| ︵ᠨᠢᠭᠡ︶ ᠨᠣᠶᠠᠨ ᠬᠤᠲᠤᠭᠲᠤ ᠭᠡᠭᠡᠨ ᠰᠦᠮᠡ | ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠲᠥᠪ ᠤᠯᠠᠭᠠᠨᠬᠤᠲᠠ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 35 ᠺᠢᠯᠣᠮᠧᠲᠷ᠂ ᠭᠡᠭᠡᠨᠰᠦ᠋ᠮᠠ | ᠭᠠᠯᠲᠤ ᠲᠡᠷᠭᠡᠨ ᠦᠷᠳᠡᠭᠡ ᠠᠴᠠ ᠬᠤᠶᠢᠰᠢ 1.5 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠸᠠᠩᠴᠢᠭᠵᠠᠯᠪᠤ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ | ᠪᠠᠶᠢᠷᠢᠯᠠᠵᠤ ᠪᠤᠢ᠃ ᠤᠤᠯ ᠤᠨ ᠵᠢᠷᠢᠮ ᠤᠨ ᠴᠢᠭᠤᠯᠭᠠᠨ ᠤ ᠨᠤᠨ ᠠᠷᠪᠠᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠤᠳ ᠤᠨ | ᠬᠠᠮᠲᠤ ᠪᠠᠷ ᠲᠡᠳᠬᠦᠨ ᠪᠠᠶᠢᠭᠤᠯᠵᠤ᠂ ᠡᠷᠭᠦᠵᠦ ᠰᠢᠲᠦᠳᠡᠭ ᠬᠤᠷᠴᠢᠨ ᠤ ᠨᠤᠨ ᠬᠤᠲᠤᠭᠲᠤ ᠭᠡᠭᠡᠨ ᠤ ᠰᠦᠮᠡ | ᠪᠣᠯᠣᠨᠠ᠃ ᠲᠡᠭᠦᠨ ᠤ ᠤᠤᠯ ᠰᠦᠮᠡ ᠨᠢ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠰᠢᠭᠤ ᠶᠢᠨ ᠴᠠᠭᠠᠨ | ᠯᠢᠩᠬᠤᠸᠠᠲᠤ ᠶᠢᠨ ᠬᠡᠶᠢᠳ ︵ᠪᠠᠰᠠ ᠬᠤᠰᠢᠭᠤ ᠬᠡᠶᠢᠳ︶ ᠭᠡᠵᠦ᠂ ᠣᠳᠣᠬᠢ ᠬᠢᠷᠢᠨ ᠮᠤᠵᠢ ᠶᠢᠨ ᠲᠤᠤᠨᠠᠨ | ᠬᠤᠳᠠ ᠶᠢᠨ ᠳ᠋ᠧ ᠱᠦᠨ ︵ᠲᠡᠷᠡᠰᠤᠨ︶ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠢᠶᠠᠩ ᠤᠨ ᠱᠤᠸᠠᠩ ᠲᠠ ᠲᠤᠰᠬᠤᠨ ᠳᠤ | ᠪᠠᠶᠢᠵᠤ᠂ ᠲᠡᠭᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠠᠴᠠ ︽ ᠰᠠᠮᠠᠳᠠᠢ ᠲᠤᠭᠤᠯᠤᠭᠴᠢ ᠬᠡᠶᠢᠳ︾ ᠭᠡᠳᠡᠭ ᠢᠯᠡᠷᠬᠡᠶᠢᠯᠡᠯ | ᠬᠠᠶᠢᠷᠠᠯᠠᠵᠠᠢ᠃ ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠭᠤᠷᠪᠠᠳᠤᠭᠠᠷ ᠤᠨ᠋ ᠳᠤ ᠣᠳᠣᠬᠢ ᠰᠠᠭᠤᠷᠢᠨᠠ ᠰᠢᠯᠵᠢᠭᠦᠯᠦᠨ ᠪᠠᠶᠢᠭᠤᠯᠵᠤ᠂ | ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠬᠤ ᠠᠴᠠ ᠡᠮᠦᠨᠡ ᠪᠤᠯᠳᠠᠯᠠ ᠪᠠᠳᠠᠷᠠᠯ ᠤᠨ ᠦᠶᠡ ᠳᠡᠭᠡᠨ 1200 | ᠢᠯᠡᠭᠦᠦ ᠯᠠᠮᠠ ᠪᠠᠶᠢᠪᠠ᠃ 1966 ᠣᠨ ᠳᠤ ᠪᠦᠬᠦᠨ ᠢᠶᠠᠷ ᠢᠶᠠᠨ ᠡᠪᠳᠡᠭᠳᠡᠵᠦ᠂ 1988 ᠣᠨ ᠠᠴᠠ ᠲᠠᠬᠢᠨ | ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠨᠢᠭᠡᠨᠲᠡ ᠥᠪᠥᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠣᠷᠣᠨ ᠤ ᠤᠷᠳᠤ ᠤᠳᠠᠭᠠᠨ | ᠲᠡᠦᠬᠡ ᠲᠠᠢ᠂ ᠲᠥᠪᠡᠳ ᠪᠣᠯᠣᠨ ᠬᠢᠲᠠᠳ ᠮᠠᠶ᠋ᠢᠭ ᠤᠨ ᠪᠠᠷᠢᠯᠭᠠ ᠶᠢᠨ ᠬᠡᠪ ᠨᠠᠮᠪᠠ ᠶᠢ ᠭᠦᠨ ᠬᠠᠳᠠᠭᠠᠯᠠᠭᠰᠠᠨ | ᠰᠦᠷᠯᠢᠭ ᠤᠯᠠᠨ ᠪᠠᠷᠢᠯᠭᠠ ᠲᠠᠢ ᠰᠦᠮᠡ ᠪᠣᠯᠵᠠᠢ᠃ | ᠭᠡᠭᠡᠨ ᠰᠦᠮᠡ ᠶᠢ ᠪᠠᠰᠠ ᠵᠠᠰᠠᠭᠲᠤ ᠶᠢᠨ ᠲᠠᠤᠯᠠᠶᠢᠲᠤ ᠶᠢᠨ ᠭᠡᠭᠡᠨ ᠰᠦᠮᠡ ᠭᠡᠳᠡᠭ᠃ ᠤᠤᠯ ᠤᠨ ᠭᠡᠭᠡᠨ | ᠰᠦᠮᠡ ᠴᠠᠭᠠᠨ ᠯᠢᠩᠬᠤᠸᠠᠲᠤ ᠶᠢᠨ ᠲᠠᠯᠠ ᠳᠤ ᠪᠠᠶᠢᠷᠢᠰᠢᠵᠤ᠂ ᠵᠢᠯ ᠪᠦᠷᠢ ᠲᠤᠭᠤᠷ ᠤᠨ ᠭᠤᠣᠯ ᠤᠨ ᠦᠶᠡᠷ | ᠤᠰᠤᠨ ᠳᠤ ᠠᠪᠲᠠᠭᠠᠳ ᠪᠠᠶᠢᠳᠠᠭ ᠲᠤᠯᠠ ᠬᠤᠶᠠᠳᠤᠭᠠᠷ ᠳᠦᠷᠢ ᠶᠢᠨ ᠭᠡᠭᠡᠨ ᠠᠴᠠ ᠰᠦᠮᠡ ᠶᠢ ᠨᠡᠭᠦᠯᠭᠡᠬᠦ ᠪᠠᠷ | ᠲᠣᠭᠲᠠᠪᠠ᠃ ᠨᠢᠭᠡᠨ ᠡᠳᠦᠷ ᠬᠤᠶᠠᠳᠤᠭᠠᠷ ᠳᠦᠷᠢ ᠶᠢᠨ ᠭᠡᠭᠡᠨ ᠵᠠᠰᠠᠭᠲᠤ ᠸᠠᠩ ᠤᠨ ᠬᠠᠮᠲᠤ ᠱᠠᠪᠢ ᠨᠠᠷ ᠢᠶᠠᠨ | ᠳᠠᠭᠠᠭᠤᠯᠤᠨ ᠤᠮᠠᠷᠠᠰᠢ ᠭᠠᠷᠴᠤ ᠭᠠᠵᠠᠷ ᠰᠣᠩᠭᠤᠬᠤ ᠪᠠᠷ ᠶᠠᠪᠤᠭᠰᠠᠨ ᠭᠡᠨᠡ᠃ ᠭᠡᠭᠡᠨ ᠶᠠᠪᠤᠨ ᠶᠠᠪᠤᠭᠰᠠᠭᠠᠷ ᠨᠢᠭᠡᠨ | ᠬᠥᠬᠡᠷᠡᠨ ᠬᠠᠷᠠᠭᠳᠠᠬᠤ ᠠᠭᠤᠯᠠᠨ ᠳᠡᠪᠰᠡᠭ ᠲᠤ ᠬᠦᠷᠤᠭᠡᠳ ᠣᠴᠢᠬᠤᠯᠠᠷ ᠪᠤᠳᠠ ᠪᠤᠳᠠ ᠴᠠᠬᠢᠷᠮᠠ ᠴᠡᠴᠡᠭ ᠲᠠᠯᠠ ᠶᠢ | ᠪᠦᠷᠬᠦᠨ ᠭᠠᠩᠬᠤᠨ ᠳᠡᠯᠭᠡᠷᠡᠭᠰᠡᠨ ᠭᠠᠵᠠᠷ ᠪᠠᠶᠢᠯᠠ᠃ ᠭᠡᠨᠡᠳᠲᠡ ᠲᠡᠷᠲᠡᠭᠡᠬᠢ ᠴᠠᠬᠢᠯᠳᠠᠭ ᠤᠨ ᠪᠤᠲᠠᠨ ᠠᠴᠠ ᠨᠢᠭᠡ | ᠴᠠᠭᠠᠨ ᠲᠠᠤᠯᠠᠢ ᠦᠰᠤᠷᠤᠨ ᠪᠣᠰᠪᠠ᠃ ᠵᠠᠰᠠᠭᠲᠤ ᠸᠠᠩ ᠤᠨ ᠨᠢᠭᠡ ᠲᠠᠭᠠᠭᠰᠠᠳ ᠨᠤᠮᠤ ᠰᠤᠮᠤ ᠪᠠᠨ ᠠᠪᠤᠨ | ᠬᠠᠷᠪᠤᠭᠰᠠᠨ ᠳᠤ᠂ ᠲᠡᠷᠡ ᠲᠠᠤᠯᠠᠢ ᠬᠠᠷᠢᠨ ᠵᠡᠪᠠ ᠶᠢ ᠵᠠᠭᠤᠭᠠᠳ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠭᠦᠶᠦᠭᠰᠡᠭᠡᠷ ᠤᠳᠤ ᠶᠢᠨ | ᠰᠦᠮᠡ ᠶᠢᠨ ᠰᠠᠭᠤᠷᠢᠨ ᠳᠤ ᠬᠦᠷᠦᠮᠡᠭᠴᠡ ᠪᠠᠷᠠ ᠠᠯᠠᠭᠠ ᠪᠣᠯᠤᠭᠰᠠᠨ ᠭᠡᠨᠡ᠃ ᠨᠡᠬᠡᠵᠦ ᠣᠴᠢᠭᠰᠠᠨ ᠬᠥᠮᠥᠰ | ᠦᠵᠡᠵᠦ ᠪᠠᠶᠢᠭᠠᠳ ᠲᠠᠤᠯᠠᠢ ᠶᠢ ᠠᠯᠳᠠᠨ ᠶᠠᠪᠤᠭᠤᠯᠤᠭᠠᠳ ᠡᠷᠢᠵᠦ ᠣᠯᠬᠤ ᠪᠠᠨ ᠪᠣᠯᠢᠵᠤ ᠪᠡᠶᠡ ᠡᠷᠬᠢᠨ ᠪᠤᠴᠠᠬᠤ | ᠭᠡᠲᠡᠯᠡ ᠡᠮᠦᠨᠡ ᠲᠠᠯᠠ ᠶᠢᠨ ᠳᠡᠪᠰᠡᠭ ᠳᠡᠭᠡᠷᠡ ᠲᠡᠷᠡ ᠵᠠᠪᠠ ᠨᠢ ᠬᠠᠷᠢᠨ ᠭᠠᠵᠠᠷ ᠬᠠᠳᠬᠤᠨ ᠪᠠᠶᠢᠬᠤ ᠶᠢ ᠣᠯᠵᠤ | ᠦᠵᠡᠵᠡᠢ᠃ ᠡᠨᠡ ᠬᠦ ᠬᠠᠴᠢᠨ ᠪᠠᠶᠢᠳᠠᠯ ᠢ ᠦᠵᠡᠭᠡᠳ ᠭᠡᠭᠡᠨ ᠲᠦᠷᠦᠭᠦᠯᠡᠨ ᠤᠯᠠᠨ ᠱᠠᠪᠢ ᠨᠠᠷ ᠲᠠᠢ ᠪᠠᠨ ᠶᠡᠭᠡ | ᠯᠡ ᠭᠠᠶᠢᠬᠠᠪᠠ᠃ ᠭᠡᠭᠡᠨ ᠨᠢᠳᠦ ᠡᠷᠭᠦᠨ ᠪᠠᠷᠠᠯᠠᠬᠤᠶᠠ᠂ ᠬᠤᠶᠢᠲᠤ ᠲᠠᠯᠠ ᠳᠤᠨᠢ ᠶᠠᠭ ᠠᠯᠠᠭᠠᠨ ᠳᠣᠣᠷᠠ ᠪᠠᠨ | ᠪᠥᠮᠪᠦᠭᠡ ᠳᠠᠷᠤᠨ ᠬᠡᠪᠲᠡᠵᠦ ᠪᠠᠶᠢᠭᠠ ᠠᠷᠰᠯᠠᠨ ᠮᠡᠲᠦ ᠬᠥᠬᠡᠮᠳᠦᠭ ᠠᠭᠤᠯᠠ ᠰᠡᠬᠦᠶᠢᠨ᠂ ᠪᠠᠷᠠᠭᠤᠨ ᠲᠠᠯᠠ ᠳᠤᠨᠢ | ᠬᠤᠣᠰ ᠯᠤᠤ ᠣᠷᠢᠶᠠᠯᠳᠤᠨ ᠮᠠᠭᠰᠢᠵᠤ ᠪᠠᠶᠢᠭᠠ ᠮᠡᠲᠦ ᠭᠦᠢᠯᠡᠷ ᠭᠤᠣᠯ ᠮᠢᠷᠠᠯᠵᠠᠨ ᠤᠷᠤᠰᠴᠤ᠂ ᠵᠡᠭᠦᠨ ᠲᠠᠯᠠ ᠳᠤᠨᠢ | ᠠᠯᠳᠠᠨ ᠭᠠᠷᠤᠳᠢ ᠵᠢᠭᠦᠷ ᠢᠶᠠᠨ ᠳᠡᠯᠭᠡᠮᠡᠷ ᠪᠠᠶᠢᠭᠠ ᠮᠡᠲᠦ ᠲᠤᠪᠤ ᠲᠣᠯᠣᠭᠠᠢ ᠰᠦᠮᠪᠦᠷᠯᠡᠭᠡᠳ᠂ ᠡᠮᠦᠨᠡ ᠲᠠᠯᠠ ᠳᠤᠨᠢ | ᠬᠦᠴᠦᠲᠦ ᠪᠠᠷᠰ ᠪᠠᠮᠪᠠᠷ ᠢᠶᠠᠨ ᠳᠠᠭᠠᠭᠤᠯᠤᠨ ᠴᠤᠪᠤᠵᠤ ᠪᠠᠶᠢᠭᠠ ᠮᠡᠲᠦ ᠮᠦᠩᠬᠡᠰᠢ ᠬᠠᠳᠠ ᠬᠥᠬᠡᠷᠡᠨᠡ᠃ ᠭᠡᠭᠡᠨ ᠡᠨᠡ | ᠬᠦ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠰᠠᠶᠢᠬᠠᠨ ᠭᠠᠵᠠᠷ ᠢ ᠪᠠᠭ᠋ᠠᠷᠬᠠᠨ᠂ ᠬᠠᠰ ᠲᠠᠤᠯᠠᠢ ᠵᠠᠪᠠ ᠶᠢ ᠬᠠᠳᠬᠤᠭᠰᠠᠨ ᠭᠠᠵᠠᠷ | ᠠᠯᠳᠠᠨ ᠵᠣᠭᠤᠰ ᠪᠤᠯᠠᠭᠤᠯᠵᠤ᠂ ᠡᠨᠡ ᠭᠠᠵᠠᠷ ᠰᠦᠮᠡ ᠪᠠᠶᠢᠭᠤᠯᠪᠠᠯ ᠯᠠᠪᠲᠠᠢ ᠱᠠᠰᠢᠨ ᠳᠡᠯᠭᠡᠷᠡᠵᠦ ᠠᠮᠢᠳᠠᠨ | ᠵᠢᠷᠭᠤᠭᠠᠨ ᠵᠦᠢᠯ ᠠᠮᠤᠭᠤᠯᠠᠩ ᠪᠣᠯᠵᠤ ᠲᠡᠶᠢᠯᠤᠨᠡ ᠭᠡᠵᠦ ᠰᠦᠮᠡ ᠪᠠᠨ ᠡᠡ᠊ᠨᠳᠡ ᠪᠠᠶᠢᠭᠤᠯᠬᠤ ᠪᠠᠷ ᠲᠣᠭᠲᠠᠭᠰᠠᠨ | ᠭᠡᠨᠡ᠃ | ᠭᠡᠭᠡᠨ ᠰᠦᠮᠡ ᠨᠢ ᠤᠳᠤ ᠬᠢᠩᠭᠠᠨ ᠠᠶᠢᠮᠠᠭ ᠲᠡᠷᠡᠴᠢᠯᠡᠨ ᠵᠡᠭᠦᠨ ᠮᠣᠩᠭᠤᠯ ᠣᠷᠣᠨ᠂ ᠬᠢᠷᠢᠨ᠂ ᠯᠢᠶᠤᠤᠨᠢᠩ᠂ | ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ ᠵᠡᠷᠭᠡ ᠮᠤᠵᠢ ᠬᠤᠳᠠ ᠶᠢᠨ ᠮᠥᠷᠭᠦᠯᠴᠢᠳ ᠤᠨ ᠰᠦᠰᠦᠭ ᠪᠢᠰᠢᠷᠡᠯᠲᠦ ᠣᠷᠣᠨ ᠪᠣᠯᠵᠤ᠂ | ᠪᠤᠷᠬᠠᠨ᠋ ᠤ ᠱᠠᠰᠢᠨ ᠤ ᠰᠣᠶᠣᠯ ᠪᠠ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠤᠨ ᠵᠤᠭᠠᠴᠠᠯ ᠤᠨ ᠣᠷᠣᠨ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ |