| ᠴᠠᠭᠠᠭᠴᠢᠨ ᠮᠣᠭᠠᠢ ᠵᠢᠯ ᠤᠨ ᠰᠢᠷᠠᠭᠴᠢᠨ ᠭᠠᠭ᠋ᠠᠢ ᠰᠠᠷᠠ ᠶᠢᠨ ᠬᠠᠷᠠᠭᠴᠢᠨ ᠲᠠᠬᠢᠶᠠ ᠡᠳᠦᠷ ᠤᠨ ᠬᠠᠷᠠᠭᠴᠢᠨ | ᠦᠬᠡᠷ ᠴᠠᠭ ᠲᠤ᠂ ᠱᠤᠭᠠᠷᠠ ᠭᠠᠷᠠᠭ ᠤᠨ᠂ ᠠᠰᠤᠸᠠᠨᠢ ᠣᠷᠣᠨ ᠳᠤᠷ᠂ ᠣᠣᠯ ᠤᠨ ᠤᠷᠠᠳ ᠤᠨ ᠲᠤᠮᠳᠠᠳᠤ ᠭᠦᠩ | ᠬᠤᠰᠢᠭᠤᠨ ᠤ ᠭᠤᠣᠯ ᠰᠤᠮᠤᠨ ᠤ ︵ᠣᠳᠣ ᠶᠢᠨ ᠪᠤᠭᠤᠳᠤ ᠬᠤᠲᠠ ᠶᠢᠨ ᠲᠡᠭᠦᠷᠭᠡ ᠶᠢᠨ ᠪᠤᠷᠬᠠᠩᠲᠦ ᠭᠠᠴᠠᠭᠠ︶ | ᠠᠯᠪᠠᠲᠤ ᠪᠣᠭᠤᠯ ᠬᠡᠰᠢᠩᠪᠠᠲᠤ ᠶᠢᠨ ᠭᠡᠷ ᠲᠤ ᠵᠠᠶᠠᠭᠠᠭᠳᠠᠵᠤ᠂ ᠠᠩᠬᠠᠨ ᠤ ᠨᠢᠯᠬᠠ ᠲᠠᠭᠤᠨ ᠢᠶᠠᠨ ᠠᠴᠢᠲᠤ ᠡᠵᠢ | ᠮᠡᠩᠳᠡᠢ ᠳᠤ ᠰᠣᠨᠣᠰᠬᠠᠵᠠᠢ᠃ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠢᠶᠠᠨ ᠳᠠᠯᠠᠨ ᠭᠤᠷᠪᠠ ᠲᠠᠢ ᠵᠢᠯ ᠳᠤ ᠲᠦᠷᠦᠭᠰᠡᠨ ᠪᠣᠯᠬᠤᠷ | ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠪᠡᠯᠭᠡᠳᠡᠵᠦ ᠳᠠᠯᠠᠩᠭᠤᠷᠪᠠ ᠭᠡᠰᠡᠨ ᠨᠡᠷᠡ ᠬᠠᠶᠢᠷᠠᠯᠠᠵᠠᠢ᠃ ᠲᠦᠪᠡᠳ | ᠵᠢᠷᠤᠬᠠᠢ ᠳᠤ ᠦᠵᠡᠪᠡᠯ᠂ ᠲᠠᠪᠤᠨ ᠰᠠᠷᠠ ᠮᠡᠩᠭᠡ ᠲᠠᠢ᠂ ᠯᠠ ᠳᠤ ᠰᠢᠭᠦᠳᠭᠡᠭᠰᠡᠨ ᠲᠡᠮᠦᠷ ᠤᠨ ᠮᠠᠬᠠᠪᠤᠳ ᠲᠠᠢ᠃ | ᠮᠠᠭ ᠰᠠᠭ ᠠᠯᠬᠤᠬᠤ ᠠᠴᠠ ᠪᠠᠨ ᠮᠠᠩᠨᠠᠢ ᠳᠠᠭᠠᠨ ᠠᠳᠤᠷᠢᠶᠠ ᠰᠠᠭᠤᠲᠠᠯᠠ᠂ ᠰᠦᠰᠦ ᠴᠠᠯᠬᠢᠯᠠᠭᠰᠠᠨ ᠬᠦᠯ | ᠦᠭᠡᠢ ᠭᠦᠨ ᠳᠠᠯᠠᠢ ᠳᠤ ᠬᠤᠪᠢ ᠵᠠᠶᠠᠭᠠᠨ ᠤ ᠦᠨᠦᠴᠢᠨ ᠵᠠᠪᠢ ᠪᠠᠨ ᠰᠡᠯᠢᠵᠦ᠂ ᠳᠠᠪᠠᠯᠭᠠᠨ ᠳᠣᠯᠭᠢᠶᠠᠨ ᠢ | ᠰᠢᠪᠳᠤᠯᠤᠨ ᠡᠷᠢᠯ ᠬᠦᠰᠡᠯᠡᠩ ᠤᠨ ᠲᠡᠷᠲᠡᠭᠡ ᠬᠦᠪᠡᠭᠡ ᠵᠦᠭ ᠠᠶᠠᠯᠠᠵᠤ ᠪᠢᠯᠡ᠃ ᠡᠩᠬᠦᠷᠡᠢ ᠪᠠᠭᠠ ᠨᠠᠰᠤᠨ ᠳᠠᠭᠠᠨ | ᠡᠵᠢ ᠠᠪᠤ ᠠᠴᠠ ᠪᠠᠨ ᠦᠨᠦᠴᠢᠷᠡᠬᠦ᠂ ᠡᠷᠡ ᠳᠤᠮᠳᠠ ᠨᠠᠰᠤᠨ ᠳᠠᠭᠠᠨ ᠡᠬᠡᠨᠡᠷ ᠠᠴᠠ ᠪᠠᠨ ᠰᠠᠯᠬᠤ᠂ ᠦᠳᠡᠯᠦᠭᠡ | ᠨᠠᠰᠤᠨ ᠳᠠᠭᠠᠨ ᠦᠷᠡ ᠬᠡᠤᠬᠡᠳ ᠠᠴᠠ ᠪᠠᠨ ᠬᠠᠭᠠᠴᠠᠬᠤ ᠡᠷᠡ ᠬᠦᠮᠦᠨ ᠤ ᠭᠤᠷᠪᠠᠨ ᠶᠡᠭᠡ ᠵᠣᠪᠠᠯᠠᠩ ᠤᠨ ᠬᠤᠶᠠᠷ ᠢ | ᠨᠢ ᠨᠢᠭᠡᠨᠲᠡ ᠲᠤᠭᠤᠯᠤᠭᠠᠳ᠂ ᠭᠤᠷᠪᠠᠳᠠᠬᠢ ᠵᠣᠪᠠᠯᠠᠩ ᠨᠢ ᠪᠤᠣ ᠯᠠ ᠢᠷᠡᠳᠦᠭᠡᠢ ᠭᠡᠮᠡᠨ ᠵᠠᠶᠠᠭᠠᠨ ᠳᠠᠭᠠᠨ ᠵᠠᠯᠪᠠᠷᠢᠵᠦ | ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ | 1959 ᠣᠨ ᠳᠤ ᠤᠯᠠᠭᠠᠨᠴᠠᠪ ᠠᠶᠢᠮᠠᠭ ᠤᠨ ᠦᠨᠳᠦᠰᠦᠳᠡᠨ ᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ | ᠳᠤᠮᠳᠠᠳᠤ ᠠᠴᠠ ᠲᠡᠭᠦᠰᠴᠦ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ ᠬᠢᠯᠢᠰ ᠬᠦᠵᠢᠷᠳᠡᠯ ︵ᠪᠢᠴᠢᠬᠠᠨ | ᠪᠠᠷᠠᠭᠤᠨᠳᠠᠨ ᠭᠡᠵᠦ ᠲᠡᠮᠡᠴᠡᠭᠳᠡᠭᠰᠡᠨ ᠶᠤᠮ︶ ᠪᠠ ᠠᠮᠢᠳᠤᠷᠠᠯ ᠤᠨ ᠬᠦᠴᠢᠷᠳᠡᠯ ᠠᠴᠠ ᠪᠣᠯᠵᠤ ᠨᠤᠲᠤᠭ ᠲᠠᠭᠠᠨ | ᠬᠠᠷᠢᠪᠠ᠃ ᠴᠢᠩᠭᠢᠭᠡᠳ᠂ 1971 ᠣᠨ ᠪᠣᠯᠲᠠᠯᠠ᠂ ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠬᠦᠨᠳᠦ ᠬᠠᠲᠠᠭᠤ ᠬᠦᠳᠡᠯᠮᠦᠷᠢ ᠳᠤ | ᠣᠷᠣᠯᠴᠠᠵᠤ᠂ ᠤᠷᠢᠳ ᠬᠤᠵᠢᠳ ᠲᠡᠷᠭᠡᠴᠢᠨ᠂ ᠰᠢᠪᠠᠷᠴᠢᠨ᠂ ᠰᠣᠪᠢᠯᠠᠭᠴᠢ᠂ ᠱᠠᠪᠢ ᠡᠮᠴᠢ᠂ ᠠᠷᠠᠳ ᠤᠨ ᠪᠠᠭᠰᠢ | ᠵᠡᠷᠭᠡ ᠠᠵᠢᠯ ᠤᠳ ᠢ ᠬᠢᠵᠡᠢ᠃ 1971 ᠣᠨ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠳᠤ ᠢᠷᠡᠵᠦ᠂ | ᠪᠠᠷᠢᠯᠭᠠ ᠶᠢᠨ ᠠᠵᠢᠯᠴᠢᠨ᠂ ᠱᠦᠢᠨᠢ ᠶᠢᠨ ᠠᠵᠢᠯᠴᠢᠨ᠂ ᠨᠢᠭᠲᠠᠯᠠᠨ ᠪᠣᠳᠣᠭᠴᠢ᠂ ᠬᠤᠭᠤᠯᠠᠨ ᠭᠡᠷ ᠤᠨ ᠨᠢᠷᠪᠠ᠂ | ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠠᠵᠢᠯᠲᠠᠨ᠂ ᠡᠵᠡᠩᠨᠡᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠠᠵᠢᠯᠳᠠᠨ᠂ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ | ᠠᠵᠢᠯᠲᠠᠨ ᠵᠡᠷᠭᠡ ᠣᠯᠠᠨ ᠲᠦᠷᠦᠯ ᠤᠨ ᠠᠵᠢᠯ ᠤᠳ ᠢ ᠬᠢᠵᠦ᠂ ᠲᠤᠰ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ | ᠬᠤᠯᠪᠣᠭᠠᠨ ᠳᠤ ᠠᠵᠢᠯᠯᠠᠭᠰᠠᠨ ᠪᠠᠶᠢᠨᠠ᠃ | ᠠᠷᠪᠠᠨ ᠨᠠᠢᠮᠡᠨ ᠨᠠᠰᠤᠲᠠᠢ ᠳᠠᠭᠠᠨ᠂ ᠦᠪᠡᠷ ᠤᠨ ᠤᠤᠭᠠᠨ ᠵᠣᠬᠢᠶᠠᠯ ︽ᠵᠠᠮ ᠤᠨ ᠭᠤᠳᠤᠰ︾ ᠭᠡᠮᠡᠬᠦ | ᠦᠭᠦᠯᠡᠯᠭᠡ ᠪᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠳᠤ ᠨᠡᠶᠢᠳᠡᠯᠡᠭᠦᠯᠦᠭᠰᠡᠨ ᠠᠴᠠ ᠨᠠᠭᠠᠰᠢ ᠤᠯᠤᠰ ᠲᠦᠷᠦ | ᠪᠠ ᠠᠮᠢᠳᠤᠷᠠᠯ ᠤᠨ ᠠᠯᠢ ᠣᠯᠠᠨ ᠠᠵᠠ ᠪᠣᠰᠤ ᠤᠴᠠᠷᠠᠯ ᠪᠣᠯᠣᠨ ᠴᠣᠬᠢᠯᠲᠠ ᠲᠠᠷᠣᠯᠳᠠ ᠶᠢ ᠲᠡᠰᠪᠦᠷᠢᠯᠡᠨ ᠵᠣᠬᠢᠶᠠᠨ | ᠪᠦᠳᠦᠭᠡᠬᠦ ᠵᠠᠮ ᠢᠶᠠᠷ ᠴᠦᠬᠦᠷᠡᠯ ᠦᠭᠡᠢ ᠤᠷᠤᠭᠰᠢᠯᠠᠵᠤ᠂ ᠰᠣᠨᠢᠨ ᠰᠡᠳᠭᠦᠯ ᠳᠡᠭᠡᠷᠡ ᠨᠢᠭᠡᠨᠲᠠ ᠨᠡᠶᠢᠳᠡᠯᠡᠭᠰᠡᠨ | ᠦᠭᠦᠯᠡᠯᠭᠡ᠂ ᠨᠠᠶᠢᠷᠠᠭᠤᠯᠤᠯ᠂ ᠮᠡᠳᠡᠭᠡᠯᠡᠯ ᠤᠨ ᠤᠷᠠᠨ ᠵᠣᠬᠢᠶᠠᠯ ᠨᠡᠶᠢᠳᠡ 26 ᠬᠤᠪᠢ ︵ᠡᠭᠦᠨ ᠳᠤ ᠬᠢᠲᠠᠳ | ᠵᠣᠬᠢᠶᠠᠯ 2 ᠪᠤᠢ︶᠂ ᠰᠢᠯᠦᠭ ᠬᠤᠯᠪᠣᠭᠠ 90 ᠭᠠᠷᠤᠢ ︵ᠬᠢᠲᠠᠳ ᠰᠢᠯᠦᠭ 4 ᠪᠤᠢ︶᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠦᠭᠦᠯᠡᠯ ᠵᠡᠷᠭᠡ 3᠂ ᠵᠦᠴᠦᠭᠡ 1 ᠪᠤᠢ᠃ ᠡᠭᠦᠨ ᠤ ᠬᠠᠮᠲᠤ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠢ ᠮᠠᠰᠢ ᠣᠯᠠᠨ | ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠭᠡᠵᠦ ᠨᠡᠯᠢᠶᠡᠳ ᠨᠢ ᠰᠣᠨᠢᠨ ᠰᠡᠳᠭᠦᠯ ᠳᠤ ᠨᠡᠶᠢᠳᠡᠯᠡᠭᠳᠡᠵᠡᠢ᠃ | ᠪᠢᠴᠢᠭ ᠤᠨ ᠨᠡᠷᠡ᠂ ᠣᠭᠤᠷᠴᠠᠭ᠂ ᠰᠢᠮᠢ᠂ ᠲᠤᠭᠤᠯᠬᠦᠦ ᠭᠡᠵᠦ ᠪᠠᠶᠢᠳᠠᠭ᠃ ᠪᠦᠬᠦ ᠤᠯᠤᠰ ᠤᠨ ᠴᠦᠬᠡᠨ | ᠲᠣᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠣᠬᠢᠶᠠᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠪᠦᠬᠦ ᠤᠯᠤᠰ ᠤᠨ ᠴᠦᠬᠡᠨ | ᠲᠣᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ | ᠵᠣᠬᠢᠶᠠᠯᠴᠢᠳ᠂ ᠤᠷᠠᠯᠢᠭᠴᠢᠳ ᠤᠨ ᠡᠪᠯᠡᠯ ᠤᠨ ᠦᠪᠦᠷ ᠮᠤᠩᠭᠤᠯ ᠤᠨ ᠬᠤᠪᠢᠶᠠᠷᠢ ᠡᠪᠯᠠᠯ ᠤᠨ ᠭᠡᠰᠢᠭᠦᠨ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠤᠳᠬᠠ ᠵᠣᠬᠢᠶᠠᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠃ |