| ᠲᠦᠮᠡᠨ ᠵᠦᠢᠯ ᠢᠶᠠᠷ ᠡᠷᠢᠶᠡᠯᠵᠡᠯᠡᠨ ᠡᠷᠭᠢᠯᠳᠦᠬᠦ ᠰᠠᠨᠠᠭᠠ ᠪᠤᠳᠤᠯ ᠪᠠᠨ ᠬᠤᠣᠷᠲᠤ ᠰᠡᠳᠬᠢᠯ ᠡᠭᠦᠰᠬᠡᠬᠦ | ᠦᠭᠡᠢ ᠪᠠᠶᠢᠪᠠᠯ ᠦᠢᠯᠡᠰ ᠵᠠᠶᠠᠭᠠ ᠴᠢᠨᠢ ᠦᠷᠭᠦᠯᠵᠢᠳᠡ ᠥᠭᠡᠳᠡ ᠪᠠᠨ ᠪᠠᠶᠢᠵᠤ᠂ ᠥᠪᠡᠷ ᠢ ᠪᠠᠨ ᠵᠣᠪᠠᠭᠠᠬᠤ ᠦᠭᠡᠢ᠂ | ᠥᠷᠥᠭᠡᠯ ᠪᠤᠰᠤᠳ ᠲᠤ ᠭᠠᠢ ᠪᠤᠯᠬᠤ ᠦᠭᠡᠢ ᠠᠮᠤᠭᠤᠯᠠᠩ ᠵᠢᠷᠭᠠᠯᠠᠩ ᠢ ᠪᠦᠲᠦᠭᠡᠨᠡ᠃ ᠠᠷᠢᠭᠤᠨ ᠰᠡᠳᠬᠢᠯ ᠭᠡᠳᠠᠭ᠋ | ᠨᠢ ᠪᠤᠵᠠᠷ ᠪᠤᠷᠲᠠᠭ ᠣᠷᠣᠭᠰᠠᠨ ᠦᠭᠡᠢ ᠰᠢᠭᠦᠳᠡᠷᠢ ᠶᠢᠨ ᠤᠰᠤ ᠰᠢᠭ ᠲᠤᠩᠭᠠᠯᠠᠭ ᠰᠡᠳᠬᠢᠯ ᠪᠣᠯᠣᠨᠠ᠃ | ᠠᠯᠢᠪᠠ ᠶᠠᠭᠤᠮᠠ ᠦᠵᠡᠭᠳᠡᠯ ᠢ ᠰᠠᠶᠢᠨ ᠲᠠᠯᠠ ᠠᠴᠠ ᠨᠢ᠂ ᠵᠥᠪ ᠵᠦᠭ ᠠᠴᠠ ᠨᠢ ᠪᠤᠲᠤᠵᠦ ᠲᠤᠩᠭᠠᠭᠠᠵᠤ | ᠪᠠᠶᠢᠳᠠᠭ ᠨᠢ ᠠᠷᠢᠭᠤᠨ ᠰᠡᠳᠬᠢᠯᠲᠡᠨ ᠤ ᠭᠤᠣᠯ ᠰᠢᠨᠵᠢ ᠪᠤᠯᠬᠤ ᠶᠤᠮ᠃ ᠠᠷᠢᠭᠤᠨ ᠰᠡᠳᠬᠢᠯᠲᠡᠨ ᠪᠤᠰᠤᠳ ᠤᠨ | ᠰᠥᠷᠭᠡᠦ ᠪᠤᠳᠤᠯ ᠰᠡᠳᠬᠢᠯ ᠤᠨ ᠥᠴᠢᠯ ᠢ ᠥᠪᠡᠷ ᠤᠨ ᠡᠶᠡᠷᠭᠦ ᠰᠠᠨᠠᠭᠠ ᠢᠲᠡᠭᠡᠯ ᠤᠨ ᠱᠦᠭᠦᠯᠲᠡ ᠪᠠᠷ ᠢᠶᠠᠨ | ᠳᠠᠮᠵᠢᠭᠤᠯᠤᠨ ᠬᠦᠯᠢᠶᠡᠵᠦ ᠠᠪᠲᠠᠭ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠲᠡᠭᠦᠨ ᠳᠤ ᠮᠠᠭᠤ ᠮᠠᠭᠤᠬᠠᠢ᠂ ᠪᠤᠵᠠᠷ ᠪᠤᠷᠲᠠᠭ | ᠰᠢᠩᠭᠡᠳᠡᠭ ᠦᠭᠡᠢ᠂ ᠤᠰᠤᠨ ᠤ ᠭᠠᠳᠠᠷᠭᠤ ᠳᠡᠭᠡᠷᠡ ᠳᠤᠰᠤᠭᠰᠠᠨ ᠲᠤᠰᠤᠨ ᠤ ᠲᠤᠰᠤᠯ ᠮᠡᠲᠦ ᠢᠯᠡ ᠢᠯᠭᠠᠷᠠᠨ᠂ | ᠬᠤᠪᠢ ᠠᠰᠲᠠᠭᠠᠨ ᠬᠦᠪᠪᠦᠲᠡᠭ ᠪᠢᠯᠡ᠃ ᠬᠥᠮᠥᠨ ᠮᠠᠭᠤ ᠦᠭᠡ ᠬᠡᠯᠡᠭᠰᠡᠨ ᠴᠦ ᠠᠷᠢᠭᠤᠨ ᠰᠡᠳᠬᠢᠯᠲᠡᠨ ᠰᠠᠶᠢᠨ | ᠲᠠᠯᠠ ᠠᠴᠠ ᠨᠢ ᠪᠤᠳᠤᠵᠦ ᠭᠥᠯᠢᠶᠡᠨ ᠠᠪᠤᠨᠠ᠃ ᠠᠷᠢᠭᠤᠨ ᠰᠡᠳᠬᠢᠯᠲᠡᠨ ᠣᠷᠴᠢᠨ ᠲᠣᠭᠤᠷᠢᠨ ᠤ ᠬᠥᠮᠥᠰ ᠢᠶᠠᠨ | ᠰᠡᠳᠬᠢᠯ ᠤᠨ ᠵᠤᠪᠠᠯᠠᠩ ᠳᠤ ᠤᠨᠠᠭᠠᠨ ᠲᠠᠷᠴᠢᠯᠠᠭᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠪᠤᠰᠤᠳ ᠤᠨ ᠵᠤᠪᠠᠯᠠᠩ ᠢ ᠥᠷᠥ | ᠵᠢᠷᠦᠬᠡᠨ᠋ ᠠᠴᠠ ᠪᠠᠨ ᠬᠤᠪᠢᠶᠠᠯᠴᠠᠵᠤ ᠶᠠᠪᠤᠳᠠᠭ᠃ ᠵᠡᠷᠯᠢᠭ ᠠᠷᠢᠶᠠᠲᠠᠨ ᠠᠴᠠ ᠢᠯᠡᠭᠦᠦ ᠮᠠᠭᠤ ᠨᠥᠬᠦᠷ ᠠᠴᠠ ᠠᠶᠤᠵᠤ | ᠶᠠᠪᠤ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠵᠡᠷᠯᠢᠭ ᠠᠷᠢᠶᠠᠲᠠᠨ ᠪᠡᠶᠡ ᠶᠢ ᠭᠡᠮᠲᠦᠭᠡᠨᠡ᠂ ᠮᠠᠭᠤ ᠨᠥᠬᠦᠷ ᠰᠡᠳᠬᠢᠯ ᠢ ᠰᠢᠷᠬᠠᠯᠠᠭᠤᠯᠤᠨᠠ᠃ | ᠬᠥᠮᠥᠨ ᠢ ᠪᠠᠶᠠᠷᠯᠠᠭᠤᠯᠪᠠᠯ ᠥᠪᠡᠷ ᠲᠤ ᠨᠢ ᠪᠠᠶᠠᠷ ᠢᠷᠡᠨᠡ᠃ ᠬᠥᠮᠥᠨ ᠤ ᠭᠡᠮ ᠢ ᠣᠯᠵᠤ ᠬᠡᠯᠡᠬᠦ ᠪᠠᠷ ᠪᠤᠤ ᠰᠢᠮᠲᠡ᠂ | ᠪᠦᠷ ᠬᠡᠷᠡᠭ ᠦᠭᠡᠢ᠃ ᠬᠠᠷᠢᠨ ᠪᠤᠰᠤᠳ ᠠᠴᠠ ᠬᠡᠷᠡᠭᠲᠡᠢ ᠠᠰᠢᠭᠲᠠᠢ ᠤᠯᠤᠮᠵᠢᠲᠠᠢ ᠰᠤᠷᠭᠠᠮᠵᠢᠲᠠᠢ ᠵᠦᠢᠯ ᠢ ᠨᠢ | ᠣᠯᠵᠤ ᠰᠤᠷ᠃ ᠥᠩᠭᠡᠷᠡᠵᠦ ᠣᠲᠣᠭᠰᠠᠨ ᠮᠠᠭᠤ ᠶᠠᠪᠤᠳᠠᠯ ᠢ ᠲᠡᠭᠢᠨ ᠪᠡᠲᠡᠭᠡᠢ ᠳᠤᠷᠠᠳ᠂ ᠰᠢᠷᠬᠠ ᠰᠣᠷᠪᠢ ᠶᠢ | ᠰᠡᠪᠲᠦᠭᠦᠯᠬᠦ ᠠᠴᠠ ᠥᠭᠡᠷᠡ ᠰᠠᠶᠢᠨ ᠦᠷᠡ ᠳ᠋ᠦᠩ ᠭᠡᠵᠦ ᠦᠭᠡᠢ ᠶᠤᠮ᠃ ᠰᠠᠶᠢᠬᠠᠨ ᠳᠤᠷᠠᠰᠤᠮᠵᠢ ᠶᠢ ᠬᠠᠷᠢᠨ | ᠰᠠᠨᠠᠭᠠ ᠨᠡᠶᠢᠯᠡᠨ ᠰᠡᠳᠬᠢᠯ ᠢᠶᠠᠨ ᠠᠭᠤᠳᠠᠯᠤᠨ ᠶᠠᠷᠢᠯᠴᠠᠵᠤ᠂ ᠤᠷᠮᠠ ᠶᠢ ᠰᠡᠷᠭᠦᠭᠡᠭᠰᠡᠨ ᠲᠡᠷᠡ ᠶᠠᠷᠢᠶᠠ ᠨᠢ ᠤᠬᠠᠭᠠᠨ | ᠪᠤᠳᠤᠯ ᠢ ᠰᠡᠯᠪᠢᠵᠦ ᠤᠷᠮᠠ ᠵᠣᠷᠢᠭ ᠨᠡᠮᠡᠷᠢᠯᠡᠬᠦ ᠶᠤᠮ᠃ ᠠᠮᠠ ᠬᠡᠯᠡ ᠪᠠᠨ ᠠᠷᠢᠭᠤᠨ ᠪᠠᠶᠢᠯᠭᠠᠬᠤ ᠶᠢ ᠬᠢᠴᠢᠶᠡ᠃ | ᠵᠢᠰᠤᠷ ᠪᠢᠯᠳᠠᠤᠴᠢ ᠶᠢᠨ ᠦᠭᠡᠨ ᠠᠴᠠ ᠵᠠᠶᠢᠯᠠᠵᠤ ᠬᠤᠯᠡ ᠶᠠᠪᠤ᠂ ︽ᠪᠢᠯᠳᠠᠤᠴᠢ ᠬᠥᠮᠥᠨ ᠤ ᠬᠡᠯᠡᠨ ᠳᠤ ᠨᠢ ᠪᠠᠯ᠂ | ᠰᠡᠳᠬᠢᠯ ᠳᠤ ᠨᠢ ᠬᠤᠣᠷ ᠪᠠᠶᠢᠳᠠᠭ︾ ᠶᠤᠮ᠃ ᠰᠡᠳᠬᠢᠯ ᠠᠷᠢᠭᠤᠨ᠂ ᠦᠭᠡ ᠬᠡᠯᠡ ᠠᠷᠢᠭᠤᠨ ᠪᠣᠯ ᠪᠠᠶᠠᠰᠬᠤᠯᠠᠩ | ᠵᠢᠷᠭᠠᠯᠠᠩ ᠪᠠᠶᠢᠩᠭᠤ ᠳᠠᠭᠠᠯᠳᠤᠨᠠ ᠭᠡᠳᠡᠭ ᠲᠤ ᠪᠠᠲᠤ ᠢᠲᠡᠭᠡᠵᠦ ᠪᠣᠯᠣᠨᠠ᠃ ᠰᠠᠶᠢᠨ ᠢ ᠪᠤᠳᠤᠵᠦ ᠰᠠᠶᠢᠬᠠᠨ ᠢ | ᠬᠦᠰᠡᠳᠡᠭ ᠬᠥᠮᠥᠨ ᠢ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠤᠭᠲᠤᠨ ᠲᠤᠰᠤᠨᠡ᠃ ᠥᠭᠡᠳᠡᠷᠬᠡᠭ ᠢᠲᠡᠭᠡᠯ ᠲᠠᠢ ᠬᠥᠮᠥᠨ ᠥᠰᠴᠦ | ᠥᠨᠳᠡᠶᠢᠵᠦ ᠥᠭᠡᠳᠡᠯᠡᠨ ᠲᠠᠪᠰᠢᠨᠡ᠃ | ᠰᠡᠳᠬᠢᠯ ᠠᠷᠢᠭᠤᠨ᠂ ᠪᠤᠲᠤᠯ ᠬᠦᠰᠡᠯ ᠨᠢ ᠠᠷᠢᠭᠤᠨ᠂ ᠢᠲᠡᠭᠡᠯ ᠨᠢ ᠠᠷᠢᠭᠤᠨ᠂ ᠬᠥᠮᠥᠨ ᠤ ᠦᠢᠯᠡᠰ ᠨᠢ | ᠠᠷᠢᠭᠤᠨ᠂ ᠵᠠᠮ ᠮᠥᠷ ᠨᠢ ᠴᠠᠭᠠᠨ᠂ ᠵᠠᠶᠠᠭᠠ ᠲᠠᠪᠢᠯᠠᠩ ᠥᠭᠡᠳᠡ ᠪᠠᠨ ᠪᠠᠶᠢᠳᠠᠭ ᠭᠡᠲᠡᠭ ᠲᠤ ᠪᠠᠨ ᠲᠠ ᠪᠦᠭᠦᠨ | ᠢᠲᠡᠭᠡᠵᠦ ᠨᠠᠶᠢᠳᠠᠵᠤ ᠶᠠᠪᠤᠭᠠᠰᠠᠢ ᠭᠡᠵᠦ ᠬᠦᠰᠡᠶᠡ︕ |