠨ ᠤᠰᠤ ᠪᠡᠯᠴᠢᠭᠡᠷ᠂ ᠪᠠᠶᠢᠭᠠᠯᠢ ᠠᠬᠤᠢ᠂ ᠠᠮᠢᠳᠤᠷᠠᠬᠤᠢ ᠶᠢᠨ ᠵᠢᠮᠡ᠂ ᠦᠷᠡᠵᠢᠯ ᠲᠥᠯᠵᠢᠯ ᠁ ᠳᠤ | ᠵᠣᠬᠢᠴᠠᠭᠤᠯᠬᠤ ᠶᠢ ᠠᠩᠬᠠᠷᠤᠭᠰᠠᠨ ᠪᠠᠶᠢᠯᠠ᠃ | ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ ᠬᠤᠷᠢᠮᠯᠠᠭᠰᠠᠨ ᠵᠢᠯ ᠤᠨ ᠢᠶᠠᠨ ᠨᠠᠮᠤᠷ ᠠᠴᠠ ᠡᠬᠢᠯᠡᠵᠦ᠂ ᠪᠦᠳᠦᠭᠦᠨ | ᠰᠡᠭᠦᠯᠲᠦ ᠨᠤᠲᠤᠭ ᠤᠨ ᠬᠤᠨᠢᠳ ᠲᠠᠭᠠᠨ ᠣᠬᠤᠷ ᠰᠡᠭᠦᠯᠲᠦ ᠥᠯᠴᠢᠷ ᠬᠤᠨᠢᠨ ᠤ ᠬᠤᠴᠠ ᠲᠠᠯᠪᠢᠵᠤ᠂ ᠴᠢᠰᠤ | ᠰᠣᠯᠢᠭᠤᠯᠵᠤ᠂ ᠳᠠᠬᠢᠨ ᠪᠠᠩ ᠳ᠋ᠧ ᠡᠭᠦᠯᠳᠡᠷ ᠤᠨ ᠬᠤᠴᠠ ᠲᠠᠯᠪᠢᠨ ᠮᠢᠬᠠ ᠨᠣᠣᠰᠣ ᠶᠢ ᠨᠢ ᠵᠡᠷᠭᠡ ᠳᠤᠨᠢ | ᠲᠡᠭᠡᠭᠰᠢᠯᠡᠬᠦᠯᠵᠤ᠂ ᠣᠷᠴᠢᠮ ᠤᠨ ᠵᠢᠯ ᠠᠴᠠ ᠴᠤᠯ ᠮᠢᠬᠠᠨ ᠤ ᠳ᠋ᠦ᠋ ᠪᠦᠸᠧ ᠤᠳᠤᠮ ᠢᠶᠠᠷ ᠪᠦᠬᠦ ᠰᠦᠷᠣᠭ᠌ ᠢᠶᠠᠨ | ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠠᠴᠠ ᠥᠯᠴᠢᠷ ᠬᠤᠨᠢ ᠶᠢᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠪᠤᠯᠬᠤ᠂ ᠤᠯᠠᠨ ᠢᠬᠡᠷᠡᠯᠡᠬᠦ᠂ ᠢᠳᠡᠰᠢ | ᠤᠤᠭᠤᠰᠢ ᠭᠤᠯᠣᠬᠤ ᠦᠭᠡᠢ ᠪᠣᠷᠤᠭ ᠢᠳᠡᠰᠢ ᠲᠠᠢ ᠬᠤᠨᠢᠳ ᠪᠣᠯᠵᠤ᠂ ᠪᠠᠩ ᠳ᠋ᠧ ᠤᠳᠤᠮ ᠤᠨ ᠮᠢᠬᠠ ᠨᠣᠣᠰᠣ | ᠵᠡᠷᠭᠡᠴᠡᠭᠰᠡᠨ ᠤ ᠳᠡᠭᠡᠷᠡ ᠳ᠋ᠦ᠋ ᠪᠦᠸᠧ ᠬᠤᠨᠢᠨ ᠤ ᠪᠡᠶᠡ ᠪᠢᠯᠳᠠᠷ ᠲᠣᠮᠣ᠂ ᠮᠢᠬᠠᠨ ᠤ ᠭᠠᠷᠤᠯᠲᠠ ᠶᠡᠭᠡ ᠵᠡᠷᠭᠡ | ᠰᠠᠶᠢᠨ ᠲᠠᠢ ᠲᠠᠯᠠ ᠶᠢ ᠰᠢᠩᠭᠡᠭᠡᠭᠰᠡᠨ ᠠᠴᠠ ᠤᠤᠯ ᠤᠨ ᠪᠦᠳᠦᠭᠦᠨ ᠰᠡᠭᠦᠯᠲᠦ ᠨᠤᠲᠤᠭ ᠤᠨ ᠬᠤᠨᠢᠳ ᠨᠢ ᠭᠠᠩ | ᠭᠠᠴᠢᠭ ᠲᠤ ᠲᠡᠰᠪᠦᠷᠢ ᠲᠠᠢ᠂ ᠪᠠᠶᠢᠭᠠᠯᠢ ᠣᠷᠴᠢᠨ ᠳᠤ ᠳᠠᠰᠣᠮᠳᠠᠭᠠᠢ᠂ ᠡᠪᠡᠰᠦ ᠪᠣᠷᠳᠤᠭᠠ ᠭᠤᠯᠣᠬᠤ ᠦᠭᠡᠢ᠂ ᠥᠭᠡᠬᠦ | ᠨᠢ ᠪᠠᠭᠠ᠂ ᠬᠠᠷᠠ ᠮᠢᠬᠠ ᠨᠢ ᠶᠡᠭᠡ᠂ ᠰᠦ ᠪᠠᠭᠤᠬᠤ ᠨᠢ ᠰᠠᠶᠢᠨ᠂ ᠠᠷᠠᠰᠤ ᠤᠩᠭᠠᠰᠤ ᠨᠢ ᠥᠪᠡᠷ ᠤᠨ ᠣᠨᠴᠠᠯᠢᠭ ᠲᠠᠢ | ᠴᠣ ᠰᠢᠨᠡ ᠡᠭᠦᠯᠳᠡᠷ ᠤᠨ ᠬᠤᠨᠢᠳ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ᠲᠡᠨᠢᠢᠲᠡᠯᠡ ᠬᠡᠭᠡᠯ ᠭᠠᠷᠤᠭᠰᠠᠨ ᠬᠤᠨᠢᠳ ᠬᠤᠲᠠᠨ | ᠵᠦᠭ ᠢᠶᠠᠨ ᠠᠯᠭᠤᠷ ᠡᠷᠭᠢᠬᠦ ᠳᠤ ᠰᠣᠶᠣᠯᠭᠡᠷᠡᠯ ᠴᠤ ᠥᠭᠦᠯᠡᠯ ᠢᠶᠠᠨ ᠪᠢᠴᠢᠵᠦ ᠲᠡᠭᠦᠰᠬᠡᠭᠡᠳ ᠪᠢᠷ ᠢᠶᠠᠨ | ᠬᠤᠩᠬᠤᠶᠢᠯᠳᠠᠯᠠ ᠭᠠᠷ ᠤᠲᠠᠰᠤ ᠨᠢ ᠬᠠᠩᠭᠢᠨᠠᠪᠠ᠃ | ︽ᠬᠤᠷᠳᠤᠨ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠮᠠᠨ ᠤ ᠰᠠᠷᠠᠲᠤ ᠬᠠᠷᠠ ᠲᠡᠷᠢᠬᠦᠯᠵᠤ᠂ ᠪᠠᠷᠢᠯᠳᠤᠭᠠᠨ ᠳᠤ ᠪᠢ | ᠳᠡᠳ᠋ᠯᠡᠵᠡᠢ᠃ ᠡᠨᠡ ᠨᠢ ᠴᠤ ᠪᠠᠭᠠ ᠪᠠᠶᠠᠷ᠃ ᠠᠷᠠᠰᠤ ᠰᠢᠷᠢ ᠡᠳ᠋ᠰᠢᠭᠦᠯᠵᠦ ᠪᠤᠯᠪᠠᠰᠣᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ | ᠪᠠᠶᠢᠭᠤᠯᠬᠤ ᠶᠢ ᠳᠡᠭᠡᠳᠦ ᠱᠠᠲᠤᠨ ᠠᠴᠠ ᠲᠡᠮᠵᠢᠵᠤ᠂ ᠢᠷᠡᠬᠦ ᠵᠢᠯ ᠤᠨ ᠬᠠᠩᠰᠢᠨ ᠠᠴᠠ ᠰᠡᠭᠦᠯᠡᠷ ᠪᠠᠷᠢᠯᠭᠠ | ᠡᠬᠢᠯᠡᠬᠦ ᠪᠠᠷ ᠪᠣᠯᠵᠠᠢ᠃ ᠤᠯᠠᠭᠠᠨ ᠢᠳᠡᠭᠡᠨ ᠢ ᠪᠤᠯᠭᠤᠭᠰᠠᠨ ᠲᠦᠭᠦᠬᠡᠢ ᠪᠠᠷ ᠤᠯᠤᠰ ᠤᠨ ᠬᠡᠪᠴᠢᠶᠡᠨ ᠤ ᠵᠠᠬᠠ ᠳᠤ | ᠭᠠᠷᠭᠠᠬᠤ ᠭᠡᠰᠡᠨ ᠮᠠᠨ ᠤ ᠲᠥᠯᠥᠪᠯᠡᠭᠡ ᠮᠡᠳᠡᠭᠦᠯᠦᠯᠲᠡ ᠶᠢ ᠴᠤ ᠵᠥᠪᠰᠢᠶᠡᠷᠡᠮᠡᠷ ᠪᠠᠶᠢᠨᠠ᠃ ᠡᠨᠡ ᠨᠢ ᠶᠡᠭᠡ ᠪᠠᠶᠠᠷ ᠠ᠋︕ | ︾ ᠭᠡᠵᠦ ᠰᠦᠷᠵᠢᠪᠬᠤᠯᠠᠩ ᠤᠨ ᠳᠠᠭᠤ ᠤᠲᠠᠰᠤᠨ ᠳᠣᠲᠣᠷᠠ ᠬᠦᠩᠭᠢᠨᠡᠨᠡ ᠁ | ᠴᠠᠶᠢᠪᠠᠭᠠᠷ ᠭᠡᠭᠡ᠂ ᠴᠢᠮᠬᠢᠭᠦᠨ ᠠᠮᠢᠰᠬᠤᠯ ᠲᠠᠢ ᠡᠪᠦᠯ ᠤᠨ ᠣᠭᠲᠣᠷ ᠨᠠᠷᠠ ᠳᠠᠭᠠᠷᠠᠭᠰᠠᠨ ᠶᠤᠮ ᠰᠢᠭ᠋ | ᠶᠠᠭᠠᠷᠠᠤᠬᠠᠨ ᠪᠥᠮᠪᠥᠷᠢᠭᠰᠡᠭᠡᠷ ᠲᠡᠭᠷᠢ ᠶᠢᠨ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠲᠤ ᠵᠢᠷᠭᠠᠪᠠ᠃ ᠸᠠᠭᠠᠷ ᠲᠤᠭᠤᠰᠬᠠ ᠶᠢᠨ | ᠪᠦᠲᠦᠴᠡ ᠲᠠᠢ ᠰᠢᠯᠤᠨ ᠳᠡᠭᠡᠪᠦᠷ ᠪᠦᠬᠦᠢ ᠦᠷᠬᠦᠯᠵᠢᠯᠡᠭᠰᠡᠨ ᠳᠤᠯᠠᠭᠠᠨ ᠰᠠᠷᠠᠪᠴᠢ ᠠᠴᠠ ᠪᠠᠷᠠᠭᠤᠨᠰᠢ ᠵᠠᠯᠭᠠᠭᠰᠠᠨ᠂ | ᠬᠠᠷᠢ ᠮᠠᠶ᠋ᠢᠭ ᠤᠨ ᠵᠤᠰᠠᠯᠠᠩ ᠬᠡᠯᠪᠡᠷᠢ ᠶᠢᠨ ᠲᠣᠮᠣᠬᠠᠨ ᠴᠠᠭᠠᠨ ᠪᠠᠶᠢᠰᠢᠩ ᠠᠴᠠ ᠴᠠᠬᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ | ᠳᠤᠸᠠᠯᠠᠵᠤ᠂ ᠳᠤᠯᠠᠭᠠᠪᠴᠢ ᠠᠴᠠ ᠨᠦᠬᠡᠯᠡᠭᠰᠡᠨ ᠬᠠᠯᠠᠭᠤᠨ ᠢᠯᠴᠢᠨ ᠳᠤ ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ ᠤᠨ ᠴᠢᠷᠠᠢ | ᠡᠳᠦᠷ ᠤᠨ ᠢᠶᠠᠨ ᠠᠴᠠ ᠪᠠᠨ ᠨᠡᠩ ᠤᠯᠠᠭᠠ ᠪᠤᠳᠠᠷᠡᠵᠦ ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ ᠵᠠᠯᠠᠭᠤ ᠶᠢᠨ ᠰᠡᠳᠬᠢᠯ ᠤᠨ ᠢᠯᠴᠢ | ᠡᠨᠡ ᠪᠦᠬᠦᠨ ᠠᠴᠠ ᠳᠠᠪᠠᠵᠤ᠂ ᠬᠤᠨᠢᠨ ᠤ ᠬᠠᠩᠰᠢ ᠬᠡᠯᠡᠬᠦ ᠠᠴᠠ ᠴᠠᠭᠠᠰᠢ ᠤᠨᠠᠵᠤ᠂ ᠠᠷᠠᠰᠤ ᠨᠣᠣᠰᠣ ᠠᠪᠬᠤ ᠬᠥᠮᠥᠨ | ᠦᠭᠡᠢ ᠪᠣᠯᠤᠭᠰᠠᠨ ᠠᠷᠭᠠᠴᠠᠭᠠ ᠦᠭᠡᠢ ᠪᠠᠶᠢᠳᠠᠯ ᠳᠤ ᠬᠤᠪᠢᠷᠠᠯᠲᠠ ᠭᠠᠷᠭᠠᠬᠤ ᠪᠠᠷ ᠰᠣᠶᠣᠯ ᠤᠨ ᠲᠦᠪᠰᠢᠨ᠂ | ᠰᠣᠷᠤᠭᠰᠠᠨ ᠮᠡᠳᠡᠯᠭᠡ ᠪᠠᠨ ᠵᠠᠷᠤᠬᠤ ᠪᠠᠷ ᠶᠠᠭᠠᠷᠠᠨᠠ᠃ | ᠰᠢᠨᠡ ᠥᠷᠯᠥᠭᠡ ᠡᠬᠢᠯᠡᠵᠦ᠂ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠣᠨ ᠤ ᠰᠡᠳᠬᠢᠯ ᠤᠨ ᠢᠯᠴᠢᠨ ᠳᠤ ᠤᠶᠠᠰᠤᠨ | ᠬᠠᠶᠢᠯᠪᠠ ᠤᠤ ᠭᠡᠮᠡᠷ ᠲᠣᠮᠣᠬᠠᠨ ᠭᠡᠬᠡᠬᠡᠪᠴᠢ ᠶᠢᠨ ᠵᠤᠵᠠᠭᠠᠨ ᠴᠠᠩ ᠴᠤ ᠮᠡᠯᠲᠡᠯᠵᠡᠨ᠂ ᠭᠡᠷ ᠪᠣᠯᠣᠨ ᠬᠤᠨᠢᠨ ᠤ | ᠰᠠᠷᠠᠪᠴᠢᠨ ᠤ ᠣᠷᠣᠢ ᠳᠤ ᠬᠤᠷᠠᠭᠰᠠᠨ ᠵᠤᠵᠠᠭᠠᠨ ᠴᠠᠰᠤ ᠴᠤ ᠳᠣᠣᠷᠠ ᠠᠴᠠ ᠪᠠᠨ ᠤᠶᠠᠰᠤᠭᠰᠠᠨ ᠨᠢ ᠢᠯᠡᠷᠬᠡᠢ᠂ | ᠴᠠᠶᠢᠯᠠᠰ ᠴᠠᠶᠢᠯᠠᠰ ᠬᠢᠨ ᠭᠤᠯᠭᠤᠨ ᠤᠨᠠᠵᠤ ᠡᠬᠢᠯᠡᠯᠡ᠃ ᠮᠣᠩᠭᠤᠯ ᠨᠤᠲᠤᠭ ᠤᠨ ᠬᠠᠯᠠᠭᠤᠨ ᠬᠥᠷᠥᠰᠥᠨ ᠳᠤ | ᠮᠥᠩᠬᠡ ᠶᠢᠨ ᠠᠮᠢᠯᠠᠯ ᠲᠠᠢ ᠴᠡᠩᠬᠡᠷ ᠢᠷᠭᠤᠢ ᠴᠤ ᠬᠠᠪᠤᠷ ᠤᠨ ᠤᠷᠢ ᠶᠢ ᠶᠠᠭᠠᠷᠠᠨ ᠬᠦᠯᠢᠶᠡᠭᠰᠡᠨ ᠳᠤᠯᠠᠭᠠᠨ | ᠴᠠᠰᠤᠨ ᠤ ᠳᠣᠣᠷᠠ ︽ᠬᠥᠯ︾ ᠢᠶᠠᠨ ᠵᠢᠭᠢᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠯᠤᠭᠠ᠃ | ᠨᠤ · ᠮᠥᠩᠬᠡᠲᠣᠭᠲᠠᠬᠤ |