| ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠲᠤ ᠬᠤᠰᠢᠭᠤᠨ ᠤ ᠨᠤᠲᠤᠭ ᠳᠡᠪᠢᠰᠭᠡᠷ ᠳᠡᠭᠡᠷᠡ ᠠᠷᠭᠠᠯᠢ᠂ ᠰᠡᠭᠦᠯᠲᠦ ᠶᠢᠨ | ᠵᠡᠭᠡᠷᠡ᠂ ᠴᠠᠭᠠᠨ ᠵᠡᠭᠡᠷᠡ᠂ ᠶᠠᠩᠭᠢᠷ᠂ ᠬᠥᠭᠡ ᠢᠮᠠᠭᠠ᠂ ᠬᠤᠯᠠᠨ᠂ ᠵᠡᠷᠯᠢᠭ ᠭᠠᠭ᠋ᠠᠢ᠂ ᠴᠢᠨ᠋ᠸᠠ᠂ ᠰᠢᠯᠦᠭᠦᠰᠦ᠂ | ᠦᠨᠡᠭᠡ᠂ ᠬᠢᠷᠰᠠ᠂ ᠮᠠᠩᠭᠢᠰᠦ᠂ ᠮᠠᠯᠤᠷ᠂ ᠬᠦᠷᠡᠨᠡ᠂ ᠦᠮᠡᠬᠡᠢ ᠬᠦᠷᠡᠩ᠂ ᠪᠤᠯᠠᠭᠠ᠂ ᠬᠡᠷᠡᠮᠦ᠂ ᠲᠠᠣᠯᠠᠢ᠂ ᠪᠣᠵᠣᠯᠠᠭ | ᠂ ᠵᠠᠷᠠᠭᠠ ᠵᠡᠷᠭᠡ ᠨᠢᠭᠡᠨᠲᠡ ᠮᠡᠳᠡᠭᠰᠡᠨ ᠬᠥᠬᠦᠲᠡᠨ ᠠᠮᠢᠲᠠᠨ 35 ᠵᠦᠢᠯ ᠪᠣᠢ᠃ ᠡᠭᠦᠨ ᠳᠤ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ | ᠳᠠᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠮᠢᠲᠠᠨ ᠬᠤᠶᠠᠷ᠂ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠠᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠮᠢᠲᠠᠨ | ᠠᠷᠪᠠᠭᠠᠳ ᠪᠤᠢ᠃ | ᠬᠤᠯᠠᠨ᠂ ᠲᠤᠭᠤᠷᠠᠶᠢᠲᠠᠨ ᠤ ᠪᠠᠭ᠂ ᠠᠳᠤᠭᠤᠨ ᠤ ᠢᠵᠠᠭᠤᠷ᠂ ᠲᠥᠷᠥᠯ᠃ ᠪᠡᠶᠡ ᠨᠢ 1.8m ᠣᠷᠴᠢᠮ | ᠤᠷᠲᠤ᠂ 1m ᠢᠯᠡᠭᠦᠦ ᠥᠨᠳᠥᠷ᠃ ᠲᠣᠯᠣᠭᠠᠢ ᠨᠢ ᠲᠣᠮᠣᠪᠲᠤᠷ᠂ ᠬᠤᠰᠢᠭᠤ ᠨᠢ ᠤᠷᠲᠤ᠂ ᠤᠷᠤᠭᠤᠯ ᠨᠢ | ᠵᠤᠵᠠᠭᠠᠨ᠂ ᠬᠠᠮᠠᠷ ᠤᠨ ᠨᠥᠬᠡ ᠨᠢ ᠰᠠᠷᠲᠠᠭᠠᠷ᠂ ᠨᠢᠳᠦ ᠨᠢ ᠪᠦᠳᠦᠭᠦᠨ᠂ ᠴᠢᠬᠢ ᠨᠢ ᠤᠷᠲᠤ ᠪᠥᠭᠡᠳ ᠪᠣᠰᠤᠭᠠ | ᠱᠣᠪᠬᠤ᠃ ᠬᠦᠵᠦᠭᠦᠦ ᠨᠢ ᠬᠠᠵᠠᠭᠤ ᠪᠠᠷ ᠢᠶᠠᠨ ᠬᠠᠪᠴᠢᠭᠠᠷ ᠣᠬᠤᠷ ᠪᠠᠶᠢᠵᠤ᠂ ᠣᠬᠤᠷ ᠪᠣᠰᠤᠭᠠ ᠳᠡᠯ ᠲᠠᠢ᠂ | ᠬᠥᠬᠦᠯ ᠦᠭᠡᠢ᠃ ᠪᠡᠶᠡ ᠨᠢ ᠪᠦᠳᠦᠭᠦᠪᠳᠦᠷ᠂ ᠰᠡᠭᠦᠯ ᠨᠢ ᠤᠷᠲᠤ ᠪᠥᠭᠡᠳ ᠦᠵᠦᠭᠦᠷ ᠲᠡᠭᠡᠨ ᠬᠢᠯᠭᠠᠰᠤ ᠲᠠᠢ᠃ | ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠪᠲᠤᠷ᠂ ᠪᠤᠭᠲᠤᠰ ᠤᠨ ᠳᠣᠲᠤᠷᠠ ᠲᠠᠯᠠ ᠳᠤ ᠪᠠᠨ ᠬᠤᠯᠣᠩᠰᠤ ᠲᠠᠢ᠂ ᠬᠤᠮᠪᠤᠭᠤᠷ | ᠲᠤᠭᠤᠷᠠᠢ ᠲᠠᠢ᠃ ᠡᠮᠡᠭᠴᠢᠨ ᠨᠢ ᠴᠠᠪᠢ ᠳᠠᠭᠠᠨ ᠬᠤᠣᠰ ᠬᠥᠬᠦᠨ ᠲᠣᠪᠴᠢ ᠲᠠᠢ᠃ ᠳᠡᠯ ᠪᠣᠯᠣᠨ ᠵᠣ ᠶᠢᠨ ᠵᠢᠷᠤᠭᠠᠰᠤ | ᠂ ᠰᠡᠭᠦᠯ ᠨᠢ ᠬᠠᠷᠠᠪᠲᠤᠷ ᠬᠥᠷᠡᠩ᠂ ᠪᠡᠶᠡ ᠨᠢ ᠬᠤᠸᠠ ᠬᠦᠷᠡᠪᠲᠦᠷ᠂ ᠭᠡᠳᠡᠰᠦᠨ ᠪᠡᠶᠡ ᠪᠠ ᠬᠥᠯ ᠤᠨ ᠳᠣᠲᠣᠷᠠ | ᠲᠠᠯᠠ ᠨᠢ ᠴᠠᠶᠢᠪᠤᠷ ᠴᠠᠭᠠᠨ ᠥᠩᠭᠡ ᠲᠠᠢ᠃ | ᠭᠤᠪᠢ ᠲᠠᠯᠠ ᠪᠣᠯᠣᠨ ᠥᠨᠳᠦᠷᠯᠢᠭ ᠢᠶᠠᠷ ᠰᠦᠷᠦᠭᠯᠡᠵᠦ᠂ ᠡᠪᠡᠰᠦ ᠨᠣᠭᠤᠭᠠ ᠪᠠᠷ ᠢᠳᠡᠰᠢ ᠪᠣᠯᠭᠠᠳᠠᠭ᠃ 3 | ᠨᠠᠰᠤᠲᠠᠢ ᠳᠠᠭᠠᠨ ᠪᠡᠶᠡ ᠭᠦᠢᠴᠡᠵᠦ᠂ 11 ᠰᠠᠷᠠ ᠬᠡᠭᠡᠯ ᠲᠠᠢ ᠪᠠᠶᠢᠵᠤ᠂ ᠨᠢᠭᠡ ᠤᠳᠠᠭᠠ ᠳᠤ ᠨᠢᠭᠡ ᠳᠤᠳᠠᠷᠠᠢ | ᠤᠨᠠᠭᠠᠯᠠᠳᠠᠭ᠃ | ᠤᠤᠯ ᠳᠤ ᠪᠠᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠡᠯᠡ ᠭᠠᠵᠠᠷ ᠨᠤᠲᠤᠭ ᠲᠤ ᠪᠦᠷ ᠲᠠᠷᠬᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠪᠠ᠃ | ᠡᠳᠦᠭᠡ ᠮᠠᠨᠳᠤᠯ᠂ ᠪᠠᠶᠠᠩᠬᠤᠸᠠ᠂ ᠴᠠᠭᠠᠨᠬᠠᠳᠠ ᠵᠡᠷᠭᠡ ᠰᠤᠮᠤ ᠶᠢᠨ ᠬᠢᠷᠠ ᠪᠠᠷ᠂ ᠮᠣᠩᠭᠤᠯ ᠤᠯᠤᠰ ᠪᠠ ᠮᠠᠨ ᠤ | ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠵᠠᠭᠠᠭ ᠭᠠᠵᠠᠷ ᠢᠶᠠᠷ ᠴᠥᠭᠡᠪᠦᠷᠢ ᠪᠤᠢ᠃ | ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ | ᠶᠠᠩᠭᠢᠷ᠂ ᠲᠤᠷᠤᠭᠤᠲᠠᠨ ᠤ ᠪᠠᠭ᠂ ᠦᠬᠡᠷ ᠤᠨ ᠢᠵᠠᠭᠤᠷ᠂ ᠶᠠᠩᠭᠢᠷ ᠤᠨ ᠲᠥᠷᠥᠯ᠃ ᠪᠡᠶᠡ ᠨᠢ 1. 2m | ᠣᠷᠴᠢᠮ ᠤᠷᠲᠤ᠂ 0.8m ᠥᠨᠳᠥᠷ᠃ ᠲᠣᠯᠣᠭᠠᠢ᠂ ᠬᠤᠰᠢᠭᠤ ᠨᠢ ᠬᠠᠪᠴᠢᠭᠤ ᠪᠥᠭᠡᠳ ᠱᠣᠪᠬᠤ᠂ ᠬᠠᠮᠠᠷ ᠤᠨ | ᠨᠥᠬᠡ ᠨᠢ ᠵᠢᠵᠢᠭ᠂ ᠨᠢᠳᠦ᠂ ᠴᠢᠬᠢ ᠨᠢ ᠵᠢᠵᠢᠭ᠂ ᠴᠢᠬᠢ ᠨᠢ ᠪᠣᠰᠤᠭᠠ ᠱᠣᠪᠬᠤ᠂ ᠡᠷᠡ ᠡᠮᠡ ᠨᠢ ᠴᠥᠮ ᠢᠶᠠᠷ | ᠪᠦᠳᠦᠭᠦᠨ ᠣᠵᠣᠭᠤᠷ ᠪᠦᠬᠦᠢ ᠬᠠᠵᠠᠭᠤᠰᠢ ᠮᠠᠲᠠᠷᠢᠨ ᠭᠠᠷᠴᠤ᠂ ᠬᠤᠶᠢᠰᠢ ᠪᠠᠨ ᠮᠠᠲᠠᠷᠢᠭᠰᠠᠨ ᠬᠥᠨᠳᠡᠢ ᠡᠪᠡᠷ ᠲᠠᠢ᠃ | ᠬᠦᠵᠦᠭᠦᠦ ᠨᠢ ᠨᠠᠷᠢᠨ ᠪᠥᠭᠡᠳ ᠵᠢᠭᠠᠬᠠᠨ ᠬᠠᠪᠴᠢᠭᠠᠷ᠂ ᠪᠡᠶᠡ ᠨᠢ ᠣᠬᠤᠷ᠂ ᠰᠡᠭᠦᠯ ᠨᠢ ᠣᠬᠤᠷ᠃ ᠳᠥᠷᠪᠡᠨ | ᠮᠥᠴᠢ ᠨᠢ ᠣᠬᠤᠷ ᠪᠥᠭᠡᠳ ᠨᠠᠷᠢᠨ᠂ ᠬᠤᠩᠰᠢᠶᠠᠷ ᠨᠢ ᠭᠤᠣᠯ ᠢᠶᠠᠷ ᠢᠶᠠᠨ ᠪᠠᠷᠠᠭᠠᠨ᠂ ᠬᠤᠶᠠᠷ ᠬᠠᠵᠠᠭᠤ ᠨᠢ | ᠴᠠᠶᠢᠪᠤᠷ᠃ ᠪᠥᠬᠦ ᠪᠡᠶᠡ ᠨᠢ ᠬᠦᠷᠡᠩ ᠰᠢᠷᠭᠠᠯ᠂ ᠬᠡᠪᠡᠯᠢ ᠪᠣᠯᠣᠨ ᠬᠥᠯ ᠤᠨ ᠳᠣᠲᠣᠷᠠ ᠲᠠᠯᠠ ᠨᠢ ᠴᠠᠭᠠᠨ᠃ | ᠬᠤᠭᠤᠯᠠᠢ᠂ ᠴᠡᠭᠡᠵᠢ᠂ ᠬᠥᠯ ᠤᠨ ᠭᠠᠳᠠᠷ ᠲᠠᠯᠠ᠂ ᠴᠠᠪᠢ᠂ ᠰᠤᠭᠤ᠂ ᠰᠡᠭᠦᠯ᠂ ᠨᠢᠷᠤᠭᠤ ᠭᠤᠣᠯ ᠢᠶᠠᠷ ᠢᠶᠠᠨ | ᠬᠠᠷᠠᠪᠲᠤᠷ ᠵᠢᠰᠦᠮ ᠲᠠᠢ᠃ | ᠥᠨᠳᠦᠷᠯᠢᠭ ᠭᠠᠵᠠᠷ ᠰᠦᠷᠦᠭᠯᠡᠨ ᠠᠮᠢᠳᠤᠷᠠᠳᠠᠭ᠃ ᠭᠤᠣᠯᠴᠢᠯᠠᠨ ᠡᠪᠡᠰᠦ ᠨᠣᠭᠤᠭᠠ᠂ ᠪᠤᠲᠠᠨ ᠤ ᠨᠠᠪᠴᠢ | ᠨᠠᠬᠢᠶᠠ ᠪᠠᠷ ᠢᠳᠡᠰᠢ ᠪᠣᠯᠭᠠᠳᠠᠭ᠃ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠢᠰᠢᠭᠡᠯᠡᠳᠡᠭ᠃ | ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ | | ᠴᠠᠭᠠᠨ ᠵᠡᠭᠡᠷᠡ᠂ ᠲᠤᠷᠤᠭᠤᠲᠠᠨ ᠤ ᠪᠠᠭ᠂ ᠦᠬᠡᠷ ᠤᠨ ᠢᠵᠠᠭᠤᠷ᠂ ᠵᠡᠭᠡᠷᠡ ᠶᠢᠨ ᠲᠥᠷᠥᠯ᠃ ᠪᠡᠶᠡ ᠨᠢ 1. | 3m ᠣᠷᠴᠢᠮ ᠤᠷᠲᠤ᠂ 0.75m ᠣᠷᠴᠢᠮ ᠥᠨᠳᠥᠷ᠃ ᠲᠣᠯᠣᠭᠠᠢ᠂ ᠬᠤᠰᠢᠭᠤ ᠨᠢ ᠱᠣᠪᠬᠤ᠂ ᠬᠠᠮᠠᠷ ᠲᠤ ᠪᠠᠨ | ᠦᠰᠦ ᠲᠠᠢ᠂ ᠨᠢᠳᠦ ᠨᠢ ᠳᠤᠮᠳᠠ ᠵᠡᠷᠭᠡ᠂ ᠴᠢᠬᠢ ᠨᠢ ᠪᠣᠰᠤᠭᠠ ᠱᠣᠪᠣᠭᠤᠷ᠃ ᠡᠷᠡᠭᠴᠢᠨ ᠨᠢ ᠬᠤᠶᠢᠰᠢ ᠮᠠᠲᠠᠶᠢᠭᠰᠠᠨ | ᠴᠠᠭᠠᠷᠢᠭ ᠭᠤᠷᠪᠢ ᠪᠦᠬᠦᠢ ᠬᠠᠷᠠ ᠥᠩᠭᠡᠲᠡᠢ ᠬᠥᠨᠳᠡᠢ ᠡᠪᠡᠷ ᠲᠠᠢ᠃ ᠬᠦᠵᠦᠭᠦᠦ ᠨᠢ ᠨᠠᠷᠢᠨ ᠤᠷᠲᠤ᠂ ᠪᠡᠶᠡ ᠨᠢ | ᠬᠠᠪᠴᠢᠭᠠᠷ᠂ ᠰᠡᠭᠦᠯ ᠨᠢ ᠣᠬᠤᠷ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠨ ᠤᠷᠲᠤ᠂ ᠪᠥᠬᠦ ᠪᠡᠶᠡ ᠨᠢ ᠰᠢᠷᠭᠠᠯ ᠪᠣᠷᠣ᠂ | ᠬᠤᠰᠢᠭᠤ᠂ ᠬᠦᠵᠦᠭᠦᠦ ᠨᠢ ᠬᠥᠬᠡ ᠪᠣᠷᠣᠪᠲᠣᠷ᠂ ᠴᠡᠭᠡᠵᠢᠨ ᠪᠡᠶᠡ ᠨᠢ ᠴᠠᠶᠢᠪᠤᠷ᠂ ᠪᠥᠭᠰᠡ ᠨᠢ ᠴᠠᠭᠠᠨ ᠵᠢᠰᠦᠮ ᠲᠠᠢ᠃ | | ᠭᠤᠪᠢ᠂ ᠥᠨᠳᠦᠷᠯᠢᠭ ᠲᠠᠯᠠ ᠭᠠᠵᠠᠷ ᠢᠶᠠᠷ ᠬᠡᠳᠦᠨ ᠠᠷᠪᠠ᠂ ᠬᠡᠳᠦᠨ ᠵᠠᠭᠤ ᠪᠠᠷ ᠪᠤᠶᠤ ᠬᠡᠳᠦᠨ ᠮᠢᠩᠭᠠ ᠪᠠᠷ | ᠰᠦᠷᠦᠭᠯᠡᠨ ᠠᠮᠢᠳᠤᠷᠠᠳᠠᠭ ᠪᠠᠶᠢᠪᠠ᠃ ᠪᠤᠲᠠ ᠪᠤᠳᠠᠷᠭᠠᠨᠠ᠂ ᠡᠯᠡ ᠵᠦᠢᠯ ᠤᠨ ᠡᠪᠡᠰᠦ ᠨᠣᠭᠤᠭᠠ ᠪᠠᠷ ᠢᠳᠡᠰᠢ | ᠪᠣᠯᠭᠠᠵᠤ᠂ ᠰᠣᠨᠣᠷ ᠰᠠᠶᠢᠲᠠᠢ᠂ ᠬᠤᠷᠳᠤᠨ ᠭᠦᠶᠦᠳᠡᠭ᠃ ᠡᠪᠦᠯ ᠣᠷᠤᠭᠠ ᠣᠷᠣᠵᠤ᠂ 6 ᠰᠠᠷᠠ ᠶᠢᠨ ᠦᠶᠡᠰ ᠢᠶᠠᠷ | ᠢᠨᠵᠠᠭᠠᠯᠠᠳᠠᠭ᠃ ᠢᠬᠢᠷᠡᠯᠡᠬᠦ ᠤᠳᠠᠭᠠ ᠪᠤᠢ᠃ | ᠡᠳᠦᠭᠡ ᠮᠠᠨᠳᠤᠯ᠂ ᠪᠠᠶᠠᠩᠬᠤᠸᠠ᠂ ᠴᠠᠭᠠᠨᠬᠠᠳᠠ ᠵᠡᠷᠭᠡ ᠰᠤᠮᠤ ᠶᠢᠨ ᠬᠢᠷᠠ ᠪᠠᠷ᠂ ᠮᠣᠩᠭᠤᠯ ᠤᠯᠤᠰ ᠪᠠ ᠮᠠᠨ ᠤ | ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠵᠠᠭᠠᠭ ᠭᠠᠵᠠᠷ ᠢᠶᠠᠷ ᠴᠥᠭᠡᠪᠦᠷᠢ ᠠᠮᠢᠳᠤᠷᠠᠵᠤ ᠪᠤᠢ᠃ | ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ | ᠰᠡᠭᠦᠯᠲᠦ ᠶᠢᠨ ᠵᠡᠭᠡᠷᠡ᠂ ᠲᠤᠷᠤᠭᠤᠲᠠᠨ ᠤ ᠪᠠᠭ᠂ ᠦᠬᠡᠷ ᠤᠨ ᠢᠵᠠᠭᠤᠷ᠂ ᠵᠡᠭᠡᠷᠡ ᠶᠢᠨ ᠲᠥᠷᠥᠯ᠃ ᠪᠡᠶᠡ | ᠨᠢ 1.3m ᠣᠷᠴᠢᠮ ᠤᠷᠲᠤ᠂ 0.6m ᠣᠷᠴᠢᠮ ᠥᠨᠳᠥᠷ᠃ ᠲᠣᠯᠣᠭᠠᠢ᠂ ᠬᠤᠰᠢᠭᠤ ᠨᠢ ᠪᠦᠳᠦᠭᠦᠪᠲᠦᠷ᠂ | ᠬᠠᠮᠠᠷ ᠤᠨ ᠨᠥᠬᠡ ᠨᠢ ᠶᠡᠬᠡᠪᠲᠦᠷ ᠪᠥᠭᠡᠳ ᠬᠠᠮᠠᠷ ᠲᠤ ᠪᠠᠨ ᠦᠰᠦ ᠲᠠᠢ᠂ ᠨᠢᠳᠦ ᠨᠢ ᠳᠤᠮᠳᠠ ᠵᠡᠷᠭᠡ᠂ ᠴᠢᠬᠢ ᠨᠢ | ᠤᠷᠲᠤᠪᠲᠤᠷ ᠪᠥᠭᠡᠳ ᠪᠣᠰᠤᠭᠠ ᠱᠣᠪᠬᠤ᠃ ᠡᠷᠡᠭᠴᠢᠨ ᠨᠢ ᠬᠤᠶᠢᠰᠢ ᠮᠠᠲᠠᠶᠢᠭᠰᠠᠨ ᠦᠵᠦᠭᠦᠷ ᠨᠢ ᠲᠣᠳᠣᠭᠰᠢ | ᠬᠠᠨᠳᠤᠭᠰᠠᠨ ᠴᠠᠭᠠᠷᠢᠭ ᠭᠤᠷᠪᠢ ᠪᠦᠬᠦᠢ ᠬᠠᠷᠠ ᠥᠩᠭᠡᠲᠡᠢ ᠬᠥᠨᠳᠡᠢ ᠡᠪᠡᠷ ᠲᠠᠢ᠃ ᠬᠦᠵᠦᠭᠦᠦ ᠨᠢ ᠨᠠᠷᠢᠪᠲᠤᠷ᠂ | ᠡᠷᠡᠭᠴᠢᠨ ᠤ ᠬᠤᠭᠤᠯᠠᠢ ᠨᠢ ᠲᠥᠪᠥᠭᠡᠷ᠃ ᠪᠡᠶᠡ ᠨᠢ ᠤᠷᠲᠤᠪᠲᠤᠷ᠂ ᠰᠡᠭᠦᠯ ᠨᠢ ᠴᠠᠭᠠᠨ ᠵᠡᠭᠡᠷᠡ ᠠᠴᠠ ᠤᠷᠲᠤ | ᠪᠥᠭᠡᠳ ᠬᠠᠷᠠ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠨ ᠤᠷᠲᠤ᠂ ᠪᠥᠬᠦ ᠪᠡᠶᠡ ᠨᠢ ᠰᠢᠷᠭᠠᠯ ᠪᠣᠷᠣ᠂ ᠬᠤᠩᠰᠢᠶᠠᠷ ᠤᠨ | ᠬᠤᠶᠠᠷ ᠬᠠᠵᠠᠭᠤ ᠨᠢ ᠴᠠᠶᠢᠪᠤᠷ᠂ ᠴᠡᠭᠡᠵᠢᠨ ᠪᠡᠶᠡ ᠨᠢ ᠴᠠᠶᠢᠪᠤᠷ᠂ ᠪᠥᠭᠰᠡ ᠨᠢ ᠴᠠᠭᠠᠨ ᠵᠢᠰᠦᠮ ᠲᠠᠢ᠃ | ᠡᠯᠡᠰᠦᠷᠬᠡᠭ ᠭᠤᠪᠢ ᠭᠠᠵᠠᠷ ᠢᠶᠠᠷ ᠬᠠᠮᠬᠤᠤᠯ᠂ ᠬᠠᠷᠪᠤᠭᠤᠯ᠂ ᠲᠠᠭᠠᠨᠠ ᠵᠡᠷᠭᠡ ᠡᠪᠡᠰᠦ ᠨᠣᠭᠤᠭᠠ ᠪᠠᠷ | ᠢᠳᠡᠰᠢ ᠪᠣᠯᠭᠠᠵᠤ ᠠᠮᠢᠳᠤᠷᠠᠳᠠᠭ᠃ ᠰᠦᠷᠦᠭ ᠴᠥᠭᠡᠨ ᠲᠠᠢ᠂ ᠤᠯᠠᠷᠢᠯ ᠳᠠᠭᠠᠵᠤ ᠰᠢᠯᠵᠢᠨ ᠶᠠᠪᠤᠳᠠᠭ᠃ ᠡᠪᠦᠯ | ᠣᠷᠤᠭᠠ ᠣᠷᠣᠵᠤ᠂ 5 - 6 ᠰᠠᠷᠠ ᠶᠢᠨ ᠦᠶᠡᠰ ᠢᠶᠠᠷ ᠢᠨᠵᠠᠭᠠᠯᠠᠳᠠᠭ᠃ | ᠡᠳᠦᠭᠡ ᠮᠣᠩᠭᠤᠯ ᠤᠯᠤᠰ ᠪᠠ ᠮᠠᠨ ᠤ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠵᠠᠭᠠᠭ ᠭᠠᠵᠠᠷ ᠢᠶᠠᠷ ᠴᠥᠭᠡᠪᠦᠷᠢ | ᠠᠮᠢᠳᠤᠷᠠᠵᠤ ᠪᠤᠢ᠃ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ | ᠪᠣᠯᠣᠨᠠ᠃ | ᠠᠷᠭᠠᠯᠢ᠂ ᠲᠤᠷᠤᠭᠤᠲᠠᠨ ᠤ ᠪᠠᠭ᠂ ᠦᠬᠡᠷ ᠤᠨ ᠢᠵᠠᠭᠤᠷ᠂ ᠬᠤᠨᠢᠨ ᠤ ᠲᠥᠷᠥᠯ᠃ ᠪᠡᠶᠡ ᠨᠢ 1.9m | ᠣᠷᠴᠢᠮ ᠤᠷᠲᠤ᠂ 1.2m ᠣᠷᠴᠢᠮ ᠥᠨᠳᠥᠷ᠃ ᠲᠣᠯᠣᠭᠠᠢ ᠨᠢ ᠲᠣᠮᠣᠪᠲᠤᠷ᠂ ᠬᠤᠰᠢᠭᠤ ᠨᠢ ᠮᠣᠩᠬᠤᠷ᠂ | ᠬᠠᠮᠠᠷ ᠨᠢ ᠰᠠᠷᠲᠠᠭᠠᠷ᠂ ᠨᠢᠳᠦ ᠨᠢ ᠳᠤᠮᠳᠠ ᠵᠡᠷᠭᠡ᠂ ᠴᠢᠬᠢ ᠨᠢ ᠵᠢᠵᠢᠭ ᠪᠥᠭᠡᠳ ᠪᠣᠰᠤᠭᠠ ᠱᠣᠪᠬᠤ᠃ ᠡᠷᠡ | ᠡᠮᠡ ᠨᠢ ᠪᠦᠷ ᠬᠥᠨᠳᠡᠢ ᠡᠪᠡᠷ ᠲᠠᠢ᠃ ᠡᠷᠡᠭᠴᠢᠨ ᠤ ᠡᠪᠡᠷ ᠨᠢ ᠬᠤᠶᠢᠰᠢ ᠪᠠᠨ ᠮᠠᠲᠠᠷᠠᠵᠤ ᠬᠠᠭᠠᠰ ᠲᠣᠭᠤᠷᠢᠭ | ᠪᠣᠯᠳᠠᠭ ᠪᠥᠭᠡᠳ ᠪᠦᠳᠦᠭᠦᠨ ᠭᠤᠷᠪᠢ ᠲᠠᠢ᠃ ᠬᠦᠵᠦᠭᠦᠦ ᠨᠢ ᠣᠬᠤᠷ᠂ ᠪᠡᠶᠡ ᠨᠢ ᠪᠦᠳᠦᠭᠦᠨ᠂ ᠰᠡᠭᠦᠯ ᠨᠢ ᠣᠬᠤᠷ | ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠪᠲᠤᠷ ᠤᠷᠲᠤ᠂ ᠪᠡᠶᠡ ᠨᠢ ᠰᠠᠭᠠᠷᠠᠯ ᠪᠣᠷᠣ᠂ ᠪᠥᠭᠰᠡ ᠨᠢ ᠴᠠᠶᠢᠪᠤᠷ᠂ ᠬᠡᠪᠡᠯᠢ᠂ | ᠴᠠᠪᠢ ᠨᠢ ᠴᠠᠭᠠᠨ ᠵᠢᠰᠦᠮ ᠲᠠᠢ᠃ ᠠᠭᠤᠯᠠ ᠬᠢᠷᠠ ᠶᠢᠨ ᠬᠠᠪᠴᠠᠭᠠᠢ ᠪᠠᠷ ᠠᠷᠪᠠ ᠬᠤᠷᠢᠭᠤᠯᠠ ᠰᠦᠷᠦᠭᠯᠡᠨ ᠡᠪᠡᠰᠦ | ᠨᠣᠭᠤᠭᠠ ᠪᠠᠷ ᠢᠳᠡᠰᠢ ᠪᠣᠯᠭᠠᠵᠤ ᠠᠮᠢᠳᠤᠷᠠᠳᠠᠭ᠃ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠨᠢ 5 ᠰᠠᠷᠠ᠃ ᠬᠠᠪᠤᠷ ᠤᠨ ᠳᠥᠷᠪᠡᠨ | ᠰᠠᠷᠠ ᠳᠤ ᠬᠤᠷᠠᠭᠠᠯᠠᠳᠠᠭ᠃ | ᠤᠤᠯ ᠳᠤ ᠪᠠᠨ ᠮᠠᠨ ᠤ ᠬᠤᠰᠢᠭᠤᠨ ᠤ ᠠᠭᠤᠯᠠ ᠬᠢᠷᠠ ᠲᠠᠢ ᠭᠠᠵᠠᠷ ᠪᠦᠷ ᠠᠮᠢᠳᠤᠷᠠᠵᠤ ᠪᠠᠶᠢᠪᠠ᠃ | ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ | ᠮᠠᠯᠤᠷ᠂ ᠮᠢᠬᠠᠴᠢᠨ ᠤ ᠪᠠᠭ᠂ ᠮᠤᠤᠷ ᠤᠨ ᠢᠵᠠᠭᠤᠷ᠂ ᠲᠥᠷᠥᠯ᠃ ᠪᠡᠶᠡ ᠨᠢ 0.59m ᠣᠷᠴᠢᠮ ᠤᠷᠲᠤ᠂ | 0.23m ᠣᠷᠴᠢᠮ ᠥᠨᠳᠥᠷ᠂ ᠰᠡᠭᠦᠯ ᠨᠢ 0.23m ᠣᠷᠴᠢᠮ ᠤᠷᠲᠤ᠃ ᠲᠣᠯᠣᠭᠠᠢ ᠨᠢ ᠲᠥᠭᠦᠷᠢᠭ᠂ | ᠬᠤᠰᠢᠭᠤ ᠨᠢ ᠣᠬᠤᠷ᠂ ᠬᠠᠮᠠᠷ ᠤᠨ ᠦᠵᠦᠭᠦᠷ ᠨᠢ ᠨᠢᠴᠦᠭᠦᠨ᠂ ᠠᠮᠠ ᠨᠢ ᠶᠡᠭᠡ᠂ ᠰᠠᠬᠠᠯ ᠨᠢ ᠤᠷᠲᠤ᠃ ᠨᠢᠳᠦ ᠨᠢ | ᠲᠥᠭᠦᠷᠢᠭ ᠲᠣᠮᠣᠪᠲᠤᠷ᠂ ᠴᠢᠬᠢ ᠨᠢ ᠵᠠᠶᠢᠲᠠᠢ ᠪᠥᠭᠡᠳ ᠮᠣᠬᠤᠭᠤ ᠥᠷᠭᠡᠨ᠃ ᠪᠡᠶᠡ ᠨᠢ ᠪᠦᠳᠦᠭᠦᠪᠲᠦᠷ ᠪᠥᠭᠲᠥᠷ᠂ | ᠰᠡᠭᠦᠯ ᠨᠢ ᠮᠣᠨᠴᠣᠭᠤᠷ ᠮᠣᠬᠤᠭᠤ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠪᠲᠤᠷ ᠤᠷᠲᠤ᠂ ᠬᠤᠷᠤᠭᠤᠨ ᠦᠵᠦᠭᠦᠷ ᠲᠡᠭᠡᠨ | ᠠᠭᠰᠢᠵᠤ ᠰᠤᠨᠳᠠᠭ ᠬᠤᠷᠴᠠ ᠮᠠᠬᠢᠷ ᠬᠢᠮᠤᠰᠤ ᠲᠠᠢ᠃ ᠪᠡᠶᠡ ᠨᠢ ᠬᠤᠸᠠ ᠰᠢᠷᠭᠠᠯ ᠳᠡᠭᠡᠷᠡ ᠬᠠᠷᠠ ᠠᠯᠠᠭ | ᠰᠣᠷ ᠤᠳ ᠲᠠᠢ᠃ ᠬᠤᠰᠢᠭᠤ ᠶᠢᠨ ᠬᠢᠨᠢ ᠲᠣᠭᠤᠷᠢᠨ ᠳᠤ ᠪᠠ ᠡᠭᠡᠮ ᠨᠢ ᠴᠠᠶᠢᠪᠤᠷ᠃ ᠬᠠᠴᠠᠷ ᠲᠠᠭᠠᠨ ᠬᠤᠶᠠᠷ ᠬᠠᠷᠠ | ᠵᠤᠷᠪᠤᠰ ᠲᠠᠢ᠂ ᠨᠢᠷᠤᠭᠤᠨ ᠳᠤ ᠪᠠᠨ 6 -7 ᠬᠥᠨᠳᠡᠯᠡᠨ ᠲᠣᠳᠣ ᠪᠣᠰᠤ ᠬᠠᠷᠠᠪᠲᠤᠷ ᠵᠣᠷᠪᠣᠰ ᠲᠠᠢ᠂ ᠰᠡᠭᠦᠯ ᠳᠤ ᠪᠠᠨ | 7- 8 ᠪᠠᠷᠠᠭᠠᠨ ᠴᠠᠭᠠᠷᠢᠭ ᠲᠣᠯᠪᠤ ᠲᠠᠢ ᠪᠠᠶᠢᠳᠠᠭ᠃ | ᠭᠤᠪᠢ ᠲᠠᠯᠠ᠂ ᠮᠠᠩᠬᠠ ᠲᠣᠪᠤ᠂ ᠠᠭᠤᠯᠠ ᠰᠢᠭᠤᠢ ᠪᠠᠷ ᠪᠤᠰᠤᠳ ᠠᠮᠢᠲᠠᠨ ᠤ ᠨᠥᠬᠡ᠂ ᠴᠢᠯᠠᠭᠤᠨ ᠤ | ᠵᠠᠪᠰᠠᠷ᠂ ᠭᠤᠤ ᠭᠠᠩᠭᠠ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠨᠢᠭᠤᠭᠳᠠᠨ ᠠᠮᠢᠳᠤᠷᠠᠳᠠᠭ᠃ ᠰᠥᠨᠢ ᠭᠠᠷᠴᠤ ᠲᠠᠷᠪᠠᠭᠠ᠂ | ᠠᠯᠠᠭᠳᠠᠭᠠ᠂ ᠣᠭᠤᠲᠣᠨᠠ ᠮᠡᠲᠦ ᠮᠡᠷᠡᠭᠴᠢᠳ ᠪᠣᠯᠣᠨ ᠵᠢᠵᠢᠭ ᠰᠢᠪᠠᠭᠤ ᠪᠠᠷ ᠬᠤᠭᠤᠯᠠᠯᠠᠳᠠᠭ᠃ 2 ᠰᠠᠷᠠ ᠳᠤ | ᠣᠷᠤᠭᠠ ᠣᠷᠣᠵᠤ᠂ 4 - 5 ᠰᠠᠷᠠ ᠳᠤ 3 - 4 ᠨᠤᠭᠤᠤᠯ ᠵᠤᠯᠵᠠᠭᠠᠯᠠᠳᠠᠭ᠃ | ᠥᠪᠥᠷ ᠮᠣᠩᠭᠤᠯ ᠣᠷᠣᠨ ᠳᠤ ᠨᠡᠶᠢᠳᠡᠮ ᠣᠷᠣᠰᠢᠬᠤ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ ᠰᠢᠯᠦᠭᠦᠰᠦ᠂ ᠮᠢᠬᠠᠴᠢᠨ ᠤ ᠪᠠᠭ᠂ | ᠮᠤᠤᠷ ᠤᠨ ᠢᠵᠠᠭᠤᠷ᠂ ᠲᠥᠷᠥᠯ᠃ ᠪᠡᠶᠡ ᠨᠢ 1m ᠣᠷᠴᠢᠮ ᠤᠷᠲᠤ᠂ 0.6m ᠣᠷᠴᠢᠮ ᠥᠨᠳᠥᠷ᠂ ᠰᠡᠭᠦᠯ ᠨᠢ | 0.22m ᠣᠷᠴᠢᠮ ᠤᠷᠲᠤ᠃ ᠲᠣᠯᠣᠭᠠᠢ ᠨᠢ ᠲᠥᠭᠦᠷᠢᠭ᠂ ᠬᠤᠰᠢᠭᠤ ᠨᠢ ᠣᠬᠤᠷ᠂ ᠬᠠᠮᠠᠷ ᠤᠨ ᠦᠵᠦᠭᠦᠷ ᠨᠢ | ᠨᠢᠴᠦᠭᠦᠨ᠂ ᠠᠮᠠ ᠨᠢ ᠶᠡᠭᠡ᠂ ᠰᠠᠬᠠᠯ ᠨᠢ ᠤᠷᠲᠤ᠃ ᠨᠢᠳᠦ ᠨᠢ ᠭᠤᠷᠪᠠᠯᠵᠢᠨ ᠲᠣᠮᠣᠪᠲᠤᠷ᠂ ᠴᠢᠬᠢᠨ ᠤ ᠤᠭ ᠨᠢ | ᠥᠷᠭᠡᠨ᠂ ᠳᠡᠭᠡᠭᠰᠢ ᠭᠤᠷᠪᠠᠯᠵᠢᠨ ᠪᠣᠯᠳᠠᠭ᠂ ᠴᠢᠬᠢᠨ ᠤ ᠦᠵᠦᠭᠦᠷ ᠲᠤ ᠪᠠᠨ ᠪᠠᠭᠴᠠ ᠬᠠᠷᠠ ᠦᠰᠦ ᠲᠠᠢ᠂ | ᠰᠠᠨᠴᠢᠭ ᠨᠢ ᠤᠷᠲᠤ᠃ ᠬᠦᠵᠦᠭᠦᠦ ᠨᠢ ᠣᠬᠤᠷ᠂ ᠪᠡᠶᠡ ᠨᠢ ᠬᠠᠪᠴᠢᠭᠠᠷ᠂ ᠰᠡᠭᠦᠯ ᠨᠢ ᠮᠣᠨᠴᠣᠭᠤᠷ ᠮᠣᠬᠤᠭᠤ᠃ | ᠳᠥᠷᠪᠡᠨ ᠮᠥᠴᠢ ᠨᠢ ᠪᠦᠳᠦᠭᠦᠪᠲᠦᠷ ᠤᠷᠲᠤ᠂ ᠠᠭᠰᠢᠵᠤ ᠰᠤᠨᠳᠠᠭ ᠬᠤᠷᠴᠠ ᠮᠠᠬᠢᠷ ᠬᠢᠮᠤᠰᠤ ᠲᠠᠢ᠃ | ᠪᠡᠶᠡ ᠤᠨ ᠠᠷᠤ ᠬᠡᠰᠡᠭ ᠨᠢ ᠤᠯᠠᠭᠠᠨ ᠰᠢᠷᠠ ᠥᠩᠭᠡ ᠲᠠᠢ ᠪᠠᠶᠢᠵᠤ ᠬᠠᠷᠠ ᠠᠯᠠᠭ ᠰᠣᠷ ᠤᠳ ᠲᠠᠢ ᠠᠴᠠ ᠪᠠᠨ | ᠪᠤᠭᠤᠷᠤᠯ ᠪᠣᠯᠳᠠᠭ ᠪᠠ ᠪᠠᠰᠠ ᠤᠯᠠᠪᠤᠷ ᠬᠦᠷᠡᠩ ᠲᠦᠢᠯᠪᠤᠷᠢ ᠨᠤᠭᠤᠳ ᠲᠠᠢ ᠪᠠᠶᠢᠳᠠᠭ᠃ ᠬᠤᠰᠢᠭᠤ ᠪᠠ ᠡᠭᠡᠮ ᠨᠢ | ᠴᠠᠭᠠᠨ᠂ ᠰᠡᠭᠦᠯ ᠤᠨ ᠦᠵᠦᠭᠦᠷ ᠨᠢ ᠬᠠᠷᠠ᠂ ᠬᠠᠴᠠᠷ ᠲᠤ ᠪᠠᠨ ᠬᠡᠳᠦᠨ ᠬᠠᠷᠠᠪᠲᠤᠷ ᠵᠤᠷᠪᠤᠰ ᠲᠠᠢ᠃ ᠭᠤᠪᠢ ᠲᠠᠯᠠ | ᠂ ᠮᠠᠩᠬᠠ ᠲᠣᠪᠤ᠂ ᠠᠭᠤᠯᠠ ᠰᠢᠭᠤᠢ ᠪᠠᠷ ᠪᠠᠶᠢᠷᠢᠯᠠᠨ ᠰᠥᠨᠢ ᠭᠠᠷᠴᠤ ᠲᠠᠤᠯᠠᠢ᠂ ᠣᠭᠤᠲᠣᠨᠠ᠂ ᠢᠲᠠᠭᠤ ᠵᠡᠷᠭᠡ | ᠠᠮᠢᠲᠠᠳ ᠢ ᠪᠠᠷᠢᠵᠤ ᠬᠤᠭᠤᠯᠠᠯᠠᠳᠠᠭ᠃ ᠢᠲᠡᠰᠢ ᠪᠠᠨ ᠭᠡᠲᠡᠵᠦ ᠪᠠᠷᠢᠳᠠᠭ᠃ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ 2 ᠰᠠᠷᠠ | ᠢᠯᠡᠭᠦᠦ᠂ 4 - 5 ᠰᠠᠷᠠ ᠳᠤ 3 - 4 ᠨᠤᠭᠤᠤᠯ ᠵᠤᠯᠵᠠᠭᠠᠯᠠᠳᠠᠭ᠃ | ᠥᠪᠥᠷ ᠮᠣᠩᠭᠤᠯ ᠣᠷᠣᠨ ᠳᠤ ᠨᠡᠶᠢᠳᠡᠮ ᠣᠷᠣᠰᠢᠬᠤ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ ᠴᠢᠨ᠋ᠸᠠ᠂ ᠮᠢᠬᠠᠴᠢᠨ ᠤ ᠪᠠᠭ᠂ ᠨᠣᠬᠠᠢ ᠶᠢᠨ | ᠢᠵᠠᠭᠤᠷ᠂ ᠲᠥᠷᠥᠯ᠃ ᠪᠡᠶᠡ ᠨᠢ 1.5m ᠣᠷᠴᠢᠮ ᠤᠷᠲᠤ᠂ 0.7m ᠣᠷᠴᠢᠮ ᠥᠨᠳᠥᠷ᠃ ᠲᠣᠯᠣᠭᠠᠢ ᠨᠢ | ᠨᠣᠬᠠᠶᠢᠯᠢᠭ᠂ ᠬᠤᠰᠢᠭᠤ ᠨᠢ ᠤᠷᠲᠤ᠂ ᠬᠠᠮᠠᠷ ᠨᠢ ᠨᠢᠴᠦᠭᠦᠨ᠂ ᠠᠮᠠ ᠨᠢ ᠶᠡᠭᠡ᠂ 42 ᠰᠢᠳᠦ ᠲᠠᠢ ᠰᠣᠶᠤᠭᠠ ᠨᠢ | ᠤᠷᠲᠤ᠂ ᠠᠷᠠᠭᠠ ᠨᠢ ᠦᠵᠦᠭᠦᠷ ᠲᠠᠢ ᠪᠠᠶᠢᠳᠠᠭ᠃ ᠨᠢᠳᠦ ᠨᠢ ᠵᠢᠵᠢᠭ ᠭᠤᠷᠪᠠᠯᠵᠢᠨ᠂ ᠴᠢᠬᠢ ᠨᠢ ᠪᠣᠰᠤᠭᠠ ᠱᠣᠪᠬᠤ᠃ | ᠬᠦᠵᠦᠭᠦᠦ ᠨᠢ ᠪᠦᠳᠦᠭᠦᠨ᠂ ᠪᠡᠶᠡ ᠨᠢ ᠨᠠᠷᠢᠨ᠂ ᠰᠡᠭᠦᠯ ᠨᠢ ᠤᠷᠲᠤᠪᠲᠤᠷ ᠪᠥᠭᠡᠳ ᠰᠠᠭᠰᠠᠭᠠᠷ᠃ ᠳᠥᠷᠪᠡᠨ | ᠮᠥᠴᠢ ᠨᠢ ᠨᠠᠷᠢᠪᠲᠤᠷ ᠪᠣᠯᠪᠠᠴᠤ ᠬᠦᠴᠦᠷᠬᠡᠭ᠂ ᠡᠮᠦᠨᠡ ᠬᠥᠯ ᠳᠤ ᠪᠠᠨ 5᠂ ᠬᠤᠶᠢᠲᠤ ᠬᠥᠯ ᠳᠤ ᠪᠠᠨ 4 ᠣᠬᠤᠷ | ᠬᠤᠷᠤᠭᠤ ᠲᠠᠢ᠂ ᠮᠣᠬᠤᠭᠤ ᠬᠢᠮᠤᠰᠤ ᠲᠠᠢ᠃ ᠪᠡᠶᠡ ᠨᠢ ᠰᠢᠷᠠᠪᠲᠤᠷ ᠬᠤᠸᠠ ᠳᠡᠭᠡᠷᠡ ᠬᠠᠷᠠ ᠰᠣᠷ ᠲᠠᠢ᠃ ᠬᠤᠰᠢᠭᠤ | ᠪᠣᠯᠣᠨ ᠬᠥᠯ ᠨᠢ ᠬᠤᠸᠠ ᠴᠠᠶᠢᠪᠤᠷ ᠵᠢᠰᠦᠮ ᠲᠠᠢ᠃ ᠪᠠᠷᠲᠠᠭᠠ ᠲᠠᠢ ᠭᠠᠵᠠᠷ ᠢᠶᠠᠷ ᠪᠠᠶᠢᠷᠢᠰᠢᠵᠤ᠂ ᠭᠤᠣᠯᠳᠠᠭᠤ ᠰᠥᠨᠢ | ᠭᠠᠷᠴᠤ ᠮᠠᠯ ᠲᠠᠲᠠᠬᠤ ᠪᠤᠶᠤ ᠭᠥᠷᠥᠭᠡᠰᠦ ᠪᠠᠷᠢᠵᠤ ᠬᠤᠭᠤᠯᠠᠯᠠᠳᠠᠭ᠃ ᠲᠤᠩ ᠦᠨᠦᠷᠴᠢ᠂ ᠰᠣᠨᠣᠷᠴᠢ᠂ ᠥᠯᠥᠰᠬᠦ | ᠴᠠᠳᠬᠤ ᠶᠢ ᠰᠠᠶᠢᠨ ᠳᠡᠰᠪᠦᠷᠢᠯᠡᠳᠡᠭ᠃ | ᠡᠪᠦᠯ ᠣᠷᠤᠭᠠ ᠨᠢ ᠤᠷᠤᠵᠤ᠂ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠬᠤᠶᠠᠷ ᠰᠠᠷᠠ᠃ 3 - 4 ᠰᠠᠷᠠ ᠳᠤ ᠨᠦᠬᠡᠨ | ᠵᠤᠯᠵᠠᠭᠠᠯᠠᠳᠠᠭ᠃ ᠨᠢᠭᠡ ᠤᠳᠠᠭᠠ ᠳᠤ 6 - 7 ᠪᠡᠯᠲᠡᠷᠭᠡ ᠭᠠᠷᠳᠠᠭ᠃ 2 - 3 ᠵᠢᠯ ᠳᠤ ᠪᠡᠶᠡ ᠭᠦᠢᠴᠡᠵᠦ᠂ 12 | - 15 ᠨᠠᠰᠤᠯᠠᠳᠠᠭ᠃ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠲᠤ ᠬᠤᠰᠢᠭᠤᠨ ᠳᠤ ᠭᠤᠣᠯᠳᠠᠭᠤ ᠬᠢᠷᠠ ᠨᠤᠲᠤᠭ ᠢᠶᠠᠷ | ᠣᠷᠣᠩᠨᠠᠳᠠᠭ ᠪᠠ ᠭᠦᠶᠦᠳᠡᠯ ᠳᠠᠭᠠᠵᠤ ᠬᠠᠮᠢᠭᠠ ᠴᠤ ᠬᠦᠷᠳᠡᠭ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠤᠪᠣᠷ ᠴᠤᠬᠠᠭ ᠠᠮᠢᠲᠠᠨ ᠪᠣᠯᠣᠨᠠ᠃ |