ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠶᠢᠰᠤᠨ ᠴᠠᠭᠠᠨ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-12-06
       ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠶᠢ ᠲᠠᠬᠢᠬᠤ ᠶᠤᠰᠤᠨ ᠪᠤᠢ᠃ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠥᠷᠯᠤᠬᠡ ᠬᠡᠷ ᠤᠨ ᠡᠵᠡᠭᠳᠡᠢ ᠡᠷᠳᠡᠯᠡᠨ ᠪᠤᠰᠴᠤ᠂ ᠬᠡᠷ ᠢᠶᠠᠨ ᠨᠠᠷᠠ ᠵᠥᠪ ᠲᠤᠭᠤᠷᠢᠨ ᠬᠥᠷᠢᠶᠡᠯᠡᠵᠤ᠂ ᠶᠢᠷᠳᠢᠨᠴᠤ ᠶᠢᠨ ᠲᠥᠷᠪᠡᠨ ᠵᠥᠭ ᠨᠠᠢᠮᠠᠨ ᠵᠤᠪᠬᠢᠰ ᠲᠤ ᠬᠠᠨᠳᠤᠨ ᠭᠠᠵᠠᠷ ᠲᠡᠭᠷᠢ ᠶᠢᠨ ᠰᠠᠪᠰᠠᠯᠭ᠎ᠠ ᠪᠠᠷ ᠴᠡᠭ ᠪᠠᠷᠢᠨ ᠴᠠᠭᠠᠨ ᠰᠥᠨ ᠤ ᠲᠡᠬᠡᠵᠢ ᠶᠢ ᠡᠷᠬᠦᠵᠤ᠂ ᠡᠬᠡ ᠲᠡᠯᠡᠬᠡᠢ ᠪᠠᠨ ᠲᠠᠬᠢᠳᠠᠭ ᠪᠥᠬᠡ ᠶᠢᠨ ᠶᠤᠰᠤ ᠤᠳᠤ ᠬᠥᠷᠳᠡᠯ᠎ᠠ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠵᠡᠢ ᠃ ᠲᠡᠷᠡ ᠥᠶ᠎ᠡ ᠶᠢᠨ ᠰᠠᠴᠤᠯᠢ ᠶᠢᠨ ᠬᠠᠯᠪᠠᠭ᠎ᠠ ᠨᠢ ᠨᠢᠬᠡ ᠥᠵᠤᠬᠦᠷ ᠲᠡᠭᠡᠨ ᠰᠠᠴᠤᠯᠢ ᠶᠢᠨ 9 ᠬᠤᠨᠭ᠍ᠬᠤᠷᠬᠠᠢ ᠲᠠᠢ᠂ ᠨᠥᠬᠦᠬᠡ ᠥᠵᠤᠬᠦᠷ ᠲᠡᠭᠡᠨ ᠴᠠᠭᠠᠨ ᠬᠢᠯᠭᠠᠰᠤᠨ ᠤᠨᠵᠢᠭᠤᠷᠭ᠎ᠠ ᠲᠠᠢ ᠮᠤᠳᠤᠨ ᠬᠠᠯᠪᠠᠭ᠎ᠠ ᠪᠠᠶᠢᠵᠠᠢ᠃ ᠤᠳᠤ ᠴᠤ ᠵᠠᠷᠢᠮ ᠨᠤᠳᠤᠭ ᠲᠤ ᠲᠠᠭᠠᠷᠠᠯᠳᠤᠳᠠᠭ᠃        ᠬᠤᠳᠠ ᠪᠠᠨ ᠮᠢᠯᠢᠶᠠᠬᠤ ᠶᠤᠰᠤᠨ ᠪᠤᠢ᠃ ᠬᠡᠷ ᠤᠨ ᠡᠵᠡᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠥᠷᠯᠤᠬᠡ ᠡᠷᠳᠡᠯᠡᠨ ᠪᠤᠰᠴᠤ᠂ ᠡᠷᠳᠡ ᠭᠠᠷᠤᠭᠰᠠᠨ ᠴᠠᠭᠠᠨ ᠬᠤᠷᠠᠭ᠎ᠠ ᠲᠠᠪᠠᠷᠢᠨ ᠬᠤᠨᠢᠨ ᠤ ᠬᠤᠳᠠ ᠪᠠᠨ ᠨᠠᠷᠠ ᠵᠥᠪ ᠲᠤᠭᠤᠷᠢᠨ ᠢᠷᠤᠬᠡᠯ ᠤᠨ ᠥᠬᠡ ᠬᠡᠯᠡᠳᠡᠭ ᠪᠠᠶᠢᠵᠠᠢ᠃        ᠤᠶᠠᠭ᠎ᠠ ᠮᠢᠯᠢᠶᠠᠬᠤ ᠶᠤᠰᠤᠨ ᠪᠤᠢ᠃ ᠡᠨᠡ ᠨᠢ ᠮᠤᠩᠭᠤᠯ ᠡᠷ᠎ᠡ ᠬᠥᠮᠤᠨ ᠤ ᠬᠡᠶᠢᠮᠤᠷᠢ ᠲᠠᠢ ᠤᠯᠠᠨ ᠵᠦᠢᠯ ᠢᠶᠠᠷ ᠬᠤᠯᠪᠤᠭᠳᠠᠳᠠᠭ᠃ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠡᠳᠤᠷ ᠢᠶᠠᠨ ᠤᠭᠳᠤᠨ ᠪᠢᠳᠡᠬᠦᠨ ᠤ ᠰᠥᠨᠢ᠂ ᠲᠠᠯ ᠢ ᠨᠢ ᠵᠠᠰᠠᠵᠤ ᠭᠤᠶᠤᠵᠤ ᠶᠠᠩᠵᠤᠯᠠᠭᠰᠠᠨ ᠴᠠᠭᠠᠨ ᠪᠥᠬᠡᠬᠡᠨ ︵ᠴᠠᠶᠢᠪᠤᠷ︶ ᠵᠢᠰᠤᠮ ᠤᠨ ᠠᠳᠤᠭᠤ ᠤᠶᠠᠵᠤ ᠬᠤᠨᠤᠳᠠᠭ ᠪᠠᠶᠢᠪᠠ᠃        ᠬᠡᠷ ᠤᠨ ᠡᠬᠦᠳᠡ ᠲᠠᠬᠢᠬᠤ ᠶᠤᠰᠤᠨ ᠪᠤᠢ᠃ ᠡᠨᠡ ᠶᠤᠰᠤ ᠶᠢ ᠤᠳᠤ ᠬᠥᠷᠳᠡᠯ᠎ᠠ ᠵᠠᠷᠢᠮ ᠨᠤᠳᠤᠭ ᠲᠤ ᠤᠢᠢᠯᠡᠳᠳᠡᠭ᠃ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠥᠷᠯᠤᠬᠡ᠂ ᠬᠡᠷ ᠤᠨ ᠪᠠᠷᠠᠭᠤᠨ ᠲᠤᠳᠤᠭᠤᠨ ᠤ ᠲᠡᠬᠡᠳᠤ ᠲᠠᠯ᠎ᠠ ᠳᠤ ᠴᠠᠭᠠᠨ ᠴᠢᠯᠠᠭᠤ᠂ ᠡᠰᠡᠪᠡᠯ ᠴᠠᠭᠠᠨ ᠬᠥᠷ ᠴᠠᠰᠤ ᠲᠠᠯᠪᠢᠨ ᠲᠤᠭᠳᠠᠭᠠᠵᠤ᠂ ᠰᠠᠶᠢᠨ ᠶᠠᠭᠤᠮᠠᠰ ᠤᠷᠤᠵᠤ ᠢᠷᠡᠬᠦ ᠶᠢ ᠪᠡᠯᠬᠡᠳᠡᠳᠡᠭ᠃        ᠬᠡᠷ ᠢᠶᠠᠨ ᠴᠡᠪᠡᠷᠯᠡᠵᠤ ᠴᠢᠮᠡᠬᠦ ᠶᠤᠰᠤᠨ ᠪᠤᠢ᠃ ᠴᠠᠭᠠᠨ ᠰᠠᠷ᠎ᠠ ᠪᠠᠨ ᠤᠭᠳᠤᠨ ᠬᠡᠷ ᠤᠷᠤᠨ ᠢᠶᠠᠨ ᠭᠭᠢᠷ ᠪᠤᠷᠳᠠᠭ ᠠᠴᠠ ᠨᠢ ᠰᠠᠯᠭᠠᠨ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠨᠢ ᠮᠤᠩᠭᠤᠯ ᠲᠤᠭᠤᠷᠭᠠᠳᠠᠨ ᠤ ᠶᠤᠰᠤᠨ᠃ ᠴᠠᠭᠠᠨ ᠰᠠᠷ᠎ᠠ ᠪᠠᠷ ᠠᠯᠢ ᠥᠡᠭᠭᠡ ᠲᠠᠢ ᠬᠡᠰᠡᠨ ᠰᠢᠷᠢᠳᠡᠭ᠂ ᠤᠯᠪᠤᠭ᠂ ᠬᠡᠪᠢᠰ ᠢᠶᠠᠨ ᠲᠡᠪᠢᠰᠳᠡᠭ᠃ ᠡᠷᠳᠡ ᠥᠶ᠎ᠡ ᠳᠡᠭᠡᠨ ᠰᠢᠨ᠎ᠡ ᠴᠠᠭᠠᠨ ᠢᠰᠡᠬᠡᠢ ᠭᠠᠷᠭᠠᠨ ᠲᠠᠪᠢᠰᠳᠡᠭ ᠪᠠᠶᠢᠭᠰᠠᠨ ᠬᠡᠨ᠎ᠡ᠃        ᠵᠤᠭᠤᠭ ᠤᠨ ᠴᠠᠭᠠᠨ ᠢᠳᠡᠬᠡᠨ ᠪᠡᠯᠡᠳᠬᠡᠬᠦ ᠶᠤᠰᠤᠨ ᠪᠤᠢ᠃ ᠬᠡᠷ ᠤᠨ ᠬᠤᠶᠢᠮᠤᠷ ᠲᠤ ᠶᠠᠪᠠᠭᠠᠨ ᠰᠢᠷᠡᠭᠡ ᠲᠠᠯᠪᠢᠨ ᠪᠢᠰᠢᠯᠠᠭ᠂ ᠬᠡᠪ ᠤᠨ ᠪᠤᠤᠪᠤ ᠪᠠᠷ ᠲᠠᠪᠠᠭ ᠵᠠᠰᠠᠵᠤ᠂ ᠴᠠᠭᠠᠨ ᠢᠳᠡᠭᠡ ᠠᠷᠪᠢᠨ ᠲᠠᠯᠪᠢᠵᠤ᠂ ᠢᠷᠡᠭᠰᠡᠨ ᠬᠡᠶᠢᠴᠢᠤᠨ ᠲᠤ ᠠᠮᠰᠠᠭᠤᠯᠳᠠᠭ ᠶᠤᠰᠤ ᠪᠤᠯ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠶᠤᠮ᠃        ᠪᠡᠶ᠎ᠡ ᠪᠠᠨ ᠭᠤᠶᠤᠯᠠᠬᠤ ᠶᠤᠰᠤᠨ ᠪᠤᠢ᠃ ᠮᠤᠩᠭᠤᠯᠴᠤᠤᠨ ᠴᠠᠭᠠᠨ ᠰᠠᠷ᠎ᠠ ᠪᠠᠷ ᠴᠠᠭᠠᠨ ᠪᠥᠰᠡ ᠲᠤᠷᠭ᠎ᠠ᠂ ᠬᠤᠷᠠᠭᠠᠨ ᠰᠡᠭᠰᠡᠬᠦᠷᠬᠡᠨ ᠲᠠᠪᠠᠯ ᠡᠮᠤᠰᠴᠤ ᠭᠤᠶᠤᠯᠠᠨ ᠠᠶᠢᠯ ᠰᠠᠭᠠᠬᠠᠯᠳᠠ ᠪᠠᠷ ᠤᠷᠤᠬᠤ ᠳᠠᠭᠠᠨ ᠴᠠᠭᠠᠨ ᠮᠤᠷᠢ ᠬᠦᠯᠦᠭᠯᠡᠨ ᠲᠡᠭᠵᠢᠷᠡᠬᠡᠳᠡᠭ ᠪᠠᠶᠢᠵᠠᠢ᠃        ᠴᠠᠭᠠᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠷᠡᠬᠡᠶᠢᠯᠡᠬᠦ ᠶᠤᠰᠤᠨ ᠪᠤᠢ᠃ ᠴᠠᠭᠠᠨ ᠰᠠᠷ᠎ᠠ ᠪᠠᠷ ᠮᠠᠭᠤ ᠶᠠᠭᠤᠮ᠎ᠠ ᠶᠠᠷᠢᠳᠠᠭ ᠥᠬᠡᠢ ᠶᠤᠰᠤ ᠪᠤᠢ᠃ ᠴᠠᠭᠠᠨ ᠰᠡᠳᠬᠢᠯ ᠤᠨ ᠢᠯᠡᠷᠬᠡᠶᠢᠯᠡᠯ ᠪᠤᠯᠭᠠᠨ ᠴᠠᠭᠠᠨ ᠬᠤᠷᠠᠭᠠᠨ ᠨᠢᠳᠤᠷᠭ᠎ᠠ ᠪᠠᠨ ᠨᠢᠬᠡ ᠤᠳᠠᠭ᠎ᠠ ᠰᠡᠭᠰᠤᠷᠴᠤ᠂ ᠰᠡᠳᠬᠢᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠨ ᠵᠤᠯᠭᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠨ᠎ᠠ᠃ ᠬᠤᠵᠢᠮ ᠨᠢ ᠬᠠᠳᠠᠭ ᠪᠠᠷᠢᠨ ᠵᠤᠯᠭᠠᠳᠠᠭ ᠪᠤᠯᠵᠠᠢ᠃ ᠵᠤᠯᠭᠠᠭᠰᠠᠨ ᠤ ᠲᠠᠷᠠᠭ᠎ᠠ ᠰᠡᠳᠬᠢᠯ ᠢᠶᠠᠨ ᠨᠡᠬᠡᠬᠡᠨ ᠥᠬᠡ ᠰᠤᠯᠢᠯᠴᠠᠵᠤ᠂ ᠬᠠᠰ ᠭᠠᠨᠭ᠍ᠰᠠ᠂ ᠬᠥᠬᠦᠷ ᠭᠠᠷᠭᠠᠨ ᠵᠥᠷᠢᠬᠦᠯᠡᠵᠤ᠂ ᠰᠡᠳᠬᠢᠯ ᠤᠨ ᠬᠥᠨ ᠳᠤ ᠶᠠᠭᠤᠮ᠎ᠠ ᠥᠯᠡᠳᠡᠭᠰᠡᠨ ᠪᠤᠯ ᠲᠠᠶᠢᠯᠵᠤ᠂ ᠪᠡᠶ᠎ᠡ ᠪᠡᠶ᠎ᠡ ᠳᠡᠭᠡᠨ ᠨᠠᠶᠢᠷᠰᠠᠭ ᠰᠠᠶᠢᠬᠠᠨ ᠢᠷᠤᠬᠡᠯ ᠬᠡᠯᠡᠵᠤ ᠬᠠᠷᠢᠯᠴᠠᠳᠠᠭ ᠰᠠᠶᠢᠬᠠᠨ ᠶᠤᠰᠤ ᠥᠨᠤᠳᠤᠷ ᠬᠥᠷᠳᠡᠯ᠎ᠡ ᠲᠥᠮᠡᠨ ᠤ ᠲᠤᠮᠳᠠ ᠤᠯᠠᠮᠵᠢᠯᠠᠭᠳᠠᠨ ᠥᠯᠡᠳᠡᠭᠰᠡᠨ ᠪᠢᠯᠡ᠃         ᠭᠠᠷ ᠴᠠᠶᠢᠯᠭᠠᠬᠤ ᠶᠤᠰᠤᠨ ᠪᠤᠢ᠃ ᠡᠷᠳᠡ ᠲᠡᠬᠡᠳᠤ ᠥᠶ᠎ᠡ ᠳᠤ ᠪᠡᠯᠡᠭ ᠬᠡᠳᠡᠭ ᠤᠢᠢᠯᠠᠭᠠᠯᠳᠠ ᠪᠠᠶᠢᠭᠰᠠᠨ ᠥᠬᠡᠢ᠂ ᠬᠠᠷᠢᠨ ᠬᠡᠤᠬᠡᠤᠨ ᠨᠠᠰᠤᠳᠠᠶᠢᠴᠤᠤᠨ᠂ ᠢᠷᠡᠭᠡ ᠥᠬᠡᠢ ᠤᠳᠠᠭᠰᠠᠨ ᠠᠶᠢᠯᠴᠢᠨ ᠬᠡᠶᠢᠴᠢᠨ ᠳᠤ ᠭᠠᠷ ᠴᠠᠶᠢᠯᠭᠠᠬᠤ ᠬᠡᠬᠦ ᠶᠤᠰᠤ ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠨ᠎ᠠ᠃ ᠬᠤᠰᠢᠭᠤ ᠲᠤᠷᠭ᠎ᠠ ︵ᠭᠤᠷᠪᠠᠯᠵᠢᠨ ᠪᠤᠯᠭᠠᠭᠰᠠᠨ ᠲᠤᠷᠭ᠎ᠠ︶ ᠳᠤ ᠬᠡᠪ ᠤᠨ ᠪᠤᠤᠪᠤ᠂ ᠬᠠᠪᠰᠠᠢ᠂ ᠪᠢᠰᠢᠯᠠᠭ᠂ ᠠᠭᠠᠷᠤᠤᠯ᠂ ᠴᠠᠭᠠᠨ ᠢᠳᠡᠬᠡᠨ ᠪᠤᠭᠤᠵᠤ ᠥᠭᠳᠡᠭ ᠪᠠᠶᠢᠵᠠᠢ᠃ ᠡᠶᠢᠨᠬᠦ ᠴᠠᠭᠠᠨ ᠰᠠᠷ᠎ᠠ ᠬᠡᠰᠡᠨ ᠤ ᠤᠴᠢᠷ ᠨᠢ ᠴᠠᠭᠠᠨ ᠤᠢᠢᠯᠡ᠂ ᠤᠷᠢᠨ ᠴᠠᠭ ᠢ ᠬᠠᠪᠤᠷ ᠤᠨ ᠲᠡᠷᠢᠬᠦᠨ ᠰᠠᠷ᠎ᠠ ᠪᠠᠷ ᠪᠡᠯᠬᠡᠳᠡᠶ᠎ᠠ ᠬᠡᠰᠡᠨ ᠤᠳᠬ᠎ᠠ ᠲᠠᠢ ᠪᠤᠯᠤᠯᠳᠠᠢ᠃ ᠮᠤᠩᠭᠤᠯᠴᠤᠤᠨ ᠤᠨ ᠰᠡᠳᠬᠢᠯ ᠢᠶᠠᠨ ᠠᠷᠢᠭᠤᠨ ᠴᠠᠭᠠᠨ ᠪᠠᠶᠢᠯᠭᠠᠶ᠎ᠠ ᠬᠡᠰᠡᠨ ᠡᠷᠡᠮᠡᠯᠵᠡᠯ ᠤᠨ ᠤᠬᠠᠭᠠᠨ᠂ ᠠᠬᠠᠨ ᠲᠡᠬᠦᠤᠰ ᠢᠶᠠᠷ ᠢᠶᠠᠨ ᠡᠪᠳᠡᠢ ᠡᠶᠡᠳᠡᠢ ᠤᠷᠤᠰᠢᠶ᠎ᠠ ᠬᠡᠰᠡᠨ ᠤᠷᠤᠭ ᠤᠨ ᠤᠬᠠᠭᠠᠨ᠂ ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠤᠷᠴᠢᠨ ᠢᠶᠠᠨ ᠰᠢᠳᠤᠵᠤ ᠠᠮᠢᠵᠢᠷᠠᠶ᠎ᠠ ᠬᠡᠰᠡᠨ ᠠᠵᠤ ᠲᠦᠷᠤᠭᠦ ᠶᠢᠨ ᠤᠬᠠᠭᠠᠨ ᠁ ᠬᠡᠤᠨ ᠤᠯᠠᠨ ᠲᠠᠯ᠎ᠠ ᠲᠠᠢ ᠮᠤᠩᠭᠤᠯ ᠤᠬᠠᠭᠠᠨ ᠢᠶᠠᠷ ᠪᠥᠳᠤᠬᠡᠭᠳᠡᠭᠰᠡᠨ᠂ ᠤᠷᠤᠰᠤᠨ ᠢᠷᠡᠵᠤ ᠪᠤᠢ ᠤᠷᠢᠨ ᠴᠠᠭ ᠢ ᠴᠠᠭᠠᠨ ᠢᠶᠠᠷ ᠤᠭᠳᠤᠨ ᠵᠤᠯᠭᠠᠬᠤ ᠶᠢ ᠪᠡᠯᠬᠡᠰᠢᠶᠡᠭᠰᠡᠨ ᠮᠤᠩᠭᠤᠯ ᠰᠤᠶᠤᠯ ᠤᠨ ᠭᠠᠶᠢᠬᠠᠮᠰᠢᠭᠳᠤ ᠥᠪ᠂ ᠤᠯᠠᠮᠵᠢᠯᠠᠯᠳᠤ ᠶᠤᠰᠤ ᠶᠤᠮ ᠪᠠᠶᠢᠨ᠎ᠠ ᠰᠢᠤ ᠬᠡᠳᠡᠭ ᠢ ᠯᠡ ᠢᠯᠡᠳᠬᠡᠨ ᠬᠡᠯᠡᠵᠤ ᠪᠠᠶᠢᠨ᠎ᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠳᠤᠭᠤᠳᠤ ᠳᠠᠯᠠᠯᠬᠤ ᠶᠤᠰᠤᠨ ᠤ ᠲᠤᠬᠠᠢ
ᠢᠳᠠᠮᠯᠠᠬᠤ ᠶᠤᠰᠤᠨ
ᠮᠣᠩᠭᠤᠯᠴᠣᠤᠨ ᠤᠨ ᠪᠠᠭᠰᠢ ᠵᠠᠯᠠᠬᠤ ᠶᠣᠰᠣᠨ
ᠶᠢᠰᠣ ᠡᠬᠢᠯᠡᠬᠦ ᠶᠢᠨ ᠳᠣᠬᠠᠢ ᠵᠠᠩᠰᠢᠯ ᠭᠡᠯᠡᠯᠭᠡ
ᠬᠤᠭᠤᠯᠨ ᠤᠮᠳᠠᠭᠠᠨ ᠤ ᠲᠡᠭᠡᠵᠢ ᠶᠢ ᠨᠢ ᠴᠡᠭᠡᠷᠯᠡᠭᠦᠯᠬᠦ ᠶᠤᠰᠤ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号