ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠳᠡᠯᠡᠬᠡᠢ ᠳᠤ ᠬᠠᠮᠤᠭ ᠤᠨ ᠤᠯᠠᠨ ᠮᠠᠨᠳᠤᠴᠢᠯᠡᠯ ᠲᠠᠢ ᠠᠷᠠᠳ ᠳᠦᠮᠡᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-10-12
       ︽ᠮᠡᠨᠳᠤ ᠮᠡᠳᠡᠬᠦ ᠨᠢ ᠮᠤᠩᠭᠤᠯᠴᠤᠳ ᠤᠨ ᠶᠤᠰᠤ︾ ᠬᠡᠳᠡᠭ ᠬᠡᠯᠡᠯᠭᠡ ᠪᠤᠢ᠃ ᠡᠨᠡ ᠪᠤᠯ ᠡᠪ ᠡᠶ᠎ᠡ ᠶᠢ ᠨᠢ ᠬᠢᠴᠢᠶᠡᠵᠦ ᠬᠦᠨᠳᠤᠳᠭᠡᠯ ᠢᠯᠡᠷᠬᠡᠶᠢᠯᠡᠬᠦ ᠳᠠᠯ᠎ᠠ ᠪᠠᠷ ᠮᠤᠩᠭᠤᠯᠴᠤᠳ ᠤᠨ ᠮᠠᠨᠳᠤᠴᠢᠯᠡᠯ ᠡᠳᠤᠷ ᠳᠤᠳᠤᠮ ᠤᠨ᠂ ᠠᠶᠠᠨ ᠵᠠᠮ ᠤᠨ᠂ ᠴᠠᠭ ᠤᠯᠠᠷᠢᠯ ᠤᠨ᠂ ᠠᠵᠢᠯ ᠮᠡᠷᠭᠡᠵᠢᠯ ᠤᠨ᠂ ᠳᠦᠷᠦ ᠶᠤᠰᠤᠨ ᠤ᠂ ᠴᠡᠷᠢᠭ ᠤᠨ ᠶᠤᠰᠤᠨ ᠤ ᠭᠡᠵᠦ ᠤᠯᠠᠨ ᠶᠠᠩᠵᠦ ᠪᠠᠶᠢᠳᠠᠭ᠃        ᠡᠳᠤᠷ ᠳᠤᠳᠤᠮ ᠤᠨ ᠳᠦᠭᠡᠮᠡᠯ ᠮᠡᠨᠳᠤ ᠶᠢ ︽ᠰᠠᠶᠢᠨ ᠪᠠᠶᠢᠨ᠎ᠠ ᠦᠦ︖︾᠂ ︽ᠠᠮᠤᠷᠬᠠᠨ ᠰᠠᠶᠢᠨ ᠪᠠᠶᠢᠨ᠎ᠠ ᠦᠦ︖︾᠂ ︽ᠳᠠᠪᠠᠳᠠᠢ ᠰᠠᠶᠢᠨ ᠦᠦ︖︾᠂ ︽ᠰᠤᠨᠢᠨ ᠰᠠᠶᠢᠬᠠᠨ ᠶᠠᠭᠤ ᠪᠠᠶᠢᠨ᠎ᠠ ᠦᠦ︖︾᠂ ︽ᠠᠵᠢᠯ ᠠᠯᠪᠠ ᠰᠠᠶᠢᠨ ᠪᠢᠵᠡ ᠳ᠋ᠠ︖︾᠂ ︽ᠪᠡᠶ᠎ᠡ ᠯᠠᠭᠰᠢᠨ ᠳᠤᠩᠭᠠᠯᠠᠭ ᠦᠦ︖︾ ᠬᠡᠬᠦ ᠮᠡᠳᠤ ᠶᠢᠨ ᠤᠯᠠᠨ ᠶᠠᠩᠵᠦ ᠪᠠᠷ ᠮᠡᠨᠳᠤᠴᠢᠯᠡᠳᠡᠭ᠃        ᠤᠯᠠᠷᠢᠯ ᠤᠨ ᠮᠡᠨᠳᠤ ᠶᠢ ︽ᠳᠠᠪᠠᠳᠠᠢ ᠰᠠᠶᠢᠬᠠᠨ ᠬᠠᠪᠤᠷᠵᠢᠵᠦ ᠪᠠᠶᠢᠨ᠎ᠠ ᠦᠦ︖︾᠂ ︽ᠳᠠᠷᠭᠤᠨ ᠳᠠᠪᠠᠳᠠᠢ ᠵᠤᠰᠠᠵᠦ ᠪᠠᠶᠢᠨ᠎ᠠ ᠦᠦ︖︾᠂ ︽ᠠᠮᠤᠷ ᠳᠠᠪᠳᠠᠶᠢᠬᠠᠨ ᠨᠠᠮᠤᠷᠵᠢᠵᠦ ᠪᠠᠶᠢᠨ᠎ᠠ ᠦᠦ︖︾᠂ ︽ᠦᠩ  ᠲᠠᠢ ᠳᠠᠷᠭᠤᠨ ᠡᠪᠤᠯᠵᠢᠵᠦ ᠪᠠᠶᠢᠨ᠎ᠠ ᠦᠦ︖︾ ᠬᠡᠬᠦ ᠮᠡᠳᠤ ᠪᠠᠷ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠬᠡᠪᠰᠢᠭᠰᠡᠨ ᠦᠭᠡ ᠪᠠᠷ ᠢᠯᠡᠷᠬᠡᠶᠢᠯᠡᠳᠡᠭ᠃        ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠮᠠᠨᠳᠤ ᠳᠤ᠂ ᠬᠤᠨᠢᠴᠢᠨ ᠲᠠᠢ ᠠᠭᠤᠯᠵᠠᠬᠤ ᠳᠤ ︽ᠬᠤᠨᠢᠨ ᠰᠦᠷᠦᠭ ᠳᠠᠪᠠᠳᠠᠢ ᠢᠳᠡᠰᠢᠵᠦ ᠪᠠᠶᠢᠨ᠎ᠠ ᠦᠦ︖︾ ᠠᠳᠤᠭᠤᠴᠢᠨ ᠬᠦᠮᠦᠨ ᠲᠠᠢ ᠪᠤᠯ ︽ᠠᠳᠤᠭᠤ ᠮᠠᠯ ᠪᠦᠷᠢᠨ ᠦᠦ︖︾ ᠤᠶᠢᠯᠡᠴᠢᠨ ᠬᠦᠮᠦᠨ ᠲᠠᠢ ᠪᠤᠯ ︽ᠤᠶᠢᠯᠡ ᠪᠦᠳᠤᠮᠵᠢᠳᠠᠢ ᠦᠦ︖︾ ᠠᠩᠴᠢᠨ ᠬᠦᠮᠦᠨ ᠲᠠᠢ ᠪᠤᠯ ︽ᠬᠠᠷᠠᠭ᠎ᠠ ᠮᠡᠷᠭᠡᠨ︾᠂ ︽ᠤᠯᠵᠠ ᠶᠡᠭᠡ︾᠂ ︽ᠭᠠᠨᠵᠤᠭ᠎ᠠ ᠳᠦᠬᠦᠷᠡᠩ︾ ᠭᠡᠬᠦ ᠮᠡᠳᠤ ᠪᠠᠷ ᠮᠡᠨᠳᠤᠴᠢᠯᠡᠳᠡᠭ᠃      ᠮᠤᠩᠭᠤᠯ ᠤᠨ ᠳᠦᠷᠦ ᠶᠤᠰᠤᠨ ᠤ ᠤᠯᠠᠮᠵᠢᠯᠠᠯᠳᠤ ᠮᠡᠨᠳᠤᠴᠢᠯᠡᠭᠡᠨ ᠳᠤ ︽ᠡᠷᠭᠢᠮᠰᠦᠭ ᠰᠠᠶᠢᠳ ᠲᠠ ᠠᠮᠤᠭᠤᠯᠠᠩ ᠮᠤᠷᠢᠯᠠᠵᠦ ᠪᠠᠶᠢᠨ᠎ᠠ ᠦᠦ︖︾᠂ ︽ᠲᠠᠨ ᠤ ᠳᠦᠮᠡᠨ ᠠᠮᠤᠭᠤᠯᠠᠩ ᠢ ᠠᠶᠢᠯᠠᠳᠬᠠᠶ᠎ᠠ︕︾ ᠭᠡᠵᠦ ᠬᠦᠨ ᠬᠦᠨᠳᠤᠳᠭᠡᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠳᠡᠭ᠃        ᠪᠢᠴᠢᠭ ᠪᠢᠴᠢᠵᠦ ᠪᠠᠶᠢᠭ᠎ᠠ ᠬᠦᠮᠦᠨ ᠲᠠᠢ ᠬᠠᠷᠭᠤᠪᠠᠯ ︽ᠪᠢᠷ ᠬᠤᠷᠴᠠ᠂ ᠪᠢᠯᠢᠭ ᠤᠶᠤᠨ ᠳᠡᠬᠦᠰ ᠪᠤᠯᠳᠤᠭᠠᠢ︾ ᠭᠡᠵᠦ ᠮᠠᠨᠳᠤᠴᠢᠯᠡᠬᠦ ᠪᠠ ᠬᠠᠷᠢᠭᠤ ᠳᠤ ᠨᠢ ︽ᠨᠢᠳᠤ ᠬᠤᠷᠴᠠ ᠪᠤᠯᠳᠤᠭᠠᠢ︾ ᠭᠡᠵᠦ ᠮᠠᠨᠳᠤᠴᠢᠯᠡᠳᠡᠭ᠃        ᠬᠤᠭᠤᠯᠠ ᠢᠳᠡᠵᠦ ᠪᠠᠶᠢᠬᠤ ᠳᠤ ᠤᠷᠤᠵᠦ ᠤᠴᠢᠪᠠᠯ ︽ᠰᠢᠳᠤ ᠬᠤᠷᠴᠠ︾ ᠭᠡᠵᠦ ᠮᠠᠨᠳᠤᠴᠢᠯᠡᠳᠡᠭ ᠪᠢᠯᠡ ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯᠴᠤᠳ ᠤᠨ ᠴᠠᠢ ᠵᠠᠰᠠᠬᠤ ᠶᠤᠰᠤᠨ
ᠮᠤᠩᠭᠤᠯᠴᠤᠳ ᠤᠨ ᠡᠷᠬᠢᠮ ᠪᠠᠶᠠᠷ ᠤᠨ ᠶᠤᠰᠤᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号