| ᠹᠧᠩ᠊· ᠰᠡᠴᠡᠨᠪᠠᠭᠠᠲᠤᠷ | ᠠᠯᠢᠶᠠᠬᠦᠦ ᠰᠣᠯᠢᠶᠠ ᠳᠤᠰᠤᠭᠰᠠᠨ ᠰᠢᠭ᠋ ᠪᠣᠯᠣᠭᠠᠳ ᠬᠤᠶᠠᠷ ᠬᠤᠨᠣᠪᠠ᠃ ᠡᠮᠡᠭᠡ ᠨᠢ ᠠᠩᠭᠢ ᠶᠢᠨ ᠪᠠᠭᠰᠢ | ᠳᠤᠨᠢ ᠬᠦᠨᠳᠦ ᠲᠠᠭᠰᠢᠭᠤᠷ ᠬᠦᠷᠴᠡᠢ ᠭᠡᠵᠦ ᠴᠢᠯᠦᠭᠡ ᠭᠤᠶᠤᠵᠠᠢ᠃ ᠤᠤᠯ ᠨᠢ ᠰᠤᠷᠤᠯᠭᠠ ᠰᠠᠶᠢᠨ᠂ ᠴᠣᠪᠣᠭᠤ | ᠳᠡᠭᠵᠢᠨ᠂ ᠡᠪ ᠡᠷᠡᠭᠦᠯ ᠪᠠᠶᠢᠭᠰᠠᠨ ᠬᠡᠦᠬᠡᠳ ᠬᠤᠶᠠᠷ ᠡᠳᠦᠷ ᠤᠨ ᠠᠮᠠᠷᠠᠯᠲᠠ ᠳᠤ ᠠᠩᠭᠢ ᠪᠠᠷ ᠢᠶᠠᠨ | ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠪᠠᠷᠠᠭᠤᠨ ᠮᠠᠩᠬᠠᠨ ᠳᠤ ᠮᠣᠳᠣ ᠲᠠᠷᠢᠭᠠᠳ ᠣᠷᠣᠢ ᠨᠢ ᠬᠠᠷᠢᠵᠤ ᠢᠷᠡᠬᠦ ᠪᠠᠷ ᠨᠢᠭᠡᠯᠡ ᠵᠢᠭ ᠨᠢ | ᠥᠭᠡᠷᠡ ᠴᠢᠬᠢ ᠨᠢ ᠳᠡᠯᠳᠡᠭᠡᠷ ᠪᠣᠯᠵᠠᠢ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠡᠮᠡᠭᠡ ᠲᠤᠯᠵᠢᠨ ᠤ ᠨᠢᠳᠦ ᠨᠢ ᠣᠷᠣᠢ ᠳᠡᠭᠡᠷᠡ ᠪᠠᠨ | ᠭᠠᠷᠴᠤ᠂ ᠮᠡᠳᠡᠳᠡᠭ ᠬᠡᠳᠦᠨ ᠪᠤᠷᠬᠠᠨ ᠤ ᠪᠠᠨ ᠨᠡᠷᠡ ᠶᠢ ᠰᠣᠯᠢᠵᠤ ᠬᠤᠳᠬᠤᠨ ᠳᠠᠭᠤᠳᠠᠵᠤ᠂ ᠠᠷᠭᠠᠯ ᠤᠨ ᠦᠨᠡᠰᠦ | ᠳᠠᠷᠤᠭᠰᠠᠨ ᠵᠢᠵᠢᠭᠬᠡᠨ ᠭᠤᠷᠪᠠᠨ ᠬᠥᠯ ᠲᠠᠢ ᠮᠥᠩᠭᠦᠨ ᠬᠦᠯᠢᠰ ᠲᠤ ᠬᠦᠵᠢ ᠨᠣᠴᠣᠭᠠᠵᠤ᠂ ᠳᠡᠭᠡᠷᠡ ᠨᠢ ᠤᠳᠤᠯᠭᠠ | ᠠᠷᠢᠭᠤᠯᠭᠠ ᠤᠤᠭᠢᠭᠤᠯᠪᠠ᠃ ᠨᠠᠷᠢᠬᠠᠨ ᠴᠡᠩᠬᠡᠷ ᠤᠳᠤᠭᠠ ᠴᠠᠭᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ ᠳᠤ ᠰᠤᠨᠤᠯᠵᠢᠨ ᠮᠢᠷᠠᠯᠵᠠᠵᠤ᠂ | ᠠᠷᠴᠠ ᠭᠠᠩᠭᠠ ᠶᠢᠨ ᠰᠠᠶᠢᠬᠠᠨ ᠦᠨᠦᠷ ᠭᠡᠷ ᠳᠦᠭᠦᠷᠡᠩ ᠰᠡᠩᠭᠢᠨᠡᠵᠦ ᠠᠯᠢᠶᠠᠬᠦᠦ ᠶᠢᠨ ᠴᠢᠷᠠᠢ ᠨᠠᠭᠠᠰᠢᠯᠠᠬᠤ | ᠰᠢᠨᠵᠢ ᠲᠠᠢ ᠪᠣᠯᠪᠠ᠃ | ᠲᠤᠯᠵᠢᠨ ᠡᠮᠡᠭᠡᠨ ᠠᠴᠢ ᠬᠦᠦ ᠪᠠᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠭᠤᠯᠤᠨᠠ | ᠬᠡᠮᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠪᠢ ᠳᠤ ᠠᠭᠤᠵᠢᠮ ᠰᠠᠷᠠᠭᠤᠯ ᠠᠰᠠᠷ ᠬᠤᠳᠠᠯᠳᠤᠨ ᠠᠪᠴᠤ ᠰᠠᠭᠤᠭᠠᠳ ᠬᠡᠳᠦᠨ ᠵᠢᠯ | ᠪᠣᠯᠵᠠᠢ᠃ ᠲᠦᠷᠦ ᠶᠢᠨ ᠰᠠᠶᠢᠨ ᠢᠶᠠᠷ ᠲᠤᠯᠵᠢᠨ ᠡᠮᠡᠭᠡᠨ ᠤ ᠬᠢ ᠶᠣᠰᠣᠲᠠᠢ ᠯᠡ ᠨᠢᠳᠦ ᠪᠠᠨ ᠪᠦᠯᠳᠦᠷᠡᠳᠡᠯᠡ ᠪᠠᠶᠠᠵᠢᠪᠠ᠃ | ᠭᠡᠪᠡᠴᠦ ᠲᠤᠯᠵᠢᠨ ᠡᠮᠡᠭᠡᠨ ᠡᠨᠡ ᠪᠦᠬᠦᠨ ᠢ ᠪᠦᠷ ᠯᠡ ᠳᠡᠭᠡᠳᠦᠰ ᠲᠡᠭᠡᠨ ᠵᠠᠯᠪᠠᠷᠢᠠᠭᠰᠠᠨ ᠤ ᠠᠴᠢ᠂ ᠰᠦᠮᠡ | ᠯᠠᠮᠠ ᠳᠤ ᠳᠠᠭᠠᠳᠬᠠᠵᠤ ᠪᠤᠶᠠᠨ ᠨᠣᠮ ᠬᠢᠭᠰᠡᠨ ᠤ ᠰᠠᠶᠢᠨ ᠨᠢ ᠢᠷᠡᠵᠦ ᠪᠠᠶᠢᠨᠠ ᠬᠡᠮᠡᠨ ᠪᠤᠳᠤᠨᠠ᠃ ᠶᠠᠭᠤ ᠴᠦ | ᠭᠡᠰᠡᠨ ︽ᠬᠥᠮᠥᠨ ᠬᠥᠮᠥᠨ ᠢ ᠭᠤᠮᠣᠳᠠᠭᠠᠪᠠᠴᠤ᠂ ᠬᠦᠳᠡᠯᠮᠦᠷᠢ ᠬᠥᠮᠥᠨ ᠢ ᠭᠤᠮᠣᠳᠠᠭᠠᠬᠤ ᠦᠭᠡᠢ︾ ᠭᠡᠳᠡᠭ ᠦᠨᠡᠨ᠃ | ᠬᠥᠭᠰᠢᠨ ᠬᠡᠳᠦᠨ ᠥᠨᠥᠴᠢᠨ ᠬᠡᠦᠬᠡᠳ ᠲᠠᠢ ᠪᠠᠨ ᠮᠠᠯ ᠪᠡᠯᠴᠢᠭᠡᠷ ᠢ ᠡᠷᠦᠬᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠬᠤ ᠪᠠᠷ ᠬᠤᠪᠢᠳᠠᠨ | ᠣᠯᠣᠭᠰᠠᠨ ᠬᠡᠳᠦᠨ ᠮᠠᠯ ᠢᠶᠠᠨ ᠬᠠᠯᠠᠭᠤᠨ ᠳᠤ ᠬᠠᠯᠠᠵᠤ᠂ ᠬᠦᠢᠲᠡᠨ ᠳᠤ ᠬᠦᠷᠦᠵᠦ᠂ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠶᠢᠨ | ᠬᠦᠴᠦᠨ ᠳᠤ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠬᠤᠷᠢᠨ ᠵᠢᠯ ᠳᠤ ᠨᠢ ᠮᠢᠩᠭᠠᠲᠤ ᠶᠢᠨ ᠡᠷᠦᠬᠡ ᠶᠢᠨ ᠤᠯᠠᠭᠠᠨ ᠫᠠᠶᠢᠰᠠ ᠶᠢ | ᠬᠤᠶᠢᠮᠤᠷ ᠲᠠᠭᠠᠨ ᠡᠯᠭᠦᠪᠡ᠃ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠪᠠᠭᠠ ᠬᠦᠦ ᠨᠢ ᠮᠢᠩᠭᠠᠨ ᠴᠠᠭᠠᠨ ᠬᠤᠨᠢ ᠪᠠᠨ ᠠᠰᠠᠷ᠂ | ᠦᠬᠡᠷ ᠪᠤᠯᠭᠠᠵᠦ ᠡᠵᠢ ᠶᠢᠨ ᠢᠶᠠᠨ ᠠᠭᠤᠷ ᠢ ᠬᠦᠷᠭᠡᠭᠰᠡᠨ ᠤᠳᠠᠭᠠ ᠲᠠᠢ᠃ ᠬᠠᠭᠤᠴᠢᠨ ᠤ ᠬᠥᠮᠥᠨ ᠭᠠᠩᠳᠠᠭᠤᠨ᠃ | ᠬᠤᠨᠢ ᠮᠠᠯᠵᠢᠬᠤ ᠦᠭᠡᠢ ᠪᠣᠯ ᠬᠤᠳᠠ ᠳᠤ ᠰᠠᠭᠤᠨᠠ ᠭᠡᠵᠦ ᠬᠥᠭᠰᠢᠨ ᠬᠤᠳᠠ ᠳᠤ ᠨᠡᠭᠦᠵᠡᠢ᠃ ᠤᠳᠤ ᠪᠠᠭᠠ ᠬᠦᠦ | ᠨᠢ ᠨᠤᠲᠤᠭ ᠲᠠᠭᠠᠨ ᠰᠢᠷᠠ ᠠᠯᠠᠭ᠂ ᠬᠠᠷᠠ ᠠᠯᠠᠭ ᠭᠤᠣᠯᠲᠠᠢ ᠵᠠᠭᠤᠭᠠᠳ ᠦᠬᠡᠷ ᠬᠠᠷᠢᠭᠤᠯᠵᠤ ᠬᠤᠳᠠ | ᠬᠥᠳᠡᠭᠡ ᠶᠢᠨ ᠬᠤᠭᠤᠷᠣᠨᠳᠤ ᠬᠥᠩᠭᠡᠨ ᠮᠠᠰᠢᠨ ᠢᠶᠠᠷ ᠨᠢᠰᠬᠡᠨᠡ᠁ | ᠡᠮᠡᠭᠡᠨ ᠪᠤᠷᠬᠠᠨ ᠳᠠᠭᠠᠨ ᠵᠠᠯᠪᠠᠷᠢᠬᠤ ᠪᠦᠷᠢ ᠳᠣᠲᠣᠷᠠ ᠨᠢ ᠥᠴᠥᠬᠡᠨ ᠵᠡᠷᠭᠡ ᠲᠠᠶᠢᠪᠤᠰᠢᠷᠠᠨᠠ᠃ ᠡᠨᠡ ᠶᠡᠭᠡ | ᠲᠠᠶᠢᠪᠤᠰᠢᠷᠠᠯ ᠯᠠ ᠬᠥᠭᠰᠢᠨ ᠳᠤ ᠡᠷᠴᠢ ᠬᠦᠴᠦ ᠣᠯᠭᠤᠨᠠ᠃ ᠭᠡᠪᠡᠴᠦ ᠠᠯᠢᠶᠠᠬᠦᠦ ᠶᠢᠨ ᠪᠠᠶᠢᠳᠠᠯ ᠢ ᠨᠢᠭᠡ ᠬᠤᠨᠤᠭ | ᠦᠵᠡᠭᠡᠳ ᠢᠯᠠᠷᠢ ᠪᠣᠯᠤᠭᠰᠠᠨ ᠦᠭᠡᠢ ᠪᠣᠯᠬᠤᠷ ᠲᠤᠯᠵᠢᠨ ᠶᠣᠰᠣᠲᠠᠢ ᠯᠠ ︽ᠪᠡᠶᠡ ᠶᠢᠨ ᠤᠬᠠᠭᠠᠨ ᠪᠡᠶᠡ ᠳᠤ ᠦᠭᠡᠢ᠂ | ᠪᠢᠯᠢᠭ ᠤᠨ ᠤᠬᠠᠭᠠᠨ ᠴᠡᠭᠡᠵᠢᠨ ᠳᠤ ᠦᠭᠡᠢ︾ ᠵᠡᠭᠦᠨ ᠪᠠᠷᠠᠭᠤᠨ ᠳᠡᠭᠡᠷᠡ ᠪᠠᠨ ᠭᠠᠷᠴᠠᠢ᠃ ᠲᠡᠭᠡᠭᠡᠳ ᠯᠡ ᠲᠥᠯ | ᠮᠠᠯ ᠤᠨ ᠶᠠᠭᠠᠷᠠᠤ ᠴᠠᠭ ᠪᠠᠶᠢᠭᠰᠠᠨ ᠬᠢᠷᠢᠨᠠ ᠬᠥᠳᠡᠭᠡ ᠠᠴᠠ ᠡᠴᠢᠭᠡ ᠡᠬᠡ ᠶᠢ ᠨᠢ ᠪᠦᠷ ᠳᠠᠭᠤᠳᠠᠵᠤ ᠠᠪᠴᠢᠷᠠᠵᠠᠢ᠃ | ᠠᠯᠢᠶᠠᠬᠦᠦ ᠡᠴᠢᠭᠡ ᠡᠬᠡ ᠪᠠᠨ ᠦᠵᠡᠭᠡᠳ ᠮᠠᠭᠤ ᠢᠨᠢᠶᠡᠵᠦ ᠪᠠᠶᠢᠨᠠ᠃ ᠡᠴᠢᠭᠡ ᠡᠬᠡ ᠬᠤᠶᠠᠷ ᠨᠢ | ᠬᠦᠦ ᠶᠢᠨ ᠢᠶᠠᠨ ᠮᠠᠩᠨᠠᠢ ᠳᠡᠭᠡᠷᠡ ᠭᠠᠷ ᠢᠶᠠᠨ ᠲᠠᠯᠪᠢᠵᠤ ᠦᠵᠡᠪᠡᠯ ᠬᠠᠯᠠᠭᠤᠷᠠᠵᠤ ᠪᠠᠶᠢᠬᠤ ᠶᠠᠩᠵᠤ ᠦᠭᠡᠢ᠃ ᠭᠡᠨᠡᠳᠲᠡ | ᠬᠦᠦ ᠡᠬᠡ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠢᠶᠠᠨ ᠪᠠᠰᠠᠯᠠ ᠰᠣᠯᠢᠶᠠᠷᠠᠯᠠ᠄ | - ᠵᠣᠭᠰᠣ︕ ᠵᠣᠭᠰᠣ︕ ᠬᠡᠷᠡᠮ ᠤᠨ ᠴᠠᠭᠠᠨᠠ ᠠᠴᠠ ᠨᠣᠭᠤᠭᠠᠨ ᠬᠤᠪᠴᠠᠰᠤ ᠲᠠᠢ ᠫᠠᠭᠳᠠᠭᠠᠷ ᠴᠢᠳᠬᠦᠷ | ᠭᠠᠷᠴᠤ ᠢᠷᠡᠯᠡ᠃ ᠴᠠᠭᠠᠨᠠ ᠨᠢ ᠪᠠᠰᠠ ᠨᠢᠭᠡ ᠴᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠡᠮᠡᠭᠲᠡᠢ ᠪᠠᠶᠢᠨᠠ᠃ ᠫᠤᠤᠳᠠᠯᠠ︕ ᠫᠤᠤᠳᠠᠯᠠ︕ | ᠬᠤᠷᠳᠤᠨ᠂ ᠬᠤᠷᠳᠤᠨ︕ ᠪᠢ ᠦᠬᠦᠴᠢᠬᠡᠯᠡ︕ ᠬᠠᠶᠢᠷᠠᠨ ᠬᠠᠶᠢᠷᠠᠨ᠁ ᠭᠡᠭᠰᠡᠭᠡᠷ ᠲᠣᠯᠣᠭᠠᠢ ᠪᠠᠨ ᠲᠡᠪᠡᠷᠢᠭᠰᠡᠭᠡᠷ | ᠠᠷᠤᠭᠰᠢ ᠪᠠᠨ ᠰᠠᠪᠠᠵᠦ ᠤᠨᠠᠯᠠ᠃ | ᠵᠠᠯᠠᠭᠤ ᠡᠴᠢᠭᠡ ᠡᠬᠡ ᠬᠦᠦ ᠶᠢᠨ ᠢᠶᠠᠨ ᠰᠣᠯᠢᠶᠠᠷᠠᠭᠰᠠᠨ ᠢ ᠦᠵᠡᠭᠡᠳ ᠦᠷᠭᠦᠭᠰᠡᠨ ᠦᠬᠡᠷ ᠤᠨ ᠮᠡᠲᠦ | ᠨᠢᠳᠦᠯᠡᠪᠡ᠃ ᠬᠦᠦ ᠥᠨᠳᠡᠶᠢᠵᠦ ᠰᠠᠭᠤᠭᠰᠠᠨ ᠢᠶᠠᠨ᠄ | - ᠠᠳᠡ ᠫᠤᠤ ᠲᠠᠢ ᠬᠥᠮᠥᠨ ᠭᠦᠶᠦᠵᠦ ᠪᠠᠶᠢᠨᠠ᠃ ᠲᠡᠷᠡ᠂ ᠲᠡᠷᠡ ᠲᠠᠯᠠ ᠠᠴᠠ ᠴᠢᠨᠢ ᠫᠤᠤᠳᠠᠯᠠ᠃ | ᠠᠶᠤᠯ ᠲᠠᠢ᠂ ᠠᠶᠤᠯ ᠲᠠᠢ᠃ ᠡᠴᠢᠭᠡ ᠨᠢ ᠬᠦᠦ ᠪᠠᠨ ᠲᠡᠪᠡᠷᠢᠪᠡ᠃ ᠲᠣᠯᠣᠭᠠᠢ ᠠᠴᠠ ᠨᠢ ᠬᠦᠢᠲᠡᠨ ᠬᠥᠯᠥᠰᠦ | ᠪᠤᠷᠴᠠᠭᠯᠠᠨᠠ᠃ ᠡᠬᠡ ᠨᠢ᠄ ︽ᠡᠵᠢ ᠨᠢ ᠪᠠᠶᠢᠨᠠ᠃ ᠡᠵᠢ ᠨᠢ ᠪᠠᠶᠢᠨᠠ᠃ ᠮᠢᠨᠤ ᠬᠦᠦ ᠪᠤᠤ ᠠᠶᠤ︕︾ ᠭᠡᠭᠰᠡᠭᠡᠷ | ᠲᠣᠯᠣᠭᠠᠢ ᠶᠢ ᠨᠢ ᠲᠡᠪᠡᠷᠢᠨ ᠨᠢᠯᠪᠤᠰᠤ ᠤᠨᠠᠭᠠᠨᠠ᠁ | ᠠᠯᠢᠶᠠᠬᠦᠦ ᠡᠶᠢᠨ ᠬᠦ ᠰᠣᠯᠢᠶᠠᠷᠠᠬᠤ ᠪᠠᠷ ᠡᠮᠡᠭᠡ ᠨᠢ ᠬᠦᠦ ᠪᠠᠨ ᠬᠥᠲᠥᠯᠵᠦ᠂ ︽ᠡᠮ ᠠᠴᠠ ᠳᠣᠮ︾ ᠭᠡᠳᠡᠭ | ᠶᠤᠮ ᠭᠡᠳ ︽ᠪᠤᠶᠠᠨ ᠢᠪᠡᠭᠡᠭᠴᠢ ᠰᠦᠮᠡ︾ ᠶᠢᠨ ᠰᠢᠷᠡᠭᠡᠨ ᠳ᠋ᠠ ᠯᠠᠮᠠ᠂ ᠲᠥᠷᠬᠦᠮ ᠤᠨ ᠬᠢᠨᠢ ᠬᠤᠯᠠ ᠶᠢᠨ ᠨᠠᠭᠠᠴᠤ | ᠲᠤᠨᠳᠤᠭ ᠯᠠᠮᠠ ᠶᠢ ᠡᠷᠢᠵᠦ ᠳᠣᠮ ᠳᠠᠷᠤᠯᠭᠠ ᠬᠢᠯᠭᠡᠬᠦ ᠪᠠᠷ ᠬᠦᠷᠴᠡᠢ᠃ | ᠰᠦᠮᠡ ᠶᠢᠨ ᠠᠷᠤ ᠳᠤ ᠪᠠᠶᠢᠷᠢᠰᠢᠭᠠ ᠨᠠᠭᠠᠴᠤ ᠯᠠᠮᠠ ᠶᠢᠨ ᠬᠠᠭᠤᠴᠢᠨ ᠤ ᠬᠥᠬᠡ ᠲᠣᠭᠤᠰᠬᠠᠨ ᠭᠡᠷ | ᠥᠨᠳᠥᠷ ᠬᠥᠮᠥᠨ ᠤ ᠲᠣᠯᠣᠭᠠᠢ ᠲᠤᠯᠤᠮᠠ ᠨᠠᠪᠰᠠᠭᠠᠷ ᠪᠤᠯᠪᠠᠴᠤ ᠴᠡᠪᠡᠷ ᠴᠡᠮᠴᠡᠭᠡᠷ᠃ ᠭᠡᠷ ᠤᠨ ᠬᠤᠶᠢᠮᠤᠷ | ᠲᠠᠯᠪᠢᠭᠰᠠᠨ ᠲᠣᠮᠣ ᠬᠦᠩᠭᠡᠷᠸᠠ ᠲᠠᠢ ᠨᠣᠭᠤᠭᠠᠨ ᠲᠡᠷᠢ ᠡᠬᠡ ᠶᠢᠨ ᠬᠦᠷᠦᠭ ᠤᠯᠠᠨ ᠰᠢᠯ ᠲᠠᠢ ᠵᠢᠵᠢᠭᠬᠡᠨ | ᠴᠣᠩᠬᠤ ᠪᠠᠷ ᠬᠠᠷᠪᠤᠬᠤ ᠨᠠᠷᠠᠨ ᠤ ᠲᠤᠶᠠᠭᠠᠨ ᠳᠤ ᠰᠢᠵᠢᠷᠳᠡᠨ᠂ ᠬᠤᠷᠸᠠ ᠶᠢᠨ ᠪᠤᠵᠠᠷ ᠪᠤᠯᠠᠢ᠂ ᠮᠠᠭᠤ ᠮᠠᠭᠤᠬᠠᠢ ᠶᠢ | ᠦᠵᠡᠬᠦ ᠦᠭᠡᠢ ᠭᠡᠰᠡᠨ ᠰᠢᠭ ᠭᠡᠭᠡᠨ ᠮᠡᠯᠮᠡᠢ ᠪᠠᠨ ᠬᠠᠭᠠᠰ ᠠᠨᠢᠨ ᠮᠦᠰᠢᠶᠡᠨᠡ᠃ ᠲᠡᠭᠦᠨ ᠤ ᠡᠮᠦᠨᠡ ᠲᠣᠮᠣ | ᠮᠥᠩᠭᠦᠨ ᠴᠥᠭᠦᠴᠡ ᠲᠠᠢ ᠢᠬᠡᠷᠡ ᠵᠤᠯᠠ ᠪᠠᠳᠮᠠᠯᠠᠨ ᠠᠰᠠᠵᠤ᠂ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠵᠦ ᠬᠥᠮᠥᠨ ᠣᠷᠣᠬᠤ ᠪᠠᠷ | ᠵᠤᠯᠠ ᠶᠢᠨ ᠭᠤᠣᠯ ᠬᠠᠶᠠ ᠨᠠᠮᠢᠯᠵᠠᠨᠠ᠃ | ᠰᠢᠷᠠ ᠲᠣᠷᠭᠠᠨ ᠲᠡᠷᠯᠢᠭ ᠳᠡᠭᠡᠷᠡ ᠬᠦᠷᠡᠩ ᠣᠷᠬᠢᠮᠵᠢ ᠨᠥᠮᠥᠷᠴᠦ ᠰᠠᠭᠤᠭᠰᠠᠨ ᠲᠠᠷᠭᠤᠨ ᠰᠢᠷᠠ ᠯᠠᠮᠠ | ᠨᠢᠳᠦᠨ ᠰᠢᠯ ᠤᠨ ᠢᠶᠠᠨ ᠳᠡᠭᠡᠭᠦᠷ ᠰᠢᠷᠪᠢᠨ ᠬᠠᠷᠠᠭᠰᠠᠨ ᠢᠶᠠᠨ ᠲᠤᠯᠵᠢᠨ ᠢ ᠲᠠᠨᠢᠪᠠ᠃ ᠲᠤᠯᠵᠢᠨ ᠴᠠᠢ ᠴᠠᠭᠠᠨ ᠢᠳᠡᠭᠡ | ᠴᠦ ᠠᠮᠰᠠᠭᠰᠠᠨ ᠦᠭᠡᠢ᠂ ᠰᠢᠭᠤᠳ ᠠᠴᠢ ᠬᠦᠦ ᠶᠢᠨ ᠢᠶᠠᠨ ᠡᠪᠡᠳᠴᠢᠨ ᠤ ᠲᠤᠬᠠᠢ ᠤᠷᠤᠰᠬᠠᠵᠤ ᠭᠠᠷᠤᠯᠠ᠃ | ᠲᠤᠨᠳᠤᠭ ᠯᠠᠮᠠ ᠲᠣᠮᠣ ᠳᠠᠪᠬᠤᠷᠭᠠ ᠲᠠᠢ ᠬᠤᠨᠢᠨ ᠪᠣᠷᠣ ᠨᠢᠳᠦ ᠪᠠᠷ ᠬᠦᠦ ᠶᠢ ᠴᠤᠭᠤᠷᠳᠠᠯᠠ ᠰᠢᠷᠳᠡᠭᠰᠡᠨ ᠢᠶᠠᠨ᠄ | - ᠡᠨᠡ ᠬᠡᠦᠬᠡᠳ ᠤᠨ ᠵᠢᠷᠦᠬᠡ ᠨᠢ ᠶᠡᠭᠡ ᠮᠠᠭᠤ ᠪᠠᠶᠢᠨᠠ᠃ ᠬᠠᠭᠤᠴᠢᠨ ᠤ ᠦᠭᠡ ᠪᠠᠷ ᠬᠡᠯᠡᠪᠡᠯ ᠵᠢᠷᠦᠬᠡ ᠶᠢ | ᠨᠢ ᠬᠡᠢ ᠪᠣᠭᠤᠵᠤ ᠴᠠᠭᠠᠨ ᠰᠣᠯᠢᠶᠠ ᠲᠤᠰᠴᠠᠢ᠃ ᠲᠠ ᠦᠵᠡ︕ ᠰᠣᠷᠮᠤᠤᠰᠤᠨ ᠤ ᠦᠵᠦᠭᠦᠷ ᠨᠢ ᠭᠤᠷᠪᠠ | ᠭᠤᠷᠪᠠ ᠪᠠᠷ ᠢᠶᠠᠨ ᠨᠡᠶᠢᠯᠡᠵᠦ ᠮᠠᠶᠢᠬᠠᠨᠴᠢᠯᠠᠨ ᠪᠣᠰᠴᠠᠢ᠃ ᠬᠤᠶᠠᠷ ᠨᠢᠳᠦᠨ ᠤ ᠬᠢᠨᠢ ᠬᠤᠭᠤᠷᠤᠨᠳᠤᠬᠢ ᠨᠢᠷᠠᠢ ᠶᠢᠨ | ᠰᠤᠳᠠᠯ ᠵᠠᠩᠭᠢᠷᠠᠵᠤ ᠬᠥᠬᠡ ᠵᠢᠷᠤᠭᠠᠰᠤ ᠲᠠᠲᠠᠵᠤ ᠪᠠᠶᠢᠨᠠ ᠭᠡᠵᠦ ᠣᠨᠣᠰᠢᠯᠠᠵᠤ ᠪᠠᠶᠢᠯᠠ᠃ ᠬᠦᠦ᠂ ᠯᠠᠮᠠ ᠶᠢᠨ | ᠬᠠᠷᠠᠴᠠᠨ ᠠᠴᠠ ᠬᠠᠯᠢᠷᠠᠵᠤ ᠡᠮᠡᠭᠡ ᠶᠢᠨ ᠢᠶᠠᠨ ᠠᠷᠤ ᠪᠠᠷ ᠰᠢᠷᠭᠤᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠬᠤᠶᠠᠷ | ᠨᠢᠳᠦᠨ ᠤ ᠬᠢᠨᠢ ᠬᠠᠷᠠᠴᠠ ᠰᠢᠷᠦᠭᠦᠰᠴᠦ᠂ ᠪᠦᠬᠦ ᠪᠡᠶᠡ ᠠᠴᠠ ᠨᠢ ᠬᠦᠢᠲᠡᠨ ᠬᠥᠯᠥᠰᠦ ᠪᠠᠳᠬᠠᠨ᠂ ᠪᠡᠶᠡ ᠨᠢ | ᠰᠤᠯᠠᠷᠠᠭᠠᠳ ᠠᠮᠠᠨ ᠳᠠᠭᠠᠨ ᠳᠣᠣᠷᠠ ᠲᠠᠭᠤ ᠪᠠᠷ᠄ | - ᠲᠡᠷᠡ᠂ ᠲᠡᠷᠡ᠂ ᠫᠤᠤ ᠲᠠᠢ ᠬᠥᠮᠥᠨ ᠨᠢᠭᠤᠵᠤ ᠪᠠᠶᠢᠨᠠ᠃ ᠫᠤᠤᠳᠠᠯᠠ︕ ᠫᠤᠤᠳᠠᠯᠠ︕ ᠭᠡᠭᠰᠡᠭᠡᠷ | ᠨᠤᠭᠤᠷᠠᠭᠠᠳ ᠶᠠᠪᠤᠴᠢᠬᠠᠯᠠ᠃ ᠡᠮᠡᠭᠡ ᠨᠢ ᠤᠬᠢᠯᠠᠬᠤ ᠠᠴᠠ ᠥᠭᠡᠷᠡ ᠴᠢᠳᠠᠯ ᠦᠭᠡᠢ᠃ ᠯᠠᠮᠠ ᠠᠷᠭᠠ ᠲᠠᠢ᠃ ᠬᠦᠷᠡᠩ | ᠽᠠᠨᠳᠠᠨ ᠡᠷᠢᠭᠡ ᠪᠠᠨ ᠲᠣᠭᠠᠯᠠᠵᠤ ᠰᠠᠭᠤᠭᠰᠠᠨ ᠢᠶᠠᠨ ᠬᠦᠦ ᠶᠢᠨ ᠬᠠᠮᠠᠷ ᠤᠨ ᠳᠣᠣᠷᠠᠬᠢ ᠬᠥᠮᠥᠨ ᠳᠡᠭᠡᠷᠡ ᠨᠢ | ᠪᠠᠷᠠᠭᠤᠨ ᠭᠠᠷ ᠤᠨ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠬᠢᠮᠤᠰᠤ ᠪᠠᠷ ᠢᠶᠠᠨ ᠬᠦᠷᠡᠩ ᠤᠯᠠᠭᠠᠨ ᠪᠤᠯᠳᠠᠯᠠ ᠬᠢᠮᠤᠰᠤᠯᠠᠬᠤ ᠪᠠᠷ ᠬᠦᠦ | ᠤᠷᠤᠭᠤᠯ ᠢᠶᠠᠨ ᠨᠤᠬᠤᠯᠤᠭᠰᠠᠭᠠᠷ ᠪᠣᠰᠪᠠ᠃ ᠲᠤᠨᠳᠤᠭ ᠯᠠᠮᠠ ᠣᠷᠬᠢᠮᠵᠢ ᠪᠠᠨ ᠵᠠᠰᠠᠵᠤ᠄ | - ᠦᠭᠡᠢ᠂ ᠡᠨᠡ ᠬᠦᠦ ᠰᠣᠯᠢᠶᠠᠷᠠᠬᠤ ᠪᠠᠷ ᠶᠠᠭᠤ ᠶᠠᠭᠤ ᠶᠠᠷᠢᠭᠠᠳ ᠪᠠᠶᠢᠨᠠ︖ ᠭᠡᠨᠡ᠃ ᠲᠤᠯᠵᠢᠨ | ᠶᠠᠭᠠᠷᠠᠨ ᠳᠠᠩᠳᠠ ᠯᠠ᠄ | - ᠫᠤᠤ ᠲᠠᠢ ᠬᠥᠮᠥᠨ᠂ ᠫᠤᠤ ᠲᠠᠢ ᠬᠥᠮᠥᠨ᠃ ᠠᠷᠤ ᠠᠴᠠ ᠴᠢᠨᠢ ᠫᠤᠤᠳᠠᠯᠠ᠂ ᠫᠤᠤᠳᠠᠯᠠ᠃ ᠴᠠᠭᠠᠨᠠ ᠠᠴᠠ | ᠴᠢᠨᠢ ᠨᠢᠭᠡ ᠴᠠᠭᠠᠨ ᠬᠤᠪᠴᠠᠰᠤ ᠲᠠᠢ᠂ ᠰᠡᠭᠰᠡᠭᠡᠷ ᠦᠰᠦ ᠲᠠᠢ ᠡᠮᠡᠭᠲᠡᠢ ᠨᠢᠭᠤᠭᠠᠳ ᠢᠷᠡᠯᠡ᠁ ᠭᠡᠨᠡ᠃ ᠯᠠᠮᠠ | ᠰᠣᠨᠣᠰᠤᠭᠠᠳ ᠰᠢᠯᠢᠨ ᠬᠦᠵᠦᠭᠦᠦ ᠪᠠᠨ ᠬᠥᠳᠡᠯᠭᠡᠨ ᠬᠦᠩᠭᠢᠨᠡᠲᠡᠯᠡ ᠬᠡᠬᠡᠷᠡᠭᠦᠯᠵᠦ ᠤᠯᠠᠨ ᠶᠠᠭᠤᠮᠠ ᠪᠤᠳᠤᠵᠦ | ᠪᠠᠶᠢᠭᠰᠠᠨ ᠢᠶᠠᠨ᠄ | - ᠦᠭᠡᠢ᠂ ᠲᠤᠯᠵᠢᠨ ᠲᠠᠨᠠᠢ ᠳᠤ ᠴᠢᠨᠢ ᠳᠡᠭᠡᠷᠡ ᠦᠶᠡ ᠳᠡᠭᠡᠨ ᠫᠤᠤ ᠰᠤᠮᠤ ᠲᠠᠢ ᠬᠤᠯᠪᠣᠭᠳᠠᠬᠤ ᠶᠠᠮᠠᠷ | ᠬᠥᠮᠥᠨ ᠪᠠᠶᠢᠯᠠ︖ ᠲᠤᠯᠵᠢᠨ᠄ | - ᠬᠦᠦ ᠶᠢᠨ ᠡᠯᠦᠨᠴᠡ ᠡᠪᠦᠭᠡ ᠨᠢ ᠴᠠᠭᠠᠨ ᠪᠣᠭᠳᠠ ᠶᠢᠨ ᠴᠡᠷᠢᠭ ᠲᠤ ᠶᠠᠪᠤᠵᠤ ᠪᠠᠶᠢᠯᠠ ᠭᠡᠵᠦ ᠶᠠᠷᠢᠳᠠᠭ | ᠶᠤᠮ ᠳ᠋ᠠ᠃ ᠫᠤᠤ ᠰᠠᠭᠠᠳᠠᠭ ᠪᠠᠷᠢᠭᠰᠠᠨ ᠬᠥᠮᠥᠨ ᠠᠮᠢ ᠬᠤᠷᠣᠭᠠᠴᠢᠬᠠᠭᠰᠠᠨ ᠴᠤ ᠤᠴᠢᠷ ᠪᠠᠶᠢᠵᠤ ᠮᠡᠳᠡᠨᠠ᠂ ᠶᠠᠮᠠᠷ | ᠨᠢᠭᠡ ᠨᠢ ᠢᠷᠡᠭᠡᠳ ᠨᠠᠭᠠᠯᠳᠤᠴᠢᠬᠠᠭᠰᠠᠨ ᠴᠦ ᠪᠢᠯᠡ ᠤᠤ︾ ᠭᠡᠵᠦ ᠪᠤᠳᠤᠪᠠ᠃ ᠲᠡᠶᠢᠨ ᠬᠦ ᠠᠯᠢᠶᠠᠬᠦᠦ ᠶᠢ ᠨᠢᠳᠦ ᠶᠢ | ᠨᠢ ᠠᠨᠢᠭᠤᠯᠤᠨ ᠡᠮᠦᠨᠡ ᠪᠠᠨ ᠰᠠᠭᠤᠯᠭᠠᠪᠠ᠃ ᠬᠦᠦ ᠡᠮᠡᠭᠡ ᠶᠢᠨ ᠢᠶᠠᠨ ᠦᠭᠡ ᠪᠠᠷ ᠨᠢᠳᠦ ᠪᠠᠨ ᠠᠨᠢᠭᠰᠠᠨ ᠪᠤᠯᠪᠠᠴᠦ | ᠪᠠᠷᠠᠭᠤᠨ ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ ᠨᠢ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠶᠠᠭᠤ ᠨᠢᠭᠡ ᠶᠢ ᠰᠤᠷᠮᠠᠭᠠᠢ ᠲᠣᠪᠰᠢᠵᠤ | ᠠᠮᠠᠨ ᠳᠠᠭᠠᠨ ᠳᠦᠳᠦᠨᠡᠵᠦ ᠪᠠᠶᠢᠨᠠ᠃ | ᠲᠤᠨᠳᠤᠭ ᠯᠠᠮᠠ ᠳᠣᠮ ᠳᠠᠷᠤᠯᠭᠠ ᠬᠢᠪᠡ᠃ ᠪᠣᠯᠤᠭᠰᠠᠨ ᠭᠤᠯᠢᠷ ᠢ ᠬᠠᠷᠠ ᠤᠰᠤ ᠪᠠᠷ ᠵᠠᠭᠤᠷᠠᠵᠤ | ᠪᠦᠭᠡ ᠶᠢᠨ ᠣᠩᠭᠤᠳ ᠰᠢᠭ᠋ ᠬᠥᠮᠥᠨ ᠬᠡᠯᠪᠡᠷᠢ ᠲᠠᠢ ᠪᠢᠯᠠᠩ ᠪᠠᠷᠢᠵᠤ ᠨᠢᠳᠦ ᠪᠠᠨ ᠠᠨᠢᠵᠤ ᠲᠠᠷᠨᠢᠳᠠᠪᠠ᠃ ᠲᠤᠯᠵᠢᠨ | ᠶᠠᠭ ᠯᠠ ᠥᠨᠥ ᠪᠢᠯᠠᠩ ᠨᠢ ᠨᠣᠮ ᠤᠨ ᠬᠦᠴᠦ ᠪᠠᠷ ᠳᠡᠭᠳᠡᠵᠦ ᠦᠰᠦᠷᠪᠡᠯ ᠳᠠᠷᠤᠵᠤ ᠠᠪᠬᠤ ᠶᠤᠮᠰᠢᠭ ᠠᠷᠪᠠᠨ | ᠬᠤᠷᠤᠭᠤ ᠪᠠᠨ ᠮᠣᠳᠣᠨ ᠰᠠᠪᠠᠷ ᠤᠨ ᠰᠢᠳᠦ ᠰᠢᠭ ᠠᠷᠵᠠᠶᠢᠯᠭᠠᠨ ᠳᠡᠯᠭᠡᠪᠡ᠃ ᠯᠠᠮᠠ ᠲᠠᠷᠨᠢᠳᠠᠵᠤ ᠪᠠᠷᠠᠯᠠ ᠪᠤᠯᠤᠯᠳᠠᠢ᠂ | ᠬᠦᠷᠡᠩ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠬᠤᠳᠠ ᠮᠠᠨᠳᠠᠯ ᠤᠨ ᠬᠠᠵᠠᠭᠤ ᠳᠠᠬᠢ ᠭᠠᠯᠠᠭᠤᠨ ᠬᠦᠵᠦᠭᠦᠲᠦ | ᠯᠣᠩᠬᠤᠨ ᠳᠤ ᠬᠢᠭᠰᠡᠨ ᠭᠤᠷᠪᠠᠨ ᠨᠢᠳᠦ ᠲᠠᠢ ᠲᠤᠭᠤᠰ ᠤᠨ ᠦᠳᠦ ᠪᠠᠨ ᠠᠪᠴᠤ᠄ | - ᠲᠤᠯᠵᠢᠨ ᠴᠢ ᠭᠠᠷᠤᠭᠠᠳ ᠲᠣᠭᠤᠭᠠᠨ ᠭᠡᠷ ᠠᠴᠠ ᠴᠡᠯ ᠬᠦᠢᠲᠡᠨ ᠤᠰᠤ ᠠᠪᠤᠭᠠᠳ ᠢᠷᠡ︕ ᠤᠤᠯ | ᠨᠢ ᠬᠤᠳᠳᠤᠭ ᠤᠨ ᠬᠥᠯ ᠦᠭᠡᠢ ᠤᠰᠤ ᠬᠡᠷᠡᠭᠰᠡᠳᠡᠭ ᠶᠤᠮ᠃ ᠤᠳᠤ ᠴᠦ ᠬᠤᠳᠠ ᠳᠤ ᠬᠤᠳᠳᠤᠭ ᠦᠭᠡᠢ | ᠪᠣᠯᠤᠭᠰᠠᠨ ᠬᠤᠶᠢᠨᠠ ᠲᠦᠭᠡᠭᠡᠯ ᠤᠰᠤᠨ ᠠᠴᠠ ᠥᠭᠡᠷᠡ ᠶᠠᠭᠠᠬᠢᠬᠤᠪ ᠳ᠋ᠠ ᠭᠡᠨᠡ᠃ ᠲᠤᠯᠵᠢᠨ ᠲᠣᠭᠤᠭᠠᠨ ᠭᠡᠷ ᠠᠴᠠ | ᠲᠣᠮᠣ ᠴᠠᠶᠢᠷ ᠤᠨ ᠰᠢᠨᠠᠭᠠ ᠪᠠᠷ ᠤᠰᠤ ᠠᠪᠴᠢᠷᠠᠯᠠ᠃ ᠬᠦᠦ ᠨᠢᠳᠦ ᠪᠠᠨ ᠠᠨᠢᠨ ᠵᠡᠭᠦᠷᠮᠡᠭᠯᠡᠵᠦ ᠪᠠᠶᠢᠨᠠ᠃ ᠯᠠᠮᠠ | ᠲᠤᠭᠤᠰ ᠤᠨ ᠦᠳᠦ ᠪᠠᠨ ᠤᠰᠤᠨ ᠳᠤ᠂ ᠬᠦᠦ ᠶᠢᠨ ᠵᠤᠯᠠᠢ ᠳᠡᠭᠡᠷᠡ ᠱᠠᠪᠰᠢᠨᠠ᠃ ᠬᠦᠦ ᠭᠡᠳᠡᠭᠡ ᠨᠢ ᠬᠦᠷᠪᠡ | ᠪᠤᠯᠤᠯᠳᠠᠢ ᠣᠷᠣᠨ ᠳᠠᠭᠠᠨ ᠲᠤᠮᠪᠠᠯᠵᠠᠨᠠ᠃ ᠯᠠᠮᠠ ᠪᠦᠳᠦᠭᠦᠨ ᠰᠢᠨᠠᠭᠠ ᠲᠠᠢ ᠬᠦᠢᠲᠡᠨ ᠤᠰᠤᠨ ᠠᠴᠠ ᠬᠤᠶᠠᠷ | ᠬᠠᠴᠠᠷ ᠢᠶᠠᠨ ᠲᠦᠩᠬᠡᠶᠢᠳᠡᠯᠡ ᠣᠭᠤᠴᠢᠵᠤ ᠠᠪᠤᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠬᠦᠦ ᠶᠢᠨ ᠨᠢᠭᠤᠷ ᠤᠷᠤᠭᠤ ᠫᠦᠷᠳᠡᠬᠢᠳᠡᠯᠡ | ᠦᠯᠢᠶᠡᠬᠦ ᠪᠠᠷ ᠬᠦᠦ ᠰᠣᠴᠢᠭᠠᠨ ᠳᠠᠭᠠᠨ ᠮᠠᠭᠤᠬᠠᠢ ᠪᠠᠷᠬᠢᠷᠠᠭᠰᠠᠨ ᠢᠶᠠᠨ ᠰᠤᠯᠳᠦ᠋ᠢᠭᠠᠳ ᠶᠠᠪᠤᠴᠢᠬᠠᠯᠠ᠃ ᠲᠤᠯᠵᠢᠨ | ᠨᠢᠳᠦ ᠨᠢ ᠪᠦᠯᠲᠡᠯᠵᠡᠬᠦ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ ᠲᠤᠨᠳᠤᠭ ᠯᠠᠮᠠ ᠵᠦᠭᠡᠷ ᠵᠦᠭᠡᠷ ᠭᠡᠵᠦ ᠪᠠᠷᠠᠭᠤᠨ | ᠭᠠᠷ ᠢᠶᠠᠨ ᠵᠠᠩᠭᠠᠵᠤ ᠪᠠᠶᠢᠨᠠ᠃ ᠳᠡᠬᠡᠵᠦ ᠪᠠᠶᠢᠲᠠᠯᠠ ᠬᠦᠦ ᠶᠢᠨ ᠬᠠᠷᠠᠴᠠ ᠨᠢ ᠵᠥᠭᠡᠯᠡᠷᠡᠨ ᠰᠡᠷᠭᠦᠪᠡ᠃ | ᠲᠤᠯᠵᠢᠨ ᠤ ᠴᠢᠷᠠᠢ ᠳᠤ ᠪᠠᠶᠠᠷ ᠴᠠᠯᠭᠢᠯᠠᠨᠠ᠃ ᠲᠤᠨᠳᠤᠭ ᠯᠠᠮᠠ ᠶᠢᠨ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠲᠠᠢ | ᠰᠢᠷᠠ ᠴᠠᠭᠠᠰᠤᠨ ᠳᠤ ᠪᠣᠭᠤᠵᠤ ᠥᠭᠭᠦᠭᠰᠡᠨ ᠭᠤᠷᠪᠠᠨ ᠤᠯᠠᠭᠠᠨ ᠦᠷᠡᠯ ᠪᠣᠯᠣᠨ ᠲᠠᠷᠨᠢ ᠰᠢᠩᠭᠡᠭᠡᠭᠰᠡᠨ ᠪᠢᠯᠠᠩ ᠢ | ᠠᠪᠤᠭᠠᠳ ᠬᠠᠷᠢᠪᠠ᠃ ᠯᠠᠮᠠ ᠶᠢᠨ ᠠᠶᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠬᠠᠷᠠᠩᠭᠤᠢ ᠪᠣᠯᠵᠤ ᠲᠡᠭᠷᠢ ᠳᠤ ᠤᠳᠤ ᠪᠠᠷᠢᠯᠳᠤᠬᠤ ᠪᠠᠷ | ᠠᠯᠢᠶᠠᠬᠦᠦ ᠳᠤ ᠨᠢᠭᠡ ᠦᠷᠡᠯ ᠤᠤᠭᠤᠯᠭᠠᠵᠤ᠂ ᠲᠠᠷᠨᠢᠳᠠᠭᠰᠠᠨ ᠪᠢᠯᠠᠩ ᠢ ᠨᠢ ᠵᠡᠭᠦᠨ ᠡᠮᠦᠨᠡ ᠵᠦᠭ ᠵᠠᠭᠤᠨ | ᠠᠯᠬᠤᠮ ᠤᠨ ᠴᠠᠭᠠᠨᠠ ᠬᠤᠭ ᠬᠠᠶᠠᠳᠠᠭ ᠨᠣᠭᠤᠭᠠᠨ ᠰᠠᠪᠠ ᠶᠢᠨ ᠬᠠᠵᠠᠭᠤ ᠳᠤ ᠠᠪᠠᠴᠢᠵᠤ ᠬᠠᠶᠠᠬᠤ ᠪᠠᠷ ᠲᠡᠨᠳᠡ ᠶᠠᠭ | ᠰᠠᠶᠢᠬᠠᠨ ᠢᠳᠡᠰᠢ ᠰᠢᠩᠰᠢᠯᠡᠨ ᠭᠡᠳᠡᠰᠦ ᠨᠢ ᠭᠠᠷᠬᠠᠯᠠᠨ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠰᠢᠷᠠ ᠪᠠᠭᠠᠯ ᠳᠠᠪᠬᠢᠨ ᠢᠷᠡᠵᠦ ᠡᠮᠬᠦᠵᠦ | ᠠᠪᠤᠭᠠᠳ ᠪᠦᠬᠦᠯᠢ ᠪᠠᠷ ᠨᠢ ᠵᠠᠯᠭᠢᠵᠤ ᠠᠮᠵᠢᠵᠠᠢ᠃ ᠲᠤᠯᠵᠢᠨ ᠡᠮᠡᠭᠡᠨ ᠲᠤᠨᠳᠤᠭ ᠯᠠᠮᠠ ᠶᠢᠨ ᠦᠭᠡ ᠪᠠᠷ ᠡᠷᠭᠢᠵᠦ | ᠬᠠᠷᠠᠯ ᠦᠭᠡᠢ ᠪᠤᠴᠠᠵᠤ ᠢᠷᠡᠬᠦ ᠪᠠᠷ ᠠᠯᠢᠶᠠᠬᠦᠦ ᠡᠴᠢᠭᠡ ᠡᠬᠡ ᠬᠤᠶᠠᠷ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠨᠢᠳᠦᠨ ᠠᠴᠠ ᠪᠠᠨ | ᠨᠢᠯᠪᠤᠰᠤ ᠭᠠᠷᠳᠠᠯᠠ ᠢᠨᠢᠶᠡᠯᠴᠡᠵᠦ ᠪᠠᠶᠢᠯᠠ᠁ | ᠤᠤᠯ ᠨᠢ ᠠᠯᠢᠶᠠᠬᠦᠦ ᠡᠮᠡᠭᠡ ᠳᠡᠭᠡᠨ ᠰᠤᠷᠭᠠᠭᠤᠯᠢ ᠮᠣᠳᠣ ᠲᠠᠷᠢᠨᠠ ᠭᠡᠵᠦ ᠬᠤᠳᠠᠯ ᠬᠡᠯᠡᠭᠡᠳ | ᠡᠮᠡᠭᠡ ᠶᠢᠨ ᠢᠶᠠᠨ ᠣᠶᠤᠨᠲᠤ ᠭᠠᠷ ᠤᠲᠠᠰᠤ ᠶᠢ ᠠᠪᠴᠤ ᠬᠤᠳᠠ ᠶᠢᠨ ᠨᠢᠭᠡ ᠰᠠᠶᠢᠨ ᠨᠠᠶᠢᠵᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠨᠡᠶᠢᠯᠡᠵᠦ ︽ᠲᠠᠬᠢᠶᠠ ᠢᠳᠡᠬᠦ︾ ᠭᠡᠳᠡᠭ ᠭᠠᠷ ᠤᠲᠠᠰᠤᠨ ᠤ ᠲᠣᠭᠯᠠᠭᠠᠮ ᠨᠠᠭᠠᠳᠤᠭᠰᠠᠨ ᠠᠴᠠ ᠮᠡᠳᠡᠷᠡᠯ ᠨᠢ ᠬᠡᠪ ᠤᠨ | ᠪᠠᠶᠢᠳᠠᠯ ᠢᠶᠠᠨ ᠪᠦᠷᠢᠮᠦᠰᠦᠨ ᠠᠯᠳᠠᠭᠰᠠᠨ ᠪᠠᠶᠢᠵᠠᠢ᠃ ᠬᠠᠷᠢᠨ ᠲᠤᠨᠳᠤᠭ ᠯᠠᠮᠠ ᠨᠢᠭᠤᠷ ᠲᠤ ᠨᠢ ᠬᠦᠢᠲᠡᠨ ᠤᠰᠤ | ᠰᠠᠴᠤᠬᠤ ᠪᠠᠷ ᠰᠣᠴᠢᠭᠠᠨ ᠳᠠᠭᠠᠨ ᠮᠡᠳᠡᠷᠡᠯ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠣᠷᠣᠭᠰᠠᠨ ᠠᠵᠢ᠃ | ᠮᠠᠷᠭᠠᠰᠢ ᠨᠢ ᠠᠯᠢᠶᠠᠬᠦᠦ ᠶᠢᠨ ᠡᠴᠢᠭᠡ ᠡᠬᠡ ᠨᠢ ᠪᠤᠴᠠᠬᠤ ᠳᠠᠭᠠᠨ ᠭᠠᠷ ᠤᠲᠠᠰᠤ ᠠᠷᠪᠢᠨ ᠨᠠᠭᠠᠳᠤᠪᠠᠯ | ᠬᠡᠦᠬᠡᠳ ᠤᠨ ᠲᠠᠷᠢᠬᠢ ᠮᠡᠳᠡᠷᠡᠯ᠂ ᠨᠢᠳᠦᠨ ᠳᠤ ᠮᠠᠭᠤ ᠭᠡᠵᠦ ᠡᠮᠡᠭᠡ ᠶᠢᠨ ᠬᠢᠨᠢ ᠣᠶᠤᠨᠲᠤ ᠭᠠᠷ ᠤᠲᠠᠰᠤ ᠶᠢ ᠡᠩ ᠤᠨ | ᠳᠥᠭᠦᠮᠬᠡᠨ ᠭᠠᠷ ᠤᠲᠠᠰᠤ ᠪᠠᠷ ᠰᠣᠯᠢᠭᠠᠳ ᠶᠠᠪᠤᠵᠠᠢ᠃ ︽ᠪᠤᠷᠬᠠᠨ ᠮᠢᠨᠢ︕ ᠪᠤᠷᠬᠠᠨ ᠮᠢᠨᠢ︕︾ ᠭᠡᠵᠦ ᠲᠤᠯᠵᠢᠨ | ᠡᠮᠡᠭᠡᠨ ᠵᠠᠯᠪᠠᠷᠢᠵᠤ ᠪᠠᠶᠢᠨᠠ᠁ |