| ᠬᠠᠪᠣᠲᠣ ᠬᠠᠰᠠᠷ ᠤᠨ ᠳᠠᠬᠢᠯᠭᠠ ᠶᠢᠨ ᠣᠷᠳᠣᠨ | ᠬᠠᠰᠠᠷ ᠪᠣᠯ ᠶᠢᠰᠦᠬᠡᠢ ᠪᠠᠭᠠᠳᠣᠷ ᠪᠠ ᠥᠭᠡᠯᠦᠨ ᠡᠬᠡ ᠶᠢᠨ ᠬᠤᠶᠠᠳᠣᠭᠠᠷ ᠬᠦᠤ᠂ ᠴᠢᠩᠭᠢᠰ ᠬᠠᠭᠠᠨ ᠲᠠᠢ | ᠨᠢᠭᠡ ᠡᠬᠡ ᠠᠴᠠ ᠲᠥᠷᠦᠭᠰᠡᠨ ᠠᠬᠠ ᠳᠡᠭᠦᠦ ᠪᠣᠯᠣᠨᠠ᠃ ᠲᠡᠷᠡ 1164 ᠣᠨ ᠳᠤ ᠲᠥᠷᠦᠵᠤ᠂ ᠬᠠᠷᠠᠬᠠᠨ | ᠪᠠᠭᠠ ᠠᠴᠠ ᠪᠠᠨ ᠴᠢᠩᠬᠢᠰ ᠬᠠᠭᠠᠨ ᠢ ᠳᠠᠭᠠᠵᠣ᠂ ᠮᠣᠩᠭᠤᠯ ᠦᠨᠳᠦᠰᠦᠲᠠᠨ ᠤ ᠨᠢᠭᠡᠳᠦᠯ ᠪᠣᠯᠣᠨ ᠮᠣᠩᠭᠤᠯ ᠤᠨ ᠶᠡᠭᠡ | ᠬᠠᠭᠠᠨᠳᠣ ᠣᠯᠤᠰ ᠢ ᠪᠠᠶᠢᠭᠤᠯᠬᠤ ᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠶᠡᠭᠡ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ ᠬᠠᠰᠠᠷ | ᠪᠣᠯ ᠮᠣᠩᠭᠤᠯ ᠤᠨ ᠲᠡᠦᠬᠡᠨ ᠳᠡᠭᠡᠷᠡ ᠳᠣᠷᠠᠰᠬᠠᠪᠠᠰᠤ ᠵᠣᠬᠢᠬᠤ ᠠᠭᠤᠤ ᠶᠡᠭᠡ ᠣᠯᠤᠰ ᠲᠥᠷᠦᠴᠢᠨ᠂ ᠴᠡᠷᠢᠭ | ᠲᠠᠶᠢᠨ ᠤ ᠭᠠᠷᠮᠠᠭᠠᠢ ᠡᠷᠳᠡᠮᠲᠡᠨ ᠪᠣᠯᠤᠨᠠ᠃ | 1206 ᠣᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨᠲᠤ ᠤᠯᠣᠰ ᠢ ᠪᠠᠶᠢᠭᠤᠯᠣᠭᠰᠠᠨ ᠤ ᠳᠠᠷᠠᠭᠠ | ᠮᠣᠩᠭᠤᠯ ᠤᠨ ᠬᠠᠭᠤᠴᠢᠨ ᠠᠶᠢᠮᠠᠭ ᠤᠨ ᠪᠠᠶᠢᠭᠤᠯᠤᠮᠵᠢ ` ᠶᠢ ᠡᠪᠳᠡᠨ᠂ ᠮᠣᠩᠭᠤᠯ ᠤᠨ ᠬᠠᠷᠢᠶᠠᠲᠤ ᠪᠠᠨ ᠮᠢᠩᠭᠠᠲᠤ | ᠪᠣᠯᠭᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠥᠪᠡᠷ ᠤᠨ ᠲᠥᠷᠥᠯ ᠤᠭᠰᠠᠭᠠᠨ ᠳᠠᠭᠠᠨ ᠲᠣᠰ ᠪᠦᠷᠢ ᠬᠤᠪᠢᠶᠠᠨ ᠱᠠᠩᠨᠠᠵᠠᠢ᠃ | ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠬᠠᠰᠠᠷ 4000 ᠬᠠᠷᠢᠶᠠᠲᠤ ᠡᠷᠦᠬᠡ ᠪᠠᠷ ᠱᠠᠩᠨᠠᠭᠳᠠᠵᠤ᠂ ᠬᠥᠯᠦᠨ ᠨᠠᠭᠤᠷ ᠤᠨ ᠲᠣᠭᠤᠷᠢᠮ | ᠪᠣᠯᠤᠨ ᠡᠷᠬᠦᠨᠡ ᠭᠤᠣᠯ᠂ ᠬᠠᠶᠢᠯᠠᠷ ᠭᠤᠣᠯ ᠤᠨ ᠣᠷᠤᠰᠬᠠᠯ ᠲᠠᠭᠠᠤ ᠤᠷᠣᠨ ᠢ ᠥᠪᠡᠷ ᠤᠨ ᠢᠶᠠᠨ ᠡᠷᠬᠡᠰᠢᠶᠡᠯ ᠤᠨ | ᠭᠠᠵᠠᠷ ᠪᠣᠯᠭᠠᠵᠠᠢ᠃ ᠮᠣᠣᠮᠢᠩᠭᠠᠨ ᠠᠶᠢᠮᠠᠭ ᠪᠣᠯ ᠳᠠᠷᠣᠢ ᠬᠠᠪᠣᠲᠣ ᠬᠠᠰᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠠᠶᠢᠮᠠᠭ | ᠪᠥᠯᠥᠭ ᠤᠳ ᠤᠨ ᠬᠢᠨᠢ ᠨᠢᠭᠡ ᠪᠣᠯᠤᠨᠠ᠃ | ᠮᠣᠣᠮᠢᠩᠭᠠᠨ ᠠᠶᠢᠮᠠᠭ ᠡᠪᠦᠭᠡ ᠳᠡᠭᠡᠳᠦᠰ ᠪᠣᠯᠬᠤ ᠬᠠᠪᠣᠲᠣ ᠬᠠᠰᠠᠷ ᠢ ᠪᠠᠨ ᠰᠢᠲᠦᠨ ᠳᠠᠬᠢᠭᠰᠠᠭᠠᠷ ᠨᠢᠭᠡᠨᠲᠡ | 350 ᠭᠠᠷᠣᠢ ᠵᠢᠯ ᠤᠨ ᠲᠡᠦᠬᠡ ᠲᠠᠢ ᠪᠣᠯᠪᠠ᠃ ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 1633 ᠣᠨ ᠳᠤ ᠮᠣᠣᠮᠢᠩᠭᠠᠨ | ᠠᠶᠢᠮᠠᠭ ᠬᠤᠶᠢᠲᠤ ᠠᠯᠲᠠᠨ ᠣᠯᠤᠰ ᠤᠨ ᠬᠠᠷᠢᠶᠠᠨ ᠳᠤ ᠳᠠᠭᠠᠷᠠ ᠣᠷᠣᠭᠰᠠᠨ ᠢᠶᠠᠨ ᠰᠡᠭᠦᠯᠡᠷ ᠨᠢ ᠴᠢᠩ ᠤᠯᠣᠰ ᠤᠨ | ᠦᠶᠡ ᠳᠤ ᠬᠦᠯᠦᠨ ᠪᠤᠶᠢᠷ ᠤᠨ ᠲᠠᠯᠠ ᠨᠤᠲᠤᠭ ᠠᠴᠠ ᠠᠯᠤᠰ ᠬᠤᠯᠠ ᠶᠢ ᠵᠤᠷᠢᠨ ᠪᠠᠷᠠᠭᠤᠨᠰᠢᠯᠠᠵᠤ᠂ ᠲᠠᠯᠠᠨ ᠬᠠᠷᠠ | ᠠᠭᠤᠯᠠᠨ ᠳᠤ ᠬᠦᠷᠴᠤ ᠢᠷᠡᠬᠦ ᠳᠤ ᠪᠠᠨ ᠬᠠᠪᠣᠲᠤ ᠬᠠᠰᠠᠷ ᠤᠨ ᠳᠠᠬᠢᠯᠭᠠ ᠶᠢᠨ ᠥᠷᠦᠭᠡ ᠪᠠᠨ ᠠᠶᠢᠮᠠᠭ ᠤᠨ | ᠨᠡᠭᠦᠳᠡᠯ ᠤᠨ ᠬᠠᠮᠲᠤ ᠠᠪᠴᠤ ᠢᠷᠡᠪᠡ᠃ | ᠳᠠᠬᠢᠯᠭᠠ ᠶᠢᠨ ᠥᠷᠦᠭᠡᠨ ᠳᠤ ᠭᠤᠣᠯ ᠨᠢ ᠬᠠᠪᠣᠲᠤ ᠬᠠᠰᠠᠷ ᠢ ᠨᠠᠰᠤ ᠪᠠᠷᠠᠬᠤ ᠳᠤ ᠵᠢᠷᠦᠬᠡᠨ ᠤ ᠬᠢᠨᠢ | ᠴᠢᠰᠤ ᠪᠠᠷ ᠵᠢᠷᠤᠭᠰᠠᠨ ᠲᠤᠭᠰᠢᠨ ᠳᠦᠷᠢ ᠪᠣᠯᠤᠨ ᠪᠤᠳᠤᠭ ᠢᠶᠠᠷ ᠵᠢᠷᠤᠭᠰᠠᠨ ᠠᠮᠤᠷᠯᠢᠩᠭᠤᠢ ᠳᠦᠷᠢ᠂ ᠰᠢᠩᠬᠤᠨ | ᠭᠠᠨᠵᠤᠤᠷ᠂ ᠨᠣᠮᠤ ᠰᠤᠮᠣ᠂ ᠡᠮᠡᠭᠡᠯ ᠵᠡᠷᠭᠡ ᠶᠢ ᠰᠢᠲᠦᠨ ᠳᠠᠬᠢᠵᠤ ᠪᠤᠢ᠃ ᠰᠡᠭᠦᠯᠡᠷ ᠨᠢ ᠴᠢᠩ ᠣᠯᠤᠰ ᠤᠨ | ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠠᠲᠠᠷ ᠬᠠᠭᠠᠯᠪᠦᠷᠢᠯᠠᠵᠤ᠂ ᠲᠠᠷᠢᠶᠠᠯᠠᠬᠤ ᠭᠠᠵᠠᠷ ᠢᠶᠠᠨ ᠥᠷᠭᠡᠳᠬᠡᠭᠰᠡᠨ ᠠᠴᠠ ᠮᠣᠣᠮᠢᠩᠭᠠᠨ | ᠬᠤᠰᠢᠭᠤ ᠡᠵᠡᠮᠰᠢᠯ ᠤᠨ ᠭᠠᠵᠠᠷ ᠢᠶᠠᠨ ᠢᠳᠡᠭ ᠢᠳᠡᠭ ᠢᠶᠠᠷ ᠠᠯᠳᠠᠵᠤ᠂ ᠬᠤᠶᠢᠰᠢ ᠤᠬᠤᠷᠢᠬᠤ ᠳᠤ ᠳᠠᠬᠢᠯᠭᠠ ᠶᠢᠨ | ᠥᠷᠥᠭᠡ ᠪᠠᠰᠠ ᠳᠠᠭᠠᠯᠳᠣᠨ ᠳᠥᠷᠪᠡ ᠤᠳᠠᠭᠠ ᠨᠡᠭᠦᠵᠦ᠂ ᠣᠳᠤ ᠶᠢᠨ ᠪᠠᠶᠢᠬᠤ ᠭᠠᠵᠠᠷ ᠬᠥᠷᠴᠤ ᠪᠠᠶᠢᠷᠢᠯᠠᠭᠰᠠᠨ | ᠪᠢᠯᠡ᠃ ᠰᠡᠭᠦᠯᠡᠷ ᠨᠢ ᠮᠥᠨ ᠰᠣᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠳᠤᠮᠳᠠ ᠡᠪᠳᠡᠭᠳᠡᠨ ᠰᠦᠢᠳᠬᠡᠭᠳᠡᠬᠦ ᠬᠠᠷᠠ | ᠠᠶᠤᠯ ᠠᠴᠠ ᠵᠠᠶᠢᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ | 1988 ᠣᠨ ᠤ 6 ᠰᠠᠷᠠ ᠳᠤ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠲᠤ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ ᠤᠨ | ᠲᠠᠯᠠ ᠠᠴᠠ ᠲᠡᠦᠬᠡ ᠶᠢᠨ ᠳᠣᠷᠠᠰᠬᠠᠯᠲᠤ ᠵᠦᠢᠯ ᠢ ᠬᠠᠮᠠᠭᠠᠯᠠᠬᠤ ᠰᠡᠷᠭᠦᠭᠡᠬᠦ ᠪᠠᠷ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ᠂ ᠬᠠᠪᠣᠲᠤ | ᠬᠠᠰᠠᠷ ᠤᠨ ᠳᠠᠬᠢᠯᠭᠠ ᠶᠢᠨ ᠤᠷᠳᠤᠨ ᠢ ᠳᠠᠬᠢᠨ ᠰᠢᠨᠡᠳᠬᠡᠨ ᠪᠠᠶᠢᠭᠤᠯᠪᠠ᠃ ᠬᠠᠪᠣᠲᠤ ᠬᠠᠰᠠᠷ ᠤᠨ ᠤᠳᠤᠮ | ᠤᠭᠰᠠᠭᠠ ᠪᠣᠯᠬᠤ ᠠᠯᠠᠱᠠ ᠠᠶᠢᠮᠠᠭ᠂ ᠤᠷᠠᠳ ᠤᠨ ᠭᠤᠷᠪᠠᠨ ᠬᠤᠰᠢᠭᠤ᠂ ᠳᠥᠷᠪᠡᠳ ᠬᠤᠰᠢᠭᠤ ᠪᠣᠯᠣᠨ ᠤᠭ ᠤᠨ | ᠨᠣᠨ ᠠᠷᠪᠠᠨ ᠬᠤᠰᠢᠭᠤᠨ ᠤ ᠬᠢᠨ ᠬᠦᠷᠦᠯᠴᠡᠨ ᠢᠷᠡᠵᠦ᠂ ᠳᠠᠬᠢᠯᠭᠠ ᠤ ᠳᠤ ᠤᠷᠤᠯᠴᠠᠬᠤ ᠳᠤ ᠳᠥᠬᠦᠮ ᠪᠣᠯᠭᠠᠨ᠂ | ᠬᠠᠪᠤᠲᠤ ᠬᠠᠰᠠᠷ ᠤᠨ ᠳᠠᠬᠢᠯᠭᠠ ᠶᠢᠨ ᠣᠷᠳᠤᠨ ᠤ ᠡᠷᠭᠢᠨ ᠲᠤᠭᠤᠷᠢᠨ ᠳᠤ ᠲᠣᠰ ᠲᠣᠰ ᠤᠨ ᠳᠠᠬᠢᠯᠭᠠ ᠶᠢᠨ | ᠲᠣᠷᠠᠰᠬᠠᠯᠲᠣ ᠵᠦᠢᠯᠡᠰ ᠢ ᠪᠠᠶᠢᠭᠤᠯᠬᠤ ᠭᠠᠵᠠᠷ ᠲᠤᠭᠲᠠᠭᠠᠨ ᠦᠯᠡᠳᠡᠭᠡᠪᠡ᠃ ᠬᠤᠰᠢᠭᠤ ᠨᠤᠲᠤᠭ ᠤᠨ ᠬᠢᠨᠢ ᠨᠡᠷᠡ ᠶᠢ | ᠪᠢᠴᠢᠵᠦ᠂ ᠫᠠᠶᠢᠰᠠ ᠪᠣᠰᠬᠠᠪᠠ᠃ ᠣᠳᠣ ᠶᠢᠨ ᠬᠠᠪᠣᠲᠤ ᠬᠠᠰᠠᠷ ᠤᠨ ᠳᠠᠬᠢᠯᠭᠠ ᠶᠢᠨ ᠣᠷᠳᠣᠨ᠂ ᠳᠠᠷᠬᠠᠨ | ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠲᠤ ᠬᠤᠰᠢᠭᠤᠨ ᠤ ᠰᠢᠨᠡᠪᠣᠯᠠᠭ ᠰᠣᠮᠤᠨ ᠤ ᠲᠥᠪ ᠠᠴᠠ ᠪᠠᠷᠠᠭᠤᠨᠰᠢ 5 ᠭᠠᠵᠠᠷ ᠤᠨ ᠵᠠᠶᠢᠲᠠᠢ | ᠴᠠᠭᠠᠨ ᠱᠣᠷᠤᠩ ᠠᠭᠤᠯᠠᠨ ᠤ ᠠᠷᠣ ᠳᠤ ᠪᠣᠢ | |