ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠪᠠᠭ᠋ᠠᠷᠬᠠᠯᠳᠥ ᠰᠢᠭᠤᠶᠢᠳᠥ
ᠦᠢᠯᠡᠴᠢᠯᠡᠭᠡ
ᠮᠣᠩᠭᠤᠯ ᠭᠢᠳᠤᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/9/25
        ᠮᠣᠩᠭᠤᠯ ᠭᠢᠳᠤᠭ᠎ᠠ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠬᠢᠨᠢ ᠣᠠᠴᠠᠭᠠᠢ ᠬᠡᠷᠡᠭᠴᠡᠭᠡ  ᠠᠴᠠ ᠪᠣᠯᠵᠤ᠂ ᠲᠡᠳᠡᠨᠡᠷ ᠤᠨ ᠣᠢᠯᠠᠳᠪᠣᠷᠢᠯᠠᠯ ᠪᠣᠯᠣᠨ ᠡᠳᠦᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠᠬᠢ ᠴᠢᠬᠤᠯᠠ ᠪᠠᠭᠠᠵᠢ ᠬᠡᠷᠡᠭᠯᠡᠯ ᠤᠨ ᠨᠢᠭᠡ ᠨᠢ ᠪᠣᠯᠤᠭᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ᠂ ᠮᠣᠩᠭᠤᠯ ᠭᠡᠷ᠂ ᠮᠣᠳᠣᠨ ᠲᠡᠷᠭᠡ᠂ ᠮᠣᠷᠢ ᠣᠨᠤᠭ᠎ᠠ᠂ ᠤᠷᠭ᠎ᠠ ᠲᠠᠰᠢᠭᠤᠷ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠵᠡᠷᠭᠡ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠦᠨᠳᠦᠰᠦᠨ ᠡᠯᠧᠮᠧᠨ᠋ᠲ ᠨᠦᠭᠦᠳ ᠲᠠᠢ ᠢᠵᠢ ᠪᠦᠷᠢᠯᠳᠦᠵᠦ᠂ ᠮᠣᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯ ᠰᠣᠶᠣᠯ ᠤᠨ ᠲᠡᠦᠬᠡᠨ ᠥᠪ ᠤᠨ ᠬᠢᠨᠢ ᠰᠠᠯᠭᠠᠵᠤ ᠪᠣᠯᠣᠰᠢ ᠦᠭᠡᠢ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠨᠢ ᠪᠣᠯᠤᠭᠰᠠᠨ ᠪᠠᠢᠨ᠎ᠠ᠃ ᠮᠣᠩᠭᠤᠯᠴᠤᠳ᠂ ᠲᠤᠭᠤᠷᠭ᠎ᠠ ᠲᠠᠢ ᠭᠡᠷ ᠤᠨ ᠢᠶᠠᠨ ᠨᠡᠭᠦᠳᠡᠯ ᠲᠠᠢ ᠠᠮᠢᠳᠤᠷᠠᠯ ᠳᠠᠭᠠᠨ᠂ ᠮᠣᠩᠭᠤᠯ ᠭᠡᠷ᠂ ᠮᠣᠳᠣᠨ ᠲᠡᠷᠭᠡ ᠬᠢᠬᠦ ᠬᠡᠷᠡᠭᠯᠡᠬᠦ ᠠᠴᠠ ᠡᠬᠢᠯᠡᠨ᠂ ᠡᠮᠡᠭᠡᠯ ᠲᠣᠬᠤᠰᠢ᠂ ᠤᠷᠭ᠎ᠠ ᠲᠠᠰᠢᠭᠤᠷ᠂ ᠬᠠᠵᠠᠭᠠᠷ ᠨᠣᠭᠲᠣ᠂ ᠴᠢᠳᠦᠷ ᠠᠷᠭᠠᠮᠵᠢᠶ᠎ᠠ ᠡᠳ᠋ᠯᠡᠵᠦ ᠰᠡᠯᠪᠢᠬᠦ ᠳᠡᠭᠡᠨ ᠲᠤᠯᠲᠠᠯ᠎ᠠ᠂ ᠡᠳᠦᠷ ᠳᠤᠳᠤᠮ ᠤᠨ ᠱᠥᠯᠥ ᠤᠤᠭᠤᠵᠤ ᠮᠢᠬ᠎ᠠ ᠢᠳᠡᠬᠦ ᠠᠴᠠ ᠠᠪᠤᠭᠠᠳ ᠨᠠᠢᠷ ᠳᠠᠢᠯᠠᠯᠭ᠎ᠠ᠂ ᠣᠷᠤᠭ ᠬᠤᠷᠢᠮ᠂ ᠳᠠᠭᠢᠯᠭ᠎ᠠ ᠰᠢᠲᠦᠭᠡᠨ ᠳᠤ ᠱᠥᠭᠦᠰᠤ ᠭᠠᠷᠭᠠᠵᠤ ᠪᠦᠬᠦᠯᠢ ᠳᠠᠯᠪᠢᠬᠤ ᠳᠠᠭᠠᠨ ᠭᠦᠷᠳᠡᠯ᠎ᠡ᠂ ᠨᠠᠩ ᠴᠢᠨᠠᠭᠰᠢᠯᠠᠭᠠᠳ ᠮᠣᠩᠭᠤᠯ ᠪᠦᠰᠡᠭᠦᠶᠢᠴᠦᠳ ᠤᠨ ᠠᠷᠠᠰᠤ ᠰᠢᠷᠢ᠂ ᠢᠰᠡᠭᠡᠢ ᠨᠣᠣᠰᠣ᠂ ᠣᠩᠬᠠᠰᠤ ᠬᠢᠯᠭᠠᠰᠤ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠠᠴᠠ ᠡᠬᠢᠯᠡᠭᠡᠳ ᠲᠡᠷᠯᠢᠭ ᠳᠠᠪᠠᠯ᠂ ᠭᠤᠳᠤᠯ ᠪᠦᠳᠤᠭ᠂ ᠡᠭᠦᠳᠡ ᠰᠢᠷᠲᠡᠭ ᠤᠨ ᠣᠶᠣᠳᠠᠯ ᠬᠢᠳᠡᠯ ᠳᠤᠨᠢ ᠴᠤ ᠲᠤᠯᠲᠠᠯ᠎ᠠ᠂ ᠮᠣᠩᠭᠤᠯ ᠭᠢᠳᠤᠭ᠎ᠠ ᠶᠢᠨ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠭᠠᠵᠠᠷ ᠭᠡᠵᠦ ᠶᠡᠷᠦ ᠠᠴᠠ ᠪᠠᠢᠭ᠎ᠠ ᠦᠭᠡᠢ ᠶᠤᠮ᠃        ᠦᠷ᠎ᠡ ᠶᠢᠨ ᠵᠢᠯ ᠪᠣᠯᠬᠤ ᠳᠤ᠂ ᠮᠣᠩᠭᠤᠯ ᠭᠠᠵᠠᠷ ᠣᠷᠣᠨ ᠤ ᠨᠡᠢᠭᠡᠮ᠂ ᠠᠵᠤ ᠠᠬᠤᠢ᠂ ᠠᠵᠤ ᠠᠮᠢᠳᠤᠷᠠᠯ ᠳᠤ ᠪᠣᠯᠤᠭᠰᠠᠨ ᠬᠤᠪᠢᠷᠠᠯᠲᠠ᠂ ᠢᠯᠠᠩᠭᠤᠶ᠎ᠠ ᠠᠵᠤ ᠠᠬᠤᠢ᠂ ᠰᠣᠶᠣᠯ ᠤᠨ ᠰᠣᠯᠢᠯᠴᠠᠭ᠎ᠠ ᠥᠷᠭᠡᠳᠴᠦ᠂ ᠵᠢᠭᠤᠯᠴᠢᠯᠠᠯ ᠤᠨ ᠣᠢᠯᠠᠰ ᠤᠨ ᠬᠥᠭᠵᠢᠬᠦ ᠶᠢ ᠳᠠᠭᠠᠯᠳᠤᠨ᠂ ᠮᠣᠩᠭᠤᠯ ᠭᠢᠳᠤᠭ᠎ᠠ ᠨᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡ ᠰᠣᠶᠣᠯ᠂ ᠵᠠᠩ ᠦᠯᠡ ᠶᠢ ᠣᠢᠯᠠᠭᠠᠵᠤ ᠰᠤᠳᠤᠯᠬᠤ᠂ ᠰᠣᠨᠢᠷᠬᠠᠵᠤ ᠪᠠᠭ᠋ᠠᠷᠬᠠᠬᠤ ᠳᠤ ᠬᠤᠪᠣᠷ ᠨᠠᠨᠳᠢᠨ ᠴᠤᠭᠯᠠᠭᠤᠯᠭ᠎ᠠ ᠶᠢᠨ ᠵᠦᠯ ᠪᠣᠯᠵᠤ᠂ ᠮᠣᠩᠭᠤᠯ ᠭᠠᠵᠠᠷ ᠢᠶᠠᠷ ᠵᠢᠭᠤᠯᠴᠢᠯᠠᠨ ᠲᠣᠭᠤᠷᠢᠭᠰᠠᠳ ᠤᠨ ᠠᠶᠠᠨ ᠤ ᠭᠠᠨᠵᠤᠭ᠎ᠠ᠂ ᠭᠠᠷ ᠤᠨ ᠪᠡᠯᠡᠭ ᠪᠣᠯᠵᠤ᠂ ᠡᠭᠦᠨ ᠤ ᠤᠯᠠᠮ ᠠᠴᠠ ᠪᠠᠨ ᠠᠢᠯ ᠡᠷᠦᠭᠡ ᠶᠢᠨ ᠪᠠᠶᠠᠨ ᠡᠷᠬᠢᠮ ᠥᠭᠡᠳᠡ ᠡᠰᠡᠷᠡᠭ ᠢ ᠪᠡᠯᠭᠡᠳᠡᠭᠰᠡᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠬᠤᠪᠢ ᠪᠠᠷ ᠠᠪᠳᠠᠷ᠎ᠠ ᠬᠤᠷᠭᠤ᠂ ᠪᠢᠴᠢᠭ ᠤᠨ ᠰᠢᠷᠡᠭᠡ ᠳᠡᠭᠡᠷ᠎ᠡ ᠨᠢ ᠦᠷᠦᠭᠳᠡᠵᠦ᠂ ᠬᠠᠨ᠎ᠠ ᠲᠤᠭᠤᠷᠭ᠎ᠠ᠂ ᠬᠡᠷᠡᠮ ᠬᠠᠶᠠᠭ᠎ᠠ ᠳᠡᠭᠡᠷ᠎ᠡ ᠨᠢ ᠡᠯᠭᠦᠭᠳᠡᠵᠦ᠂ ᠨᠠᠩ ᠴᠢᠨᠠᠭᠰᠢᠯᠠᠭᠠᠳ ᠠᠴᠢᠶ᠎ᠠ ᠲᠡᠭᠡᠭᠡᠪᠦᠷᠢ ᠶᠢᠨ ᠮᠠᠰᠢᠨ ᠪᠤᠶᠤ ᠵᠢᠵᠢᠭ ᠮᠠᠰᠢᠨ ᠤ ᠪᠥᠬᠦᠭᠡ ᠶᠢᠨ ᠳᠣᠲᠣᠷ᠎ᠠ ᠴᠤ ᠵᠠᠰᠠᠯ ᠴᠢᠮᠡᠭ ᠪᠣᠯᠵᠤ᠂ ᠠᠶᠠᠨ ᠵᠠᠮ ᠤᠨ ᠡᠩᠬᠡ ᠠᠮᠤᠷ ᠤᠨ ᠵᠥᠩᠨᠡᠯ᠂ ᠠᠯᠵᠢᠶᠠᠭᠰᠠᠨ ᠪᠡᠶ᠎ᠡ ᠶᠢᠨ ᠭᠡᠢᠮᠦᠷᠢ ᠰᠦᠯᠳᠡ ᠶᠢᠨ ᠰᠠᠬᠢᠭᠤᠰᠤ ᠪᠣᠯᠵᠤ ᠪᠠᠢᠨ᠎ᠠ᠃        ᠮᠣᠩᠭᠤᠯ ᠭᠢᠳᠤᠭ᠎ᠠ ᠳᠤ ᠬᠤᠢ ᠲᠠᠢ ᠭᠢᠳᠤᠭ᠎ᠠ᠂ ᠳᠠᠪᠲᠠᠮᠠᠯ ᠭᠢᠳᠤᠭ᠎ᠠ᠂ ᠡᠪᠬᠡᠭᠦᠷ ᠭᠢᠳᠤᠭ᠎ᠠ᠂ ᠰᠣᠶᠣᠭᠠᠨ ᠭᠢᠳᠤᠭ᠎ᠠ᠂ ᠰᠤᠮᠤᠴᠢᠨ ᠭᠢᠳᠤᠭ᠎ᠠ ᠁ ᠭᠡᠬᠦ ᠮᠡᠲᠦ ᠶᠢᠨ ᠣᠯᠠᠨ ᠵᠦᠯ ᠤᠨ ᠪᠠᠢᠳᠠᠭ᠃ ᠬᠤᠢ ᠲᠠᠢ ᠭᠢᠳᠤᠭ᠎ᠠ ᠨᠢ ᠡᠳᠦᠷ ᠳᠤᠳᠤᠮ ᠤᠨ ᠣᠢᠯᠠᠳᠪᠣᠷᠢᠯᠠᠯ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠳᠤᠩ ᠥᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠵᠦ᠂ ᠭᠡᠳᠡ᠂ ᠴᠠᠬᠢᠭᠤᠷ ᠲᠠᠢ ᠢᠵᠢ ᠪᠣᠯᠣᠨ ︽ᠭᠡᠳᠡ ᠭᠢᠳᠤᠭ᠎ᠠ︾ ᠭᠡᠵᠦ ᠨᠡᠷᠡᠯᠡᠭᠳᠡᠨ᠂ ᠬᠥᠳᠡᠭᠡ ᠭᠠᠳᠠᠭ᠎ᠠ ᠶᠠᠪᠤᠬᠤ᠂ ᠤᠷᠭ᠎ᠠ ᠲᠠᠰᠢᠭᠤᠷ ᠲᠠᠢ ᠣᠷᠤᠯᠳᠤᠬᠤ᠂ ᠰᠤᠷ ᠡᠳ᠋ᠯᠡᠯ ᠬᠡᠷᠡᠭᠯᠡᠬᠦ᠂ ᠱᠥᠯᠥ ᠱᠥᠭᠦᠰᠤ ᠭᠠᠷᠭᠠᠬᠤ ᠵᠡᠷᠭᠡ ᠳᠤ ᠭᠠᠷ ᠤᠨ ᠦᠵᠦᠭᠦᠷ ᠲᠤ ᠵᠠᠷᠤᠭᠳᠠᠳᠠᠭ ᠪᠥᠭᠡᠳ ᠮᠣᠩᠭᠤᠯ ᠭᠢᠳᠤᠭ᠎ᠠ ᠶᠢᠨ ᠭᠠᠷ ᠤᠷᠠᠯᠠᠯ ᠤᠨ ᠨᠡᠢᠳᠡᠯᠢᠭ ᠲᠥᠯᠥᠭᠡᠯᠡᠭᠴᠢ ᠪᠣᠯᠵᠤ᠂ ᠮᠣᠩᠭᠤᠯ ᠡᠷᠡᠭᠳᠡᠢᠴᠦᠳ ᠤᠨ ᠳᠦᠷᠤ ᠶᠢᠨ ᠵᠠᠰᠠᠯ᠂ ᠡᠷ᠎ᠡ ᠶᠢᠨ ᠴᠢᠮᠡᠭ ᠨᠢ ᠪᠣᠯᠵᠤ ᠪᠠᠢᠳᠠᠭ᠃ ᠳᠠᠪᠲᠠᠮᠠᠯ ᠭᠢᠳᠤᠭ᠎ᠠ ᠶᠢ ᠪᠠᠰᠠ ᠪᠤᠬ᠎ᠠ ᠶᠢᠨ ᠰᠡᠭᠦᠯ ᠤᠨ ᠭᠢᠳᠤᠭ᠎ᠠ ᠭᠡᠳᠡᠭ᠃ ᠲᠡᠭᠦᠨ ᠳᠤ ᠳᠤᠰᠬᠠᠢᠯᠠᠨ ᠬᠢᠭᠰᠡᠨ ᠡᠰᠢ ᠦᠭᠡᠢ᠂ ᠵᠥᠪᠭᠡᠨ ᠡᠰᠢᠨ ᠲᠠᠯ᠎ᠠ ᠶᠢ ᠨᠢ ᠨᠠᠷᠢᠬᠠᠨ ᠳᠠᠪᠲᠠᠵᠤ ᠪᠠᠷᠢᠭᠤᠯ ᠪᠣᠯᠭᠠᠭᠰᠠᠨ ᠪᠠᠢᠳᠠᠭ᠃ ᠳᠠᠪᠲᠠᠮᠠᠯ ᠭᠢᠳᠤᠭ᠎ᠠ ᠮᠢᠬ᠎ᠠ ᠱᠤᠯᠤᠬᠤ᠂ ᠶᠠᠰᠤ ᠦᠶᠡᠯᠡᠬᠦ᠂ ᠬᠥᠯᠳᠡᠭᠦᠦ ᠱᠤᠯᠤᠭ᠎ᠠ ᠬᠥᠰᠬᠦᠯᠡᠬᠦ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠬᠦ ᠳᠤ ᠳᠤᠩ ᠡᠪ ᠲᠠᠢ ᠪᠠᠢᠳᠠᠭ᠃ ᠡᠪᠬᠡᠭᠦᠷ ᠭᠢᠳᠤᠭ᠎ᠠ ᠨᠢ ᠬᠠᠪᠴᠢᠮᠠᠯ ᠡᠰᠢ ᠲᠠᠢ᠂ ᠡᠰᠢᠨ ᠳᠡᠭᠡᠨ ᠭᠢᠳᠤᠭ᠎ᠠ ᠪᠠᠨ ᠬᠠᠪᠴᠢᠵᠤ ᠬᠠᠳᠠᠭᠠᠤᠨ ᠭᠢᠳᠤᠭ᠎ᠠ ᠪᠠᠨ ᠨᠤᠭᠤᠯᠤᠨ ᠳᠠᠷᠤᠵᠤ᠂ ᠡᠰᠢᠨ ᠤ ᠬᠢᠨᠢ ᠵᠠᠪᠰᠠᠷ ᠡᠪᠬᠡᠵᠦ ᠬᠢᠳᠡᠭ᠃ ᠡᠪᠬᠡᠭᠦᠷ ᠭᠢᠳᠤᠭ᠎ᠠ ᠶᠢ ᠭᠤᠳᠤᠯ ᠤᠨ ᠲᠦᠷᠡᠢ ᠳᠤ ᠳᠦᠷᠡᠢᠯᠡᠭᠦ ᠪᠤᠶᠤ ᠣᠭᠤᠰᠣᠷ (ᠰᠠᠪᠠ) ᠬᠢᠵᠦ ᠪᠦᠰᠡᠨ ᠠᠴᠠ ᠪᠠᠨ ᠳᠡᠭᠦᠵᠢᠯᠡᠨ ᠠᠪᠴᠤ ᠶᠠᠪᠤᠳᠠᠭ᠃ ᠲᠡᠷᠡ ᠨᠢ ᠤᠷᠭ᠎ᠠ ᠲᠠᠲᠠᠬᠤ᠂ ᠨᠣᠭᠲᠣ ᠴᠢᠳᠦᠷ ᠵᠠᠯᠭᠠᠬᠤ᠂ ᠮᠠᠯ ᠪᠠᠵᠠᠭᠠᠬᠤ ᠵᠡᠷᠭᠡ ᠳᠤ ᠥᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠳᠡᠭ᠃ ᠰᠣᠶᠣᠭᠠᠨ ᠭᠢᠳᠤᠭ᠎ᠠ ᠨᠢ ᠣᠭᠤᠨᠣ ᠶᠢᠨ ᠡᠪᠡᠷ ᠢᠶᠠᠷ ᠡᠰᠢᠯᠡᠭᠰᠡᠨ ᠡᠪᠬᠡᠭᠦᠷ ᠭᠢᠳᠤᠭ᠎ᠠ ᠪᠣᠯᠣᠨ᠎ᠠ᠃ ᠲᠡᠭᠦᠨ ᠤ ᠬᠠᠮᠤᠭ ᠤᠨ ᠳᠤᠪᠦ᠋ᠯᠢᠭ᠋ ᠣᠨᠴᠠᠯᠢᠭ ᠭᠡᠪᠡᠯ᠂ ᠰᠣᠶᠤᠭ᠎ᠠ ᠪᠣᠯᠣᠨ ᠭᠢᠳᠤᠭ᠎ᠠ ᠶᠢᠨ ᠬᠤᠶᠠᠳᠠᠮᠠᠯ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠢᠳᠠᠭ ᠪᠣᠯᠬᠤᠷ ᠠᠶᠠᠨ ᠬᠥᠭᠡᠭᠡᠬᠦ᠂ ᠣᠲᠣᠷ ᠬᠠᠢᠳᠠᠭ ᠶᠠᠪᠤᠬᠤ᠂ ᠰᠤᠷ ᠡᠳ᠋ᠯᠡᠯ ᠣᠷᠤᠯᠳᠤᠬᠤ ᠬᠥᠮᠥᠨ ᠳᠤ ᠶᠡᠭᠡ ᠳᠦᠭᠦᠮ ᠲᠠᠢ ᠪᠠᠢᠳᠠᠭ᠃ ᠰᠤᠮᠤᠴᠢᠨ ᠭᠢᠳᠤᠭ᠎ᠠ ᠨᠢ ᠲᠣᠷᠭᠠᠨ ᠢᠷ ᠲᠠᠢ᠂ ᠮᠣᠳᠣᠨ ᠭᠡᠷ (ᠬᠤᠢ) ᠲᠠᠢ ᠵᠢᠵᠢᠭᠬᠡᠨ ᠭᠢᠳᠤᠭ᠎ᠠ ᠪᠠᠢᠵᠤ᠂ ᠭᠤᠣᠯᠳᠠᠭᠤ ᠮᠠᠯ ᠤᠨ ᠡᠪᠡᠳᠴᠢᠨ ᠭᠡᠮ ᠢ ᠬᠠᠨᠠᠵᠤ ᠬᠠᠳᠬᠤᠬᠤ᠂ ᠮᠠᠯ ᠡᠰᠬᠡᠵᠦ ᠴᠠᠭᠠᠯᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃        ᠮᠣᠩᠭᠤᠯᠴᠤᠳ ᠶᠡᠷᠦ ᠠᠴᠠ ᠡᠷᠡᠭᠦᠯ ᠮᠠᠠᠳᠤ᠂ ᠡᠪ ᠨᠠᠢᠷ᠂ ᠡᠩᠬᠡ ᠳᠠᠢᠪᠣᠩ ᠢ ᠳᠤᠩ ᠡᠷᠭᠢᠮᠯᠡᠳᠡᠭ᠃ ᠠᠭᠤᠯᠵᠠᠬᠤ ᠪᠦᠭᠦᠨ ᠳᠤ ᠮᠠᠠᠳᠤ ᠡᠷᠢᠵᠦ᠂ ᠠᠢᠯ ᠠᠢᠮᠠᠭ ᠤᠨ ᠬᠢᠨᠢ ᠰᠠᠢᠨ ᠢ ᠮᠠᠳᠠᠵᠤ᠂ ᠪᠡᠯᠴᠢᠭᠡᠷ ᠣᠰᠤᠨ ᠤ ᠬᠢᠨᠢ ᠵᠣᠬᠢᠴᠠᠭ᠎ᠠ ᠶᠢ ᠠᠰᠠᠭᠤᠳᠠᠭ ᠨᠢ ᠡᠭᠦᠨ ᠤ ᠬᠢᠨᠢ ᠨᠡᠢᠳᠡᠯᠢᠭ ᠢᠯᠡᠷᠡᠯ ᠪᠣᠯᠬᠤ ᠶᠤᠮ᠃ ᠮᠣᠩᠭᠤᠯ ᠭᠢᠳᠤᠭ᠎ᠠ ᠢᠷᠲᠦ ᠡᠳ᠋ᠯᠡᠯ ᠮᠥᠨ ᠲᠤᠯᠠ᠂ ᠬᠡᠷᠡᠭᠯᠡᠬᠦ ᠦᠶᠡᠰ ᠡᠪ ᠥᠭᠡᠢᠳᠡᠪᠠᠯ ᠥᠪᠡᠷ ᠢᠶᠠᠨ ᠡᠡ᠊ᠨᠳᠡᠭᠦ ᠪᠤᠶᠤ ᠥᠷᠥᠭᠡᠯ ᠪᠤᠰᠤᠳ ᠶᠢ ᠴᠤ ᠭᠡᠮᠲᠦᠭᠦᠯᠵᠦ ᠮᠡᠳᠡᠬᠦ ᠶᠢᠨ ᠤᠴᠢᠷ᠂ ᠮᠣᠩᠭᠤᠯᠴᠤᠳ ᠤᠨ ᠭᠢᠳᠤᠭ᠎ᠠ ᠬᠡᠷᠡᠭᠯᠡᠬᠦ ᠳᠤ ᠮᠠᠰᠢ ᠴᠢᠩᠭ᠎ᠠ ᠶᠣᠰᠣ ᠭᠤᠷᠢᠮ᠂ ᠴᠡᠭᠡᠷ ᠬᠤᠷᠢᠭ᠎ᠠ ᠨᠤᠭᠤᠳ ᠪᠠᠢᠳᠠᠭ᠃ ᠮᠣᠩᠭᠤᠯᠴᠤᠳ ᠭᠢᠳᠤᠭ᠎ᠠ ᠬᠡᠷᠡᠭᠯᠡᠬᠦ ᠳᠡᠭᠡᠨ᠂ ᠬᠢᠲᠤᠭᠠᠨ ᠤ ᠢᠷ ᠪᠠ ᠦᠵᠦᠭᠦᠷ ᠢ ᠪᠤᠰᠤᠳ ᠬᠥᠮᠥᠨ ᠵᠦᠭ ᠬᠠᠨᠳᠤᠭᠤᠯᠬᠤ ᠶᠢ ᠳᠤᠩ ᠴᠡᠭᠡᠷᠯᠡᠳᠡᠭ᠃ ᠬᠡᠷᠡᠭᠯᠡᠬᠦ ᠶᠠᠪᠤᠴᠠ ᠳᠤ ᠬᠡᠷᠡᠭᠴᠡᠭᠡ ᠶᠢᠨ ᠬᠢᠨᠢ ᠣᠠᠴᠠᠭᠠᠢ ᠱᠠᠭᠠᠷᠳᠠᠯᠭ᠎ᠠ ᠠᠴᠠ ᠪᠣᠯᠤᠭ᠎ᠠ ᠦᠭᠡᠢ ᠯᠠ ᠶᠤᠮ ᠪᠣᠯ᠂ ᠭᠢᠳᠤᠭ᠎ᠠ ᠶᠢᠨ ᠢᠷ ᠬᠡᠵᠢᠶᠡᠳᠡ ᠳᠣᠲᠣᠭᠰᠢ ᠬᠠᠨᠳᠤᠵᠤ ᠬᠡᠷᠡᠭᠯᠡᠭᠳᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠭᠢᠳᠤᠭ᠎ᠠ ᠶᠢᠨ ᠢᠷ ᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠳᠠᠭ ᠦᠭᠡᠢ ᠲᠤᠯᠭ᠎ᠠ ᠵᠤᠤᠬᠠᠨ ᠳᠤ ᠨᠥᠢᠯᠭᠦ ᠪᠤᠶᠤ ᠭᠠᠯ ᠳᠤ ᠬᠢᠳᠡᠭ ᠦᠭᠡᠢ ᠡᠮᠬᠦᠵᠦ ᠵᠠᠭᠤᠬᠤ ᠪᠤᠶᠤ ᠠᠶᠠᠭ᠎ᠠ ᠲᠣᠭᠤᠭᠠᠨ ᠳᠤ ᠬᠢᠵᠦ ᠪᠣᠯᠳᠠᠭ ᠦᠭᠡᠢ ᠪᠥᠭᠡᠳ ᠮᠠᠯ ᠡᠰᠬᠡᠵᠦ ᠴᠠᠭᠠᠯᠠᠳᠠᠭ ᠭᠢᠳᠤᠭ᠎ᠠ ᠶᠢ ᠮᠢᠬ᠎ᠠ ᠢᠳᠡᠬᠦ ᠳᠤ ᠬᠡᠷᠡᠭᠯᠡᠳᠡᠭ ᠦᠭᠡᠢ᠁ ᠭᠡᠬᠦ ᠮᠡᠲᠦ ᠶᠢᠨ ᠣᠯᠠᠨ ᠵᠦᠯ ᠤᠨ ᠴᠡᠭᠡᠷ ᠬᠤᠷᠢᠭ᠎ᠠ ᠲᠠᠢ ᠪᠠᠢᠳᠠᠭ᠃ ᠵᠠᠷᠢᠮ ᠬᠥᠮᠥᠨ᠂ ᠮᠣᠩᠭᠤᠯᠴᠤᠳ ᠪᠡᠶ᠎ᠡ ᠳᠡᠭᠡᠨ ᠦᠷᠭᠦᠯᠵᠢ ᠭᠢᠳᠤᠭ᠎ᠠ ᠠᠪᠴᠤ ᠶᠠᠪᠤᠳᠠᠭ ᠨᠢ ᠪᠡᠶ᠎ᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠥᠯᠥᠭᠡ ᠭᠡᠳᠡᠭ᠂ ᠡᠨᠡ ᠨᠢ ᠮᠣᠩᠭᠤᠯ ᠵᠠᠩ ᠵᠠᠩᠰᠢᠯ ᠤᠨ ᠲᠤᠬᠠᠢ ᠳᠤᠩ ᠶᠡᠭᠡ ᠡᠡ᠊ᠨᠳᠡᠭᠦᠷᠡᠯ ᠪᠣᠯᠬᠤ ᠶᠤᠮ᠃ ᠮᠣᠩᠭᠤᠯᠴᠤᠳ᠂ ᠪᠡᠶ᠎ᠡ ᠳᠡᠭᠡᠨ ᠦᠷᠭᠦᠯᠵᠢ ᠭᠢᠳᠤᠭ᠎ᠠ ᠠᠪᠴᠤ ᠶᠠᠪᠤᠳᠠᠭ ᠨᠢ ᠪᠡᠶ᠎ᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠪᠢᠰᠢ᠂ ᠬᠠᠷᠢᠨ ᠠᠵᠤ ᠠᠳᠠᠯ᠂ ᠠᠮᠢᠳᠤᠷᠠᠯ ᠦᠯᠡ ᠳᠤᠨᠢ ᠦᠷᠭᠦᠯᠵᠢ ᠬᠡᠷᠡᠭᠯᠡᠭᠳᠡᠳᠡᠭ ᠤᠨ ᠤᠴᠢᠷ ᠢᠶᠠᠷ ᠶᠤᠮ᠃ ᠲᠡᠳᠡᠨᠡᠷ ᠲᠤ᠂ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠳᠤ ᠭᠢᠳᠤᠭ᠎ᠠ ᠭᠠᠷᠭᠠᠬᠤ᠂ ᠥᠵᠡᠭᠦᠯᠭᠦ ᠶᠠᠪᠤᠳᠠᠯ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠂ ᠭᠢᠳᠤᠭ᠎ᠠ ᠬᠡᠷᠡᠭᠯᠡᠬᠦ ᠶᠠᠪᠤᠳᠠᠯ ᠨᠠᠩ ᠪᠠᠢᠳᠠᠭ ᠦᠭᠡᠢ᠃ ᠲᠡᠳᠡᠨᠡᠷ ᠤᠨ ᠦᠵᠡᠬᠦ ᠪᠠᠷ᠂ ᠬᠡᠷᠡᠭᠦᠯ ᠴᠤᠤᠭᠢᠶᠠᠨ ᠳᠤ ᠭᠢᠳᠤᠭ᠎ᠠ ᠬᠡᠷᠡᠭᠯᠡᠬᠦ ᠨᠢ ᠮᠣᠩᠭᠤᠯ ᠤᠨ ᠵᠠᠩ ᠵᠠᠩᠰᠢᠯ᠂ ᠶᠣᠰᠣ ᠰᠤᠷᠲᠠᠬᠤᠨ ᠲᠠᠢ ᠣᠭᠳᠤ ᠨᠡᠢᠴᠡᠭᠦ ᠦᠭᠡᠢ᠂ ᠮᠣᠩᠭᠤᠯ ᠶᠣᠰᠣ ᠴᠠᠭᠠᠵᠠ ᠠᠴᠠ ᠲᠡᠷᠰᠯᠡᠭᠰᠡᠨ ᠶᠠᠪᠤᠳᠠᠯ ᠪᠣᠯᠣᠨ᠎ᠠ᠃ ᠭᠢᠳᠤᠭ᠎ᠠ᠂ ᠮᠣᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠳᠤ ᠰᠢᠩᠭᠡᠵᠦ ᠰᠢᠮᠡᠳᠬᠦ ᠳᠡᠭᠡᠨ ᠵᠠᠷ ᠵᠡᠪᠰᠡᠭ ᠤᠨ ᠬᠤᠪᠢ ᠪᠠᠷ ᠪᠢᠰᠢ ᠬᠠᠷᠢᠨ ᠪᠠᠭᠠᠵᠢ ᠬᠡᠷᠡᠭᠯᠡᠯ ᠤᠨ ᠬᠤᠪᠢ ᠪᠠᠷ ᠪᠠᠢᠳᠠᠭ ᠨᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠤᠰᠤᠳ ᠭᠢᠳᠤᠭ᠎ᠠ ᠡᠳ᠋ᠯᠡᠯ ᠳᠤ ᠳᠤᠷ᠎ᠠ ᠪᠠᠭ᠋ᠠᠲᠠᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠠᠴᠠ ᠢᠯᠭᠠᠪᠤᠷᠢᠯᠠᠭᠳᠠᠬᠤ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠤᠨ ᠨᠢᠭᠡ ᠨᠢ ᠪᠣᠯᠬᠤ ᠶᠤᠮ᠃        ᠮᠣᠩᠭᠤᠯᠴᠤᠳ᠂ ᠭᠢᠳᠤᠭ᠎ᠠ ᠶᠢ ᠰᠠᠢᠬᠠᠨ ᠬᠡᠷᠡᠭᠯᠡᠬᠦ᠂ ᠳᠡᠮᠲᠡᠢ ᠬᠡᠷᠡᠭᠯᠡᠬᠦ ᠶᠢ ᠮᠠᠰᠢ ᠴᠢᠬᠤᠯᠠᠴᠢᠯᠠᠳᠠᠭ᠃ ᠰᠠᠢᠨ ᠭᠢᠳᠤᠭ᠎ᠠ ᠵᠠᠷᠤᠬᠤ᠂ ᠭᠢᠳᠤᠭ᠎ᠠ ᠶᠢ ᠰᠠᠢᠬᠠᠨ ᠵᠠᠷᠤᠬᠤ ᠨᠢ ᠲᠡᠳᠡᠨᠡᠷ ᠤᠨ ᠡᠷ᠎ᠡ ᠶᠢᠨ ᠰᠠᠢᠨ ᠤᠬᠠᠭᠠᠨ ᠤ ᠰᠣᠳᠣ ᠶᠢ ᠰᠢᠯᠭᠠᠬᠤ ᠶᠢᠨ ᠴᠢᠬᠤᠯᠠ ᠪᠠᠷᠢᠮᠵᠢᠶ᠎ᠠ ᠪᠣᠯᠵᠤ ᠪᠠᠢᠳᠠᠭ᠃ ᠮᠣᠩᠭᠤᠯ ᠲᠡᠦᠬᠡᠨ ᠵᠣᠬᠢᠶᠠᠯ ᠳᠤ ᠢᠮᠤ ᠨᠢᠭᠡ ᠲᠡᠮᠳᠡᠭᠯᠡᠯ ᠪᠠᠢᠳᠠᠭ᠄ ᠪᠣᠭᠳᠠ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠮᠣᠩᠭᠤᠯ ᠤᠨ ᠣᠯᠠᠨ ᠠᠢᠮᠠᠭ ᠢ ᠨᠢᠭᠡᠳᠬᠡᠬᠦ ᠠᠴᠠ ᠡᠮᠦᠨᠡᠬᠢ ᠠᠨᠳᠠ ᠨᠥᠬᠦᠳ ᠴᠤᠭᠯᠠᠭᠤᠯᠤᠨ ᠠᠢᠮᠠᠭ ᠤᠨ ᠬᠦᠴᠦᠨ ᠢᠶᠠᠨ ᠥᠷᠭᠡᠳᠬᠡᠵᠦ ᠪᠠᠢᠭᠰᠠᠨ ᠦᠶ᠎ᠡ ᠳᠡᠭᠡᠨ᠂ ᠨᠢᠭᠡ ᠡᠳᠦᠷ ᠵᠠᠮ ᠬᠥᠭᠡᠭᠡᠵᠦ ᠪᠠᠢᠭᠠᠤᠨ᠂ ᠵᠠᠮ ᠤᠨ ᠭᠤᠳᠤᠰ ᠨᠢᠭᠡ ᠠᠢᠯ ᠳᠤ ᠨᠢᠭᠡ ᠵᠠᠯᠠᠭᠤ ᠬᠤᠨᠢ ᠦᠬᠡᠷ ᠪᠠᠵᠠᠭᠠᠵᠤ ᠪᠠᠢᠬᠤ ᠲᠠᠢ ᠲᠠᠭᠠᠷᠠᠯᠳᠤᠵᠠᠢ᠃ ᠲᠡᠷᠡ ᠵᠠᠯᠠᠭᠤ᠂ ᠠᠯᠠᠬᠤ᠂ ᠥᠪᠴᠢᠬᠦ᠂ ᠦᠶᠡᠯᠡᠬᠦ᠂ ᠱᠤᠯᠤᠬᠤ ᠠᠵᠢᠯ ᠦᠯᠡ ᠶᠢ ᠰᠦᠷᠡᠬᠡᠢ ᠱᠠᠯᠠᠮᠠᠭ ᠬᠢᠵᠦ ᠪᠠᠢᠯ᠎ᠠ᠃ ᠲᠡᠭᠦᠨ ᠤ ᠬᠤᠨᠢ ᠦᠬᠡᠷ ᠪᠠᠵᠠᠭᠠᠬᠤ ᠠᠵᠢᠯ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠴᠢᠩᠭᠢᠰ ᠬᠠᠭᠠᠨ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠭᠢᠳᠤᠭ᠎ᠠ ᠶᠢ ᠨᠢ ᠠᠪᠴᠤ ᠦᠵᠡᠭᠰᠡᠨ ᠳᠤ ᠲᠣᠷᠭᠠᠨ ᠢᠷ ᠨᠢ ᠮᠥᠨ ᠲᠥᠯ ᠤᠨ ᠬᠤᠷᠴᠠ ᠪᠠᠷ ᠢᠶᠠᠨ ᠪᠠᠢᠵᠤ᠂ ᠮᠣᠷᠢᠨ ᠰᠡᠭᠦᠯ ᠠᠴᠠ ᠬᠡᠳᠦᠨ ᠰᠢᠷᠬᠡᠭ ᠬᠢᠯᠭᠠᠰᠤ ᠠᠪᠴᠤ ᠬᠢᠲᠤᠭᠠᠨ ᠤ ᠢᠷ ᠲᠤ ᠤᠢᠷᠠᠳᠤᠭᠤᠯᠤᠨ ᠦᠯᠢᠶᠡᠭᠰᠡᠨ ᠳᠤ ᠬᠢᠯᠭᠠᠰᠤ ᠨᠢ ᠴᠥᠮ ᠳᠠᠰᠤᠷᠠᠨ ᠭᠡᠢᠰᠴᠡᠢ᠃ ᠴᠢᠩᠭᠢᠰ ᠬᠠᠭᠠᠨ ᠳᠤᠩ ᠪᠠᠭ᠋ᠠᠷᠬᠠᠵᠤ᠂ ᠪᠠᠭᠠᠲᠤᠷ ᠴᠢᠳᠠᠮᠠᠭᠠᠢ ᠡᠷ᠎ᠡ ᠪᠣᠯᠬᠤ ᠶᠢ ᠨᠢ ᠲᠠᠨᠢᠵᠤ᠂ ᠲᠡᠭᠦᠨ ᠲᠠᠢ ᠠᠨᠳᠠ ᠪᠣᠯᠣᠯᠴᠠᠵᠠᠢ᠃ ᠰᠡᠭᠦᠯᠡᠷ ᠨᠢ ᠡᠨᠡ ᠵᠠᠯᠠᠭᠤ ᠴᠢᠩᠭᠢᠰ ᠤᠨ ᠶᠡᠭᠡ ᠮᠣᠩᠭᠤᠯ ᠤᠨ ᠬᠠᠭᠠᠨᠲᠤ ᠳᠦᠷᠤ ᠶᠢ ᠪᠠᠢᠭᠤᠯᠬᠤ ᠳᠤ ᠮᠠᠰᠢ ᠶᠡᠭᠡ ᠭᠠᠪᠢᠶ᠎ᠠ ᠵᠢᠳᠬᠦᠯ ᠭᠠᠷᠭᠠᠵᠤ᠂ ᠭᠠᠷ ᠳᠣᠣᠷᠠᠬᠢ ᠪᠠᠭᠠᠲᠤᠷ ᠵᠠᠩᠵᠤᠨ ᠨᠤᠭᠤᠳ ᠤᠨ ᠬᠢᠨᠢ ᠨᠢᠭᠡ ᠨᠢ ᠪᠣᠯᠤᠭᠰᠠᠨ ᠭᠡᠨ᠎ᠡ᠃        ᠮᠣᠩᠭᠤᠯᠴᠤᠳ᠂ ᠡᠷᠲᠡ ᠢᠵᠠᠭᠤᠷ ᠠᠴᠠ ᠪᠠᠨ ᠬᠤᠷᠳᠤᠨ ᠮᠣᠷᠢ ᠡᠷ᠎ᠡ ᠶᠢᠨ ᠬᠠᠨᠢ᠂ ᠬᠤᠰᠤᠨ ᠤᠷᠭ᠎ᠠ ᠡᠷ᠎ᠡ ᠶᠢᠨ ᠲᠦᠰᠢᠭ᠂ ᠬᠤᠷᠴᠠ ᠭᠢᠳᠤᠭ᠎ᠠ ᠡᠷ᠎ᠡ ᠶᠢᠨ ᠭᠠᠯ ᠭᠡᠵᠦ ᠦᠵᠡᠵᠦ᠂ ᠡᠷ᠎ᠡ ᠬᠥᠮᠥᠨ᠂ ᠡᠮᠡᠭᠡᠯᠲᠦ ᠮᠣᠷᠢ᠂ ᠤᠷᠭ᠎ᠠ ᠲᠠᠰᠢᠭᠤᠷ᠂ ᠭᠡᠳᠡ ᠭᠢᠳᠤᠭ᠎ᠠ ᠶᠢ ︽ᠡᠷ᠎ᠡ ᠶᠢᠨ ᠳᠦᠷᠪᠠᠨ ᠪᠠᠷᠢᠯᠳᠤᠯᠭ᠎ᠠ︾ ᠭᠡᠳᠡᠭ᠃        ᠮᠣᠩᠭᠤᠯ ᠭᠢᠳᠤᠭ᠎ᠠ ᠨᠢ᠂ ᠮᠣᠩᠭᠤᠯ ᠭᠠᠷ ᠤᠷᠠᠯᠠᠯ ᠤᠨ ᠡᠳ᠋ᠯᠡᠯ ᠤᠨ ᠳᠣᠲᠣᠷᠠᠬᠢ ᠬᠠᠮᠤᠭ ᠠᠴᠠ ᠲᠥᠯᠥᠭᠡᠯᠡᠬᠦ ᠴᠢᠨᠠᠷ ᠪᠦᠬᠦᠢ ᠪᠡᠯᠡᠭ ᠳᠤᠷᠠᠰᠬᠠᠯ ᠤᠨ ᠪᠣᠳᠠᠰ ᠤᠨ ᠨᠢᠭᠡ ᠨᠢ ᠪᠣᠯᠬᠤ ᠶᠤᠮ᠃ ᠮᠣᠩᠭᠤᠯᠴᠤᠳ ᠬᠥᠬᠡ ᠲᠡᠭᠷᠢ ᠶᠢ ᠰᠢᠲᠦᠳᠡᠭ᠃ ᠡᠷᠲᠡ ᠤᠷᠢᠳᠤ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠶᠠᠷᠢᠶᠠᠨ ᠳᠤ᠂ ᠥᠷᠥᠰᠢᠶᠡᠯ ᠡᠨᠡᠷᠢᠩᠭᠦᠢ ᠬᠥᠬᠡ ᠲᠡᠭᠷᠢ ᠮᠣᠩᠭᠤᠯᠴᠤᠳ ᠲᠤ ︽ᠭᠤᠷᠪᠠᠨ ᠶᠡᠭᠡ ᠡᠷᠳᠡᠨᠢ︾ ᠪᠠ ︽ᠭᠤᠷᠪᠠᠨ ᠪᠠᠭ᠎ᠠ ᠡᠷᠳᠡᠨᠢ︾ ᠰᠣᠶᠣᠷᠬᠠᠯ᠎ᠠ ᠭᠡᠳᠡᠭ᠃ ︽ᠭᠤᠷᠪᠠᠨ ᠶᠡᠭᠡ ᠡᠷᠳᠡᠨᠢ︾ ᠨᠢ ᠮᠣᠩᠭᠤᠯ ᠭᠡᠷ᠂ ᠲᠠᠯ᠎ᠠ ᠨᠤᠲᠤᠭ᠂ ᠮᠠᠯ ᠰᠦᠷᠦᠭ ︽ᠭᠤᠷᠪᠠᠨ ᠪᠠᠭ᠎ᠠ ᠡᠷᠳᠡᠨᠢ︾ ᠨᠢ ᠮᠣᠩᠭᠤᠯ ᠭᠢᠳᠤᠭ᠎ᠠ᠂ ᠮᠣᠷᠢᠨ ᠬᠤᠭᠤᠷ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠮᠡᠷᠭᠡᠰᠢᠯ᠃ ᠮᠣᠩᠭᠤᠯᠴᠤᠳ᠂ ᠡᠨᠡ ᠬᠦ ︽ᠵᠢᠷᠭᠤᠭᠠᠨ ᠡᠷᠳᠡᠨᠢ︾ ᠪᠠᠨ ᠡᠳᠦᠭᠡ ᠪᠣᠯᠳᠠᠯ᠎ᠠ ᠤᠯᠠᠮᠵᠢᠯᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠢᠨ᠎ᠠ᠃ ᠬᠤᠣᠰ ᠦᠭᠡᠢ ᠰᠠᠢᠬᠠᠨ ᠮᠣᠩᠭᠤᠯ ᠭᠢᠳᠤᠭ᠎ᠠ ᠨᠢ᠂ ᠮᠣᠩᠭᠤᠯᠴᠤᠳ ᠤᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ᠂ ᠣᠶᠤᠨ ᠰᠠᠮᠪᠠᠭ᠎ᠠ ᠵᠢᠴᠢ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠲᠡᠦᠬᠡ ᠰᠣᠶᠣᠯ ᠢ ᠨᠢ ᠲᠡᠮᠳᠡᠭᠯᠡᠨ ᠬᠠᠳᠠᠭᠠᠯᠠᠵᠤ ᠪᠠᠢᠳᠠᠭ᠃ ᠥᠨᠥᠳᠥᠷ ᠤᠨ ᠡᠩᠬᠡ ᠳᠠᠢᠪᠣᠩ ᠴᠠᠭ ᠦᠶ᠎ᠡ ᠳᠤ᠂ ᠲᠡᠷᠡ ᠨᠢ ᠥᠨᠢ ᠡᠭᠦᠷᠢᠳᠡ ᠶᠢᠨ ᠡᠩᠬᠡ ᠳᠠᠢᠪᠣᠩ ᠤᠨ ᠬᠦᠰᠡᠯ ᠪᠡᠯᠭᠡᠳᠡᠯ ᠪᠣᠯᠵᠤ᠂ ᠮᠣᠩᠭᠤᠯ ᠭᠠᠷ ᠤᠷᠠᠯᠠᠯ ᠤᠨ ᠣᠳᠤᠨ ᠪᠦᠲᠦᠭᠡᠯ ᠳᠤ ᠲᠣᠭᠠᠴᠠᠭᠳᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠣᠩᠭᠤᠯᠴᠤᠳ ᠤᠨ ᠬᠥᠪᠴᠢᠨ ᠳᠡᠯᠡᠬᠡᠢ ᠶᠢᠨ ᠲᠠᠪᠤᠨ ᠲᠢᠪ ᠤᠨ ᠡᠯ᠎ᠡ ᠦᠨᠳᠦᠰᠦᠲᠡᠨ ᠤ ᠠᠬ᠎ᠠ ᠳᠡᠭᠦᠦ ᠳᠡᠭᠡᠨ ᠡᠯᠢᠭᠡᠨ ᠰᠠᠳᠤᠨ ᠮᠡᠲᠦ ᠬᠠᠢᠷ᠎ᠠ ᠰᠡᠳᠬᠢᠯᠭᠡ ᠲᠠᠢ ᠪᠠᠢᠬᠤ ᠶᠢᠨ ᠬᠢᠨᠢ ᠰᠢᠨᠵᠢ ᠲᠡᠮᠳᠡᠭ ᠨᠢ ᠪᠣᠯᠬᠤ ᠶᠤᠮ᠃ ᠮᠣᠩᠭᠤᠯᠴᠤᠳ ᠤᠨ ᠰᠡᠳᠬᠢᠯ ᠳᠤ᠂ ᠮᠣᠩᠭᠤᠯ ᠭᠢᠳᠤᠭ᠎ᠠ ᠪᠣᠯ ᠮᠥᠩᠬᠡ ᠲᠡᠭᠷᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠳᠠᠷᠬᠠᠨ ᠡᠳ᠋ ᠪᠣᠯᠬᠤᠷ᠂ ᠲᠡᠭᠦᠨ ᠢ ᠬᠡᠷᠡᠭᠯᠡᠵᠦ ᠪᠠᠢᠭ᠎ᠠ ᠨᠠᠢᠵᠢ ᠠᠨᠳᠠ ᠨᠠᠷ ᠲᠤ ᠡᠩᠬᠡ ᠮᠠᠠᠳᠤ᠂ ᠠᠵᠠ ᠵᠠᠪᠰᠢᠶᠠᠨ ᠶᠢ ᠯᠠᠪᠲᠠᠢ ᠠᠪᠴᠢᠷᠠᠵᠤ ᠥᠭᠬᠦ ᠶᠤᠮ᠃ᠮᠣᠩᠭᠤᠯ ᠭᠢᠳᠤᠭ᠎ᠠ ᠨᠢ᠂ ᠮᠣᠩᠭᠤᠯᠴᠤᠳ ᠤᠨ ᠡᠳᠦᠷ ᠳᠤᠳᠤᠮ ᠤᠨ ᠣᠢᠯᠠᠳᠪᠣᠷᠢᠯᠠᠯ ᠠᠮᠢᠳᠤᠷᠠᠯ ᠳᠤ ᠦᠷᠭᠦᠯᠵᠢ ᠬᠡᠷᠡᠭᠯᠡᠭᠳᠡᠳᠡᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠣᠠᠴᠠᠭᠠᠢ ᠵᠠᠰᠠᠯ ᠵᠢᠮᠰᠡᠭ ᠤᠨ ᠡᠳ᠋ ᠴᠤ ᠪᠣᠯᠳᠠᠭ᠃ ᠮᠣᠩᠭᠤᠯ ᠡᠷᠡᠭᠳᠡᠢᠴᠦᠳ ᠵᠣᠴᠢᠨ ᠤᠭᠲᠤᠬᠤ᠂ ᠨᠠᠢᠷ ᠨᠠᠭᠠᠳᠤᠮ ᠪᠠ ᠣᠷᠤᠭ ᠬᠤᠷᠢᠮ ᠳᠤ ᠣᠷᠤᠯᠴᠠᠬᠤ ᠵᠡᠷᠭᠡ ᠳᠡᠭᠡᠨ ᠮᠣᠩᠭᠤᠯ ᠭᠢᠳᠤᠭ᠎ᠠ᠂ ᠬᠠᠮᠠᠷ ᠲᠠᠮᠠᠬᠢᠨ ᠤ ᠤᠭᠤᠲᠠ᠂ ᠭᠡᠳᠡ ᠴᠠᠬᠢᠭᠤᠷ ᠵᠡᠷᠭᠡ ᠶᠢ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠵᠤ᠂ ᠳᠦᠷᠤ ᠶᠢᠨ ᠵᠠᠰᠠᠯ᠂ ᠡᠷ᠎ᠡ ᠶᠢᠨ ᠴᠢᠮᠡᠭ ᠪᠣᠯᠭᠠᠬᠤ ᠨᠢ ᠣᠨᠴᠠ ᠶᠢᠨ ᠬᠡᠪ ᠨᠠᠮᠪᠠ ᠲᠠᠢ ᠢᠳᠡᠷᠡᠭᠦᠨ ᠰᠠᠢᠬᠠᠨ ᠬᠠᠷᠠᠭᠳᠠᠳᠠᠭ᠃        ᠮᠣᠩᠭᠤᠯᠴᠤᠳ ᠤᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ᠂ ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ᠂ ᠠᠪᠢᠶᠠᠰ ᠪᠢᠯᠢᠭ᠂ ᠶᠣᠰᠣᠯᠠᠯ ᠵᠢᠷᠤᠮ᠂ ᠡᠪ ᠨᠠᠢᠷ᠂ ᠰᠢᠳᠤᠷᠭᠤ ᠡᠯᠪᠡᠷᠢᠯ᠂ ᠢᠪᠡᠭᠡᠯ ᠪᠠᠷᠢᠯᠳᠤᠯᠭ᠎ᠠ ᠵᠡᠷᠭᠡ ᠰᠣᠶᠣᠯ ᠪᠣᠯᠪᠠᠰᠤᠨ ᠤ ᠠᠭᠤᠯᠭ᠎ᠠ ᠶᠢ ᠪᠠᠭᠲᠠᠭᠠᠨ ᠬᠠᠳᠠᠭᠠᠯᠠᠭᠰᠠᠨ ᠮᠣᠩᠭᠤᠯ ᠭᠢᠳᠤᠭ᠎ᠠ ᠨᠢ᠂ ᠮᠣᠩᠭᠤᠯ ᠠᠮᠢᠳᠤᠷᠠᠯ ᠳᠠᠭᠠᠨ᠂ ᠠᠢᠯ ᠡᠷᠦᠭᠡ ᠶᠢᠨ ᠳᠡᠭᠵᠢᠷᠡᠯ ᠤᠨ ᠲᠡᠮᠳᠡᠭ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ ᠥᠭᠡᠳᠡ ᠶᠢᠨ ᠪᠡᠯᠭᠡ᠂ ᠠᠵᠢᠯ ᠣᠢᠯᠠᠰ ᠲᠤ ᠥᠨᠢᠳᠡ ᠶᠢᠨ ᠢᠷᠦᠭᠡᠯ᠂ ᠠᠨᠳᠠ ᠶᠢᠨ ᠨᠥᠬᠦᠷᠯᠡᠯ ᠳᠤ ᠪᠠᠲᠤ ᠶᠢᠨ ᠵᠥᠩᠨᠡᠯ᠂ ᠬᠠᠨᠠᠨ ᠳᠠᠭᠠᠨ ᠡᠯᠭᠦᠪᠡᠯ ᠭᠡᠷ ᠤᠨ ᠰᠠᠬᠢᠶ᠎ᠠ᠂ ᠬᠠᠵᠠᠭᠤ ᠳᠠᠭᠠᠨ ᠵᠡᠭᠦᠪᠡᠯ ᠡᠷ᠎ᠡ ᠶᠢᠨ ᠴᠢᠮᠡᠭ᠂ ᠣᠷᠤᠭ ᠬᠤᠷᠢᠮ ᠳᠤ ᠬᠦᠷᠭᠡᠨ ᠤ ᠭᠡᠢᠮᠦᠷᠢ᠂ ᠤᠷᠠᠨ ᠪᠦᠰᠡᠭᠦᠢ ᠳᠤ ᠣᠢᠯᠠᠴᠢ ᠶᠢᠨ ᠵᠢᠮᠰᠡᠭ ᠪᠣᠯᠬᠤ ᠪᠠᠷ ᠦᠯᠦ ᠪᠠᠷᠠᠮ ᠮᠣᠩᠭᠤᠯ ᠭᠢᠳᠤᠭ᠎ᠠ ᠶᠢ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠭᠰᠠᠨ᠂ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠭᠰᠡᠨ ᠡᠯ᠎ᠡ ᠦᠨᠳᠦᠰᠦᠲᠡᠨ ᠤ ᠠᠬ᠎ᠠ ᠳᠡᠭᠦᠦ᠂ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠵᠣᠴᠢᠨ ᠪᠦᠭᠦᠨ ᠳᠤ ᠡᠷᠡᠭᠦᠯ ᠮᠠᠠᠳᠤ᠂ ᠥᠭᠡᠳᠡ ᠡᠰᠡᠷᠡᠭ᠂ ᠵᠣᠯ ᠵᠢᠷᠭᠠᠯ ᠤᠨ ᠪᠡᠯᠭᠡᠳᠡᠯ ᠵᠥᠩᠨᠡᠯ ᠪᠣᠯᠬᠤ ᠶᠤᠮ᠃
  
ᠢᠷᠡᠯᠲᠡ᠄ ᠲᠠᠯ᠎ᠠ ᠶᠢᠨ ᠪᠦᠷᠭᠦᠳ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠣᠩᠭᠤᠯ ᠦᠠᠳᠣᠰᠣᠳᠠᠠ ᠤ ᠤᠷᠤᠬ ᠲᠣᠬᠳᠠᠬᠤ
ᠮᠣᠩᠭᠤᠯᠴᠣᠳ ᠤᠨ ᠬᠡᠤᠬᠡᠳ ᠲᠡᠭᠡᠨ ᠨᠡᠷ᠎ᠡ ᠦᠭᠭᠦ ᠵᠠᠩᠰᠢᠯ
ᠮᠣᠩᠭᠤᠯ ᠬᠦᠬᠦᠷ ᠤᠨ ᠳᠤᠬᠠᠢ
ᠮᠤᠩᠭᠤᠯᠴᠤᠳ ᠤᠨ ᠭᠤᠷᠪᠠᠨᠳᠠ ᠰᠠᠴᠤᠯᠢ ᠡᠷᠭᠦᠭᠦ ᠶᠤᠰᠤ ᠵᠠᠩᠰᠢᠯ
ᠮᠤᠩᠭᠤᠯ ᠤᠨ ᠡᠮᠦᠰᠭᠡᠯ ᠵᠡᠭᠦᠯᠳᠡ ᠶᠢᠨ ᠴᠡᠭᠡᠷ ᠶᠤᠰᠣᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号