ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠪᠠᠭ᠋ᠠᠷᠬᠠᠯᠳᠥ ᠰᠢᠭᠤᠶᠢᠳᠥ
ᠦᠢᠯᠡᠴᠢᠯᠡᠭᠡ
ᠨᠤᠲᠤᠭ ᠤᠨ ᠤᠷᠮᠠᠰ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/10/19
                        ᠨᠠ᠊ · ᠵᠢᠷᠭᠠᠯ  ᠨᠢᠭᠡ               ᠲᠦᠮᠡ ᠪᠤᠮᠠᠨ ᠴᠡᠴᠡᠭ       ᠳᠡᠯᠭᠡᠷᠡᠨ ᠮᠢᠷᠠᠯᠵᠠᠭᠰᠠᠨ ᠲᠠᠯ᠎ᠠ       ᠲᠠᠩᠰᠤᠭ ᠪᠠᠶᠠᠨ ᠰᠦᠷᠦᠭ       ᠲᠦᠯᠵᠢᠨ ᠪᠡᠯᠴᠢᠭᠰᠡᠨ ᠨᠤᠲᠤᠭ       ᠵᠦᠢᠯ ᠤᠨ ᠤᠯᠠᠨ ᠰᠢᠪᠠᠭᠤ       ᠵᠢᠷᠭᠢᠨ ᠨᠢᠰᠦᠭᠰᠡᠨ ᠦᠵᠡᠮᠵᠢ       ᠵᠠᠭᠤ ᠮᠢᠩᠭᠠᠨ ᠤᠷᠭᠤᠮᠠᠯ       ᠵᠢᠰᠦ ᠪᠠᠨ ᠲᠤᠯᠢᠳᠠᠭᠰᠠᠨ ᠨᠠᠭᠤᠷ       ᠪᠤᠮ ᠰᠠᠶ᠎ᠠ ᠤᠨ ᠤ       ᠪᠤᠭᠤᠷᠤᠯ ᠲᠡᠤᠬᠡ ᠶᠢᠨ ᠳᠤᠮᠤᠭ       ᠪᠤᠶᠠᠨ ᠬᠡᠰᠢᠭᠲᠦ ᠨᠤᠲᠤᠭ ᠤᠨ       ᠪᠤᠷᠬᠠᠨ ᠢᠪᠡᠭᠡᠭᠰᠡᠨ ᠪᠠᠭᠤᠴᠠ               ᠬᠤᠶᠠᠷ               ᠠᠰᠬ᠎ᠠ ᠴᠠᠪᠴᠢᠯ ᠬᠠᠳᠠ ᠨᠢ       ᠠᠭᠯᠠᠭ ᠰᠢᠭᠤᠢ ᠪᠠᠨ ᠨᠦᠮᠦᠷᠢᠯᠡᠨ᠎ᠡ       ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠭᠤᠤᠯᠲᠠᠨ ᠨᠢ       ᠠᠮᠤᠷ ᠲᠠᠶᠢᠪᠤᠩ ᠲᠦᠯᠵᠢᠨ᠎ᠡ       ᠦᠵᠡᠮᠵᠢ ᠶᠢᠨ ᠰᠠᠶᠢᠬᠠᠨ ᠰᠢᠭᠤᠢ       ᠤᠷᠭᠤᠭ᠎ᠠ ᠪᠢᠲᠡᠭᠦᠦ ᠪᠠᠭᠰᠢᠷᠠᠨ᠎ᠠ       ᠦᠵᠡᠰᠭᠦᠯᠡᠩ ᠤᠨ ᠭᠤᠶᠤᠬᠠᠨ ᠠᠭᠤᠯᠠᠰ       ᠦᠵᠡᠬᠦ ᠨᠢᠳᠦ ᠶᠢ ᠬᠤᠵᠢᠷᠯᠠᠨ᠎ᠠ       ᠦᠶᠦᠭ ᠲᠠᠪᠠᠲᠠᠢ ᠰᠦᠷᠦᠭ       ᠦᠨᠢᠷ ᠦᠰᠦᠯᠲᠡ ᠶᠢ ᠪᠡᠯᠭᠡᠳᠡᠨ᠎ᠡ       ᠦᠯᠵᠡᠢ ᠪᠤᠶᠠᠨ ᠰᠤᠶᠤᠷᠬᠠᠭᠰᠠᠨ       ᠡᠬᠡ ᠨᠤᠲᠤᠭ ᠤᠨ ᠰᠢᠲᠦᠭᠡᠨ               ᠭᠤᠷᠪᠠ               ᠡᠭᠦᠯᠡᠨ ᠬᠦᠬᠡ ᠶᠢᠨ ᠦᠤᠷᠰᠡᠯ ᠲᠠᠢ       ᠠᠷᠤ ᠬᠤᠷᠴᠢᠨ ᠤ ᠠᠳᠤᠭᠤ       ᠠᠷᠤ ᠦᠪᠦᠷ ᠲᠤ ᠴᠣᠤᠲᠠᠢ       ᠠᠵᠢᠨᠠᠢ ᠬᠦᠯᠦᠭ ᠤᠨ ᠨᠤᠲᠤᠭ       ᠵᠢᠭᠦᠷᠲᠦ ᠬᠦᠯᠦᠭ ᠴᠤᠯᠭᠤᠷᠠᠭᠰᠠᠨ       ᠵᠦᠩ ᠪᠢᠯᠢᠭᠲᠦ ᠪᠠᠭᠤᠴᠠ       ᠵᠠᠭᠤ ᠮᠢᠩᠭᠠᠨ ᠳᠤ ᠠᠯᠳᠠᠷ ᠲᠠᠢ       ᠵᠢᠰᠦᠮ ᠨᠢᠭᠡᠲᠡᠢ ᠮᠤᠷᠢᠳ       ᠠᠩᠬ᠎ᠠ ᠡᠷᠲᠡ ᠶᠢᠨ ᠴᠠᠭ ᠠᠴᠠ       ᠠᠶᠤᠩᠭ᠎ᠠ ᠴᠠᠬᠢᠯᠭᠠᠨ ᠮᠡᠲᠦ ᠭᠦᠶᠦᠳᠡᠯ       ᠠᠽᠢᠶ᠎ᠠ ᠳᠤᠷᠤᠨᠠᠲᠦ ᠶᠢᠨ ᠭᠠᠵᠠᠷ       ᠠᠯᠲᠠᠨ ᠮᠦᠷ ᠨᠢ ᠳᠤᠷᠠᠶᠢᠨ᠎ᠠ       ᠪᠤᠮ ᠪᠤᠮ ᠢᠶᠠᠷ ᠦᠰᠳᠡᠭ       ᠪᠤᠶᠠᠨ ᠬᠡᠰᠢᠭ ᠤᠨ ᠬᠤᠷᠤᠢ ᠲᠠᠢ       ᠪᠤᠰᠤᠭ᠎ᠠ ᠮᠤᠩᠭᠤᠯ ᠬᠦᠮᠦᠨ ᠤ       ᠪᠢᠯᠢᠭ ᠤᠬᠠᠭᠠᠨ ᠤ ᠭᠠᠶᠢᠬᠠᠮᠰᠢᠭ       ᠪᠠᠭᠠᠲᠤᠷ ᠰᠦᠷ ᠢ ᠭᠢᠯᠠᠯᠵᠠᠭᠤᠯᠤᠭᠰᠠᠨ       ᠪᠠᠭ᠋ᠠᠳᠤᠨ ᠳᠠᠭᠤᠯᠠᠬᠤ ᠤᠷᠠᠢ       ᠪᠢᠴᠢᠭᠡᠳ ᠪᠢᠴᠢᠭᠡᠳ ᠪᠠᠷᠠᠰᠢ ᠦᠭᠡᠢ       ᠪᠠᠶᠠᠨ ᠰᠦᠷᠦᠭ ᠤᠨ ᠴᠣᠤᠷᠠᠢ               ᠳᠦᠷᠪᠡ               ᠮᠢᠩᠭ᠎ᠠ ᠮᠢᠩᠭ᠎ᠠ ᠪᠠᠷ ᠦᠷᠡᠵᠢᠬᠦ       ᠮᠢᠨᠤ ᠨᠤᠲᠤᠭ ᠤᠨ ᠪᠠᠶᠠᠨ ᠰᠦᠷᠦᠭ       ᠮᠤᠩᠭᠤᠯ ᠰᠠᠶᠢᠬᠠᠨ ᠦᠵᠡᠮᠵᠢ       ᠮᠢᠩᠭᠠᠨ ᠮᠢᠩᠭᠠᠨ ᠤ ᠵᠢᠷᠤᠭᠯᠠᠯ       ᠮᠢᠨᠳᠠᠰᠤ ᠴᠠᠭᠠᠨ ᠬᠤᠨᠢᠳ       ᠮᠠᠶᠢᠯᠠᠯᠳᠤᠬᠤ ᠤᠶᠠᠬᠠᠨ ᠡᠭᠡᠰᠢᠭ       ᠮᠠᠯᠴᠢᠨ ᠬᠦᠮᠦᠨ ᠤ ᠪᠠᠭ᠋ᠠᠳᠤᠯ       ᠮᠠᠭᠲᠠᠨ ᠳᠠᠭᠤᠯᠠᠬᠤ ᠤᠶᠠᠩᠭ᠎ᠠ        ᠮᠦᠭᠡᠷᠦᠬᠦ ᠦᠬᠡᠷ ᠤᠨ ᠬᠡᠰᠢᠭ       ᠮᠠᠩᠨᠤᠭ ᠲᠠᠯ᠎ᠠ ᠶᠢᠨ ᠴᠢᠮᠡᠭ       ᠮᠡᠨᠳᠦ ᠶᠢᠨ ᠵᠦᠩᠨᠡᠯ ᠬᠤᠷᠤᠶᠢᠯᠠᠭᠰᠠᠨ       ᠮᠠᠨᠳᠤᠭᠰᠠᠨ ᠴᠠᠭ ᠤᠨ ᠡᠷᠳᠡᠨᠢ       ᠮᠦᠩᠭᠦᠨ ᠴᠠᠭᠠᠨ ᠢᠮᠠᠭᠠᠳ       ᠮᠤᠩᠭᠤᠯ ᠤᠷᠤᠨ ᠤ ᠡᠷᠳᠡᠨᠢ       ᠮᠦᠩᠬᠡ ᠶᠢᠨ ᠬᠡᠰᠢᠭ ᠳᠠᠯᠠᠯᠤᠭᠰᠠᠨ       ᠮᠠᠩᠯᠠᠢ ᠠᠮᠢᠳᠤᠷᠠᠯ ᠤᠨ ᠬᠦᠷᠦᠩᠭᠡ       ᠮᠢᠩᠭᠠᠨ ᠠᠭᠲᠠ ᠶᠢᠨ ᠰᠦᠷᠦᠭ       ᠮᠦᠷᠡᠨ ᠲᠠᠩᠬᠢᠰ ᠤᠨ ᠳᠠᠪᠠᠯᠭᠠᠨ       ᠮᠤᠩᠭᠤᠯ ᠬᠦᠮᠦᠨ ᠤ ᠰᠦᠯᠳᠡ       ᠮᠦᠩᠬᠡ ᠲᠡᠭᠷᠢ ᠶᠢᠨ ᠴᠣᠤᠷᠠᠢ               ᠲᠠᠪᠤ               ᠰᠦᠷᠯᠢᠭ ᠰᠠᠶᠢᠬᠠᠨ ᠠᠭᠤᠯᠠᠰ       ᠮᠢᠩᠭᠠᠨ ᠪᠠᠷ᠎ᠠ ᠶᠢᠨ ᠦᠵᠡᠰᠭᠦᠯᠡᠩ       ᠲᠦᠮᠡᠨ ᠵᠦᠢᠯ ᠤᠨ ᠤᠷᠭᠤᠮᠠᠯ       ᠮᠤᠩᠭᠤᠯ ᠨᠤᠲᠤᠭ ᠤᠨ ᠰᠤᠨᠢᠷᠬᠠᠯ       ᠠᠪᠤᠷᠭᠤ ᠪᠦᠬᠡ ᠶᠢᠨ ᠦᠯᠦᠭᠡᠢ       ᠠᠰᠢᠲᠠ ᠶᠢᠨ ᠬᠡᠢ ᠮᠤᠷᠢ ᠲᠠᠢ ᠨᠤᠲᠤᠭ       ᠤᠵᠠᠭᠤᠷ ᠲᠡᠤᠬᠡ ᠶᠢᠨ ᠳᠤᠮᠤᠭ       ᠣᠤᠭᠠᠯ ᠰᠤᠶᠤᠯ ᠤᠨ ᠭᠤᠯᠤᠮᠲᠠ       ᠮᠦᠩᠬᠡ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠲᠠᠢ       ᠮᠢᠨᠤ ᠨᠤᠲᠤᠭ ᠤᠨ ᠠᠭᠤᠯᠠ ᠤᠰᠤ       ᠮᠢᠩᠭᠠᠨ ᠮᠢᠩᠭᠠᠨ ᠳᠤ ᠪᠠᠭ᠋ᠠᠷᠬᠠᠯ ᠲᠠᠢ       ᠮᠠᠭᠲᠠᠭᠠᠳ ᠪᠠᠷᠠᠰᠢ ᠦᠭᠡᠢ ᠦᠵᠡᠮᠵᠢ        ᠲᠠᠩᠰᠤᠭ ᠰᠦᠷᠦᠭ ᠤᠨ ᠬᠡᠰᠢᠭ       ᠲᠠᠯ᠎ᠠ ᠶᠢᠨ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ       ᠲᠦᠮᠡ ᠲᠦᠮᠡ ᠪᠠᠷ ᠦᠷᠡᠵᠢᠬᠦ       ᠳᠤᠮᠤᠭ ᠤᠨ ᠰᠠᠶᠢᠬᠠᠨ ᠬᠦᠳᠡᠭᠡ               ᠵᠢᠷᠭᠤᠭ᠎ᠠ               ᠦᠪ ᠰᠤᠶᠤᠯ ᠤᠨ ᠪᠤᠶᠠᠨᠲᠦ ᠪᠠᠭᠤᠴᠠ       ᠢᠵᠠᠭᠤᠷ ᠠᠮᠢᠳᠤᠷᠠᠯ ᠤᠨ ᠠᠷᠢᠭᠤᠨ ᠤᠷᠤᠨ       ᠠᠳᠤᠭᠤ ᠮᠠᠯ ᠤᠨ ᠲᠠᠩᠰᠤᠭ ᠳᠠᠯᠠᠢ       ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠳᠤᠯᠠᠭᠠᠨ ᠨᠤᠲᠤᠭ       ᠤᠢ ᠪᠢᠯᠢᠭ ᠤᠨ ᠰᠢᠲᠦᠭᠡᠨᠲᠦ ᠤᠷᠤᠨ       ᠡᠬᠡ ᠬᠡᠯᠡᠨ ᠤ ᠵᠤᠵᠠᠭᠠᠨ ᠬᠦᠷᠦᠰᠦ       ᠳᠡᠯᠡᠬᠡᠢ ᠶᠢᠨ ᠪᠤᠯᠪᠠᠰᠤᠨ ᠤ ᠤᠵᠠᠭᠤᠷ ᠭᠠᠵᠠᠷ       ᠲᠡᠤᠬᠡ ᠶᠢᠨ ᠬᠠᠭᠤᠳᠠᠰᠤᠨ ᠤ ᠮᠦᠩᠬᠡ ᠲᠡᠮᠳᠡᠭᠯᠡᠯ       ᠲᠠᠯ᠎ᠠ ᠶᠢᠨ ᠮᠠᠯᠴᠢᠳ ᠤᠨ ᠠᠭᠤᠤ ᠪᠦᠲᠦᠭᠡᠯ       ᠳᠠᠶᠠᠭᠠᠷ ᠲᠦᠮᠡᠨ ᠤ ᠦᠨᠡᠮᠰᠢᠭᠰᠡᠨ ᠭᠡᠷᠡᠴᠢ       ᠮᠢᠩᠭᠠᠨ ᠤᠨ ᠤ ᠠᠶᠠᠨ ᠤ ᠮᠦᠷ       ᠮᠠᠷᠲᠠᠵᠤ ᠪᠤᠯᠬᠤ ᠦᠭᠡᠢ ᠢᠷᠠᠭᠤ ᠳᠠᠭᠤᠯᠠᠯ       ᠳᠠᠭᠤᠯᠠᠭᠠᠳ ᠳᠠᠭᠤᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ       ᠭᠢᠯᠠᠯᠵᠠᠭᠰᠠᠨ ᠲᠡᠮᠳᠡᠭᠯᠡᠯ ᠤᠨ ᠡᠭᠡᠰᠢᠭ       ᠪᠠᠭ᠋ᠠᠳᠤᠭᠠᠳ ᠪᠠᠭ᠋ᠠᠳᠤᠭᠠᠳ ᠳᠠᠭᠤᠰᠤᠰᠢ ᠦᠭᠡᠢ       ᠮᠦᠩᠬᠡ ᠰᠤᠶᠤᠯ ᠤᠨ ᠬᠢᠯᠢᠴᠢᠳ               ᠳᠤᠯᠤᠭ᠎ᠠ               ᠬᠠᠨᠠᠭᠠᠷ ᠲᠠᠯ᠎ᠠ ᠶᠢᠨ ᠵᠠᠮ ᠢᠶᠠᠷ       ᠬᠠᠰᠠᠭ ᠲᠡᠷᠭᠡ ᠪᠠᠨ ᠬᠦᠲᠦᠯᠦᠨ       ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠲᠤᠭ ᠢᠶᠠᠨ       ᠬᠠᠷᠠᠨ ᠬᠠᠷᠠᠨ ᠴᠢᠭᠯᠡᠳᠡᠭ ᠶᠤᠮ       ᠬᠠᠩᠪᠤ ᠲᠤᠷᠭ᠎ᠠ ᠳᠡᠯᠭᠡᠭᠰᠡᠨ ᠰᠢᠭ       ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠪᠡᠯᠴᠢᠭᠡᠷ       ᠬᠠᠰ ᠡᠷᠳᠡᠨᠢ ᠳᠡᠯᠭᠡᠭᠰᠡᠨ ᠮᠡᠲᠦ       ᠬᠠᠷᠠᠴᠠ ᠶᠢ ᠪᠤᠯᠢᠶᠠᠬᠤ ᠤᠷᠤᠨ ᠶᠤᠮ       ᠬᠠᠶᠢᠷ᠎ᠠ ᠶᠢ ᠳᠠᠩᠳᠠ ᠪᠠᠨ ᠲᠠᠲᠠᠬᠤ       ᠬᠠᠳᠠ ᠬᠠᠶᠢᠷᠬᠠᠨ ᠦᠵᠡᠰᠭᠦᠯᠡᠩ       ᠬᠠᠷᠠᠭ᠎ᠠ ᠶᠢ ᠬᠤᠵᠢᠷᠯᠠᠨ ᠮᠢᠷᠠᠯᠵᠠᠬᠤ       ᠬᠠᠯᠭᠢᠯᠠᠨ ᠳᠤᠯᠭᠢᠶᠠᠯᠠᠬᠤ ᠤᠷᠭᠤᠮᠠᠯ       ᠬᠠᠨ ᠲᠡᠭᠷᠢ ᠠᠴᠠ ᠬᠡᠰᠢᠭ ᠲᠠᠢ       ᠬᠠᠶᠢᠷᠠᠲᠦ ᠮᠢᠨᠤ ᠨᠤᠲᠤᠭ       ᠬᠤᠤᠰ ᠦᠭᠡᠢ ᠭᠤᠶᠤᠬᠠᠨ ᠦᠵᠡᠮᠵᠢ ᠲᠠᠢ       ᠬᠤᠪᠳᠤᠯ ᠵᠢᠷᠦᠬᠡᠨ ᠤ ᠤᠶᠠᠭ᠎ᠠ ᠶᠤᠮ       ᠬᠤᠩᠭᠤᠷᠬᠠᠨ ᠬᠤᠭᠤᠯᠠᠢ ᠪᠠᠷ ᠳᠠᠭᠤᠯᠠᠬᠤ       ᠬᠤᠯᠠ ᠶᠢᠨ ᠠᠭᠤᠳᠠᠮ ᠪᠠᠷ᠎ᠠ       ᠬᠤᠨᠤᠵᠤ ᠦᠨᠵᠢᠨ ᠠᠶᠠᠯᠠᠬᠤ       ᠬᠦᠳᠡᠭᠡ ᠬᠡᠭᠡᠷ᠎ᠡ ᠶᠢᠨ ᠵᠠᠮ       ᠬᠦᠷᠦᠭᠡᠳ ᠬᠦᠷᠦᠭᠡᠳ ᠢᠷᠡᠮᠡᠷ       ᠬᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠲᠠᠯ᠎ᠠ ᠶᠤᠮ               ᠨᠠᠢᠮᠠ               ᠲᠠᠭᠠᠨ᠎ᠠ ᠶᠢᠨ ᠦᠨᠦᠷ ᠰᠡᠩᠭᠢᠨᠡᠨ       ᠲᠠᠩᠰᠤᠭ ᠰᠦᠷᠦᠭ ᠪᠦᠮᠪᠦᠯᠵᠡᠨ᠎ᠡ       ᠲᠠᠩᠬᠢᠯ ᠮᠠᠯᠴᠢᠨ ᠤ ᠳᠠᠭᠤᠨ ᠳᠤ       ᠳᠡᠪᠳᠡᠷᠢᠬᠦ ᠰᠢᠪᠠᠭᠤᠳ ᠵᠢᠷᠭᠢᠨ᠎ᠡ       ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ᠎ᠠ ᠠᠴᠠ       ᠲᠠᠪᠤᠨ ᠦᠩᠭᠡ ᠶᠢᠨ ᠰᠤᠯᠤᠩᠭ᠎ᠠ       ᠲᠠᠯ᠎ᠠ ᠶᠢᠨ ᠦᠵᠡᠮᠵᠢ ᠲᠠᠢ       ᠳᠡᠯᠭᠡᠷᠡᠬᠦ ᠴᠡᠴᠡᠭᠡᠰ ᠮᠢᠷᠠᠯᠵᠠᠨ᠎ᠠ       ᠳᠡᠷᠲᠡᠭᠡ ᠠᠭᠤᠯᠠᠰ ᠤᠨ ᠵᠡᠷᠭᠡᠯᠭᠡᠨ ᠳᠤ       ᠲᠠᠭᠲᠦ ᠠᠰᠠᠷ ᠰᠦᠮᠡᠯᠵᠡᠨ᠎ᠡ       ᠲᠡᠮᠡᠦᠯᠦᠭᠡᠳ ᠢᠷᠡᠬᠦ ᠠᠳᠤᠭᠤᠳ       ᠳᠡᠯ ᠰᠡᠭᠰᠦᠷᠦᠨ ᠲᠤᠭᠯᠠᠯᠳᠤᠨ᠎ᠠ       ᠳᠠᠭᠤᠴᠢᠨ ᠬᠦᠬᠦᠭᠡ ᠶᠢᠨ ᠤᠶᠠᠩᠭ᠎ᠠ       ᠲᠤᠭᠤᠷᠠᠢ ᠶᠢᠨ ᠠᠶᠢᠵᠠᠮ ᠡᠭᠡᠰᠢᠭᠯᠡᠨ᠎ᠡ       ᠲᠤᠩᠭᠠᠯᠠᠭ ᠨᠠᠭᠤᠷ ᠤᠨ ᠤᠰᠤᠨ ᠳᠤ       ᠳᠠᠭᠤ ᠪᠠᠨ ᠴᠢᠩᠨᠠᠨ ᠱᠠᠭᠰᠢᠨ᠎ᠠ       ᠲᠡᠭᠷᠢ ᠶᠢᠨ ᠬᠡᠰᠢᠭᠲᠦ ᠨᠤᠲᠤᠭ       ᠳᠠᠭᠤᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ ᠭᠤᠶᠤᠬᠠᠨ︕
  
ᠢᠷᠡᠯᠲᠡ᠄ ᠠᠷᠠᠳ ᠤᠨ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号