| ᠲᠡᠮᠡᠭᠡᠨ ᠤ ᠶᠠᠪᠤᠳᠠᠯ ᠨᠢ ᠬᠤᠷᠳᠤᠨ ᠤᠳᠠᠭᠠᠨ᠂ ᠠᠯᠬᠤᠵᠤ ᠭᠢᠰᠬᠢᠬᠦ᠂ ᠬᠥᠳᠡᠯᠦᠯ ᠪᠠᠶᠢᠳᠠᠯ᠂ ᠤᠨᠤᠵᠤ | ᠠᠴᠢᠬᠤ ᠂ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠪᠤᠶᠤ ᠠᠷᠠᠴᠢᠯᠠᠵᠤ ᠮᠠᠯᠯᠠᠬᠤ ᠵᠡᠷᠭᠡ ᠶᠠᠪᠤᠴᠠ ᠳᠤ ᠢᠯᠡᠷᠡᠭᠰᠡᠨ ᠵᠠᠩ ᠠᠪᠤᠷᠢ ᠶᠢᠨ | ᠠᠳᠠᠯᠢ ᠪᠤᠰᠤ ᠣᠨᠴᠠᠯᠢᠭ ᠠᠴᠠ ᠪᠣᠯᠵᠤ ᠲᠤᠰ ᠲᠤᠰ ᠥᠪᠡᠷᠮᠢᠴᠡ ᠭᠡᠯᠪᠠᠷᠢ ᠮᠠᠶ᠋ᠢᠭ ᠲᠠᠢ ᠪᠥᠭᠡᠳ ᠡᠨᠡ ᠨᠢ ᠬᠤᠪᠢ | ᠬᠤᠪᠢᠨ ᠳᠠᠭᠠᠨ ᠨᠡᠷᠡᠶᠢᠳᠦᠯ ᠳᠠᠭᠤᠳᠠᠯᠭᠠ ᠲᠠᠢ᠃ | ᠲᠡᠮᠡᠭᠡᠨ ᠤ ᠶᠠᠪᠤᠳᠠᠯ ᠤᠨ ᠡᠪᠲᠡᠢ ᠡᠪ ᠦᠭᠡᠢ᠂ ᠰᠠᠶᠢᠨ ᠮᠠᠭᠤ᠂ ᠬᠤᠷᠳᠤᠨ ᠤᠳᠠᠭᠠᠨ᠂ ᠭᠡᠯᠪᠠᠷᠢ ᠮᠠᠶ᠋ᠢᠭ ᠨᠢ | ᠤᠨᠤᠯᠭᠠ ᠠᠴᠢᠯᠭᠠ᠂ ᠡᠳ᠋ᠯᠡᠭᠡ ᠬᠡᠷᠡᠭᠯᠡᠭᠡ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠣᠯᠬᠤᠷ ᠨᠢᠭᠡ ᠲᠡᠮᠡᠭᠡᠨ ᠤ ᠲᠥᠷᠥᠯᠬᠢ | ᠶᠠᠪᠤᠳᠠᠯ ᠭᠡᠯᠪᠠᠷᠢ᠂ ᠵᠠᠩ ᠠᠷᠠᠨᠰᠢᠨ ᠠᠴᠠ ᠨᠢ ᠪᠣᠯᠤᠭᠰᠠᠨ ᠠᠯᠬᠤᠭᠠ ᠭᠢᠰᠬᠢᠭᠡ ᠨᠢ ᠬᠤᠵᠢᠮ ᠤᠨ ᠤᠨᠤᠯᠭᠠ | ᠠᠴᠢᠯᠭᠠ ᠵᠡᠷᠭᠡ ᠡᠳ᠋ᠯᠡᠭᠡᠨ ᠳᠤ ᠲᠣᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠳᠤ ᠵᠠᠩᠭᠢᠯᠠᠭᠠ ᠪᠤᠯᠳᠠᠭ᠃ ᠲᠡᠮᠡᠭᠡᠴᠢᠳ ᠲᠡᠮᠡᠭᠡ ᠶᠢ | ᠪᠠᠭᠠ ᠨᠠᠰᠤᠨ ᠠᠴᠠ ᠨᠢ ᠰᠤᠷᠭᠠᠬᠤ ᠳᠠᠭᠠᠨ ᠶᠠᠪᠤᠳᠠᠯ ᠭᠢᠰᠬᠢᠳᠡᠯ ᠨᠢ ᠪᠡᠶᠡ ᠳᠤ ᠡᠪᠲᠡᠢ ᠵᠥᠭᠡᠯᠡᠨ᠂ ᠠᠴᠢᠶᠠ | ᠲᠡᠭᠡᠭᠡᠪᠦᠷᠢ ᠳᠤ ᠨᠠᠮᠤᠭᠤᠬᠠᠨ ᠲᠣᠭᠲᠠᠪᠤᠷᠢᠲᠠᠢ᠂ ᠤᠨᠤᠯᠭᠠ ᠤᠷᠤᠯᠳᠤᠭᠠᠨ ᠳᠤ ᠬᠤᠷᠳᠤᠨ᠂ ᠭᠢᠰᠬᠢᠴᠡ ᠲᠠᠲᠠᠰᠢ ᠶᠢ | ᠨᠢ ᠡᠪᠯᠢᠭ ᠰᠠᠶᠢᠬᠠᠨ ᠪᠤᠯᠭᠠᠬᠤ ᠶᠢ ᠲᠤᠶᠢᠯ ᠢᠶᠠᠷ ᠠᠩᠬᠠᠷᠳᠠᠭ᠃ ᠲᠡᠷᠡᠴᠢᠯᠡᠨ ᠲᠡᠮᠡᠭᠡᠨ ᠤ ᠲᠤᠰ ᠪᠡᠶᠡ ᠶᠢᠨ ᠬᠢᠨᠢ | ᠲᠥᠷᠬᠦ ᠪᠠᠶᠢᠳᠠᠯ᠂ ᠣᠨᠴᠠᠯᠢᠭ ᠰᠢᠨᠵᠢ᠂ ᠵᠠᠩ ᠠᠷᠠᠨᠰᠢᠨ ᠢ ᠦᠨᠳᠦᠰᠦᠯᠡᠨ ︽ᠴᠡᠭᠡᠵᠢ ᠥᠷᠭᠡᠨ᠂ ᠬᠥᠯ ᠤᠷᠳᠤ᠂ ᠪᠣᠷᠪᠢ | ᠰᠠᠶᠢᠲᠠᠢ᠂ ᠲᠤᠭᠰᠢᠨ ᠰᠡᠷᠭᠦᠯᠡᠩ ᠪᠣᠲᠣᠭᠤ ᠪᠠᠶᠢᠨᠠ᠂ ᠬᠤᠷᠳᠤᠨ ᠲᠡᠮᠡᠭᠡ ᠭᠠᠷᠬᠤ ᠰᠢᠨᠵᠢ ᠲᠠᠢ᠂ ᠤᠷᠤᠯᠳᠤᠭᠠᠨ ᠳᠤ | ᠰᠤᠷᠭᠠᠶᠠ︾ ᠭᠡᠬᠦ ᠪᠤᠶᠤ ︽ᠰᠢᠯᠪᠢ ᠪᠦᠳᠦᠭᠦᠨ᠂ ᠱᠠᠭᠠ ᠬᠦᠳᠡᠷ᠂ ᠲᠠᠰᠢᠶᠠ ᠵᠤᠵᠠᠭᠠᠨ᠂ ᠪᠡᠶᠡᠷᠬᠡᠭ᠂ ᠠᠯᠬᠤᠭᠠ ᠰᠠᠶᠢᠲᠠᠢ | ᠲᠡᠮᠡᠭᠡ ᠪᠤᠯᠬᠤ ᠰᠢᠨᠵᠢ ᠲᠠᠢ᠂ ᠤᠨᠤᠯᠭᠠ ᠶᠢᠨ ᠠᠳᠠ ᠪᠣᠯᠭᠠᠶᠠ︾ ᠭᠡᠬᠦ ᠮᠡᠲᠦ ᠠᠵᠢᠭᠯᠠᠵᠤ ᠰᠢᠨᠵᠢᠭᠰᠡᠨ ᠰᠠᠭᠤᠷᠢᠨ | ᠳᠡᠭᠡᠷᠡ ᠵᠣᠷᠢᠯᠭᠠ ᠲᠠᠢ ᠪᠠᠷ ᠤᠷᠤᠯᠳᠤᠭᠠᠨ ᠤ᠂ ᠤᠨᠤᠯᠭᠠ ᠶᠢᠨ᠂ ᠠᠴᠢᠯᠭᠠ ᠶᠢᠨ ᠭᠡᠵᠦ ᠲᠤᠰ ᠲᠤᠰ ᠤᠨ ᠣᠨᠴᠠᠯᠢᠭ | ᠲᠤᠨᠢ ᠲᠣᠬᠢᠷᠠᠭᠰᠠᠨ ᠶᠠᠪᠤᠳᠠᠯ ᠭᠢᠰᠬᠢᠳᠡᠯ ᠰᠤᠷᠭᠠᠳᠠᠭ᠃ ᠵᠠᠷᠢᠮ ᠬᠥᠮᠥᠨ ᠲᠡᠮᠡᠭᠡ ᠶᠢ ᠥᠪᠡᠷ ᠤᠨ ᠳᠤᠷᠠ | ᠪᠠᠬᠠ ᠳᠠᠭᠠᠨ ᠨᠡᠶᠢᠴᠡᠭᠰᠡᠨ ᠶᠠᠪᠤᠳᠠᠯ ᠭᠢᠰᠬᠢᠳᠡᠯ ᠲᠠᠢ ᠪᠤᠯᠭᠠᠵᠤ ᠰᠤᠷᠭᠠᠬᠤ ᠤᠴᠢᠷ ᠴᠤ ᠪᠤᠢ᠃ | ᠲᠡᠮᠡᠭᠡᠨ ᠤ ᠶᠠᠪᠤᠳᠠᠯ ᠨᠢ ᠴᠣᠪᠬᠤᠷᠠᠬᠤ᠂ ᠴᠦᠮᠴᠢᠬᠦ᠂ ᠲᠠᠪᠠᠴᠠᠬᠤ ᠵᠡᠷᠭᠡ ᠤᠠᠴᠠᠭᠠᠢ ᠭᠡᠯᠪᠠᠷᠢ ᠶᠢᠨ | ᠶᠠᠪᠤᠳᠠᠯ ᠢ ᠭᠠᠷᠭᠠᠪᠠᠯ ᠪᠤᠰᠤᠳ ᠨᠢ ᠪᠦᠷ ᠡᠮᠦᠨᠡ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠢᠶᠠᠨ ᠪᠤᠷᠤᠭᠤᠲᠠᠢ ᠵᠥᠪᠲᠡᠢ ᠬᠤᠶᠠᠷ | ᠲᠠᠯᠠ ᠪᠠᠷ ᠢᠶᠠᠨ ᠵᠡᠷᠭᠡ ᠪᠠᠷ ᠡᠭᠡᠯᠵᠢᠯᠡᠭᠦᠯᠦᠨ ᠭᠢᠰᠬᠢᠵᠦ ᠶᠠᠪᠤᠳᠠᠭ᠃ ᠲᠡᠮᠡᠭᠡᠨ ᠤ ᠶᠠᠪᠤᠳᠠᠯ ᠭᠢᠰᠬᠢᠳᠡᠯ ᠨᠢ ᠪᠤᠰᠤᠳ | ᠬᠥᠯᠦᠰᠢᠨ ᠮᠠᠯ ᠲᠠᠢ ᠠᠳᠠᠯᠢ ᠦᠭᠡᠢ ᠪᠣᠯᠬᠤᠷ ᠥᠪᠡᠷᠮᠢᠴᠡ ᠨᠡᠷᠡᠶᠢᠳᠦᠯ ᠲᠠᠢ ᠪᠠᠷ ᠦᠯᠤ ᠪᠠᠷᠠᠮ ᠭᠢᠰᠬᠢᠭᠰᠡᠨ ᠮᠥᠷ | ᠨᠢ ᠴᠤ ᠠᠳᠠᠯᠢ ᠦᠭᠡᠢ᠃ | ᠦᠯᠬᠦᠬᠦ᠄ ᠶᠠᠳᠠᠷ ᠲᠤᠷᠤᠢ ᠪᠤᠶᠤ ᠭᠡᠮ ᠲᠠᠢ ᠲᠡᠮᠡᠭᠡᠨ ᠤ ᠬᠠᠮᠤᠭ ᠤᠳᠠᠭᠠᠨ᠂ ᠬᠥᠯ ᠲᠠᠲᠠᠰᠢ ᠨᠢ ᠬᠠᠮᠤᠭ | ᠣᠶᠢᠷᠠᠬᠠᠨ ᠠᠯᠬᠤᠵᠤ ᠶᠠᠪᠤᠬᠤ ᠶᠠᠪᠤᠳᠠᠯ᠃ ᠬᠥᠮᠥᠨ ᠬᠥᠲᠥᠯᠬᠦ ᠪᠤᠶᠤ ᠲᠠᠭᠤᠬᠤ ᠶᠢ ᠦᠯᠬᠦᠬᠦᠯᠬᠦ ᠭᠡᠵᠦ᠂ | ᠥᠪᠡᠷ ᠢᠶᠠᠨ ᠰᠤᠯᠠ ᠶᠠᠪᠤᠬᠤ ᠶᠢ ᠦᠯᠬᠦᠬᠦ ᠭᠡᠳᠡᠭ᠃ ᠡᠭᠦᠨ ᠢ ᠪᠠᠰᠠ ᠦᠷᠪᠠᠬᠦ ᠴᠦ ᠭᠡᠳᠡᠭ᠃ | ᠭᠡᠯᠳᠤᠷᠢᠬᠦ᠄ ᠦᠯᠬᠦᠬᠦ ᠠᠴᠠ ᠠᠷᠠᠢ ᠲᠦᠷᠭᠡᠨ ᠶᠠᠪᠤᠬᠤ ᠶᠠᠪᠤᠳᠠᠯ᠃ ᠬᠥᠮᠥᠨ ᠣᠨᠣᠭᠰᠠᠨ᠂ ᠠᠴᠢᠶᠠ | ᠠᠴᠢᠭᠰᠠᠨ ᠂ ᠲᠠᠭᠤᠬᠤ ᠪᠤᠶᠤ ᠬᠥᠲᠥᠯᠥᠭᠰᠡᠨ ᠪᠠᠶᠢᠳᠠᠯ ᠳᠣᠣᠷᠠ ᠬᠡᠷᠡᠭᠯᠡᠭᠳᠡᠬᠦ ᠬᠠᠮᠤᠭ ᠤᠳᠠᠭᠠᠨ ᠠᠯᠬᠤᠬᠤ | ᠶᠠᠪᠤᠳᠠᠯ ᠢ ᠭᠡᠯᠳᠤᠷᠢᠬᠦ ᠭᠡᠳᠡᠭ᠃ | ᠰᠠᠵᠢᠯᠠᠬᠤ᠄ ᠭᠡᠯᠳᠤᠷᠢᠬᠦ ᠠᠴᠠ ᠠᠷᠠᠢ ᠲᠦᠷᠭᠡᠨ᠂ ᠠᠯᠬᠤᠬᠤ ᠠᠴᠠ ᠪᠠᠭᠠ ᠯᠠ ᠤᠳᠠᠭᠠᠨ ᠶᠠᠪᠤᠳᠠᠯ᠃ ᠲᠠᠷᠨ | ᠨᠢ ᠬᠥᠭᠰᠢᠳ ᠨᠠᠰᠤᠲᠠᠶᠢᠴᠤᠳ ᠤᠨᠤᠬᠤ ᠪᠤᠶᠤ ᠬᠡᠦᠬᠡᠳ ᠨᠢᠯᠬᠠᠰ ᠳᠡᠭᠦᠷᠴᠦ ᠶᠠᠪᠤᠬᠤ ᠳᠤ ᠵᠣᠬᠢᠮᠵᠢᠲᠠᠢ ᠵᠥᠭᠡᠯᠡᠨ | ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠡᠶᠢᠮᠦ ᠶᠠᠪᠤᠳᠠᠯ ᠨᠢ ᠬᠡᠦᠬᠡᠳ ᠳᠡᠭᠦᠷᠬᠦ ᠪᠤᠶᠤ ᠪᠤᠭ ᠮᠠᠯ ᠬᠠᠷᠢᠭᠤᠯᠬᠤ ᠳᠤ ᠲᠣᠬᠢᠷᠠᠮᠵᠢᠲᠠᠢ᠃ | ᠠᠯᠬᠤᠬᠤ᠄ ᠲᠡᠮᠡᠭᠡᠨ ᠤ ᠠᠭᠠᠵᠢᠮ ᠶᠠᠪᠤᠳᠠᠯ ᠤᠨ ᠳᠣᠲᠣᠷᠠ ᠬᠠᠮᠤᠭ ᠤᠯᠠᠨ ᠬᠠᠷᠠᠭᠳᠠᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠲᠠᠷᠨ ᠨᠢ ᠬᠤᠯᠨ ᠵᠠᠮ ᠤᠨ ᠤᠨᠤᠯᠭᠠ ᠠᠴᠢᠯᠭᠠ᠂ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠳᠤ ᠶᠠᠳᠠᠷᠠᠭᠠ ᠪᠠᠭᠠ᠂ ᠳᠠᠭᠠᠭᠠᠴᠠ | ᠲᠡᠰᠪᠦᠷᠢᠲᠡᠢ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠠᠯᠬᠤᠬᠤ ᠶᠠᠪᠤᠳᠠᠯ ᠳᠤ ᠬᠠᠷᠠ ᠠᠯᠬᠤᠭᠠ᠂ ᠬᠠᠲᠠᠭᠤ ᠠᠯᠬᠤᠭᠠ ︵ᠰᠢᠷᠦᠭᠦᠨ | ᠠᠯᠬᠤᠭᠠ︶᠂ ᠵᠥᠭᠡᠯᠡᠨ ᠠᠯᠬᠤᠭᠠ᠂ ᠲᠦᠬᠦᠴᠠ ᠲᠠᠢ ᠠᠯᠬᠤᠭᠠ ᠵᠡᠷᠭᠡ ᠤᠯᠠᠨ ᠵᠦᠢᠯ ᠤᠨ ᠠᠯᠬᠤᠭᠠ ᠪᠣᠢ᠃ | ᠡᠭᠦᠨ ᠤ ᠳᠣᠲᠣᠷᠠ ᠠᠴᠠ ᠬᠠᠲᠠᠭᠤ ᠠᠯᠬᠤᠭᠠ ᠶᠢ ᠭᠠᠷᠭᠠᠪᠠᠯ ᠪᠤᠰᠤᠳ ᠠᠯᠬᠤᠭᠠ ᠨᠢ ᠤᠨᠤᠯᠭᠠ ᠳᠤ ᠴᠥᠮ | ᠡᠪᠯᠢᠭ ᠵᠥᠭᠡᠯᠡᠨ᠃ ᠡᠶᠢᠮᠦ ᠠᠴᠠ ᠬᠥᠮᠥᠰ ︽ᠠᠯᠬᠤᠭᠠ ᠰᠠᠶᠢᠲᠠᠢ ᠠᠳᠠ ᠪᠠᠨ ᠤᠨᠤᠵᠤ᠂ ᠠᠯᠤᠰ ᠤᠨ ᠵᠠᠮ ᠢ | ᠲᠤᠭᠤᠯᠵᠤ ᠶᠠᠪᠤᠬᠤ ᠰᠠᠶᠢᠬᠠᠨ︾ ᠭᠡᠵᠦ ᠶᠠᠷᠢᠳᠠᠭ᠃ | ᠬᠠᠷᠠ ᠠᠯᠬᠤᠭᠠ᠄ ᠠᠯᠬᠤᠬᠤ ᠶᠠᠪᠤᠳᠠᠯ ᠤᠨ ᠬᠠᠮᠤᠭ ᠬᠤᠷᠳᠤᠨ ᠶᠠᠪᠤᠳᠠᠯ᠃ ᠬᠠᠷᠠ ᠠᠯᠬᠤᠭᠠ ᠨᠢ ᠭᠠᠵᠠᠷ | ᠬᠤᠷᠣᠭᠠᠬᠤ ᠪᠠᠷ ᠰᠠᠶᠢᠨ ᠪᠥᠭᠡᠳ ᠣᠨᠣᠭᠰᠠᠨ ᠬᠥᠮᠥᠨ ᠪᠠ ᠤᠨᠤᠯᠭᠠ ᠶᠢᠨ ᠲᠡᠮᠡᠭᠡ ᠵᠤᠪᠠᠭᠤ ᠦᠭᠡᠢ ᠬᠠᠮᠤᠭ ᠰᠠᠶᠢᠨ | ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠬᠠᠷᠠ ᠠᠯᠬᠤᠭᠠ ᠳᠤ ᠬᠦᠵᠦᠭᠦᠦ ᠲᠠᠯᠪᠢᠵᠤ ᠰᠢᠯᠢ ᠬᠠᠶᠠᠯᠠᠬᠤ᠂ ᠴᠡᠭᠡᠵᠢ ᠵᠠᠶᠢᠮᠤᠵᠤ ᠬᠤᠯᠨ | ᠲᠠᠲᠠᠬᠤ ᠵᠡᠷᠭᠡ ᠲᠦᠬᠦᠴᠠ ᠲᠠᠢ ᠳᠡᠭᠡᠷᠡ ᠪᠠᠨ ᠰᠠᠶᠢᠬᠠᠨ ᠶᠠᠪᠤᠳᠠᠯ ᠤᠳ ᠪᠣᠢ᠃ | ᠬᠠᠲᠠᠭᠤ ᠠᠯᠬᠤᠭᠠ᠄ ᠬᠤᠷᠳᠤᠴᠠ ᠪᠠ ᠭᠡᠯᠪᠠᠷᠢ ᠨᠢ ᠬᠠᠷᠠ ᠠᠯᠬᠤᠭᠠ ᠲᠠᠢ ᠨᠡᠯᠢᠶᠡᠳ ᠠᠳᠠᠯᠢᠪᠲᠤᠷ | ᠪᠤᠯᠪᠠᠴᠤ ᠤᠨᠤᠯᠭᠠ ᠠᠴᠢᠯᠭᠠ ᠳᠤ ᠡᠪ ᠦᠭᠡᠢ᠂ ᠵᠠᠩᠭᠤᠷᠭᠠ ᠶᠡᠬᠡᠲᠡᠢ᠃ ᠡᠭᠦᠨ ᠢ ᠪᠠᠰᠠ ᠬᠠᠲᠠᠭᠤ ᠶᠠᠪᠤᠳᠠᠯ ᠪᠤᠶᠤ | ᠲᠦᠩᠰᠢᠶᠡ ᠠᠯᠬᠤᠭᠠ ᠭᠡᠵᠦ ᠬᠡᠯᠡᠳᠡᠭ᠃ | ᠪᠦᠭᠡᠬᠦ᠄ ᠠᠯᠬᠤᠭᠠ ᠠᠴᠠ ᠲᠦᠷᠭᠡᠨ᠂ ᠱᠣᠭᠰᠢᠶᠠ ᠠᠴᠠ ᠤᠳᠠᠭᠠᠨ ᠶᠠᠪᠤᠳᠠᠯ᠃ ᠡᠨᠡ ᠶᠠᠪᠤᠳᠠᠯ ᠨᠢ | ᠲᠠᠤᠯᠠᠢ ᠶᠢᠨ ᠪᠦᠭᠡᠭᠡ ᠲᠠᠢ ᠠᠳᠠᠯᠢᠪᠲᠤᠷ ᠪᠥᠭᠡᠳ ᠱᠣᠭᠰᠢᠶᠠ ᠶᠢ ᠪᠤᠳᠤᠪᠠᠯ ᠵᠥᠭᠡᠯᠡᠨ ᠨᠠᠮᠤᠭᠤᠨ᠃ ᠪᠦᠭᠡᠬᠦ ᠨᠢ | ᠣᠨᠣᠭᠰᠠᠨ ᠬᠥᠮᠥᠨ ᠤ ᠪᠡᠶᠡ ᠳᠤ ᠡᠪᠲᠡᠢ ᠪᠥᠭᠡᠳ ᠲᠦᠬᠦᠴᠠ ᠰᠠᠶᠢᠲᠠᠢ᠃ ᠪᠦᠭᠡᠬᠦ ᠳᠤ ᠵᠥᠭᠡᠯᠡᠨ ᠪᠦᠭᠡᠭᠡ᠂ | ᠰᠢᠷᠦᠭᠦᠨ ᠪᠦᠭᠡᠭᠡ ᠭᠡᠵᠦ ᠪᠤᠢ᠃ ᠵᠥᠭᠡᠯᠡᠨ ᠪᠦᠭᠡᠭᠡ ᠪᠣᠯ ᠶᠡᠷᠦ ᠶᠢᠨ ᠪᠦᠭᠡᠭᠡ ᠠᠴᠠ ᠪᠠᠭᠠ ᠯᠠ ᠵᠥᠭᠡᠯᠡᠨ ᠪᠥᠭᠡᠳ | ᠤᠳᠠᠭᠠᠨ ᠰᠢᠭ᠋ ᠪᠦᠭᠡᠬᠦ ᠶᠢ ᠬᠡᠯᠡᠳᠡᠭ᠃ ᠰᠢᠷᠦᠭᠦᠨ ᠪᠦᠭᠡᠭᠡ ᠪᠣᠯ ᠶᠡᠷᠦ ᠶᠢᠨ ᠪᠦᠭᠡᠭᠡ ᠠᠴᠠ ᠲᠦᠷᠭᠡᠨ ᠪᠥᠭᠡᠳ | ᠬᠠᠲᠠᠭᠤ᠂ ᠪᠦᠭᠡᠭᠡ ᠱᠣᠭᠰᠢᠶᠠ ᠬᠤᠯᠢᠯᠳᠤᠭᠤᠯᠤᠨ ᠶᠠᠪᠤᠬᠤ ᠶᠢ ᠬᠡᠯᠡᠳᠡᠭ᠃ ᠲᠤᠰ ᠶᠠᠪᠤᠳᠠᠯ ᠢᠶᠠᠷ ᠶᠠᠪᠤᠬᠤ ᠳᠤ | ᠲᠡᠮᠡᠭᠡᠨ ᠤ ᠰᠢᠯᠢ ᠵᠣᠭᠳᠣᠷ ᠨᠢ ᠪᠦᠷ ᠰᠡᠭᠰᠡᠯᠵᠡᠲᠡᠯᠡ ᠬᠦᠳᠠᠯᠳᠡᠭ ᠪᠣᠯᠬᠤᠷ ᠰᠡᠭᠡᠭᠦᠯᠦᠨᠡ᠂ ᠰᠡᠪᠢᠯᠵᠡᠭᠦᠯᠦᠨᠡ ᠭᠡᠬᠦ | ᠮᠡᠲᠦ ᠪᠠᠷ ᠬᠡᠯᠡᠬᠦ ᠴᠤ ᠪᠤᠢ᠃ |