| ᠢᠯᠳᠠᠮᠬᠠᠨ ᠴᠠᠭᠠᠨ ᠬᠤᠷᠤᠭᠤᠨ ᠠᠴᠠ ᠤᠨᠳᠤᠷᠬᠤ | ᠶᠠᠲᠤᠭᠠ ᠶᠢᠨ ᠡᠭᠡᠰᠢᠭ ᠲᠠᠢ ᠪᠤᠭᠤᠷᠤᠯ ᠲᠠᠯᠠ | ᠶᠠᠳᠠᠬᠤ ᠶᠢᠨ ᠴᠠᠭ ᠲᠤ ᠴᠤ ᠲᠠᠰᠢᠭᠤᠷ ᠢᠶᠠᠨ ᠲᠤᠯᠤᠭᠠ ᠦᠭᠡᠢ | ᠶᠠᠰᠤ ᠬᠠᠲᠠᠭᠤ ᠶᠡᠬᠡᠰ ᠳᠡᠭᠡᠳᠦᠰ ᠲᠠᠨᠠ᠄ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠤᠷᠢ ᠨᠠᠭᠠᠰᠢᠯᠠᠵᠤ ᠡᠳᠦᠷ ᠲᠡᠯᠡᠷᠡᠨᠡ | ᠤᠨᠠᠭᠠ ᠲᠡᠩᠴᠡᠯᠳᠦᠵᠦ ᠵᠡᠷᠭᠡᠯᠭᠡᠨ ᠨᠠᠮᠢᠷᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠠᠭᠤᠯᠠ ᠬᠥᠪᠴᠢ ᠶᠢᠨ ᠪᠤᠭᠤ ᠤᠷᠤᠮᠳᠠᠨᠠ | ᠤᠰᠤᠨ ᠤ ᠥᠨᠳᠥᠷ ᠠᠴᠠ ᠠᠩᠭᠢᠷ ᠭᠤᠩᠭᠠᠨᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠡᠭᠦᠯᠡ ᠥᠩᠭᠡᠷᠡᠵᠦ ᠮᠠᠨᠠᠨ ᠲᠤᠨᠤᠨᠠ | ᠡᠭᠦᠳᠡᠨ ᠬᠥᠲᠥᠯ ᠢᠶᠠᠷ ᠨᠠᠷᠠ ᠳᠤᠯᠠᠶᠢᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠤᠢ ᠲᠠᠶᠢᠭᠠ ᠶᠢᠨ ᠬᠥᠬᠦᠭᠡ ᠳᠣᠩᠭᠤᠳᠤᠨᠠ | ᠤᠯᠠᠨ ᠬᠡᠯᠡ ᠲᠠᠢ ᠰᠢᠪᠠᠭᠤᠳ ᠱᠣᠭᠰᠢᠷᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠤᠨᠠᠭᠰᠠᠨ ᠬᠦᠯᠦᠭ ᠰᠠᠶᠢᠪᠤᠷᠢ ᠨᠡᠮᠡᠵᠦ ᠳᠣᠮᠪᠣᠯᠵᠠᠨᠠ | ᠤᠷᠭᠠ ᠶᠢᠨ ᠴᠡᠭᠡᠵᠢ ᠠᠶᠢᠵᠠᠮ ᠴᠣᠬᠢᠵᠤ ᠨᠠᠬᠢᠯᠵᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠰᠦᠷᠦᠭ ᠤᠨ ᠵᠠᠬᠠ ᠪᠠᠷ ᠪᠥᠵᠥᠩ ᠲᠠᠤᠯᠠᠢ ᠲᠣᠩᠭᠤᠯᠵᠠᠨᠠ | ᠰᠡᠭᠦᠯᠲᠦ ᠶᠢᠨ ᠵᠡᠭᠡᠷᠡ ᠲᠠᠭᠰᠢᠬᠤ ᠪᠠᠨ ᠤᠮᠠᠷᠲᠠᠵᠤ ᠴᠢᠩᠨᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠭᠤᠣᠯ ᠭᠤᠷᠤᠬᠠ ᠬᠥᠭ ᠨᠡᠶᠢᠯᠡᠭᠦᠯᠵᠦ ᠬᠤᠷᠴᠢᠭᠢᠨᠠᠨᠠ | ᠭᠤᠪᠢ ᠬᠠᠩᠭᠠᠢ ᠴᠡᠴᠡᠭ ᠢᠶᠠᠨ ᠪᠠᠷᠢᠵᠤ ᠪᠡᠶᠡᠯᠡᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠪᠦᠯᠢᠭᠡᠳ ᠣᠷᠬᠢᠭᠰᠠᠨ ᠠᠶᠢᠷᠠᠭ ᠥᠯᠢᠭᠡ ᠪᠠᠨ ᠳᠠᠪᠠᠵᠤ ᠰᠠᠬᠠᠷᠠᠨᠠ | ᠪᠦᠷᠬᠦᠭᠡᠷ ᠤᠨ ᠪᠣᠷᠣ ᠠᠷᠠᠵᠠ ᠳᠡᠭᠦᠵᠢᠩ ᠲᠣᠰᠬᠤ ᠳᠤ ᠬᠠᠩᠬᠤᠯᠤᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠬᠤ ᠭᠱᠠᠨ | ᠠᠷᠭᠠᠯ ᠤᠨ ᠴᠡᠩᠬᠡᠷ ᠤᠲᠤᠭᠠ ᠭᠡᠷ ᠤᠨ ᠲᠣᠭᠤᠨᠣ ᠪᠠᠷ ᠰᠤᠪᠤᠨᠠ | ᠠᠷᠠᠳ ᠤᠨ ᠰᠠᠶᠢᠬᠠᠨ ᠡᠭᠡᠰᠢᠭ ᠰᠣᠨᠣᠷ ᠲᠡᠯᠡᠵᠦ ᠰᠢᠷᠤᠩᠬᠠᠶᠢᠯᠠᠨᠠ ᠁ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠤᠰᠤ ᠤᠰᠤᠨ ᠤ ᠭᠡᠭᠡᠨ ᠮᠠᠨᠳᠠᠯ ᠳᠤ ᠴᠠᠭᠠᠨ ᠱᠦᠩ ᠲᠠᠲᠠᠨᠠ | ᠤᠯᠠᠭᠠᠨ ᠵᠢᠩᠰᠡ ᠲᠠᠢ ᠨᠤᠲᠤᠭ ᠤᠨ ᠠᠭᠤᠯᠠᠨᠠ ᠠᠯ ᠰᠡᠭᠦᠯ ᠬᠠᠯᠢᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠤᠲᠤᠭᠠᠨ ᠳᠤ ᠬᠠᠭᠰᠠᠭᠰᠠᠨ ᠴᠣᠨᠵᠢ ᠶᠢᠨ ᠳᠣᠷᠣ ᠠᠴᠠ ᠬᠠᠷᠠᠩᠭᠠ ᠬᠠᠩᠭᠢᠨᠠᠨᠠ | ᠤᠤᠬᠠᠢ ᠰᠢᠩᠭᠡᠭᠰᠡᠨ ᠣᠨ ᠵᠢᠯ ᠤᠨ ᠲᠣᠭᠤᠰᠣᠨᠠ ᠴᠠᠬᠢᠭᠤᠷ ᠴᠠᠬᠢᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠲᠠᠪᠤᠨ ᠵᠢᠩ ᠤᠨ ᠦᠦᠷ ᠢᠶᠠᠷ ᠴᠠᠩ ᠲᠠᠢ ᠳᠥᠷᠥᠭᠡ ᠬᠠᠷᠭᠢᠨᠠ | ᠲᠠᠪᠠᠭ ᠨᠢ ᠲᠠᠰᠤᠷᠬᠠᠢ ᠴᠢᠨ᠋ᠸᠠ ᠰᠠᠯᠬᠢ ᠰᠢᠩᠰᠢᠯᠡᠨ ᠤᠯᠢᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠡᠷᠲᠡ ᠪᠠᠯᠠᠷ ᠤᠨ ᠤᠤᠭᠠᠨ ᠠᠶᠠᠯᠭᠤ ᠶᠢᠷᠲᠢᠨᠴᠦᠰ ᠤᠨ ᠲᠤᠶᠢᠯ ᠳᠤ ᠠᠨᠢᠷᠲᠤᠨᠠ | ᠡᠴᠢᠨᠡ ᠭᠦᠨ ᠬᠤᠯᠠᠬᠢ ᠴᠢᠨᠠᠳᠤ ᠠᠴᠠ ᠤᠭᠤᠷᠠᠭ ᠰᠢᠷᠠ ᠭᠡᠭᠡ ᠲᠡᠮᠲᠡᠷᠢᠭᠳᠡᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠣᠳᠣᠲᠤ ᠲᠡᠭᠷᠢ ᠣᠷᠴᠢᠬᠤ ᠣᠷᠴᠢᠯᠠᠩ ᠤᠨ ᠲᠡᠩᠭᠡᠯᠢᠭ ᠳᠡᠪᠬᠡᠭᠳᠡᠨᠡ | ᠣᠯᠬᠤ ᠠᠯᠳᠠᠬᠤ ᠶᠢᠨ ᠲᠣᠪᠬᠢᠭᠠ ᠣᠳᠣ ᠯᠡ ᠨᠢᠭᠡ ᠬᠠᠨᠵᠠᠷᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠤᠷᠤᠭ ᠤᠨ ᠴᠡᠩᠬᠡᠷ ᠬᠠᠳᠠᠭ ᠳᠡᠭᠡᠷᠡ ᠥᠨᠳᠡᠭᠡᠨ ᠰᠦᠢ ᠲᠣᠭᠲᠠᠨᠠ | ᠤᠲᠤᠭᠠᠨ ᠳᠤ ᠰᠢᠷᠠᠯᠠᠭᠰᠠᠨ ᠡᠷᠦᠬᠡᠨ ᠤ ᠣᠭᠤᠰᠣᠷ ᠢ ᠰᠢᠨᠡ ᠬᠥᠮᠥᠨ ᠳᠠᠯᠠᠯᠤᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠶᠢᠨ ᠨᠠᠷᠠᠨ ᠳᠤ ᠬᠠᠵᠠᠭᠠᠷ ᠤᠨ ᠲᠣᠪᠣᠷᠤᠤ ᠭᠢᠯᠠᠯᠵᠠᠨᠠ | ᠬᠠᠨᠴᠤᠢ ᠪᠠᠨ ᠰᠤᠭᠤᠯᠳᠤᠷᠭᠠᠯᠠᠭᠰᠠᠨ ᠡᠷᠡ ᠭᠡᠷ ᠤᠨ ᠬᠤᠶᠢᠮᠤᠷ ᠠᠴᠠ ᠬᠥᠭᠡᠮᠡᠶᠢᠯᠡᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠢᠰᠡᠭᠡᠢ ᠮᠠᠨᠴᠤᠢ ᠳᠤ ᠳᠤᠭᠵᠢᠷᠠᠬᠤ ᠲᠠᠪᠠᠭ ᠭᠡᠵᠢᠭᠡ ᠲᠠᠢ ᠵᠤᠯᠠᠢ ᠳᠡᠭᠡᠷᠡ | ᠡᠷᠭᠢᠯᠳᠦᠵᠦ ᠪᠤᠢ ᠠᠯᠲᠠᠨ ᠲᠢᠲᠢᠮ ᠡᠵᠡᠨ ᠢᠶᠠᠨ ᠣᠯᠵᠤ ᠭᠡᠷᠡᠯᠲᠦᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠷᠤᠩᠬᠠᠶᠢᠯᠠᠬᠤ ᠭᠱᠠᠨ | ᠠᠷᠪᠠᠨ ᠰᠠᠷᠠ ᠶᠢᠨ ᠤᠶᠠᠩᠭᠠ ᠠᠶᠠᠭᠠ ᠡᠭᠰᠢᠶᠡᠬᠦ ᠦᠭᠡᠢ ᠴᠠᠯᠭᠢᠨᠠ | ᠠᠷᠠᠳ ᠤᠨ ᠰᠠᠶᠢᠬᠠᠨ ᠡᠭᠡᠰᠢᠭ ᠬᠠᠶᠠᠭᠠ ᠲᠡᠯᠡᠵᠦ ᠰᠢᠪᠲᠤᠷᠠᠨᠠ ᠁ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠬᠤᠷᠯᠣ ᠡᠷᠭᠢᠭᠰᠡᠨ ᠨᠠᠷᠠ ᠲᠣᠭᠤᠨᠣ ᠳᠡᠭᠡᠷᠡ ᠴᠡᠯᠮᠡᠶᠢᠨᠡ | ᠬᠤᠯᠠ ᠡᠴᠢᠭᠰᠡᠨ ᠯᠤᠤᠭᠠᠷ ᠤᠨ ᠠᠶᠠᠨ ᠤ ᠵᠢᠯᠣᠭᠤ ᠡᠷᠭᠢᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠬᠠᠯᠲᠠᠷ ᠮᠠᠶᠢᠬᠠᠨ ᠤ ᠵᠥᠷᠢᠯᠭᠡ ᠰᠡᠬᠦᠵᠦ ᠭᠠᠯ ᠤᠨ ᠠᠬᠠ ᠰᠤᠨᠢᠶᠠᠨᠠ | ᠬᠠᠰ ᠰᠢᠯᠪᠢ ᠲᠠᠢ ᠮᠥᠩᠭᠦᠨ ᠭᠠᠩᠰᠠᠨ ᠳᠤ ᠳ᠋ᠦᠩᠰᠡ ᠪᠣᠭᠰᠢᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠬᠤᠮ ᠲᠠᠢ ᠠᠳᠠᠨ ᠤ ᠪᠤᠷᠠᠨᠲᠠᠭ ᠰᠢᠭᠦᠷᠴᠦ ᠵᠣᠭᠳᠣᠷ ᠬᠥᠳᠡᠯᠭᠡᠨᠡ | ᠬᠤᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠢᠷᠠᠭᠳᠠᠵᠤ ᠨᠤᠲᠤᠭ ᠤᠨ ᠪᠠᠷᠠ ᠬᠠᠷᠠᠭᠳᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠪᠤᠷ ᠪᠣᠷᠣᠭᠠᠨ ᠰᠢᠪᠡᠷᠡᠵᠦ ᠠᠭᠰᠠᠨ ᠢᠶᠠᠨ ᠵᠣᠭᠰᠣᠨᠠ | ᠪᠣᠷᠣ ᠪᠣᠯᠵᠣᠮᠣᠷ ᠤᠨ ᠰᠡᠭᠦᠳᠡᠷ ᠭᠡᠷ ᠤᠨ ᠬᠠᠭᠠᠯᠭᠠ ᠪᠠᠷ ᠳᠤᠰᠤᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠥᠩᠭᠡ ᠨᠣᠭᠤᠭᠠᠨ ᠳᠡᠨᠵᠢᠨ ᠳᠤ ᠵᠦᠢᠯ ᠤᠨ ᠴᠡᠴᠡᠭᠡᠰ ᠮᠢᠷᠠᠯᠵᠠᠨᠠ | ᠥᠷᠯᠥᠭᠡ ᠦᠳᠡᠰᠢ ᠶᠢᠨ ᠰᠠᠯᠬᠢᠨ ᠠᠴᠠ ᠠᠭᠢ ᠶᠢᠨ ᠠᠭᠠᠭ ᠠᠮᠲᠠᠭᠳᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠥᠷᠭᠡᠨ ᠴᠡᠭᠡᠵᠢ ᠲᠠᠢ ᠳᠡᠪᠡᠯ ᠤᠨ ᠲᠣᠷᠭᠠᠨ ᠪᠦᠰᠡ ᠠᠭᠰᠠᠨᠠ | ᠥᠭᠡᠳᠡᠩ ᠬᠤᠸᠠᠷ ᠲᠠᠢ ᠭᠤᠲᠤᠯ ᠤᠨ ᠰᠤᠷᠤᠨ ᠨᠣᠭᠲᠣ ᠴᠢᠪᠴᠠᠷᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠤᠷᠢᠲᠠᠢ ᠬᠢᠷᠠ ᠶᠢ ᠥᠭᠰᠥᠵᠦ ᠠᠮᠤᠭᠤᠯᠠᠩ ᠰᠦᠷᠦᠭ ᠲᠡᠯᠡᠬᠡᠨᠡ | ᠤᠷᠲᠤ ᠰᠤᠶᠢᠯᠠᠭᠠ ᠲᠠᠢ ᠬᠥᠯᠥᠭ ᠤᠨ ᠰᠤᠮᠤᠨ ᠵᠢᠷᠤᠭᠠ ᠵᠠᠳᠠᠭᠠᠶᠢᠷᠠᠨᠠ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠡᠪᠦᠭᠡᠳ ᠤᠨ ᠲᠣᠬᠤᠢ ᠶᠢ ᠲᠦᠰᠢᠵᠦ ᠬᠥᠭᠡᠷᠭᠡ ᠬᠠᠳᠠᠭ ᠵᠥᠷᠢᠭᠦᠯᠦᠨᠡ | ᠥᠩᠭᠡᠷᠡᠭᠰᠡᠨ ᠡᠳᠦᠭᠡ ᠶᠢ ᠥᠭᠦᠯᠡᠵᠦ ᠦᠭᠡᠨ ᠤ ᠬᠡᠩᠬᠡᠭ ᠨᠡᠭᠡᠭᠡᠭᠳᠡᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠰᠢᠪᠲᠤᠷᠠᠬᠤ ᠭᠱᠠᠨ | ᠳᠠᠪᠬᠤᠷ ᠳᠠᠪᠬᠤᠷ ᠳᠤᠭᠤᠷᠠ ᠡᠷᠭᠢᠵᠦ ᠬᠤᠭᠤᠯᠠᠢ ᠵᠠᠰᠠᠬᠤ ᠰᠣᠨᠣᠰᠳᠠᠨᠠ | ᠳᠠᠷᠠᠭᠠᠴᠢ ᠶᠢᠨ ᠳᠠᠭᠤᠨ ᠤ ᠠᠶᠠᠯᠭᠤ ᠡᠯᠭᠦᠵᠦ ᠠᠷᠠᠳ ᠤᠨ ᠳᠠᠭᠤᠤ ᠤᠶᠠᠩᠭᠠᠷᠠᠨᠠ ᠁ | ᠤᠷᠲᠤ ᠶᠢᠨ ᠳᠠᠭᠤᠨ ᠳᠤ ᠤᠶᠠᠩᠭᠠᠷᠠᠭᠰᠠᠨ ᠠᠭᠤᠳᠠᠮ ᠬᠡᠭᠡᠷᠡ ᠨᠤᠲᠤᠭ ᠲᠠᠨᠠ | ᠤᠷᠢᠳᠤ ᠶᠢᠨ ᠲᠣᠮᠤᠭ ᠢ ᠱᠠᠰᠲᠢᠷᠯᠠᠭᠰᠠᠨ ᠤᠬᠠᠭᠠᠨᠲᠤ ᠮᠡᠷᠭᠡᠨ ᠳᠡᠭᠡᠳᠦᠰ ᠲᠠᠨᠠ | ᠤᠭᠤᠷᠠᠭ ᠰᠢᠷᠠ ᠭᠡᠷᠡᠯ ᠢᠶᠠᠨ ᠢᠪᠡᠭᠡᠭᠴᠢ ᠮᠥᠩᠬᠡ ᠬᠥᠬᠡ ᠲᠡᠭᠷᠢ ᠲᠠᠨᠠ | ᠤᠳᠤᠮ ᠤᠨ ᠶᠡᠭᠡᠥᠨᠳᠥᠷ ᠪᠣᠱᠣᠭᠠᠨ ᠳᠤ ᠬᠤᠷᠮᠣᠢ ᠳᠡᠪᠢᠰᠦᠨ ᠮᠥᠷᠭᠦᠮᠦ︕ ᠳᠠᠭᠠᠳᠬᠠᠮᠤ︕ | |